Ka Makaainana, Volume VI, Number 15, 12 October 1896 — Page 2

Ka Makaainana.

HONOLULU, OAHU, POAKAHI, OKATOBA 12, 1896

 

He Ano Lapaau Kahiko

 

            Mamua o ko Kauka Makalelana holo ana aku nei no kona home hou, ua komo ae he hoopii na kekahi haole e kue ana iaia, ma kana lawelawe lapaau ana i ua haole la @ ka ma’i rumatika, oiai, ua ao aku ke kauka iaia o hana i kekahi pohaku uwini hepa a wela, alaila, hoopili mai malalo, aka, i kona hana ana pela, palahe pu ka alualu.  I ka hupo no paha hoi kahi, aohe pale lole ae, oiai, he ano lapaau kahiko no ia.  Ua haawi ae ke kauka he bona no $1,000 o T. R. Waka, Hope Kanikela Beritania, Bihopa Wilisi a me Kibona Lu ika na hope.  E hoea mai ana no oia i keia mau la iho, no ke kau kiure o Novemaba ae.

 

Eu Wahapaa o ka Po.

 

            Aumoe Poakolu, Sepatemaba 23, ua hele aku o Keoki Kalaka, keiki a W. Kalaka o Kalaupapa, Molokai, a komo i ke keena moe o Misasa Wilisi, wahine a ka Haku Bihopa o Honolulu, na mea na laua oia i hanai ma ke ano hookama, ua hoano e iaia iho.  Aohe ona manao powa a aihue paha, he mea wahapaa wale no ka laia e nehe ana maloko o ia rumi, ua puiwa o Misasa Wilisi a nui ka leo i ka uwa, a na ia leo i kono aku i ke kahi poe  hele o ka po e hele e nana a e kokua.  Ua ninauia aku o Misasa Wilisi a ua hoike ae oia ua holo aku he kanaka mai kona rumi a kau ma kekahi kaa hehihehi wawae kukui ole.

            Ua loaa aku kea mea e holo ana ma kona kaa hehihehi wawae e like me na hoike maluna ae, ua kaheaia aku e ku iho, aohe nae he ku, a bili okoa ia me ke kookoo e kekahi mea a pa ma ka poohiwi a haole ilalo, ea a kau hou, kulai oka ia, a o kona wa ia i holo aku ai ma kahi aoao o kahawai ma Waipiula me ka haalele iho i kona kaa mahope.  E ole kahi kaa, loaa ka mea hoo kolo meheu a ka Oihana Makai Ua loaa o Keoki Kalaka a ua ae i na mea a pau.  Elua ona wa i pii ai e mihi, aohe i oluoluia mai, pela ka loheia mai.

            Ku nae hoi oia imua o ka Aha Apana a ae okoa i kona hewa, e like no me ka makou i hoike aku ai mahope koke iho no o ia wa, no hookahi malama hoopaahao.  Mahope iho o ia hoopaiia ana, na hoohalahala aku oia i ka.  Aha maluna ae, i loaa ai hoi he manawa nona e noonoo ai, aole hoi o ka lawe pupuahulu ia aku no.  Kawa a o kekahi no hoi, u@ mana@ kahi la ae ka Bihopa e @ hoi mai ai.  Ae, ua hoi io mai no oia, a ua hele aku na @ [unreadable to end of column] mai na ninaninau ka Bihopa no ka hopu a ahewaia ana o ke keiki, no ka mea, he poino keia nona e loaa hana ole ai ma o kakou nei, a ua hele oia e hoao e noi e hoopauia, eia nae, ua oleloia mai ka ua ae oia i kona hewa.  Ua hoopauia ua eu la mai ka hana.

            A ua lohe mai no hoi makou ke hoao nei no ka Bihopa e hoihoi hou ia oia i kana hana ma ka halekuai o E. Hofasalega Ma, ua oleloia mai ka aia a pau ae na kinaunau o nei hewa i hanaia.  Nolaila, e waiho ana paha a imua o ke kau kiure, hookuu ae iaia me ka hookauluaia o kela hoopai maluna ona.

 

Kuu Lei Momi ua Hala.

 

Aloha ke kino ka hoapili o ka uhane,

Ua hala ka uhane o George ane,

Ua au i ke aloha e noho nei,

 

Ke aloha o kuu moopuna,

Huli au o kahi e ike ai,

Ua hala aia me ka Makua Lani.

 

            Ma Manana, Ewa, Sepatemaba 22, 1896, ua hala ka uhane o George Ane ma ka hora 7 a me 45 minute, he eha ma ka opu kona ma’i i make ai.  O na la a pau o kona ola ana ma keia ao, he elua malama me eiwa la.  He waiu kia kapa ai i ai ai a hala wale aku la.  Elua wale no la a me ka hapa i kaa ma’i ai.  Ua manaoia o ka ai ikaika loa ana o ke keiki i keia ano waiu, o ia ke ku nu o kona make ana, oioi, he maikai kona ola i na la i hala.  O keia no ke keiki i make ai i ka wa i puka mai ai mai ka opu mai o kona makuahine, a koaia ia ai ka iewe i ke ahi a ola hou ai o ia no keia i make aku la.

            Hala aku la ke aloha, naue me ka anoai, lihaliha wale, paumako i ke aloha o kuu moopuna.  Ua lawe ke akua i ka uhane a koe ke kiuo.  “E hoomaikaiia ka inoa o ke Akua, Nana no i haawi mai a Nana no i lawe aku, e hoomaikaiia ka inoa o Iehova.”

Owau no,

G. M. KEONE

Manana, Ewa, Okatoba 3, 1896.

 

Ua Hala, ua Nalo, ua Make o Kapipiookalani.

            Ma ka wanaao Poakolu, hora 2:30, la 30 o Sepatemaba, ua laweaku ka Mea Mana Loa i kona uhane a waiho iho la i kona kino lepo i mea nana aku i kona waiho mai.  Me ka luuluu, kaumaha a ehaeha o ka naau, i ka hala ana o kona o’a.  Auwe! luuluu wale.

            Ua hanania o Kapipiookalani k, ma ka la 17 o Aperila 1895, ma Kapiolani Home, ua Misita W. Kapipiookalani Pua me Misasa Ella Pua, ua like me hookahi makahiki, elima mahina me umi la kona hanu aua i na ea o keia ao a hala wale aku la kona aho hope loa.  Auwe! aloha wale, me ka naau i piha i ka mokumokuahua, ua haku iho au @ kanaenae uo kuu moopuna Aloha iho!  Eiah iho ka kanaenae nona:

He kauaka o Niolopua no Kualoa,

No ka minoi hoi o Kane no ka he’i,

No ka mano wai, ilaila ka noho ana,

Ka ike na ae la e, he kauaka,

Kahea o Kawiniakoi,

E Kahooloheokalani,

Wehe’a ka lihilihi o ka lani,

I akea, i kaawale, i ikeia ae o Niolopua,

La e he kanaka,

He kanaka o Niolopua,

E ku ana i ke au hana,

O kona aina he lau,

Hoi ke kino o ke kanaka,

O Maiuu la o Olohelua,

O na kanaka kiai pali o Koaekea,

O ka inoa ia o ko kupunakane,

Nana oe,

Puaaliali ka olelo i ka waho,

Noho a ke kapu i ka paeniho,

Noho ana i ka lani puao,

Alo ana Makaukiu i ke kai,

He kai no he kapu no ke kanaka,

He hale lehua ia no Niolopua,

He kanaka o Niolopua,

No ka iho e no Kaula,

Niihau, he moae ka makani,

Noho i ka hope o ke kanaka,

E noi ana ia Waianae,

Me he kanaka aukai la,

Ka pali o Kaumaka,

I ka wai o ka waiwai,

No ia e ike ai ia Niolopua,

Aia o Kapipiola i Honolai,

He makaia no ka Pua.

He malo maunaihi,

He wai no Waikapu,

Ku ana i ke kahakai,

Kahea Kuhaimoa,

He hua ia no ke kapu,

I pono na maka i Manawahua,

He ala kapu Kaimaio,

He kanaka koekeeke,

He uhai no ka hale o Niolopua,

-Ae-.

Aia o Niolopua la i ka hale nua,

I Hilo no ka a ana a ke ahi, ahi lehua o Hilo,

Hoala e ke kanaka ako pua,

Kui lei lehua o Maukele,

Aloha ke kahakai o Mokuleia,

Me ke one aloha a maua

E noho ai, no Waipio ka makani he kehau a,

-Ae-.

Aia o Niolopua la i Kaawaloa,

I kaulana a ke ahi i ka a ana a ke ahi,

I ke kuene ana a ke ahi,

I ka noho ana a ke ahi,

A ke ahi ki Kahakaaulana,

Au ke ahi a ke kanaka i ke kai,

He kanaka o Niolopua he malihini,

He kamaaina Kaena,

A ena ahi wale no Niolopua,

-Ae-.

Aia o Niolopua la i Wailau,

He lau hoi ke ahi a ke kanaka,

O ka laahia ahi wale aku no ilaila,

E kapu ai o Lono no ka lehua makapohepohe,

E hooulu, e hoolaua i ka manao,

I manao a ola ia e Niolopua,

Ka laau punahele a ka i’a.

-Ae-.

Kupu no ka lehua i ka wao,

Kupu no a ohaoha pu no me kona kapu,

Poha ka leo i Puukuakahi,

Oina i Puukualua,

He kanaka hea ua,

O Mahiki hoonee hau,

O Ewa me e no ka Ewa i kuu la lili loa e Niolopua,

E haliu, e maliu, e ualo mai,

-Ae-.

Ku e ka piko o Kahoalii,

E kahea ana e Kane,

Kanaloa Laukaieie,

Ke pani la o Hawaii,

Ho mai he waa,

Ka mau ka hoe waa o Niolopua,

-Ae-.

Aia i Mamalahoa,

Ke ahi a ke kanaka,

Ka welo’ua a ke ahi,

I Wahinekapu,

Iliilihia ole ke ahi o Puna,

Ke hoala la i ka maka o ke kiu,

Olu ke aho o ke Kaunaoa i ka la,

He kapu no ia no Niolopua ke ike aku.

-Ae-.

No Puna no Koolau,

No ka huakai ala i ka hala,

Mapu au o ke ala o ka hala o Mapuana,

Noho oe makai o Kuakea

Alawa iho o ka laula o Limuunui o ka palahalaha ae,

Maikai hemolele o Niolopua,

-Ae-.

Hakuia no Kapipioekalani, na kona kupuuakane.  D W PUA

 

AO MELE ME PIANO.

 

            Ua makaukau o MISS ELLA DAYTON lawe i mau haumana no ke ao ana i ke he’uhelu mele a me ka hookani piano ma kona wahi ma Kunawai, Alanui Liliha, a i ole ia, e hele aka no oia i na kauhale

Sept. 14 1mi.

OLELO HOOLAHA PONO WAI.

 

            Ua waihoia mai imua o’u he noi kupono na E. K. Kalehua, Kaiaikawaha, Paolo Lono, Henry Wharton, Iuka Nui, Kaalemauna w, Nakowana w, Kekini w, Palu k, a me Puaiole w. no ka hooponopono ana a me ka mahelehele ana i ko lakou mau Pono Wai mamuli o ke Kanawai iloko o ke Kahawai o Kamananui, Waialoa, Oahu.  Ua kauohaia aku ma keia e like me na olelo o ka Mokuna XXVI o na Kanawai o ka M. H. 1888, e hele mai ka poe a pau i kuleana i ka Wai o ua Kahawai la i oleloia, imua o’u ma ka Hale Hookolokolo, ma Waialua, Oahu, ma ka hora 9:30 A.M. o ka Poakahi, la 26 o Okatoba M. H. 1896, no ke kue ana a ano e ae paha i ua Palapala Hoopii la, a i ole, e haawiia aku no he Olelo Hooholo ex-parte [hookahi wale no aoao] no ko lakou hiki ole ana mai.                                                 A.S. MAHAULU,

Komisina o na Pono Wai o ka Apana o Waialua, Mokupuni o Oahu, o ko Hawaii Pae Aina.

Waialua, Okatoba 2, 1896.  Okt. 5 – 3mw.

 

Kuai Emi a Emi Loa

 

EIA KE KUAI HOOPAU NEI O

 

H. W. Schmidt & Son

(H.W. SIMIDA & KEIKI)

i ka heluua nui o ka lakou mau

Lole Huluhulu me Kalakoa,

Na Pono Hoopaihi Hale,

a me na Lole i paa mua.

Na Palule Huluhulu me Kalakoa,

a me na Kamaa o na ano a pau.

Ke hooiaia aku nei he haahaa loa na kumukuai, a o ka oi loa aku hoi o ka emi ma o kakou nei.

E nana ae i ko lakou mau puka-aniani hoikeike ma Waikiki ihoo Ka Hale Oiwi, Alanui Moi. okt. 5-1mi.

 

Waihona Buke Hawaii.

 

            E loaa no ha buke ma ka olelo makuahine no ke kuai ma ke keena o ko makou Puuku Penei iho kekahi o la mau buke:

Laieikawa                    $100

Gavberiela Lenoa               75

R.W. Wilikoko                   50

Hook@huli Aupuni o 1895    50

a pela aku, a pela aku.

            O na buke e ae no hoi kekahi, e laa na buke kanawai, a me kahi mau ano e ae, ke ninau pololei ia me ia

F.J. TESTA (Hoke)

@ 28 @  327 Alanui Moi

 

F. J. TESTA, (Hoke).

 

MEA OHI A KOI AIE

Mea Huli Moolelo Aina a Waiwai e ae paha.

Mea Unuhi a Mahele Olelo Hawaii a Enelani paha

Mea Hana Palapala Kanawai o na Ano a pau.

Mea Kuai Mikini Humuhumu Lole.

Mea Hoolimalima Hoolilo Aina

Mea Kuai Waiwai no ka Uku Komisina Haahaa.

Ua makaukau mau ola o lawe lawe i na hana a pau e haawiia mai ana iaia He kuike ka rula.

E loaa @ [end of line]