Ka Naʻi Aupuni, Volume I, Number 40, 12 January 1906 — Na Anoai. [ARTICLE]

Na Anoai.

EUhoomanao i ka hulahula a kakou i keia Poaono iho. Ua loaa hou mai nei ma ka lima oka Puuku o ke Kalana o Oahu nei, he $79,440.47 mai ka waihona mai oke Teritore, a ua aneane e hiki aku na loaar apau o ke Kalana mailoko mai o lulai a hoea iho la i keia wa i ka huina o $351 894.40. Ua lauahea ka lono mamua o ka haalele ana iho o W. O. Kamika ia Honolulu nei a hala aku la no Wakinekona, ua hoike ae ka oia, e kakoo ana oia ia Lunakanawai Robinson e hoomauia aku kona noho lunakanawai kaapuni ana. He kanaka niaikai a oluolu keia kahu o ka Aha. Pakele he elua mau kanaka nunui mai pakiikii mamuli o ka haki pu ana o ke kaola pa o ke alanui Kimo Pelekane i kekahi o keia mau po aku nei, oiai laua e ekekei ana iluna me ko laua kaumaha a pahu ana ilalo Hookahi o laua mea momona puhala lu, a hookahi mea kino nui loihi kolopu kohu Kukini. I ka lalama no paha oka poe nunui. O kela mau wanana a ia Profesa o na aina mamao e pili ana i ka hopena o ke ao nei iloko o 1909, e hoea mai ana, ke ku-nana nei ko makou olohe kaka-laau, —"Aole i ike ke keiki, aole hoi na anela o ke Akua. ,! Ina i ike ole na anela, aole no ke keiki, aka, o ka M»kua wale no, alaila, pehea hoi i ike ai kekalii o na mea hanu olae hanu ana ma na puka-ihu?