Ka Nonanona, Volume III, Number 8, 5 September 1843 — Page 44

44 KA NONANONA. (SEPATEMABA,

kanaka? I ka nana aku, he ano kanaka maoli no; aka, ma ka hana ana he ano pupule.
          A ua olelo mai no nae ua Kamauoha la, he akua ko laua, ua noho iluna o ka wahine, o Lono ka inoa, he akua ike, e hiki no ia ia ke ike aku i na wai iloko o kekahi pahu i paa i keki, me ka ike ole ia mamua, a e hiki no ia laua ke ike i na mea e anaana ana ia laua ma kahi malu. A olelo mai oia, aole moe iki ko laua mau maka, e kena mai ana no ia laua e kii, e kii, oia na olelo wahahee a keia kanaka i imi ai i mea e hoopunipuni aku ai ia hai.
          I kuu manao, aole hiki ia ia ke koho iho i na anoano maloko o kekahi ipu haole no ka wahahee loa.
Na I. H. PAEHEWA.

MELE HOI HOU ANA.

(Leo, 'E Ola ke Alii i ke Akua.')

E ko makou alii!
Mahalo 'ka moi,
I keia la!
E mau kou ola nei!
E mau kou aupuni!
No na hanauna hoi,
I oni paa.

1 E ko makou alii!
Mahalo 'ka moi,
I keia la!
E mau kou ola nei!
E mau kou aupuni!
No na hanauna hoi,
I oni paa.

2 Nani! ka inoa maikai!
Me kona aina nae!
TOMA ke koa!
Mahalo 'kou maikai,
Kou wikiwiki mai!
Maluna o ke kai,
E kuu 'na paa!

3 Hiilani i ke Lii!
Iehova ka Moi,
E hapai no;
Nui ke kupinai!
Nui ke mele nae!
I mau ka pomaikai
Ia oe no.

Honolulu, Oahu, Iulai 31, 1843.