Ka Naʻi Aupuni, Volume I, Number 32, 3 January 1906 — Aberahama. Unuhiia mai loko mai o ka Buke Lau Kaluha (Papyrus) e losepa Kamika. [ARTICLE]

Aberahama. Unuhiia mai loko mai o ka Buke Lau Kaluha (Papyrus) e losepa Kamika.

HE unuhina o kekaki mau Moolelo Kahiko, i loaa mai l ko makou mau lima, mai ha lua-huna mai o Aigupita; na mea i palapalaia e Aberahama, oiai oia ma Aigupita, a kapaia, Ka Buke a Aberahama, i kakauia e kona lima ponoi maluna o na pepa iau kaluha. MOKUNA IV. 15. A ua hoonoho ia lakou iloko o na aouli o ka lani e hoomalamalama i ka honua; a pela io no. 16 A hana ae la na Akua i na malamalama nui elua, o ka malamalama nui, e alii ai maluna o ke ao, a o ka malamalama uuku iho, e alii ai maluna o ka po; a ua kau pu ia nohoi na hoku me ka malamalama uuku; 17. Ua kau na Akua ia lakou iloko o na aouli o ka lani, e malamalama ai ka honua, a e nohoalii maluna o ke ao ame ka po, a e hoo--kaawale i ka malamalama ame ka pouli. A kiai aku la na Akua i keia mau hana a lakou i kauoha aku ai a hookoia. 19. A, aia hoi, mai ke ahiahi mai ia a ke kakahiaka, a he po no ia; a, aia hoi, mai ke kakahiaka mai a ke ahiahi, he ao no ia; a o ka ha no ia o ka manawa. 20. A olelo iho la na Akua: E hoomakaukau kakou i na wai e hoohua nui mai i na mea ola apau e holo ana; ame na manu o ka lewa, i lele ai lakou iloko o ke aouli akea o ka lani. 21. A ua hoomakaukau na Akua i na wai i hoohua mai ai lakou i na kohola nui, ame na mea ola apau e holo ana, na mea hoi a na wai e hoohua nui mai ai mamuli o ko lakou ano iho. A ike aku la na Akua, e hookoia ana na mea apau a lakou i kauoha aku ai, a ua maikai ka lakou mau hoolala ana, Aole i pau.