Ka Makaainana, Volume VII, Number 20, 17 May 1897 — Page 3

Ka Makaainana.

 

                                  HONOLULU, OAHU, POAKAHI, MEI 17, 1897.                         3

 

NA MOKUPUNI.

 

Na Lono Huikau no ka Paoaina Holookou.

Na Hunahuna Mea Hou o ka Aina Kuamakani.

 

            He nui ka la me ka makani o Kau nei i keia mau mahina o nee nei imua, mai ka mahina mai o Feberuari a hiki i ka mahina eepa o Aperila nei, aole i kana mai ua la. Uwe o Kanepuniu i ka wela a ka la, ke hele la a "wela ka uka o Puna i ke ahi a ka Wahine ai honua."

            Piipii kai hoi na kiure kanaka o Kau nei, ia lakou i hoi mai nei, no ka hoolahaia ana e E. Kealoha o Naalehu, no ka lakou mau hana pakahi, ma Ke Aloha Aina Oiaio, o ka la 23 o Aperila nei. Eia ka lakou mau lawelawe hana ana no ka Hope Makai Nui o Kau nei: Kele Kekuna, he malama wai no Waiohinu a he lawe kiaha no ka Hope Makai Nui; Honolii, he ma na awa no H. M. N.; Ikaaka Keawehano, he malama pa-hale no Samuela Kauhane o Kaalualo. a o kana puni o ka pia; o Umii Kaapa, he kaikoeke no ka makai halepaahao; o S. K. Kolohi, he hoa kiu no Ikaaka (mokai), e ae ana i kana mau hoounauna ana a pau; Kilokilo, he paa ipukuha no Ikaaka (makai). A o ka huina waiwai ke kaupaonaia lakou. ua like me ke kaumaha o ke eke hulu manu "nene," e kani ana "unele, unele" Ua oki loa no hoi ina pel@, aohe waiwai o ka hele ana ia Kona a ka Makai Nui o ke koho ana.

            Ua ku maoli no keia poe kiure i ka ehaeha, no ka hupo mai ke kumu o ka ehaeha. Ina he poe kiure naauao, he mea lealea ia ia lakou. O kahi kiure mama awe o ke alii ka mea piipii kai loa, oiai, i pane aku ai kona hoaloha--"E hoi i ka hana." "He aha ia hana?" "He mama awa no ke Alii Kau-o-Kau." Ua hene iho no ka aka, a kuu iho ana ke puna, a puaua ae la i keia mau hua mele.

"Aohe nana he mauu Hilo, Mauu ke-wai no kuu wawae,

Ua komo na ala i ko'u inipakeke."

            Ma Naalehu ua hoomakaukau ae kekahi lede he wahi paina luau no ko laua hipuu polena ia aku ma ka mare. I ka makaukau ana o na mea-ai no ka mare aku, me ka lohe ole keia o ke kane, a i ka wa i hoi mai ai o ke kane a ninau aku la i kana lede he mea aha keia, "he mea paina mare no kaua," wahi a ka lede i pane aku ai i kana ipo. "No, no," he punua no ka'u aia no ma Hilo, elua a'u keiki. He ili-puakea ke kane, he wiliki no ka mahiko o Naalehu nei.

            O ka manao o na makua a me ke Kaikamahine o ka mare, aole ka peia ka manao o ka haole. Aloha no ka haole i ka i mai he punua p@poli no ka'u--"aia i Honolulu kuu pohaku." O keia kaikamahine na ko makou Hope Lunakanawai, Misita K. Pa. O na mea i hoomakaukauia, ka ai, ka i'a, ua makana wale ia aku no na hoa'loha. Eepa no ka haole. O Aperila la keia a ka eepa.

            Ma Naalehu no ua mahuka aku o Misasa Kailianu mai ka poli pumehana aku o kana kane a lilo i kekahi mea e aku no elua pule, a hoihoiia mai, no ke ano opulepule o ke kane i ke aloha i ka wahine. No keia kane no ka hewa no ka hoomau i ka hana i ka bia, pepehi i ka wahine a holo mahuka a loaa i ka iole ai moa o Keauhou. Ma ka ike aku a kou kiu hanu mea hou i ke ano o ka wahine, "ua hele a ilio pialu ka uka o Ha makua i ka la." I ka noho paha iloko o ka luahuna waiwai nui a Hiliuai.

            He ma-u ia mau wahi mea hou, mahanahana kahi lehelehe, he oki loa hoi ka hoi wale aku o ka Mauna Loa. Ua lawa keia hooheno ana.                 Hou Oiaio,

                                                                                                M. PUAIKAWAI.

Kau, Hawaii,                                                                                      Aperila 28, 1897.

 

Paikiiia na Makai o Kauai-o-Mano-kalanipo.

 

            Ma ke kauoha a ka Makai Nui o Kauai nei i na Kapena Makai a me na Makai o na apana a pau e hele aku imua ona, a ua hookoia ia leo kauoha. Eia ka auanei he kauoha e paikii nui ia na Makai a pau i hoohiki, i nalowale nui ole, ai hoi, e like paha me ke kanawai hou e hanaia nei i na paahao, ke paikiiia. I ka wa i paikiiia ai na Makai, ua komo lakou i na lole piha e kau ana maluna o na lio. Pau ia, paikii hele wawae, a pau no hoi ia, paikii nui e paikau ana me na pu. Ua hoomakaukauia keia no ka hiki mai o ia manawa, i hiki ole ai hoi i na makai i hoohiki ke holo mahuka i na hora o ka hana. Ina o ia ka manao, ke haawi aku nei ka mea kaku i kona mahalo nui no ka Makai Nui o Kauai.

            Ua pau ae la hoi ia, o na loio i ho ohikiia aku koe, a ke pau lakou, o ke Unupahiiole aku, ka moepuu no lakou. Oia, ohiia i au na poe i hoohiki. O ka ike pono ia i kaloaa, i hawahawa ai na lima hulu kokala i ka peni a me ka eleele o ka inika.

            A o ia ka ka mea kakau e paipai aku nei i na poe hoohiki i koe o kela a me keia mokupuni, e hele no imua o ko oukou mau Makai Nui pakahi. Mai kali a oleloia mai, alaila, hele aku. O ka eleu mua aku no ka pono, o nele no i kahi haawaina ole e hoi aku ai i kauhale, oiai, he wa nele loa keia i kahi hana ole.

KA UA KENIKENI O LIHUE.

 

Ua hookuku kinipopo ae he mau poe wae o ke Kula Kamehameha a me ka mokukaha Pilakelepia i ka auwina ia Poaha, la 6 nei, ma ke kahua kula o uka o Kaiwiula. Ua eo i na keiki Kamehameha me 6 kue ia 5 ai-puni. Aohe no hoi he wa a pai-a pai. a maikai aku la no hoi paha ka paani ana.

 

Aha Ike a Hookipa.

            Piha u ka aha ike a hookipa i ka Rev. J. Usebona i ke ahiahi Polua, la 4 nei, maloko o ka luakini o Sana A@aru, i na hoahanau like ole o ia Ekalesia. Ua hoolaunaia na hoahanau iaia a me kana wahine, a ua haawiia ae hoi he mau himeni ana, a i ka pau ana, ua haawi mai oia i kona mahalo me na olelo hoolanalana manao. E ole nae hoi ia aha, maopopo ai kona noho loa iho ianei a me kona ohana pu. Ua hiki, he mai!

 

Waiho ia Kahu Waiwai.

            Ma ka Samu M. Damona noi ponoi ana i ka Aha Kaapuni, ua ae o Lunakanawai Kaaka e hookuu iaia mai ka noho kahu ana no ka Waiwai o B Pauahi Bihopa. Ke kue nei na hoa kahu e ae, oia o Keo Kaaha a me Kauka Hai, i kela noi, a ua hoohalahala loa aku i ka Aha Kiekie ma na ninau kanawai. O ua kumu, no kona kaawale aku mai ka aina nei a no ka nui hoi o kana hana, eia nae, aohe i manao kona mau hoa pela.

 

E Kipa a e Ike Ae

 

            I kela hoa oiwi o kakou, ia S. M. Kamakau, ma ka halekuai waiona o Lovekeoe Ma, kihi o na alanui Nuuanu a me Marine. He heahea a he oluolu oia, a ua loihi kona kamaainaia ma ia hale, malalo o kona mau haku mua elua, i pau. O na waiona maikai wale no ke loaa malaila, a pela no hoi me na waina Kaleponi maikai loa. Oluolu na kumukuai, a pela no me na hookipa a kuka pu ana me ua hoa la malalo o kona mau haku hou.

 

            Poakolu, la 5 nei, i uku ai o Keoni Radini iloko o ka Aha Kaapuni i kekahi hoopai dala ona no ka hewa malama opiuma a ua loaa i ka Waihona o ka Lehulehu he $250. O kahi hihia iho hoi ona i huiia ai ka hoopai dala me ka hoopaahao, ua hoohalahala loa ia aku i ka Aha Kiekie.

 

            Eia iho na luna nui i kokoia no ka Hui Heihei Lio Hawaii ma ka halawai ana i malamaia i ke ahiahi Poakahi, Aperila 19: H. A. Widemann, Peresidena: W. M. Giffard, Hope-Peresidena; J. G. Spencer, Puuku: S. G. Wilder, Kakauolelo; W. C. Wilder, Jr., J. S. Walker, a me Seeley I. Shaw, Komite Hooko. He hoike ana keia e malamaia ana no he mau heihei lio i Iune 11 ae. Lealea ino no na poe puni lealea heihei.

 

Hui Papa a Kukulu Hale Oahu.

(OAHU LUMBER & BUILDING CO.)

Leleo, Alanui Moi, kokoke i ke Kahua o ka Hui Alahao & Aina Oahu

 

Poe Kalepa Laau, Hana Aelike a me Kukulu Hale.

            Poe Hookomo Mai a Hoolilo aku i ua

Puka, Olepelepe, Kui,

            Pepa, Peua, Aila,

                        Na Pono Kamana,

            A pela aku, a pela aku

Telepone 53.                                                                                                                Pahu Leta.

@

 

Hoolaha Manao Hooko a Kuai a ka Mea Paa Moraki.

 

            Mamuli o ka mana kuai i hoikeia ma kekahi Moraki i hanaia e H. KAUAIHILO a me POIPE, kana wahine. o Kapaka, Koolauloa, Mokupuni o Oahu, ia Isaac Testa, ma ka la 20 o Augate, M. H. 1889, i kopeia ma ke Keena o ka Luna Kakau Kope ma Honolulu, Oahu, iloko o ka Buke 119, ma na aoao 76, 77 a me 78.

            Ke hoolahaia aku nei ma keia ua manao ka Mea Paa Moraki e paniku aku i ka Moraki i olelooia no ka uhakiia o ke kumu aelike, oia hoi, ka uku ole ia o ke kumupaa a me ka ukupanee i ka wa e kupono ai no ka hookaa ana, a mamuli hoi o ia hooko ana e kuai aku ai ma ke kuai kudala akea ma na Keena Kudala o W. S. Luce, Luna Kudala, ma ka

 

POAKAHI, LA 17 o MEI, 1897,

 

MA KA HORA 12 AWAKEA.

 

            O na wahi i hoakakaia ma ka Moraki i oleloia, ua hoikeia malalo iho.

ISAAC TESTA,

            Mea Paa Moraki,

Kumu: Kuike, ma ke dala gula o Amerika Huipuia.

I ka mea kuai mai na lilo palapala.

            @ No na mea e ae i koe, e ninau ia A. Rosa, Loio, Alanui Kaahumanu, Honolulu.

Honolulu, Aperila 10, 1897.

 

            Eia iho na wahi e hooliloia aku ana:

            Akahi--O kela mau apana aina a pau loa e waiho la ma Punaluu, Koolauloa, Mokupuni o Oahu i oleloia, a i hoakakaia maloko o ka Palapala Sila Nui 1294, Kuleana 4364, no Kekaumiumi--Ili 1.50 Eka.

            Alua--O ke kuleana a pau loa i mahele ole ia o ka Mea Hana Moraki i oleloia iloko o ke Ahupuaa o Puheemiki, ma Koolauloa i oleloia, i hoakakaia maloko o ka Palapala Sila Nui (Aina Aupuni) 3053 no Kaaimanu a me kahi poe e ae--Ili 45 38--100 Eda. O kahi i oleloia, o ia no hoi kahi i hooliloia i ka Mea Hana Moraki e J. N. Kaouli ma o ka Palapala Kuai i hanaia ma keia la like me ka Palapala Moraki a kopeia ma ke Keena Kakau Kope ma Honolulu i oleloia, iloko o ka Buke--, ma na aoa---.

            Akolu--O ka aina a pau loa i hoakakaia maloko o ka Palapala Sila Nui 3012, Kuleana 4331, no Kamano, nona hoi ka ili o 1.40 Eka, e waiho la ma Kapaka i oleloia, o ia no hoi kahi i hooliloia mai e S. Waiwaiole i ka Mea Hana Moraki.

            Aha--O na aina a pau i hoakakaia iloko o ka Apana 2 o ka Palapala Sila Nui 2909, Kuleana 4055, no Kaukaliu, a hooliloia i ka Mea Hana Moraki e Keaka, kaikaina a hooilina hookahi ma ke kanawai e ola ana o Kaukaliu i oelloia, e waiho la ma Kapaka i oleloia.

                                                                                                                                    apr. 12--5ts

 

            Ua hoopaneeia ke kuai maluna ae a ke awakea o ka Poakahi. Mei 17, 1897.

 

ED. A. WILLIAMS.

 

Helu 514, Alanui Papu, ma Ewa iho o Pa Aloha.

 

He mea kuai lako hale o na ano a pau loa.

 

He mea Hana Pahu Kipapau a Hooponopono Hoolewa.

 

Picture Here

 

            @akoia no na Kaa Kupapau, na Kaa pio a me na Kaa-ohana.

            Ina no e ninau iaia, e loaa no na Poha ku Kia Hoomanao no na He Kupapau.

 

            O ka Ialoa kekahi hana hiki loa iaia aia ia malalo o ka Lawelawe ponoi ana a Ed A. Williams, F. D., he mea i puka pono mai ka Kalaka Kula o ka Ialoa Maikai ana iloko o Mei, 1894.

----NA TELEPONA----

Keena, Helu 179--Kauhale a me Kahea Po

Helu 813.

@                                                                                            @