Ka Naʻi Aupuni, Volume V, Number 71, 9 April 1908 — Mrs. Julia Lawelawe, Ua Hala i ka Polikua a Kane. [ARTICLE]

Mrs. Julia Lawelawe, Ua Hala i Ka Polikua a Kane.

Mr. Lunahooponopono; Aloha nui kaua; — E oluolu mai kou ahonui i ka'u wahi puolo waimaka helelei e kau ae la maluna, a nau hoi ia e lawe hele aku a puni na paemoku o Ha waii nei, i ike mai ai na kini makamaka o ka mea i hala e noho ana mai ka la hiki mai ma Makanoni a i ka welona a ka la i ka mole olu o Lehua, a oia iho keia: Ma ka po o ka la 29 o Maraki, 1908, ma ka hora 2 a oi, ua pauaho mai la i keia ola ana o Mrs. Julia Lawelawe, a niau palanehe aku la i ke alahele kapalili o ka puuwai i ke ala polikua a Kane laua o Kanaloa, a ko ae la ka mea i olelo mua ia mai e ka Buke nui, he lepo oe, a e hoi aku no oe i ka lepo, a o ka uhane i kona mea nana i haawi mai. E hoomaikaiia

ka inoa o Iehova ma na lani kiekie loa, he malu ma ka honua, he aloha no i leanaka. Ua hanauia o Mrs. Julia Lawelawe ma Hilo, Hawaii, mai ka puhaka mai o Mr. ame Mrs. Kahau Lawelawe, a ua hoonaauaoia oia ma ke kula kaikamahine o Koha la, Hawaii, a mailaila aku noho i Wailuku, Maui, me ka ohana o ko na makuakane no kekahi wa loihi a hiki wale i ka hoi hou ana i Kohala a hiki i ka hopuia ana no ka ma'i hoohuoi, a lawe loa ia mai no Molokai nei. Ua piha iaia na makahiki ekolu a oi o ka noho hoomanawanui ana ma ke kahua ma'i lepera nei kahi i kapaia o ka luakupapau kanu ola no ka wa mau loa. Ua noho kane ole oia a hiki i kona mare ana me a'u. He elua makahiki o ko maua noho aloha ana, a hiki wale i ka moku ana o ka'u aho, a hemo ka i'a nui i paa i ka'u makau. Aloha ino kuu wahine. Ae,

ua haalele iho oia ia'u a me ka oha na e u aku nona mahope nei. Ua hoomaka mai ka hoomailo ana o ka ma'i ma kona kino mai ka mahina mai o Iune i hala, a hoea i Maraki iho nei, ua like me 9 mahina. He pehu kona wawae, a no ia mea, ua okiia e Kauka Goodhue, a ua loaa no ka maha, aka,ua palahehe ae la ma na wahi okoa ae o ke kino, a na ia mea i hoomailo iaia a hiki i kona hala wale ana aku la. He makuahine heahea oia, he oluolu, a he lokomaikai, a o ka mea i oi ae, he ma kua hookuonoono no ka nohona home. Ua piha iaia na makahiki he 30 a oi, aneane hookahi kanaha A no kuu nui aloha iaia, ke puana ae nei au i kuu aloha ma na welelau o ka makani — Aloha kuu wa hine, kuu hoa piii o nei aina o ka ehaeha, hoa alo kuaua o Kalaupapa. O kuu aloha pau ole ia oe hoi — a, Owau kai haalele ia e ke aloha me ke kumu ole. Aohe o'u hoapili, S. K. HOOPII, Molokai, Aperila 3, 1908. -L . . ■