Ka Makaainana, Volume II, Number 3, 16 July 1894 — Page 5

Ka Makaainana.

HONOLULU, OAHU, POAKAHI, IULAI 16, 1894

 

KELA IKE MUA IA ANA.

___________

 

Haohao loa makou i kahi a na nupepa namu o kela aoao e kaena a e painuu nei no ka ike piha ia o ka Repubalika o Hawaii, a ua hoakaka ae hoi ka na welo mikanele ohua palemo alaula mamuli o ka hoouna ana mai o Amerika Huipuia he elua mau Elele i ke Aupuni Kuikawa @ mauliawa iho nei, ua like no ka ia me ka ike piha ia.  Eia nae, o ka Amerika Huipuia ike wale ana no, oia no ka Kuhina Kiwini i pau ike aua i Ianuari 17, 1893, a Kuhina Wilisi hoi i ike aku nei e like no me ia, oia hoi, “ke panee aku nei i ka Repubalika o Hawaii i ka ike ana e like no me ia i haawiia ai i kona mua, ke Aupuni Kuikawa o ko Hawaii Paeaina.”  Nolaila, ma keia wahi la, ke unuhi aku nei makou i kela ikeia ana o ke Aupuni Kuikawa e Kuhina Kiwini, i hiki ai hoi ke hoomaopopoia ka Kuhina Wilisi ike o ka la 5 nei, peneia iho:

 

Oiai, ua kukuluia ae nei hoi he Aupuni Kuikawa ma kahi o ke Aupuni iho nei o ka Moi Liliuokalani, a aia hoi i ke Aupuni Kuikawa ka hoomalu piha ana o ka Hale Aupuni, ka waihona o na palapala pili moolelo a me ka Waihona Dala, a ke hoomalu nei hoi i ko Hawaii Paeaina, ke ike aku nei au ma keia i ua Aupuni Kuikawa la ma ke ano oia ke Aupuni manawa (de facto) o ko Hawaii Paeaina.

            JOHN L. STEVENS,

Elele Kiekie a Kuhina Mana

   Nui o Amerika Huipuia.

 

Ma ia ike ana o Amerika Huipuia, aohe i ike piha ia ke Aupuni Kuikawa ma ke ano oia ke Aupuni kumu (de jure), nolaila, aole no i ike piha ia ka Repubalika o Hawaii ma ke ano he Aupuni piha, aka, ma ke ano hapa wale no.  Pela no i pololei ai ka makou i olelo ai ma ka holu i hala- ua ike hapa ia.

_____________________

 

“HUAI KA ULU O LELE.”

______

Ina he oiaio na olelo i kuhiia na Ianua (Keoni Ina) i kamailio i kana wahine makua, Mrs. Kieke Kaae, e hele aku e olelo i na kanaka e lele kaua aku a e luku ia lakou a pau iI ka la kukala Aupuni Repubalika o lakou, he keu oia a ka lapuwale a akaka no hoi kona ano lahui okoa.  Me kona maopopo no ua makaukau ko lakou poe a ma na wahi like ole ka pee nui ana, koi mai i ke ka lahui lele makapo aku.  Auwe no hoi k@ ino o keia hapa-Pake i hanauia mai e ka puhaka o kekahi wahine Hawaii.

______

 

Nui ka pioloke o na mamo a me na welo Repubalika no ka holo o kekahi Komisina Alii e imi i ko ka lahui pono.  Loheia mai o Alaalapalu ka ka hou i kona ihu ma o a maanei, no ke ake e maopopo ka manao o keia hoouna ana i na Elele.  Oia a me lakou no a pau, aole i oluolu ka manao no keia ala ae o ko ka lahui aoao a nai aku no lakou iho, a ua nui hoi ko lakou hopohopo.

______

 

O kekahi o na lono lauahea ae i keia mau la iho ia, oia ka ka hoohokaia ana o ua poe pakaha nei ia lakou i onou aku ai i ka lakou kukahi ia Kuhina Wilisi, no ka hoohui aku ia Hawaii nei me Amerika Huipuia.  Me ko lakou ike hapa ia no, onou wale aku la no, a, wahi a ka lonoia mai, ua hooleia mai, aole ke Kuhina i ae e lawe aku i ka lakou kumuhinu hou.  Pela iho la no lakou e hoohoka mau ia ai, a ku ke ahua a hana ka haawe, aohe nae he wahi mea a hilahila iki.  Ua nele lakou me ia haawina o ka hilahila.

______

 

Hoomakeaka wale no hoi ka holo paukiki ana o na Elele J. W. Kalua a me J. K. Iosepa, i ukaliia hoi o J. U. Kawainui, maluna o kekahi kaa Pake i ka auwina la Poalua i hala iho la, a ku nui ana imua o Kuhina Wilisi ma Waikiki me ke kuu ole iho o ka nae, Eia ka, i wini nui aku e hoike i ko lakou hoomaikai pilikino ma ko lakou ana Hawaii-Ilikini no ko ke Kuhina ike hapa ana i ko lakou Aupuni Repubalika hou.  Lonoia mai aohe lakou i lihi hoihoi ia mai a he neo loa ka mihimihiia mai me ka puili pumehana.

______

 

Mamuli o ko lakou kau ana aku hoi ma kekahi kaapio Pake, hoomanao ai makou no ko Kalua holo ana no maluna o kekahi kaa Pake no na hana haiolelo o ka la 4 nei ma Pawaa.  Ka i no hoi e kokua ia lakou haole Repubalika, eia ka i kahi okoa e kiola ai i kahi ola, i na poe hoi o ka lahui hoino nui a lakou, a

“Akaka wale no Haleakala,

Ka uwe a ke kini o Koolau.”

______

 

O kekahi ka o na makemake o ke kumukanawai hou o ka Repubalika a na oehaa, oia ka lawe o na poe e wa@ia ana i poe kiure i ka hoohiki kakoo i ke Aupuni Repubalika, a na kahi Hakipuu hoi ia hoololi hou i hookomo aku. Ma ia wahi la, e ike mai ka lahui, ke imi nei lakou i na ano a pau e loaa ai ko ka lahui lawe ana i ka hoohiki malalo o lakou pakaha.  Ke ao aku nei hoi makou i na poe oiwi aloha a makee aina a pau o w@@ia ana i poo kiure – mai no a lawe iki i kela hoohiki.  He apu auhuhu iho ia no ko kakou make mau loa.

______

 

No ka manawa mua loa malalo o ka Repubalika, ua noho ae ka Aha Kuka i ka auwina la Poaha iho la, oia hoi ka aweawe kaunaoa i koe mai o ke Aupuni Kuikawa, malalo o ka hoomalu ana a Hope-Pereridena Waila, no, ko Peresidena Kole make makemake ole, oiai, ua okoa ae kona kulana.  Ua hooholo ia mau Aha he mau olelo hoa’loha’loha no ka Peresidena o Farani, i make pepehi ia mai nei.

_______

 

Imua no o ia Aha, ua hoikeia no ko J. H. Sopa waiho ana i kona kulana Alihihkaua mamua ae ka o ke kukalaia ana o ka Repubalika a aole ka Peresidena i ae a kahi la ae.  Nolaila, ma ke noi a Iana hana hao, ua hooholoia he olelo hooholo e haawi makana aku iaia i pahikaua, no kona koa a nio ke kupaa mahope o lakou.  Eia nae, iloko o ko Emeluka kue loa ua hooholoia.  Loaa aku la ka ia la pahi, he neo hoi ka mea i loaa i ka lehulehu.  I loaa paha i ko Kole pai ana i kona koa a hopo ole, mahope o ko ua o Sopa ike ana ua kokua ia ko lakou kipi ana e na koa luna o ka Bosetona.

_______

 

A ia la no hoi i kapae loa ia ai ka hea a kapa ana aku i ka Peresidena a me na lala o ia  Aha ma na inoa hoohanohano, e laa ka “Mea Mahaloia” a “Mea Hanohano” paha, aka, e hea a e kapa pololei aku no ma ka inoa o ka oihana e paaia ana.  Na kahi Hakipuu no keia olelo hooholo, a e like no hoi me kona ano ole loa, pela no oia i manao ai i na poe e ae.  Ua nui ko lakou hauoli a hooho leo nui ae i ka waihoia ana aku o keia olelo hooholo, a akaka ai no ko lakou ane ole, he poe pakaha wale no a pau loa.

____________________

 

NA LONO KUWAHO.

_______

 

O kahi lono ano nui loa i loaa mai nei ma ka Auseteralia, oia no ka lokahi like ana o na poe paahana o na alahao e hooki i ka hana ma ka la 4 nei, a ua palahalaha loa keia mai kela a me keia pea o ia aina nui, i oi loa aku paha i ko 1877.  Ma Kikako, mamuli hoi o ka inaina o na kanaka, @a puhi ahi ia kahi mau wahi, ua kauohaia ua pualikoa e hoopio i ka haunaele, a ua kahe hoi ke koko.  He kanaha a oi aku paha na kaamahu e ku la malaila me ka hana ole, no ka mea, aohe poe na lakou e hoohana.

 

Aole malaila wale, aka, ma Sacarameto a me Kapalakiko kekahi, a ua palena ole hoi ka inaina o ka lehulehu.  Ua opa pu ia na oihana kalepa, a me he la he mau miliona dala lehulehu ana ke poho.  O ka leo kahea hoi o kekahi mau Kiaaina no ke na koa nele aku e hoomalu, aole i hooloheia e na koa, no ka mea, ua like ka manao me ko na kanaka haalele hana.  He ukali aku keia i kela poe eli lanahu, a me he la, o keia aku ana ka ahailono hikimua no kekahi kaua huliamahi weliweli, e like me ka makou hoakaka pokole ma ka helu i hala, ke pio ole hoi i ka hoomalu e ia e ke Aupuni Mawaho ae o keia ku olohelohe o na kaamahu, ua koe ko Kanada hui alahao, a malaila na eke leta e hiki ai ke lawe ia, oiai, ua hiki ole ma Amerika Huipuia.

 

Ua hooholeia mai nei e ka Aha Senate ke kanawai du@e, i ke aumoe (hora 10:45) o ka la 3 nei, e ke koho ana a 39 kue ia 34.  O Senatea Hila hookahi ke Demokarata i koho pu me na Repubalika, a ua kamailio ikaika hoi oia e kue ana iua kanawai la.  O na lala eha hoi e ka aoao Populisa, ua mahao lakou ma ke koho ana.  Ma ka la 1 o Augate e mana ai, ke awiwi mai hoi ka Hale.

 

Aia hoi na Aupuni o Iapana a me Kina ke liuliu la no ke kaua ma Korea.  Ke holapu la no hoi ka mai luku weliweli ia Honakona ma kahi o 100 poe make o ka la, a ma kekahi oka na hoi o Kina, mawaena o 50,000 amd 60,000 i pau aku i ka lukuia.  Ma ka la 1 nei i hoolewaia ai ke kino o ka Peresidena o Farani, a ua kanaia ma ka aoao o kona kupunakane.

______________________

 

Lawe Waiwai Aihue.

 

Ua h@@a ae he haole nona ka inoa o Antone @loys imua o ka Aha Apana i ka Poakolu i hala iho la, malalo o ema kumu hoopii no ka lawe i na waiwai, i aihue ia.  Hookahi no ka lawe ana mai he pine @mau gula o $5 ka waiwai io, mai ia M. R. Pameneia i Iune 5, ka waiwai o Mrs. Alabati Luka, a o kekahi hoi, he komo-lima gula o $160 ka waiwai io, i Iune 25, ka waiwai no o ia mea hookahi a i loaa hoi iaia mai kela opio mai no.  Ua lilo ka mea nana i hana maoli i ka hewa i hoike ma ko ke Aupuni aoao.  Aole oia i ae i kona hewa, a i ka Poalima nei i hookolokoloia ai oia a waihoia aku la kona hihiu no k@ kau kiure ae.  Aohe kumu pal@ ma kona aoao.  Ua huliia kona wahi e noho nei, aohe mea i loaa aku.

______________________

 

I ka Poakolu iho e hoike ai ke Kula Virigino o S@@@ A@@@@, a i ka Poaha aku hoi ke Kulanui o Iolani.