Ka Naʻi Aupuni, Volume I, Number 31, 2 January 1906 — Na'i ia no ka Pono o ka Lahui. [ARTICLE]

Na'i ia no ka Pono o ka Lahui.

Eia imua o ka Papa Hooko o ka Aoao Kalaiaina Kuokoa Home Rula ka noonoo ia ana o kela kumuhana a makou i hoomaikeike aku ai ma ko makou pepa o Dek, 29 aku nei, Heiu 29 ka manao nona ke poo "No keaha i uku hoomau ai ke Aupuni o Amerika i na Ilikini, a uku ole ia hoi na kanaka Hawaii?" Aole makou i ike i na keehina hana a ua Papa Kiai Lahui Hawaii nei e hooholo aku ai i ka makemake i upuia ma, o keia kumuhana la. E kauoha ana paha ia Papa e hoounaia na palapala hoopii mai ka Lahui Hawaii aku imua o ka Ahaolelo Lahui e noho nei i keia wa ma o ka Elele Lahui la ma Wasinetona, a i ole e hooholo ana paha lakou na ka Papa Hookoo ka Aoao Kalaiaina, e hana aku ia hana, ma ka aoao a ma ka inoa o ka Lahui Hawaii. Ma ko makou ano he wahaolelo; no ka Lahui makee kulana hooponopono Aupuni Kuloko ma o ke koho balota ana la a ka lehulehu i ko lakou mau Luna Aupuni, oia hoi ka kulana hooponopono Aupuni Home Rula. ke olelo nei makou. he mea pono ke lilo keia i kumuhana pili lahui maoli. me ka nana ole ae i ke kulana aoao kalaiaina. E hoomaka koke ia no keia hana i nei wa, a e lilo no hoi ia kahua [illegible] keia Aoao Kalaiaina e hele aku ai imua o ka lahui [illegible], n ai Hawaii a Kauai. no [illegible] i ka mea e lilo ai ka Noho Elele Lahui i Wasinetona. ma keia kau kolo ae. O ko ka Lahui oiwi pono maoli keia

A o ka hana ana aku i mea, e loaa mai ai keia pono, oia ka makou i olelo e nei, 'Na'i ia no ka Pono o ka Lahui?" Ua ike a ua hoomaopopo makou, eia na poe Mahiko ame Oihana Kalepa o Hawaii nei ke hoala mau nei i na noonoo ana ame na hooikaika ana ma na hana e loaa mai ai he mau poma kai mai ka Alraolelo Lahui mai, no ke kino aina, wai a pohaku o Hawaii nei, a lelele hunahuna ae hoi he mau wahi makilikili liilii iloko o na poho lima o ko lakou aialo ponoi iho, o ka puu nui no nae, aia no ia ia lako ponoi iho. A ma ka makou hookaulike ana, aole ia he Na'i ana no ka pono o ka Lahui; aka, he hooikaika ana ia no ko lakou pono iho. Aka, o ke noi ana i ka Ahaolelo e loaa mai kana kokua ana i ka Lahui Hawaii e like me ka Amerika i kokua aku ai i ka Lahui Ilikini i kela ame keia manawa, oia ka Na'i ana i ka pono no ka Lahui. He ninau a he Kumuhana keia i pili pololei ke kanaka Hawaii. Home Rula, Repubalika, Repubalika Civic Federationa, Demokaraka, Demokaraka Civic Federationa, me Paahana Uniona; aka, e hoomaopopo ia nae, o ka A oao Kuokoa Home Rula ka hiki mua ma ka hoonee ana i keia kumuhana.