Ka Naʻi Aupuni, Volume V, Number 55, 18 March 1908 — Pomaikai na Mahiko. [ARTICLE]

Pomaikai na Mahiko.

O ka aeia ana mai nei o ke noi a ka Elele Kuhio no 15 makahiki hoolimalima o na aina aupuni e ka Hale o na Lunamakaainana, aole hoi i 5 elike me ia e ku nei i keia wa, aole ia he hana no ka pomaikai o na Hawaii ilihune ka poe nana oia i koho, aka, no ka pomaikai wale no ia o na poe wai wai ame na mahiko, ka poe na lakou e paa nei na aina aupuni hoo

limalima he nui. A auhea iho la ka kakou ka lahui? Oia nae paha, o kela ano olelo maa mau no — ' I puka no au i na haole, aole ia oukou." He mea maopopo loa, he kohu kii keaka keia mau hana ke nana aku, aia no a huki lakou la i ke kaula, alaila, oni na lima a komo iloko o ko lakou la mau pakeke. A no kakou ka lahui, aole e hiki kp ikeia mai, no ka mea, he poe kii maka liilii kakou. Auweī ina no paha e kauoha aku ana lakou nei no ka hoopau ana i ka lnana koho balota o na kanaka Hawaii, e hooko 'a ana no ia me ka eleu loa. Aole anei? '