Ka Naʻi Aupuni, Volume V, Number 40, 26 February 1908 — E Huli Ponoia Ana. [ARTICLE]

E Huli Ponoia Ana.

*- Ua lohe mai makou, eia ka Papa Ola ke noii mai nei i na manao i hoolahaia maloko o na nupepa no ke ki-pe o ka Papa Ola i na Komite Umi, a he hana hoi ia e hului pau ia aku ai na poe na lakou ia mau manao ame ka nupepa pu nana i hoolaha, no ka hoike ana i ka mea oiaio imua o ke akea. A o ka mea moopopo loa, ma ka wa e

hiki ole ai i ua poe la ke hooiaio ae i ka pololei o ua mau manao la i hoopukaia, alaila, e kau mai ana maluna o lakou na ahewa ko'iko'i ana a ke kanawai. O keia ka pilikia a makou i ike ai e hekau mai ana maluna o na makamaka, no ka hoopuka i na manaolimi hala wale a oiaio ole.

Ke ole makou e koho hewa, e komo pu mai ana kekahi mau hoa o ke Komite Umi ma keia mau hana noii, o ke alahele nae ia e hiki ai i ka lehulehu ke ike i ka mea o lakou i pono. Aole o ka holopee e komikomi malie wale ai.