Ka Nupepa Kuokoa, Volume I, Number 21, 19 April 1862 — He kanikau. [ARTICLE]

He kanikau.

Feberuari, la 2, 1862, ma Kualoa, Koo« make oke Aupuni w., oia ka la Sabati, hora 9o ka po. Haku iho au i wahi kanikau nona. Eia malalo iho kona wahi kanikau. Kanikau aloha no ke Aupuni, Kuu wahine mai ka po loloa o ka Hooilo, Mai ka makani anu ne Hoolua, Kuu wahine mai ka i-a a ka laau i lawe mai, Kuu hoa mai ka i-a walenui o ka aina, Kuu wahine mai na ale paio lua oke Pani, Pani ia mai au e ko aloha. Kuu wahine mai ke kula Mehameha, Hoolau kanaka i na keiki, Kuu wahine mai ka ai uwahi ole, Kuu wahine'mai ke kai leo nui oMakalii, Kuu wahine mai ke kai o Apua, Mai ke kula wela la o Pa a, Hoomaha aku kaua i ka malu Inia, Auwe ! kuu wahine. Kuu wahine mai na pali hauliuli o Koolau, Kuu hoa ohumu o ka pono o ke Akua, Kuu wahine o ka la kahiko a maikai, Kuu hoa pili o ka ua nie ka la, 0 ke anu me ke koekoe, Kuu wahine o ka hale keiki nui, Kuu wahine o ka i-a a ke kuikui, Kuu wahine mai ke kai o Kapuuiki, Mai ka uka ae o ka Pahuulu, Kuu wahine mai ka wai o Waipuhia, Mai ka pohu ala mai kahiki, Kuu wahine mai ka lae Oio, Mai ka i-a honi a ka maiihini, Kuu wahine mai ka uka o Kaawa, Auwe kuu waniue—>e. Mai ka paia aala i ka hala, Kuu wahine mai ka wai o Lanikawa, Mai ka makani anu he Kipu, Kuu wahine mai ka malu o hapau, Mai ke kula o ka lao, Kuu wahine mai ke kula o kaiaka, Mai ka wai o Hapuna, Kuu wahine mai ke kula o ka Imuilio t/ Mai ke kai o maka-hono, Aloha ia wahi a kaua e hele ai, Kuu wahine mai ka luna o Puuomahia, Kuu wahine mai ka makani anu o Ahid, Mai ka luna aku o Hiei, Auwe kuu wahine. . Aloha ia wahi a kaua e noho ai, Kuu wahine mai ka lae o ka Luapuleho, Mai ka wai aku o na Poele, Kuu wahine ka wai o Waiono, Mai ka uka o na Iliku, Kuu wahine mai ke kai o Puheemiki, 0 ka pono aku i Hale-ola, Aloha ia wahi a kaua e hele ai, Kuu wahine mai ke kahakai o Kaluanui, Mai ka uka o ka Liuwaa, Kuu wahine mai ka wai o Oilowai, Mai na lenua a Makalii, Aloha ia wahi a kaua e hele.ai, Kuu wahine ne ke kula o kapaka, Auwe kuu wahine. Kuu wahine mai ka piha kanaka o Hauula, Komo aku kaua o ka olu o Lanakila, >i.uu wuhmo mai ke kula o kai Papau, " Komo aku kaua o ka olu o kaiiau o Laie, Kuu wahine ka muliwai o Paeo, Hoomaha aku kaua i kane Kolo, Kuu Wahine mai ke kula wela o Malekahana, Kuu wahine mai ka uhi hinalo o Polou, Mai ke kula o kii, v Kuu wahine mai ka lae o ka hipa, Mai ka ulu hala o'Kahuku, K»u wahine mai ka wai o Punamano, Wai makaikai a ka malihini, Kuu wahine mai ka wai o VVaiakaohe, Auwe kuu wahine. Kuu wahine mai ka luna o Puuala, M.li ke kula mehameha kanaka ole o Kuilina, Aloha ia kula a kaua e hele ai, Kuu wahiue mai ka wai auau i Kalou, Mai kekula wela o ka Lamaula^ Kuu wahine mai ke kula la o PaMmalu, Mai ke one loa o Pupukea, lioomaha aku kaua i ka Lapa-iki, Mai ka wai o Waimea, Kuu wahine mai ka luna o Hapuu, Mai ka i-a makaikai a ka malihini, Kuu wahiiie mai ke kula la o Lauhulu, Mai ke kai o Maeaea, Auwe kuu wahine. Kuu wahine mai ka wai a-u o Anahulu, Mai ka uka o ka wai loa, Kuu wahine mui ke kula la o Kamooloa, Mai ke kahawai o Naupaka, Aloha wau ia wahi a kaua e heleai, Kuu wahine mai ke kula la o Mokuleia, Mai ka wai aku o ka Waihapai, Kuu wahine mai ke kai o Nenelea, Mai ka lae aku o Kaena, Ke aloha nei au ia wahi a kaua e hele ai, Kuu wahine mai ke kula la o Makua, Hoomaha aku kaua i ka malu o ka niu o Pokai, Kuu wahine mai ke kula Waianae, Hoomaha aku kaua i Puuokapolei, Auwe kuu wahine. Kuu wahine mai ke kula la o Ewa, Mai ka i-a hamau leo i ka makani, Kuu wahine mai ke kula la o Kemoo, Mai ka wai aku o Kaukuonahua, Kuu wahine mai ke kahawai aku o Waikakalaua, Mai ka ihona o Kipapa, Aloha ia kula a kakou e hele ai, Elua kaua, hookahi keiki, Kuu wahine mai ka laula o Ewa, Mai ke awa lau o Puuloa, Kuu wahine mai ka Ikiiki o Honolulu, Mai ka piha kanaka i Polelewa, ' Mai ka ululaau nahele i ka moana, Hooluana aku i kai o ka makeke, Auwe kuu wahine. Kuu hoa pili mai ka ua kukalahale o Honolulu, Kuu wahine mai ke ola o ka wai o ke ki, Mai ka hui-kau-lua a na haole, Kuu wahine mai ka lai o ke Kaona, Komo aku kaua o ka olu o Kaumakapili, Kuu wahine mai ka waa a ke Kopua, Oia wahi a kaua e hele ai, Kuu wahine o na hale aikane nui, Akahi au a ike i ka mea nui he aloha, Kuu wahine mai ka wai nuhou o ke Aupuni, Mai ka piina o maemae, Hoomaha aku kaua i Puiwa, Kuu wahine mai ke kula wela la o Kahua, Komo aku kaua o ka malu oka niu o Waikiki, Auwe kuu wahine. Kuu wahine mai ka Wai o Kahapaakai, Mai ka piina o Luakaha, Kuu wahine mai ka wai o Kahualana, Mai ka uka anu o Hapuu, Kuu wahine mai ka ua o Nuuanu—e, Mai ke kawelu holo i ka makani, Kuu wahine mai kanuku o Nuuanu, Mai ka ua kahiko'hala o Kekele, Kuu wahine mai kai-hona'o Puuuhi, Mai ka uka o ka Palai, Kuu wahine mai ke kula o Panini,

Mai ka wai auwai wahine, Kuu wahine niai ka ua okioki koa o Heeia, Oia aina anu a kaua e heleai, Auwe kuu wahine. Kuu wahine inni ka ua poai-hala o Kahaiuu, Ke noho nei au me ka luuluu i ko aloha, Kuu wahine uini ke kai o Maluaka, Mai ke kahakai o Kaalaea, Kuu wahine mai ka i-a o Auliilii, Mai ka wai o Paukawa, Kuu wahine mai ke one o Nouli, Mai ka wai o Waiololi, Kuu wahine mai ka malu d Imiloa, Mai ke kula la o Kaapoko, Kuu wahine mai ka luna o Pueo, Mai ke kahakai o Pahalona, Kuu wahine mai ka uka o Hena, Mai ke kai o Molii, Auwe kuu wahine —e. Kuu wahine mai ka luna o Kanehoalani, . Me na keiki a kaua, Kuu wahine mai ka wai o Kaahuula, Mai ke kahakai o Kaiua-u, Kuu wahine mai ka wai o Kauai, Mai ke kahakai o Kalimuloa, Kuu wahine mai ka pali o Lonoloa, Mai ke kai o Kalala, Kuu wahine mai ka wai o Keawakapu, Kuu hoa pili i ke kai o ka loli, Kuu wahme mai ka wa kamalii, Hele aku nei oe i ke ala hoi ole mai, Ike aku la oe i kahi a kaua i lohi ai, Noho aku la oe i ka Paredaiso nani, Noho au me ka u me ka minamina, Me ke kaumaha ia oe, Auwe kuu waīiine. Na Konaaiiielk. Kualoa, Koolaupoko, Apr. 19, 1b62.