Ka Naʻi Aupuni, Volume V, Number 24, 4 February 1908 — Masiliona ke Koa! -A ME- Miganolia ka Ipo! [?] MUKUNA IV. [ARTICLE]

Masiliona ke Koa! -A ME- Miganolia ka Ipo! [?] MUKUNA IV.

Ua lele aku la o Roderigo a apo aku la i ka a-i o ko maua luaui makuakane, honi iho la oia iaia, me kona hoopuka ana ae i na olelo walohia loa: E kuu makua! e kuu makua!! Eia au o Roderigo de Masana. Ua ola, a ua hoi mai au i kou poli, e ko maua luaui aloha, e Masana — e!!! Ike aku la au i ka haalulu ana ae o ke kino palupalu o ko maua luaui, a ku ae la oia me ka nakanaka ana o kona mau lima a puili ae la i ka a-i o kana keiki, a me he la, iloko oia wa ua loohiaia oia me kekahi ma'i kauhola ikaika Ioa nana i hoopii ae i ka nananakea ma kona mau papalina, a oia ka Maganolia i holo mai ai a paa mai la iaia, a o Lede Evalina mai nohoi. Elike me na keiki aloha oiaio i ko lakou luaui makuakane, e haawi ana i ka lakou kokua ana iaia ma na wa apau a lakou e ike ai ua komohia ko lakou luaui iloko o ka nawaliwaii a popilikia e ae paha, pela no makou apau kana mau keiki i hana aku ai nona ma ia wa. Ua hbonoho iho la makou iaia ilalo, aka, iloko o ka wa pokole, ua hoi hou mai la kahi ikaika uuku iloko ona, • a elike me kona wa mam'ua, ua pane mai la oia ia makou apau: Ke hauoli nei kuu uhane, ua loaa hou mai la kuu mau onohi maka, ka akau ame ka hema. He mau la keia na'u i uwe kanikau iho nei me ke kaumaha no kuu Masiliona, ua manaoio loa au ua make oia iloko o ka lima o na powa e hoohalua ana i ke ola o ka Haku Kadilaka mamuli o kona paio ana no ka lanakila. Auhea la o Kadilaka keia wa? Ia manawa i ku ae ai ke Kauna Kadilaka a hoikeike mai la iaia iho imua o Masana, ko maua makuakane me Roderigo, elike me ia au e ike nei, e ka makamaka heluhelu. Alaila, pane aku la ua luaui nei o maua i ka Haku Kadilaka i ka olelo ana aku: E hele mai e kuu Haku, aole hiki ia'u ke hoomaopopo aku i kou mau helehelena i keia wa mamuli o ka powehiwehi o ko'u mau maka. Hele mai, i aloha aku ai au iaoe. Eia ko'u noonoo ke pioo nui nei mamuli o ka hopena palupalu. Ua hele aku la hoi ua Kauna Kadilaka nei a haawi aku la i kona aloha ia Masana, oiai oia e noho ana maluna o kona noho. Ua hala kekahi manawa loihi o keia hoolauna aloha ana o makou i ko makou mau hoaloha imua o ua luaui nei o maua o Roderigo. Mahope iho o ka pau ana o keia mau hoolauna hou ana a makou, ua hoomakaukau ia mai la na mea ai na makou e ko makou mau hoaloha, oia nohoi o Aremana ame kekahi poe e ae o makou. • A malalo no keia o ka'u mau alakai ana. I kela manawa e hoomakaukauia mai nei na mea ai, oia ko'u manawa i huki ai i kuu pokii, ia Roderigo, ma kahi kaawale, a kamailio iho la maua o maua wale no. Ua hoike aku la au iaia, e hele ana au ia manawa me ka'u wahine no ka aina malihini o Helene, a he mea pono iaia ke noho no ka malama ana i ko maua Iuaui makuakane. Aka, wahi a'u i hoomau aku ai i ke kamailio ana imua ona, e hiki mai ana no ka manawa e kauoha mai ai au iaia e holo ae oia i Helene no ka haawi ana mai i kana mau

kokua ana mai ia'u ma kekani mau hana e pili ana i ka hooponopono ana ia aupuni. Ia wa i ninau mai ai o Roderigo ia'u: Alaila, e hele ana oe e kuu hanau mua, e lilo i alihikaua nui no na kanaka Helene? Oia anei ke ano nui o keia huakai au e hele aku nei, a waiho mai oe ia'u kou pokii e noho au me ka luaui makuakane o kaua? Pane aku la au iaia: E kuu pokii, e kala mai oe ia'u ma ka hoike ana aku ia oe. Aole au i maopopo i ke ano oiaio maoli o keia huakai a'u e heie aku nei no na kaiaulu o Helene. Aka, o ko'u manao koho wale aku no ia ma ke ano o ke kamailioia ana mai ia'u e ka mea nana e lawe ana ia'u ame ka'u wahine no ia aina malihini,.a hookahi no makamaka o na lima. HSm9 E hele pu ana me a'u ma keia huakai a'u, ke Kauilk Kadilaka ame kekahi mau hoaloha kakaikah i e ae o kāua. No keia mea i makemake ai au ia oe e kuu pokii, e noho oe me ka luaui makuakane o kaua. Ua makemake nohoi au ia oe, no ka noho ana me ka ' luaui o kaua, i hiki ai ia oe ke hooponopono hou i na mea apau e pili ana i keia hale apulu kahiko. Ua lawa loa ia kakou ka waiwai no ka hoohana ana, i loaa ai he home nani a oluolu no ko luaui makuakane e hoomaha iho ai.ikona mau la hapauea ma keia ola ana, a hoopili mai hoi i kona hanu hope ma kou poli e kuu pokii. (no KAHI WA AKU.)