Ka Nonanona, Volume II, Number 3, 5 July 1842 — Page 11

1842.] KA NONANONA. 11

                Mamua aku nei ku e ka manao o kekahi hoaaina i kona haku aina ia Kaelemakule o Papa ma Kapalilua kona aina. Hele aku ua hoaaina nei ia Naheana ka lunaauhau ma Kailua, a hoike i kona manatfv liorp.ii koke o Naheana ia Kaelemakule a hemo kona aina. Hele aku o Kaelemakule ia Naheana a i aku ia ia, aole pono keia, ua pai ia kuu aina me ka hookolokolo ole. Olelo mai o Naheana, "he ai no kau malaila?" Ae aku o Kaelemakule, "he ai no." Hooluolu mai o Naheana ka lunakanawai, "o hoi oe ea, a nau no ka ai, aole e ohiia kau ai." I aku o Kaelemakule, "aole pela kuu manao, minamina au i ke kanawai o ke Alii, aole o'u manao nui i ka hemo o kuu aina, aka, aohe oluolu au i ka hemo me ka hookolokolo ole ia. Ka inoa, o ka hookolokolo ka pono, aole o ke pai wale; makemake au e hookolokolo kakou i akaka ka hewa e hemo ai kuu aina. Ma ke kanawai o ke Alii kuu makemake, nolaila kuu hele mai nei e hookolokolo i akaka. Pela laua i hana ai, aole nae i ae iki o Naheana e hookolokolo, no ka mea, ua holo e kana olelo i kela kanaka e hemo Kaelemakule.
                O Kaelemakule ka mea nana i hai mai ia'u i keia mau olelo. Nui wale ka poe i ohumu ia Naheana ma Kona nei me ka olelo, ua hookaumaha loa o Naheana.
POLEPE.

                Auhea oe, e Limaikaika; e hai iki aku oe i ka halawai a ka poe hoole i na mea ona ma Lahaina nei. I ka la 13 o Iune halawai nui lakou ma ka luakini o Lahaina. He 1500 inoa i paa ma ka palapala hookahi. O ke alii nui ka i noho luna ma ia halawai.
                Pule o Mi. Rikeke; alaila heluhelu mai ke kakauolelo i ka palapala no na halawai mua.
                A pau ia hana, he nui na mea i hai mai i ko lakou manao. Lohe makou i ko lakou manao me ka olioli iloko o ka naau.
                Hai mai kahi i kona manao, i ka olioli loa o na kuaaina i ko lakou lohe ana i ka hana a na'lii i keia wa. I mai ia, i kuu kaahele ana ia Maui hikina, uwe maoli nei na kanaka i ka lohe, ua pau na'lii i ka haalele i na mea ona.
                Penei ka manao o kekahi; ma Kawaihae makou, a ao mai ka haole i na kanaka maoli i ke puhi rama. Puhi kanaka i ka rama, a inu kekahi poe. A ikeia ko lakou hikaka ana, a me ka lalau, a me ka lapuwale o ka manao; kapa iho la na kanaka i ka rama, he wai hehena. Oia ka inoa o ka rama ia manawa, o ka wai hehena. E ka Nonanona e hoomau kakou ia inoa, he inoa kupono ia. O ka rama, ua like iki kona leo me ko ke kukui; aka, he mea pouli wale no ia mea ona. O ka wai hehena ka inoa kupono.
                A pau lakou a pau i ka hai i ko lakou manao, ku mai ke alii nui a hai mai i kona manao. Aole paa kana olelo a pau ia'u. Penei kahi manao ona. "Olioli kuu naau i keia hana a kakou e hana nei. He hana maikai loa ia. I kuu wa e inu rama ana, ike au he mea ino loa ia; aka, no ka lealea, nolaila haalele ole. Inu nui au i kahi manawa; i kekahi manawa elima po ka inu ana. Aole i pili iki kuu maka i ka hiamoe ia mau po a pau. Ua ike au i ka inu pu me ka poe haahaa, a me ka poe maka hanohano. Ua ike au i ka