Ka Makaainana, Volume III, Number 4, 1 April 1895 — Page 4

 

4     HONOLULU, OAHU, POAKAHI, APERILA 1, 1895.

 

KA MAKAAINANA,

 

HE NUPEPA OILI PULE.

 

W. H. KAPU,

Ona, Luna Nui a  unahoopionopono.

Wahi noho, ma Honolulu.

 

F. J. TESTA (Hoke),

Puuku.

 

F. hoopuka mau ia aku ana i kela a me keia Poakahi o na pule a pau.

 

UKU O KA NUPEPA.

No Ekolu Malama         -      $.50

No Eono Malama                 -      1.00

No Hookahi Makahiki     -      2.00

 

POAKAHI, Aperila 1, 1895.

 

       OEHAA maopopo loa io no keia au, ke hele la ano e na hana,.  Akaka wale no hoi ka uahoa la!

 

       I HOOHIKI no ke Aliaimoku nona ponoi iho, aole ia hoohiki ana a no kona lahui e mau nei no ka noho kupaa ana.  O kana ao ana mai i  ko ia lahui e hana aku e like me kana i hana ai, nona iho no ia ao ana, a aole loa i p@h me kona lahui kupaa mau.  He kuleana ia hana no kela a me keia, a aia no ia mea i ka mea o holo@ea ana i ka lunaikehala o kahi.

       Nawai ne hoi e hoole mai aole ke Ahiaimoku he mohai ma ka aoao o ka lahui kupaa mau.  Ke hooi a ke hoopaa loa aku nei no makou  i ka makou i olelo ai ma ka helu i hala--he mohai kumi ola oia no kakou.  Ma@ ea kahi i hoala wale ai o keia mau huaolelo "i ka nauki a me ka inaina, a he hoao no hoi e hoala uluku?"  Imi apa no hoi ua imi apa a epa wale.

      

       PAAHAO hoi KA MAKAAINANA nei i keaha?  Ka i no hoi  paahao no ka like ole o ka manao me ko ke Kuokoa, a mamuli hoi o ko makou aloha i ka lahui, i ka aina, a i ke Alii.  Eia nae, paa pio hoi makou, a naka hoi na kuli o Kuokoa no kona nalo aku.  Oi noke nui iho nei i ka huli, he neo ka mea i loaa, a uluhua okoa paha, hookuu okoa ana me ka ui a noi ole ia aku.

 

       Aole naei hoi a he mea pono no na ahahui o kakou, a i ole hoi ia, no kela a me keia anaina, e hooholo i mau olelo hooholo hoa'loha'loha no Mr. A. P. Pitasona i make.  Ina ua ino a ua hewa oia i ko kakou manao no ke kulaua o kakou e noho nei i keia wa, e kapae kakou ia manao ana, no ka mea, ua mau mai no kona kupaa ana me kakou a noho i kahi paa a kipakuia i ka aina e a make aku la.  Ke hanaia keia hana e kakou, alaila, e lilo ana no ia i kumu hoike maikai loa ma ko kakou aoao ke hala aku i na aina e.  Oia, nawai ana e hana mua?

 

       E HOIKE AE I KE ALOHA.

 

       Oiai hoi kakou e nanea ana mawaho nei, @e mea pono loa no kakou ke haawi ae  i kahi haliu ana no ko kakou poe hoa e auamo nei i  ka i@ea o ka noho pio a@a ma na wahi paa malalo o ke Aupuni.  A oa kakou hoi e nooaoo ai no lakou, he mea pono loa no hoi ia kakou ke aui ae a nana aku no ko lakou mau ohana e noho ana pa@a iloko o ka hune a me ka pilikia, oia hoi, i na ohana i maopopo loa ka pilikia io.  E hewa ole no kakou ke lulu ae i na hapau@@i a me na kenikeni i kela me keia manawa, e like no hoi me ka hiki, a ina ia wahi, hoi, ea, ua makaukau loa'ko makou puuku e hookauwa iaia iho ma ia hana me ka uku ole.  Aole o ke aloha anu anu a hui@ui ka  makemakeia, aole no hoi o ke aloha welawela, aka, o ke aloha pumehana oiaio mai loko a waho, i ano like aku me ko ke Akua aloha i hoopunana mai ai maluna o ko ke ao nei, o ke ano aloha ia i anoiia.  Nolaila, "e alu l@ ke ka pule ana ia Hakalau," "i  hookahi a hoi ke kaunu ana  Waiolohia."  Oia; oi hoi ha!

 

HEAHA KE ALOHA AINA?

 

       He ninau keia ae la i hiki pono ole i ko  makou wahi ike omilumilu ke pane ae, a o ia haina auanei ke ae lokahi ia mai ana e na aoao kala@aina like ole a pau.  O ka makou hana hoi e manao ai he hana aloha aina ia, eia ka auanei he hana kue ia i ke Aupuni e ku nei; a o ka hana loi a ke Aupuni e ku nei e hana ai me ke kakooia aku e na poe ma ia aoao, a lakou paha loi e manao ai he hana aloha aina, eia ka auauei he hana kue, pakaha a hoohaiki ia i ka pono o ka lahui kumu a oiwi ponoi o ka aina nei.  O na hana i lawelaweia ai a kahulihia ke au hooponopomo  Moi iloko o 1893, he mau hana aloha aina ia i ka manao o na poe e noho mana nei i keia wa, aka, ia makou hoi, aole loa.  Nolaila, ma ia la i pai a @ai ai no na aoao a i elua.  O ka makou hana no ka makou ike a i hoomaopopo iho o ke aloha aina ia, oia@, aole loa a he aihue, he pakaha, he kailiku, he kaili pau, a he limanui, me ka hoomaumau mai o ka aoao i kaa maluna e anai aku i  ka aoao i kaa malalo a pili pu i ka paia, a ma kahi hoi o ka hoao ana mai e hoomalielie ae i na ulupa ana o ua manao, ua hooi loa ia mai nae hoi ia me na hana e hooinaina a e hoowalania loa ai a hiki ole hoi i ka wai ke lana malie.  Iloko o na au i hala, a o like no hoi me na mea i hoikeia mai ma @a mo@lelo, ua nui a ua lehulehu na ano a me na kulana like ole o keia mea he aoha aina  A pela no hoi i keia au i o kakou nei.

 

HOOKOLU UA MOOPUNA!

 

       Poakolu iho la i oili hou ae ai he mau p@pa liilii i paiia o eha aoao pakahi mai ke keena oiliana mai o ka Ilamuku, a ua lawe hele ia ae hoi e na makai iwaena o ka lehulehu.  Na kekahi mea lawelawe ponoi mai o ia keena i haawi mai i kekahi mau kope i ko makou puuku,  i mea ka nona e nana pono iho a a ke lea i kekahi mau mea nona e pono a e olu ai.  Mai kekahi mai o ia mau palapala i kakauinoaia e kekahi "popoki huna lepo" i lawe mai ai makou i na mamala olelo i kaunakomaia malalo iho:  "O ke Aupuni Repubalika o Hawaii nei, oia hookahi ke aupuni e ku mana nei, a oia ke aupuni o keia mua aku."

       Ea, pela io mo an@i?  Pehea ko ka lahui manao ma keia mea, oia io no anei?  Ina o ka oiaio keia, alaila, aohe nani aku a koe mai, ua loaa houhe "kaula iloko o ka lseraela."  Huro, o@a ka oi!

       "He kuokoa loa kona kulana mai ka Hoohui Aina, a Panalaau, a Hoomalu paha,"

       Auwe no ka hoi e!  Hookohi okoa keia kuakoko a oili ae la a pukaamaka loa ia moopuna.  Ahuwale ka noa huna o keia au, he hoopalaimaka wale no ka na olelo no ka makemake i ka hoo huaina, a noho aku paha ma ke ano panalaau no kahi aina okoa aku, a i ole ia, hoomaluia mai paha e kahi mana kaua ikaika.  Aohe manaoioia o keia pulakau maka iwaena iho o lakou, he mea hookamaemae wale iho no ia, aka, o ka noho mana hooponopono mau ko lakou iini nui.  Pehea la ka manao o ka Ligi Amerika no keia mea?  Ina paha i oili pu ae ma ka olelo haole, auwehehene, "wela e kai," a he ike ae no ko kakou la i ka "welawela waiki poha" mai iwaena o na puulu o na hoahauau.  Ke ike lea ae la o kakou la ma kaia mamala olelo maluna ae i ko ke Aupuni manaoio ole ma keia kumuhana a lakou,  O kona hookuene mau loa aku, o ka iini nui ia o na alakai.

 

HANA HOOKINAKINA WALE.

 

       Ia makou i hoopaa pio ia iho nei e ka Aupuni, ua like ole no hoi na lawelawe a hooponopono ana a na poe malalo o ke Aupuni, mai na haole a i ua oiwi.  E ahona iki mai na haole, he mihimihi mai, a he ike mai no hoi ia kakou ma ke ano he kanaka me ka @hane ola iloko, aka, o ko kakou poe ponoi iho no hoi, h@ kau na ihu iluna, he hoona hoa mai me na olelo kakana, kikaho a piha hooinaina a hoonauluulu manao.

       Ua hoike@a mai ia makou no ka hana a kekahi kia@ hapa-haole o Kawa a ua hilinai no @oi makou ua oia@o, i hoohaehae a i hoonauluulu i na paahao pio kalaiaina i ka auwina ka Poaono Maraki 16, me na olelo makona, kikaho, kakana, hookiekie, hoohaahaa a hoohilkahia, i hooi loa ia nae paha @oi kahi e ka ona, a e ole e akeakea koke ia, ina la paha ua ulu ae he hau@aele.  Aole no @oi i pau iho la ia hana ana, aka, ua hoomano aku no ua kiai hapa-haole la.  Ma keia wahi makou la e olelo ae ai--mai no a hana wale aku, aka, e hana aku me ke akahai a me ka olu olu, oia@, aole ia poe @e mau holoholona a he poe hoi i haua i na hewa inoino loa mawaho ae o ko lakou hoao ana e hana i ka@i hana no ko ka lahui a me o ka aina pono iho, a na ko la kou lanakila oie ana keia e noho pio nei.

       Eia @ae, he mea mau mai nei no hoi keia iloko o nei au, u@ kaa ka hookiekie, ka hooio a me ka hookano ma ko na Hawaii aoao, pau pu no me na poe iloko o ka Oihana Makai, a o ka oluolu a me ka ike kanaka mai, aia ia ma ka aoao o na haole.  He hoike oiaio keia, a he mea no hoi ia no kakou e hilahila ai.  A o ia no hoi ka makou e hoo manao mei no ka Lunapaahao o Kawa, a pela no hoi me na aliikoa a me na alii maka haole, ma na wa@i like ole o makou i hoopaaia ai no ka lakou mau hana maikai a oluolu, a ua hiki ole no hoi ia makou ke u@ @i ae i na mahalo ana no lakou.

 

       A mai Hilo mai @ei no hoi ia i loheia mai nei no ka Ilamuku a me na luna oihana haole, ma ka lakou lawelawe ana i na pio kalaiaina, ua palena ole na leo mahalo,  Ua oleloia mai ua ao aku la ka Ilamuku i na pio o malama i ka malu@ia a me u@ rula o ka halepaahao, a ina hoi lakou e hanainoia e na una, e hoike aku no ia mea iaia a i ka Makai Nui paha; a i ka Makai Nui hoi a me @a luna-paahao malalo @ku ona e hana i ka maikai a me ka oluolu i @a pio.  Ina ua oiaio keia mau lono, alaila, ua loaa he kumu ao a hooalike no na poe puni hookiekie o nei.  A oiai hoi, ua  maopopo no ia makou he poe kela i hiki ole ke @umi iho i na olelo hoonaukiuki hou ia ma keia mua aku, aole wale no i na pio ma Hilo, aka, pau pu me na loa ma Kawa a@uei, no ma