Ka Makaainana, Volume VII, Number 12, 22 March 1897 — Page 6
6 HONOLULU OAHU, POAKAHI, MA RAKI 22, 1897.
IO SEPINE
— KA—
EMEPE RESE PUUWAI OLU O FARANI.
MOKUNA IX.
KE KAUA MA ITALIA—KO NAPOLIONA POINA OLE IA IOSEPINE.
[Mai ka Helu 11.]
PAKELE MAHUNEHUNE.
I keia manawa, ua hoala hou ia ae he mau ohumuhumu e powa i ke ola o ke kanikela mua. Mai kekahi mai o keia mau ohumuhumu ana ua hoomakaukauia kekahi mikini hoopa-hu a hunaia iloko o ka lepo. Ma ke ahiahi o ka la 24 o Dekemaba, 1800, e hele ana o Napoliona me ekolu mau keonimana maluna o ke kaa no ka hale mele. Mahope aku no hoi o ko lakou kaa ko Iosepine me Hotenese, a me kekahi poe e iho no hoi. Aole he akea o ke alanui Sana Nicare, ko lakou alanui hoi e hele ana mai na Tuileri a i ka hale mele, a iwaena o keia alanui e waiho ana kekahi kaa, me he mea la ua loaa ia i kekahi ulia, a me ka nihi loa ke kalaiwa o ko Napoliona ma kaa i hookele aku ai me ka holo awiwi ana a hala ae la ke kaa e waiho ana ma ke ala. I loa no a kaa lakou ma kela aoao, ua pa-hu ae la kekahi mea ma kahi e waiho ana o ke kaa poino, a ua loheia kona kani a puni ke kulanakauhale o Parisa. Ewalu poe i make loa, a he kanaono i hoehaia; aneane e hoohioloia na hale e ku kokoke mai ana.
Ua okaoka liilii na puka aniani o na kaa a i elua, a o Hotenese wale no nae ka mea i eha ma o ka pa ana i na mamala aniani o ko lakou kaa. Aole i ku nana iho o Napoliona, aka, hoomau aku la no ko lakou kaa i ka holo ana no ka hale mele, kahi hoi a kekahi aha kanaka nui e pi-o-o ana, no ka mea, o ka hale mele no kekahi i hoonaue pu ia. Komo aku la o Napoliona me kona ano mau, me he mea la, aohe he mea ano hou i hanaia, a e kau mai ana hoi na maka o na mea a pau maluna ona. A i ka ikeia ana aohe poino i loaa iaia, ua huro ae la ke anaina me ka leo nui a loihi. Mahope koke iho ua komo aku la no o Iosepine me ke ano haikea a haalulu hoi; mahope iho o ka hala ana o hapalua hora, ku ae la laua a puka like aku la iwaho no ka hoi ana i na Tuileri. I ko laua hiki ana aku, aia hoi, ua piha ka halealii i na kanaka koikoi a pau o ka aina, i hele ae e ike a e haawi mai hoi i ko lakou hauoli no kona pakele ana. Ma o kekahi wahi ulia wale no i pakele ai ko Iosepine ola ma kela po. No kekahi mau la mamua koke iho, ua loaa mai la ia Iosepine he kihei makana mai Konakinopela mai, a e hoomakaukau ana oia e aahu i ua kihei la ma ia ahiahi no ka manawa mua loa. Ma ke ano hoohaehae, ua nema aku la o Napoliona i ua kihei la i ka mikohukohu ole o ke ano a me ka waihooluu, a kuhikuhi ae la i kekahi wahi kihei okoa me ka mahao ana. "He kanaka wiwo ole ee," wahi a Iosepine i pane aku ai me ke ano minoaka ana; "no kou aa ana e nema mai i ko'u mau kahiko. Mahope no nae au e haawi aku ai ia oe i kekahi haawina hoopai no kau hana. Heaha la hoi," wahi ana i hoomau aku ai me ka huli ana ae i kekahi o kana mau kauwa, "e kii aku i ka mea a ke Kenerala e makemake nei, a oia ka'u e aahu aku ai." Ia Iosepine e kali ana no ke kihei ua kau aku la o Napoliona ma maluna o ko lakou kaa a holo aku la. Ua hala aku kekahi mau minute mamua o ko Iosepine kau ana maluna o ko lakou kaa. Ia lakou no a puka iwaho o ke alanui, ua pa-hu mai la kela mea ino a na enemi. Ina e like me kona maa mau, i holo koke aku oia mahope o ke kaa o kana kane, he mea kanalua ole, oia o laua ke poino.
Aole i pau.
Lawe Ponoi i Kona Ola Iho.
Aumoe o ka po Poaha, la 11 nei, ua haohaoia o Alekana Gele, keikikane hookahi a Keoki Ahinahina, i kona kaawale mai kauhale aku, ma kahi noho o Uilama Olo, Kapalama, a i ka huliia ana aku, ua loaa aku oia iloko o ka halekaa ua make, ua ki oia iaia iho i ka pu ma ka waha a puka maluna o ke poo. Ua uluhua paha oia i ke ola, no ka mea, ua pili mau ka ma'i iaia no kekahi mau makahiki i hala ae. He 26 no ona makahiki a imi aku la i ka meheu o kona makuahine, me ka haalele iho i ka luaui a me elua kaikuahine e u nona. Ua hoikeia ae i ka Halewai a ua wae koke ia i kiure kolonelo, a ua hooholoia i make no iaia iho. Auwina la Poalima i nalo ai iuka o Maemae.
E Kipa a e Ike Ae.
I kela hoa oiwi o kakou, ia S. M. Kamakau, ma ka halekuai waiona o Lovekeoe Ma, kihi o na alanui Nuuanu a me Marine. He heahea a he oluolu oia, a ua loihi kona kamaainaia ma ia hale, malalo o kona mau haku mua elua, i pau. O na waiona maikai wale no ke loaa malaila, a pela no hoi me na waina Kaleponi maikai loa. Oluolu na kumukuai, a pela no me na hookipa a kuka pu ana me ua hoa la malalo o kona mau haku hou. *
Hoi ka Lepo i ka Lepo.
Ua make ma Kalaupapa nei o Mi sasa Rose Piilani, no ka Ua Kukalahale o Honolulu oia, i ka Poalima, Feberuari 26. Ua kaa ma'i loihi, a o ka eha nana i hoomailo i ke kino, aia iloko o ka puuwai. He hoahanau oia no ka Ekalesia Hoolepope o Kalaupapa, he Kumukula Sabati hoi no na Pokii o ke Kula Sabati o Kalaupapa, a he lala hoi no ka Ahahui Opio Imi Pono Karistiano o Kalaupapa. Himeni hope oia me kona mau hoa i kela wa hope ona, o ia hoi kela himeni;
"Kuu aina hanau e,
Nou au e mele nei.
A pau, pule lakou a pau a ekolu; pau ka pule ana, hiamoe iho la ia. Ua malamaia kona halawai ma ka Y. M. C. A. o Kalaupapa ma ka la 27 o Feberuari, hora 10 a. m., na ka Rev. D. Kaai i lawelawe na hana. O ka manao hope, i ke Kahu Kula Sabati ka. Rev. S. K. Kamakahiki, a hoihoiia aku e moe iloko o ka ilina one puakea o Papaloa, a na ke Kahu Kula Sabati i lawelawe na hana malaila a uhi ka lepo i ka lepo. Luuluu wale.
Mawaena o na hora 8 a me 9 p. m. o Maraki 3 nei, ua make aku la o J. H. Kawainui, o ka makani Apaapaa o Kohala, nona hoi na puu haelelua mai iuka o Opili me Kalahikiola. He kupa nana makani ia no Kohala, aina haaheo, mai Kohala-waho a Kohala-loko, a waiho na iwi o kamahele i ka aina malihini a ka ehaeha, a ua liuliu ole no hoi na la i kaa mai ai , a hele aku la no ka aina uhane.
Walohia wale kona mau kini ke ike iho i keia powa wikiwiki ia o kona ola e noho mai la i Kohala, ka aina a me ka moku o Hawaii i oleloia ma ka nane: "O'u makua, o Hamakua; kuu leihala, o Kohala. Hala ka uhane, ka hoapili o ke kino."
HOA'LOHA.
Kalaupapa, Molokai, Ma raki 4, 1897.
HELE HOOLUOLU.
O R. L. Co.
MA NA POAONO A ME NA LA PULE.
E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M. Na Palapala Uku Puni. Papa 1. Papa 2. Manana - - $ 75 $ 50 Mahiko o Ewa - - 1 00 75 Waianae - - - 1 50 1 25 F. C. Smith, Agena Ohua a Palapala Nui. feb 10-tf
E HOOPAA POHO
I Kou Hale a me Pono o loko mai ka poino ana i ke Ahi me ka —HUI— Panihakahaka Ahi Springfield WAIWAI IO, $4,105,374.75. Oluolu a Haahaa loa na hoouku ana. W. F. WILSON, Agena, Helu 209, Alanui Kalepa, Honolulu. [fby. 15—6ml.]
HUI HAWAII KUAI AINA.
NA LUNA NUI. JAS. H. BOYD...Peresidena. J. K. KAULIA...Hope Peresidena. C. A. LONG...Puuku. ENO CH JOHNSON...Kakauolelo. JOS. PAAKAULA...Luna Hooia. W. C. ACHI...Luna Hoohana. NA LALA O KA PAPA ALAKAI. J. K. KAHOOKANO, R. W. WILCOX, J. W. BIPIKANE. He Hui i kukuluia no ka hookuonoono a kokua ana i ka lahui Hawaii; ua makemakeia na Hawaii a pau loa e komo mai i ka Hui. Honolulu, Ianuari 11. jan. 11—1yr
Hoolaha Manao Hooko a Kuai a ka Mea Paa Moraki.
Ke hoolahaia aku nei ma keia mamuli o kekahi mana e hoolilo aku i hoakakaia maloko o kekahi Moraki i hanaia ma ka la 3 o Augate, 1895, e ANTONE FERNANDEZ a me MOKIHANA FERNANDEZ, kana wahine, o Honolulu, Oahu, ia Alfred W. Carter, Kahu Waiwai, o Honolulu i oleloia, a i kopeia ma ke Keena Kakau Kope, Oahu, iloko o ka Buke 157, ma na aoao 53, 54 a me 55, a ua hooliloia e Alfred W. Carter i oleloia ia J. Alfred Magoon, ke manao nei o J. Alfred Magoon i oleloia e hooko aku i ua Moraki la i oleloia no kekahi uhakiia o na kumu aelike maloko o ka Moraki i oleloia, oia hoi: ka uku ole ia o ke kumupaa a me ka ukupanee i ka wa i kauohaia ai no ka hookaa ana. Ke hoolahaia aku nei no hoi ma keia e hooliloia aku no na aina a me na pono a pau loa e pili ana i hoike a i hoakakaia maloko o ka Moraki i oleloia ma ke kuai kudala akea ma ke Keena Kudala o W. S. Luce, ma Alanui Moiwahine, ma Honolulu i oleloia, ma ka Poaha, la 25 o Maraki, 1897, ma ka hora 12 awakea o ia la. Penei iho ka hoakaka o ka waiwai i paa ma ka Moraki i oleloia: O ka apana aina a pau loa i hoakakaia mahope iho e waiho la ma Auaukai, Waikiki, Mokupuni o Oahu, o ia no hoi kahi i hoakakaia maloko o ka Palapala Sila Nui Helu 2833, Kuleana Helu 6679, he ekolu (3) apana no lakou ka huina ili o ekolu haneri a me kanaiwa-kumamakahi (391) anana-huinaha, a o ia no hoi kahi i hooliloia i ka Mea Moraki e Opunui et al. ma o ka Palapala Kuai i kopeia ina ke Keena Kakau Kope Oahu, iloko o ka Buke 79, aoao 144. J. ALFRED MAGOON, Mea a ka Mea Paa Moraki i Hoolilo ai. I ka mea kuai mai na lilo palapala. Kuike ke kumu, ma ke dala gula o Amerika Huipuia. Hanaia Feberuari 28, 1897. mar. 1—4ts.
Hui Papa a Kukulu Hale Oahu.
(OAHU LUMBER & BUILDING CO.)
Leleo, Alanui Moi, kokoke i ke Kahua o ka Hui Alahao & Aina Oahu. Poe Kalepa Laau, Hana Aelike a me Kukulu Hale. Poe Hookomo Mai a Hoolilo aku i na Puka, Olepelepe, Kui, Pepa, Pena, Aila, Na Pono Kamana, A pela aku, a pela aku. Telepone 53. Pahu Leta. apl 20-tf