Ka Naʻi Aupuni, Volume I, Number 31, 2 January 1906 — Na Anoai. [ARTICLE]

Na Anoai.

Aloha Makahiki Hou kakou a pau ! Ke Kapala, alaea keokeo ia nei na paia o ko makou Keena Pa'i. A he ui hoi kau! He ekolu wale no lawehala i paa ae mai ke awakea Lapule mai a ke awakea onehinei. He hookahi ona. Ua loaa na wahi okeni a na limahana alanui ma ka Poaono nei. Ola no na kini ua a ke ahi i nehinei. Ua waiho o Nolte i ka lawelawe ana i ka malama hale aina ana mahope iho o ka hala ana o kekahi mau makahiki loihi o kona noho ai-puupuu ana ma ia hana. U hoomahuahua hou ia ae ka bona hoopaa o ka Luna Alanai Sam. Johnson, mai ka $8,000 a ka $10,000 i kona hoi ana ae nei malalo o ke Kalana e hana ai. Ma Kahiliaulani Hale i malama ae ai ko makou Ona i kekahi papaaina i luluu pono me na kuhinia a ka puu, a ua nui na poe i laulima pu ae ma ka Hauoli Nuia ana. Eia na poe i hookaa mai no ke ola o KA NAI AUPUNI, no ka malama aku la o Dekemaba, Mrs. Kainana Puahi, 75 keneta me 25 keneta no na pooleta, J. Kepano 25 keneta. Ma ka Poalima o kela pule aku nei i loaa mai ai i ka Loio Kuhina ka hoike mai Wasinetona mai, ua loaa pono aku kena palapala pane Kanawai no ka pono kai lawaia o ka lehulehu ma ka hoopii a ka Waiwai o Pauahi. Eia na poe i hookaa mua mai no KA NA'I AUPUNI, no ekolu malama ame hookahi malama: S.W. Kalaikini. $2.00 mai Dekemaba (1905) mai a Feberuari (1906), Aberahama Kaleikau 75 keneta uo lanuari. 1906. O ka poe hookaa mua mai no ka mahina hookahi, ekolu mahina, eono mahina, a makahiki hookahi no keola o KA NA'I AUPUNI. no ia [illegible] wa .75 keneta, ka $2.00, ka $4.00 ame $8.00. O na poe [illegible] i ka hookaa ana a ia apau ka mahinaa hookahi, e uku lakou i $1.00 ma ka Poakahi o ka pule e pau ai ia mahina. Aole aeia ka a e a oi aku mamua o hookahi mahina.