Ka Naʻi Aupuni, Volume V, Number 56, 19 March 1908 — Ke Hauoli Nei Makou. [ARTICLE]

Ke Hauoli Nei Makou.

A hiki mai i keia manawa, ua hoohauoli ia mai makou mamuli o ka nui o na makamaka i hoea kino mai īmua o makou. a pela nohoi me na leta na hoaloha e hoike ana i ka nui o ko lakou hoohauoliia me ka kakou nupepa nei, mamuli o na manao kalaiaina naauao, na moolelo ame na mea hou Aina E a Kuloko nohoi. A ua hoike maoli mai kekahi poe oia auna i lawe wale no lakou i kekahi mau nupepa no ka nui o na wahi mea heluhelu ame na mea hou kupanaha ma ke ano hoohala manawa. Aole nae no ka hoonaauao maoli ana i na mea pili kalaiaina. Ua hoolilo makou i ka hapanui o ka makou nupepa ma ke a'o ana i ka lahui ma na manao kalaiaina no ka pono o ko lakou nohona makaainana, aole ma na mea hauoli waiwai ole, a ke ike nei makou i ka nui o na poe makemake a me na poe kauoha nupepa mai, a oia ka makou e hauoli nei, me ka hoike pu ana aku. O keia ka halepai holomua a lako me na makaukau e ku nei o na kanaka Hawaij i keia mau la. Aohe ona pipiele wale ma kana mau hana. Na Aumokukaua 0 ka Atelanika Na mokukaua kila o ka papa ekahi, Kansas, Lovusiana, Ver 1' inont, Georgia, New Jersey, Rhode Island, Virginia, Minesota\ Main', Mis8ouri, Ohio, Alahama, IlIinois, Kearsar^e, Kentucky TST<.V.rnska anae Wisconsin.