Ka Makaainana, Volume VII, Number 8, 22 February 1897 — Page 3

Ka Makaainana.

 

.                             HONOLULU, OAHU, POAKAHI, FEBERUARI 22, 1897.                              3

 

NA PALAPALA.

(Aole maluna iho o makou ke koikoi o na hala a me na hewa no na manao

i hoopukaia malalo o keia poo, aka, aia no maluna o na pae na lakou i kakau mai.)

 

Ka Ninau Hoohulaina.

(Hoopau ana.)

     O ka noonoo ana o kekahi nea e like la me Kaulukou a me kekahi poe e ae o ka hoohui aku ia Hawaii nei me Amerika Huipuia ka mea e pomaikai ai, ke alakaiia aku la ka noonoo o ke kanaka e ka uhane o ke kuhihewa loa.  E ikeia no hoi, o na waiwai kalepa i laweia mai i Hawaii nei ma ke ano kalepa dala, a o na dala e loaa mai ana, aole loa ia e luia iho ana i Hawaii nei.

     No keaha mai?  No ka mea, e hoihoi hou ia ana ia i na poe na lakou ia waiwai i Amerika a ma na wahi e ae paha a pau o ka honua nei o ka hele ana mai o ia waiwai kalepa.  A ma kahi hea iho la hoi e luia ai ke dala i Hawaii nei, oiai, o na poe no lakou ia waiwai, e koi mai ana i ko lakou mau agena maanei e hoihoi aku i ke dala i na ona ma Amerika Huipuia a mana wahi e ae paha a pau o ka honua nei.  A heaha ka mea waiho iho i Hawaii nei?  He neo a he alaalapalu.

     Eia ko'u manao, ina kakou e manao ana e nui mai ke dala iloko nei o ka aina.  O ka hoomau i ko kakou noho kuokoa ana malalo o ke kumukanawai a me na kanawai hoomalu o ka aina, a me na kanawai kuikahi lahui, o ia ka pono oi kelakela no ke kanaka Hawaii e ku ai kaena - "O Hawaii no ka oi."

     A penei, o na manao i oleloia maluna ae nei, o ia ka hana naauao a kakou e kukulu ai, aole o ka hoohui aku ia Hawaii nei me Amerika Huinuia, a like me ka manao o Kaulukou ma e koi mai nei e hoohui aku i ko kakou aina aloha.  He hana lalau loa ia a kekahi loio a me kekahi poe e ae e koikoi mai nei i ka lahui.

     I mea e nui mai ae ke dala iloko nei o ka aina, e pono e aie ke Aupuni i $50,000,000 a oi aku paha E aie kakou i keia mau dala i oleloia maluna mai ia Beritania Nui a ma kau wahi e ae paha o ka honua e like me ka mea oia mai.  O na dala e manaoia nei pela, e laweia mai ia mau dala ma ke ano he dala @ ho Hawaii nei, a e kauia ke kuni maluna o ia mau dala, e like me ka ka Ahaolelo e hooholo ai a e like no hoi me na dala ai a e like no hoi me na dala e holo nei iloko o ka aina nei me ke kii hoailona o ka Moi Kalakaua.

     Ina e holopono keia mau hoolala ana ua hiki ke oleloia aia o Hawaii ma ka papa like me na aupuni nui e ae o ka honua nei ma ka hooula ana i na hana ano nui o ka aina a me ka hoolaupai ana i ka lahui Hawaii ponoi.  Aka, mamuli hoi o ka manao ana e hoohui aku ia Hawaii aina a me Hawaii lahui me Amerika Huipuia no ka hooko ana i ko hai makemake no kahi dala i uluia mai i na poe i hoie-a-maka anei i ko lakou mau inoa imua o ka lahui me ko lakou manao kuhihewa he poe hilinaiia lakou e ka lahui aohe no he lalau aku a koe mai.

     Heaha ke ano o keia poe, e hiki anei ia lakou ke aa e hoike ae imua o ka lahui i na manao i kakauia maloko o ka palapala hoohui aku ia Amerika Huipuia i keia mau ninau:

     AKAHI - Ua hookomoia anei iloko o ka palapala hoohui ko na kanaka hawaii kuleana pomaikai e like me ka oukou papakuhikuhi no ka pomaikai o ka lahui a oukou e hoike nei i ke akea?

     ALUA - Ina e hoohuiia ana kakou, o oukou anei na poe na lakou e haku i  ka palapala hoohui ia Hawaii nei me Amerika Huipuia?

     Ke hooki nei au maanei a hiki i ko oukou a o kahi paha o oukou pane ana mai i keia mau ninau ae la.

     OIWI KUPAA.

 

Makana ia Kauka Sologete.

     Ua loaa mai nei ia Kauka sologete he medala hao-keleawe, ma kona ano oia kekahi ma kela huakai kaapuni honua a ka mokukaua Beritania Kaleneka (Challenger - Mea Aa) iloko o 1872.  Ke hoomanao nei no paha hoi kekahi poe i ke ku ana mai o eono mokukaua Pelekane i ka wa hookahi a kuku nui ai iwaho, o ia ka wa o ia huakai.  He hanohano nui keia i loaa mai la iaia.  No umi makahiki a oi i hoomakaukauia ai ka hoike o ia hoakai, a iloko o 1895 i pau ai malalo o ka hooponopono ana a Kauka Mare o Ladana.  E ikeia no he kope o ia hoike ma ka Waihona Hoikeike Kamehameha.

 

     He mau pule i hala ae, ma na kakahiaka Poakahi a Poalua paha e lele paikau a hookahakaha e lele paikau a hookahakaha ae ma na pipa alanui o kekahi mahele o na koa malina a me na luina o ka mokukaua Amerika Aleti.

     O ka huina dala i loaa i ka Oihana Leta i ka makahiki i pau iho la mai ke kuai ana i na pooleta he $63,685.76.  Ua loaa ae he 340,635 palapala maole 8,917 i hoopaaia, a uhe 343,127 mea pai-palapala; a ua hoounaia aku he 312,595 palapala maoli, 6,712 i hoopaaia, a he 88,357 mea pai-palapala.  Ma keia mau hoike huahelu, ua oi aku ia i ko 1895.

 

OULI HOAKA PO.

 

Hoike Kakoo Paha no na Hana o ke Ao.

(Hoopau ana.)

     8 - "Alanui Kaahumanu me alanui Moiwahine," a ina e hoo huiia o Kaahumanu me Moiwahine, e loaa no ka haina Kaahumau Moiwahine, a i ole, Moiwahine Kaahumanu; aka, ua make oia, nolaila, ua pili ka haina i ka Moiwahine make.  Iluna la owai ke alakai ana a ka moe e kuhikuhi nei, iluna paha o ka mea e ola nei, ina o ia ke kuhikuhi a ka moe?  a owai la ke kumakaia?  Aka, o keia Kaahumanu i make nona ke alanui i heaia ma ka inoa Kaahumanu, aohe alanui hou aku ma ia inoa me he la, aia no ma ia alanui ka Iuda me kekahi puu dala molia ola.  O ia anei hoi; ea?  E ka manawa, mai nonohua i kou hai ana ae.

     9 - Ua loaa ka moe i ka la 21, he Poaha ia i ka la o Laaukulua; malia paha ua loaa no hoi ia la ka hoike o kela mau huaolelo elu ai kauia ma ka lewa, a o ia kau ana ma kahi kiekie, he hoailona paha ia e hooia mai ana ua ikeia ka mea nona kela mau huapalapala e ko ke ao a pau, ina i keia wa mai la, a i ole, ma nei hope aku paha.  A malia o ka Poaha, he la kamahao ia no ka aina.  Aka, e manaoia kela papa pohaku me na huaolelo nui elua, he mau hoike nona lono, ou hou, kahoaka hoea, nune, pioo, uluku, hi-o, a pela aku, ina no ka pono a pono ole paha.

     Nolaila, ua hookahua ka mea wehewehe i kana haina no kela mau huaolelo (L. R) maluna o na alanui i hoaia ma ka inoa Moiwabine a me Kaahumanu; ina, o ka hoea mai he "Libery Reign."  Ina o ka hoea o ka Nohoalii Lanakila i kahi Poaha, ea, he mea pahaohao ia, ina aole peia, a pela no nae.  Aole i hoolilo ka mea wehewehe i kona noonoo no na papa-pohaku ho kupapau, no ka mea, he papapohaku mabala ia i kauia i ua huaolelo (R.I.P.)

     10 - No ka inoa "Mahuka."  Ina e hoohuiia ka inoa o ka mea nana ka moe me waapa, e loaa ana ka haina waapa mahuka.  Nowai keia waapa mahuka mawaho aku o ke po'ina nalu?  Owai ka keia waapa kanaka ole e kiai nei?  He ukana lawe malu anei no kahi hana menemene ole?  Ina aia iloko o na ale o ke kai, mai ae i ka loko ino ke hiki imua ou, aka, o nene ilikapu oe iaia a pae i ka aina maloo.  No wai ka upu i upuia?  No opiuma niua he aloha ole he inoa.

     Ina oe, e mea heluhelu, i kou ike ana i na "Hoonanea o ka Manawa," e leha wale iho no oe me kou hooiaio ole iho, a e like hoi ia ia oe me he kaao la; a na ke au o ka manawa e hoike mai i na mea i ku i ka io a io ole, ilaila oe lawe ae, a ilaila oe la pale iho.

                                                 KILOKILO DIMERATA.

 

Robert Napunako Boyd

(ITALIA)

He Ana-aina a he kokua no hoi ma ka hooponopono ana i na waiwai paa,

huli ana paha i na Buke o ke Aupuni, a pela aku.

Keena Hana:  Mauka iho o ka Hale Leta, maluna ae o ka

haleaina Pake, Alanui Betela.

apl 13-mp

 

DR. C. A. PETERSON,

(KAUKA PITASONA),

Ua Nee e Oia a ka Helu 28

ALANUI EMA.

NA HORA KEENA: - 8-10 a.m.' 2-4 a me 7-8 p.m.

nov. 30       TELEPONE 752.       3ml

 

E HOOPAA POHO

I Kou Hale a me na Pono o loko

mai ka poino ana i ke Ahe me ka

HUI

Panihakahaka Ahi Springfield

WAIWAI IO, $4,105,374,75.

Oluolu a Haahaa loa na hoouku ana.

W. F. WILSON, Agena,

Helu 209, Alanui Kalepa, Honolulu.

(fby.15 - 6ml.)

 

HUI HAWAII KUAI AINA.

NA LUNA NUI.

                                                                                                JAS. H. BOYD……………………   Peresidena

                                                                                                J. K. KAULIA…………………….   Hope Peresidena

                                                                                                C. A. LONG……………………….  Puuku

                                                                                                ENOCH JOHNSON………………. Kakauolelo

                                                                                                JOE PAAKAULA………………     Luna Hooia

                                                                                                W. C. ACHI……………………….  Luna Hoohana

NA LALA O KA PAPA ALAKAI.

J. K. KAHOOKANO,        R. W. WILCOX

J. W. BIPIKANE.

He Hui i kukuluia no ka hookuonoono a kokua ana i ka lahui Hawaii;

ua make makeia na Hawaii a pau loa e komo mai i ka Hui.

Honolulu, Ianuari 11, 1897.

Jan11 - 1yr.

 

Hui Papa a KukuluHale Oahu.

(OAHU LUMBER & BUILDING CO.)

Leleo, Alanui Moi, kokoke i ke Kahua o ka Hui Alahao & Aina Oahu.

Poe Kalepa Laau, Hana Aelike a me Kukulu Hale

Poe Hookomo Mai a Hoolilo

aku i na

Puka, Oleplepe, Kui, Pepa, Pena, Aila, Na Pono Kamana,

A pela aku, a pela aku

Telepone 53.          Pahu Leta.

ani o @

 

F. J. TESTA (Hoke).

MEA OHI A KOI AIE

Mea Huli Moolelo Aina a Waiwai e ae paha.

Mea Unuhi a Mahele Olelo Hawaii a Enelani paha.

Mea Hana Palapala Kanawai o na Ano a pau.

Mea Kuai Mikini Humuhumu Lole.

Mea Hoolimalima a Hoolilo Aina.

Mea Kuai Waiwai no ka Uku Komisina Haahaa.

Ua makaukau mau oia e lawelawe i na ano hana a pau e haawiia mai ana iaia e hana.

Kuike ka rula.