Ka Nupepa Elele, Volume XIV, Number 6, 6 February 1892 — He Mele no ka Elele. [ARTICLE]

He Mele no ka Elele.

E o i ko inoa e ka Elele Ka pukuniahi o na paemoku Ke kolopapa uneune puuwai o Hawaii He uwila malamalama oe no ka moana Pakipika He Elele oe na ka lahui Mai Hawaii a Niihau Heaha kau nu e ka Elele E ninau aku ana makou ia oe E hai mai oe me ka oiaio Ka-hu-hu aole ka oukou i ike Kai no hoi aia maluna o'u ka hanohaweo Papale mahiole Waiokila Lipine anapanapa Ka Ahahui Kalaiaina ma Honolulu Ka A K H ma na mokupuni Mai Hawaii a Niihau E alu ka pule ia Hakalau A lau, a mano, a tini, a lehu Oia kou ola e Hawaii E Hawaii nui Kuauli Eono moku ia Kalani Ku nui mai oukou a pau A hoomau i ka Hui Kalaiaina Ko oukou ola keia hoolohe mai Aia ka make i na ipuka o oukou Ina iho ke Na-mu a me ke Na-wa Ka huu pa-o kee laau O ka uka i Olaa A hoolohe oukou i ka leo o ka Elele Hape Nuia oe e Hawaii nui Kuauli E Maui e E na Hono a Piilani Ke kahua kana i Kakanilua Na ala maa a oulu Na keiki paniwai a o Iao Lala kamakele o ka lokahi Ku like mai oukou a pau Kakoo i ka Hui Kalaiaina No ka hoomau ana aku Ka leo aloha o ka Elele E ao aku nei ia oukou He kuli ka make he lohe ke ola Eueu Kolea i ka puapua Molokai nui a Hina me Kaululaau Eia ka leo aloha ia olua Lokahi like mai olua O ka pono ke hana ia a haule mai na lani

Hape Nuia oe o Kama E Kauai o Mano E Mano iloko o Haloa E Mano iloko o Mano Ka moku kaili la o lalo E ala mai e hoomau i ka Hui Kalaiaina O oe ka heke o no paemoku Eia ka leo aloha o ka Elele E ka waiulailiahi o Waimea Hao na kepa o ka hau o Lihue A me ka ua nui o Hanalei Hapenuia oe e Mano E Oahu e Ka home o na Moi poo Kalaunu Liliuokalani i ke one o Kakuhihewa Ka makaha o na paemoku o kalani Opuu daimana alohilohi Ke kikowaena o Honolulu nei Ka pula kaumaka a Europa Keiki punahele a Amerika O oe ka la e alohi nei Ma ka moana Pakipika Heaha kau e ka Elele E ahi aku au me ka oiaio Ua malu like na mokupuni Mai Hawaii a Pelekane Mai Amerika Huipuia a Hawaii nei Kahuhu i ia mai nei hoi Lepubalika ana o Hawaii nei Me Amerika Kue mai nei o Pelekane Pehea la ia he oiaio anei

No, no, ai no, no wahi a Kalanikupule Ua pau ko makou kuhihewa Hilinai makou ia oe e ka Elele Owau ka Elele e ku hookahi nei Hoike i ke ao malamalama Owau ka la e alohi nei Hoku daimana e alohi nei Hui Kalaiaina me Mekanika Kohukohu i ka noho Kalaunu Ka leo aloha o ka Elele E hoa aku nei ia oukou Hapenuia oe e Kakuihewa Geo. K. Kaiwiaea.