Ka Naʻi Aupuni, Volume II, Number 16, 20 June 1906 — KA MOOLELO O Hiiaka-i-ka-poli-o=Pele. [ARTICLE]

KA MOOLELO O Hiiaka-i-ka-poli-o-Pele.

(Hoomauia.) Na MAKANI O LEHUA NIIHAU AME KAUAI He Kuimanihi ko Weliweli He Onehali ko Manene He Kiu ka makani paio, lele i ka lapa. olapaka hoe a kā lawai'a, he ino, He Makahuena ko Paa He Puoku ko Mahulepu He Puapuaapanoo ko Kipukai He Aopuaa ko Haupu He Onohimaka ko Keolewa He Lihikewai ko Kemamo He Kehau-omao ko Aahoaka He Lanilulehua ko Kahoaea He Peemuku ko Halenanahu He Akiu (Ahiu) ko Puuloa He Huelepo ka makani o Kahoinaakaunulehua E Kane ! Hui ia ! ? Hui ka makani ! ! ! Holomio o Kilohana ! ! ! He Oni ka makani o Puhi He Pahola ka makani o Hohola He Ainakua ka makani o Halelena He Puapuaa ka makani o Kipu-uka He Akeakea ka makani noho o kuu aina He Holokawelu ka makani o Makalii He Onowai ka makani o Kahoku He Nihipali ka makani o Kaualehua He Kahilipulu ka makani o Kalanipuu Noho na makani a Kane. lawe ke He Kauhihi ka makani o Kaluaalaea He Aikapu ka makani o Halehaku He Hapuku me Alaoli na makani kuehu lepo o Huleia He Lawekiupuaii ka makani o Alekoko Naha ka maka-ha, lele ka upena a na Akua Ka-ne a me Kanaloa. He Kahili pii ka makani o Niumalu He Waiohue ka makani o Papalinahoa He Hueone ka makani o Nawiliwili He Wamua ka makani o Kalapaki He Ehukai ka makani o Ahukini He Pahola ke kiu holo kii makani lele kula o Lihue He Kuliahiu ka makani o Kapaia He Hooluakeinehe ka makani o Hanamaulu He Kaao ka makani hele laola o Kahalapala He Ahiuhiu-Kaao-Puulena ka makani o Kawailoa He Puuone ka makani o Alio He Ahiuwainui ka makani o Kahaluu He Olapa ka makani o Kalepa He Hauola ka makani hee nalu o Kalehuawehe He Malua ka makani lawe pua hau o Wailua-nui Hoano Lawe ke Kiu kehau makani o Holoholoku He kapu na pohaku hanau alii O holo i ka lani , i opuu iloko o Ikuwa—Ae. He wa nui hoi keia o na pohaku hanau alii Hanau o Hawaii moku nui Kea Hanau o Kauai nui o Kamawaelualani Hanau o Wailua nui Hoano Mo ka piko o na mahoe Hanau ka Waipua makani o Moanaliha - Kahe ka wai-ula kuakea ka moana Lawe Keau-miki me Keau-ka He Waiakua lawalawa ka makani o Konolea He Wailohi ka makani o Nahanahanai He Iauwai ka makani o Waipouli He Hoolua hee nalu ka makani o Makaiwa He Pepee kiu kena ka makani o Kapaa Huli, kapae ka makani o Mailehuna Ke Naekulani punoho-ula-au-koko ka makani o Kapahi He Puakoolaupiilehua ka makani o Pueo E hea i ke Koolau e komo maloko Eia ke ala o Mailelaulii Ke mapu nei i kuu poli Ua laa oe i kuu poli paa i ke kai-okia He Kololio ka makani kepue E ala ! E ala ! Ua kani o Olokele nui maka onaona He Malamalama ka makani o Kealia He Hului ka makani o Homaikawaa Ma keia wahi hoomaha iho la ua Pelenei i ka hea ana i na makani. a kamailio aku la oia ia Lohiau ma, i ka i ana; "E hea aku ana au i na makani o Anahola, a he wahi