Ka Nupepa Kuokoa, Volume I, Number 43, 20 September 1862 — Page 3
Ka N upepa Kuokoa.
He Uhane no Moenahele.
Aia la o Moenahele,
K e kela, ka oi a ke aloha,
Ke kilohana maikai a ke aloha,
Ahai aku la ka uhane noho i Waialoha,
A loha wale a'u pua e hehia mai la e ka manu,
O ke kino aloha o kuu keiki,
Aia la ke hea mai la iluna o Kamahualele,
E hea mai ana ka uhane e hoi me Hihimanu,
M e ka uhane aheahe makani,
Uhane ki no wailua,
E uhai ana ia Hoakalei,
I hoapili no ka po kane ole—a,
O Moenahele kai anapuniia e ke aloha,
Kai lahuiia e ka minamina,
Me he pua koolau ka maka o ke aloha,
Ka puapua mai i ke a lo o Kawaikapu,
I ke akalele a Kaukini,
Me he wahine maikai la
Makaukiu e au nei i ke kai,
O oe ka ia e oili maikai ka opua i ke ahiahi,
Aia paha ka uhane me Hiku wahine i ka pua,
He pua lei ko aloha na'u e hiipoi nei,
A—he mai hoi mai—e.
MAIWELA.
He kanikau keia no Moenahele,
He uwe helu m ai o Maiwela,
Aloha ino no kuu keiki,
Kuu lei mae ole e noho nei,
I ka la welawela o Wailua,
Kuu hoa pukui o ka uka anu,
Mai k a ua hehi mai iluna o ka laau,
Kuu kaikamahine o ka i-a hamau leo,
Kuu hoapili o kahi mehameh a,
Hoa hoolau kanaka o kahi kanaka ole,
Kuu kaikamahine mai ka lai o Kamaee,
Mai ka pihe kanaka la o Hakalau,
Mai ka piina wela o Malae akini,
Komo aku maua o ka malu o ka hala,
Kuu kaikamahine mai ka la kanaka o Pomaikai,
Pomaikai au i ko aloha e noho nei,
Kuu kaikamahine mai na pali o Hilo,
Mai ka wai au o Honolii,
He mea liilii wale no ke aloha e noho nei,
Kuu kaikamahine mai ka papa kahulihuli o Wailuku,
Mai ka pihe kanaka la o Punahoa,
Mai ka bele kuilua la o Haili,
Ilihia au eehia i ko aloha,
Kuu kaikamahine mai ke kai o Ohelo,
Hele no oe nalowale i kuu maka,
U—ana au o ko aloha,
Kuu kaikamahine mai na kai ewalu,
Mai ka ua heekoko ula i ka moana,
Mai ka ua hal iipili e Lele,
Kuu kaikamahine mai ke kai o Mamala,
Mai k a pihe kanaka o Ainahou,
Mai ka aina makamaka ole o Honolulu,
M ai ka makani kuehu lepo la o Kaopuaua,
Mai ka wai holoi kapa o Peleula,
Mai ka pu hakuilua la o Puowaina,
Mai ka piina loa o Maemae,
Mai ka ua anu la o Luakaha,
Mai k a hau loli o Kahaukomo,
Mai ka wai huihui o K ahuailana,
Kuu k aikamahine mai ka ahihi lei o Nuuanu,
Mai k a makani hulilua o Kaholoakeahole,
Mai kaihona olu o Kawaikilomai,
Mai ka hala hoi o Kekele,
Kuu kaikam ahine mai ka makani hulilua o Maunaawihi,
Nan a aku kaua o ka luna o Olomana,
Kuu kaikamahine mai ke Ae o Koolau,
Mai ke kula la wela o Panioi,
Kuu kai kamahine mai ke koa mokumoku o Heeia,
M ai ka ua Poaihaia o Kahaluu,
Luuluu a'u kaumaha i ko aloha e noho nei.
RE BEKA KALEO.
Kanikau la he aloha—la,
Nou no e Moenahele—la,
Haalele mai nei oe—la,
I ka pili me ka makua—la,
Ua lawe o Keaumiki—la,
Ua hala a i Honolulu—la,
I ka maka o ka opua—la,
I ka lai o ka Uapo—la,
I ka lihilihi o ka la—la,
E k uhi ana paha oe—la,
A he hele a maliu—la,
I ka lai o Wailua—la,
Eia la ua moe— la,
Moe a'u a hoolono—la,
O ka haluku a na lio—la,
I ka luna o Kamaee—la,
A e naue kaua—la,
E ike i ko 'u hoa—la,
Kahi kai o Hakalau—la,
I alawa ae kuu hana—la,
A he nani no Aniani—la,
I ka ai hoonewanewa—la,
A ka nui makaikai—la,
He aloha mai Akaka—la,
Kela wai aweawe—la,
Hoohuelo i na pali—la,
He uhan e he aloha—la,
O Moenahele he inoa—la,
D. HOAKIMOA.
Kapuukolo, Sept. 9,1862.
Hale kula ho u:
HALAWAI MA KAHULUI.
E ka Nupepa Kuokoa e; Aloha oe:
He wahi ukana ka'u e hooili aku ia oe a nau no ia e hai ae i ko kaua mau hoa, a me ka poe e makemake e ike i na mea hou ma keia Pae Aina.
I ka la 29 o Augate, ke komo ana o ka Halekula, halawai ma Kahului nei, he Halekula maikai keia, he pohaku olalo he pililaau o luna; ua paa i ka papahele a me na noho, a ua maikai maoli no hoi i ka nana aku. Ua hui pu nae keia Halekula me ka halawai a na hoahanau maloko; no ka mea, ua kokua na hoahanau i ka hahau ana i ka pohaku, a me ka papahele, a me ka noho ; a oluna ka ke aupuni a me na puka aniani, a me ka puka komo. O kona loa 32 kapuai, o ka laula 20 kapuai, a o ke kiekie hoi 9 kapuai.
O ka nui o na dala i lilo no keia hale, o ke aupuni he $163.63, o ka na hoahanau he $99.00, hui pu e $262.63, aole nae i pau ko na hoahanau aie no ka Bele, a me kekahi mau hemahema e ae.
Na na wahine o keia Apana i hapai ka hana ana o keia hale ; kokua pu na kane i ka hana ana, oia no ka mea i paa ai o keia hale; no ka ikaika maoli no o na wahine i ka hana ana a hiki i ka wa i paa'i. A o na keiki no kekahi i hana pu i keia hale, ma ka hali ana i ka puna, i ka wahie a me na mea e ae. Nolaila, ua pomaikai na keiki nia keia kula, a me na hoahanau ma keia Apana, no ka loaa ana o ko lakou hale maikai ; eia ka mea i koe, no na keiki ma keia halekula, a makaala lakou, e hele mai na keiki me ka hoomaemae ia lakou iho, a e hele mai a noho maloko o keia hale me ka walaau ole, a noho me ka imi ikaika ma na palapala; a ina pela, aole makehewa keia hale, a pela no hoi na hoahanau ma keia Apana, e hapai ikaika ma na hana maikai a pau.
Mai ku wale kakou a nana wale aku i kona kii i ka maikai, a hilinai malaila me ka hele ole i na halawai maloko o keia hale, alaila, ua makehewa ka hana ana i keia hale. Nolaila, e ala e na hoahanau, e pau ka hiamoe ana, ka manaka, ke kuihe, e hooikaika mau a hiki i ka make pomaikai. Me ka mahalo no.
NA KAPAE.
Kahului, Kona Akau, Hawaii. Sep. 9, 1862.
He Ka nikau aloha
NO KA HAKU O HAWAII.
He kanikau aloha, he u, he minamina,
He manao kaumaha i ka lilo ana o ka Haku,
O ka Leiop apa ka Haku o na Haku—aloha,
Aloha Kalani i lele hiona kapu aku nei,
I lele no a loaa Kanekanaloa ke kapu alii,
I loaa iloko o Makuakapule Haloa laha na'lii,
Ina ahaula kapu o Hoohokumalamaianee,
Ilaila hanau ka auhau lani o na lani.
Kalani Kauikeaouli ka hua welo alii,
Alii i hua i ka wekiu o na lani kapu,
He Haku, he kama'Lii na Hema,
He ao Alii na Lonoikamakahiki,
He liko, he pua'Lii na Kauhiakama.
He kama na kaikamahine—lola—pupuka a Lono,
Ke kalina'Lii i mauli i ke au o na moku,
Ua moku, ua lilo ka piko i Alii,
Alii a Iolani ka makua—e—au—e,
Uwe helu mai Emalani,
Aloha ino no kuu keiki Haku,
Kuu Haku ae a le o na kai ewalu,
Noho nanea lai pohu malino o Kona,
Ke lawea mai la e ke Kehau makani,
Makani wehe o launiu o ke Kaha,
Ke kaha ana, ka leina'ku nei mamao,
Mamao liuliu kahi kapu o Kalani—e—au—e,
Ke uwe wale nei o Iolani ka makua,
Aole ke hoa ke keiki, ua lilo aku ia ua nalo,
Nalo na maka huna i ke aouli,
Haalele mai nei ia'u i ka hoapili he makua,
Aole i pau ka kaua pili aloha,
Aloha ke hoapili o ka ua Kukalahale,
O ka ua kipehipehi puahala o Pahukaina,
Hala! ua hala kuu lei aia ma Kaulu o ka makani,
E nana ana i na lalani opua o Helani,
E Kalani Kauikeaouli—e—au—e—kuu —keiki,
Uwe kaukau mai o L. Kamehameha,
Kuu Alii, kuu milimili, kuu Haku,
Kuu pua laha ole o na moku,
Moku Kalani ka alihi Alii,
Kananai, ka puoa a Lonooualii,
Na Lono, na Keakealani, na Kaulahea,
Na Kekaulike Nui o ka lani,
Kalani Leiopapa ka io alii kapu,
O na kapu ekolu a Ahukinialaa,
Na Laakona Kalani Leiopapa,
Na Keopualani ka wohi alii—e—au—e —kuu—alii,
Uwe ae o V. Kamamalu, malu Haku,
Auwe kuu Lani kuu Kamalani,
Lei a maua me kuu Iolani,
He Lani, he Haku, na ka Haku Mouolani,
Lani o na lani a Iwikauikaua,
I na heana kapu o Piilaniwahine,
I ka punohu alii o Umikalani,
He Lani na Lonokukohanaiku Lonoiukea,
Akea ka Lani ua haalele mai,
Ua hele pulelo ula Kalani i ka hora ewalu,
I ka hapa kakahiaka o ka la 27 Augate,
Auwe! kuu Haku, kuu Lani—e—au—e,
Lele hoanoano Kalani i ke kapu o Kuailanimamao,
I aea e Kalani naha na kiowai o Kulanihakoi,
Hakoi loko piha kui i ke kaumaha ia oe,
O oe ka ia e Kalani hele hookahi aohe lua,
Hookahi no lua o ka ilihia, me ka luuluu,
O ka nu iloko o na'Lii, me na makaainana,
O ka ukana hookahi no ia e haawe nei,
E pau ai ke aho i ka paumako ia Kalani,
He u, he mihi, he minamina ia oe,
Aloha! kaumaha!! luulu!!! ilihia ia Kalani.
P. M. KA HINALUA.
Alewa, Honolulu, Aug. 15, 1862.
He nui na hewa a kakou i hana'i, ina e kakauia ma ka lae, e hilahila no kakou.
Olelo Pane ia P. M. Kahina lua.
E ka Nupepa Kuokoa, e ; Aloha oe:
Aia ma ka Helu 50 o ka Hoku Pakipika, o ka la 4 o Sept., na olelo pane mahaoi a P. M. Kahinalua, ana i lele oi mai nei. E kuu hoa o ka Lae aa ooi o Alewa, ua ko nalenale maikai no ko'u waihona manao i na mamala olelo mua a kuu hoa, a mawaena aku hoi a hala i ka palena, he like na manao oia wahi aku me Kaneiahuea, ka hoe hewa ma o a maanei, ua hilahila ka paha oe i kela mau hua a'u i pane ai, penei: He lana kuu manao he Pope oe. Nolaila kela hua olelo oopa au i pane mai nei. Aole anei oe i ike ma ka Baibala, " O ka inaina o ke kanaka, aole ia i hana i ka pono o ke Akua;" e alawa iho oe ma Mataio 5 : 8.
E ke hoa ; ke pane mai nei oe no kuu hoolilo i na ninau a R. P. Heeia na ka poe o Alana a me Keawaawaihe, oia anei kou mea e mahaoi mai nei? kai noa a paneia'ku oe, alaila, pane mai oe e ke hoa. Ina he manao kou e hoike aku i na ki 3,032 e hemo ai ka la nui o ke Akua.
E ke hoa ; mai mahaoi hou oe, e hoopiha ai i na kowa o na Nupepa. Nolaila, ke waiho aku nei au i keia mau ninau ia oe, kei hoi ko mahaoi mai.
He mau ninau mai ka olelo o ka Baibala.
1. Ehia na Pakaua a Davida i kukulu ai ma Edoma ?
2. I ka makahiki hea ka make ana o Husa? Owai ka aina kahi i make ai ? Owai ka lahui nana i pepehi ?
3. Owai kekahi mea i pepehi puia me Husa ? Na ka hoomana hea la i pepehiia'i laua ?
4. Ehia kaulahao kuea ka laula o Hirama? Owai ke alii nana i kuai o Hirama ? Ehia makahiki ka loihi? Owai ke Kakauolelo nana i kope ka olelo Ae like ? Owai ka mea nana i malama kela palapala ?
Ua ma'u iho la no ia mau ninau e hoopapau ai i ka imi; a ina i loaa ole ia oe, i ou hoa pope iho hoi.
Oia iho la no kahi manao, i lohe mai oukou e o'u mau hoa.
E ke hoa, heaha mai kau ia Mi lewa mai nei, e ke keiki hele mau e makilo i ou mau kumu pope, a i hele hou oe e makilo ea, e holoi i ka lepo o ko waha a pau. E aloha auanei.
J. W. NAILIILI.
Waipiula, Maemae, Sep. 8, 1862.
Olelo Hoolaha.
NO KA MEA, UA NOIIA MAI AU E CHAS. H. WETMORE Luna Hooponopono waiwai o Kaleikau, e koho aku i kekahi la, e hoolohe ai i kana hoike hope loa a e hookuu ia ia mai kana oihana ae. Nolaila, ke hoike aku nei au i na mea a pau ke pili o ka Poakolu, oia ka la 27 o Oketoba, 1862, i ka hora 9 o kakahiaka, oia ka la a me ka hora i oleloia no ka hoolohe ana i ka mea i noiia mai, a me ka poe i hoole mai, aia ma ka Hale Hookolokolo ma Hilo kahi e hana ai.
S. L. AUST IN. 43-2t Lunakanawai Kaapuni.
MEA HAULE!
UA HAULE MA KA POAHA O KEIA pule iho nei, He Pine Gula, me ke kii ilio maluna o ka onohi o ua Pine Gula la: o ka mea nana e hoihoi mai ia mea, ma ke keena o keia pepa, e uku pono ia no. 43-1t.
MEA KUI POI MAIKAI LOA.
UA MAKAUKAU KA MEA NONA KA inoa malalo, e hana i Wili Kui Poi Maikai, i mea nana e hoowali ka Poi e like me ka lima kanaka; a he mea no hoi e hoouku ana i ka luhi o ka hana ana i ka Poi no ka ohana a no ka hoopukapuka paha. Aohe luhi iki o ka hana ana, he wili malie wale no, a aia hoi na AEAE ka Poi. Na ka wili no e kui, hoowali, a kupele hoi i ka Poi me ka maikai loa. O ka poe a pau e makemake ana i Wili Kui Poi no lakou, e pono e hele ma ko'u hale, ma ke Alanui Alakea, a ilaila hoi e ike ai i ke ano o ua wili la, he emi loa no ke kumukuai. (43-2m*)
PETER RICHMOND.
Olelo Hoolaha.
NO KA MEA, UA NOIIA MAI KA MEA Hanohano, G. M. Robertson, ka Lunakanawai a ka Aha Kiekie e Kahalekaua, e hookohu ia ia i Luna Hooponopono Waiwai no Pi'a, ma Honolulu i make aku nei : Nolaila, ua hoike ia i na kanaka a pau loa, ke pili, o ka Poaono, oia ka la 27 o Sepat., i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo, ma Honolulu, Oahu.
JNO. E. BARNARD. Kakauolelo o ka Aha Kiekie.
Honolulu, Sepat. 15, 1862. 43-2t
Olelo Hoolaha.
NO KA MEA, UA NOIIA MAI WAU E Kahuhu, no ka hookohu ana i Luna Hooponopono Waiwai o Kulua, no Honokaia, Hamakua, Hawaii, i make aku nei. Nolaila, ua hoikeia i na kanaka a pau loa, ke pili, o ka Poakolu, oia ka la 22 o Okatoba, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Waimea, Hawaii.
J. WIGHT. Lunakanawai Kaapuni.
Kohala, Hawaii, Sepat. 10, 1862. 43-2t
OLELO HOOLAHA.
E IKE NA KANAKA A PAU, O KELA ANO KEIA ano, ke papa aku nei au ia oukou a pau, mai kuai mai kekahi me Simeona Kanealii, ina waiwai o maua ; oia na Lio, Bipi, Kuleana Aina, Pa Hale, a me ka Hale, a me na pono e ae o maua, mai kuai me ua S. Kanealii la, kuu kane mare, o poho auanei oukou, no ka mea, aole loa au e ae i na e kuai mai oukou, o ko oukou poho no ia, no ka mea, aole i akaka ko'u waiwai hapakolu, aole hewa o keia hoakaka a'u mamua o ka manawa, oiai ka la i ka ili kai o Laepoko.
MEREANA JIMI.
Hau ula, Koolaupoko, Sept. 16, 1862. 43-1t*
MOKU HOLO MAU!
KE HAI AKU NEI AU I NA KANAKA A PAU, e holo mau ana ka moku kiakahi, i kapaia Express, oia o "AINAHOU," i kela Poakahi keia Poakahi, no ka mokupuni o Molokai, a wahi e ae paha. Nolaila, e pono i ko Molokai poe ke makaala mana Awa ku moku, MA: PALAAU, KAUNAKAKAI, KAMALO, PUKOO, a me ONOULI. Me ko oukou mau ukana a ohua hoi, e hooili ai maluna o keia moku holohikiwawe loa. Ua keu aku ka holo a me ka maikai i keia wa no ka hana hou ia ana, aole hoi he liu. Nolaila, e pono i kela mea keia mea ukana a ohua hoi ke hookokoke mai ma keia mau awa, a he oluolu no hoi ka uku ana.
J. W. KAIKAINAHAOLE.
Honolulu, Aug. 29, 1862. 40-6m
MA REIA.—Ma ka hora 8 o ke ahiahi o ka Poalua, la 16 o keia mahina, ua mareia ka Mea Hanohano Lydia Kamakaeha Paki, me Akukana Kenela Maj. J. O. Dominis, ma Haleakala, Halenoho o na Mea Hanohano C. R. Bihopa me kana Aliiwahine. Ua mareia laua ma ke ano o ka aoao hoomana o Enelani.
Malaila no ka Moi, ka Mea Kiekie Princess V. K. Kaahumanu, ka Mea Kiekie Prince L. Kamehameha, ka Mea Hanohano M. Kekuanaoa, ke Alii Kiaaina o Oahu, Col. Peter Young Kekuaokalani; a malaila no hoi na makua o ka wahine, a me ka makuahine o ke kane, a me kona mau hoahanau.
O Rev. Sam l. C. Damon, ko laua mea nana i mare. Ua nui no ka mahaloia ana, no ka maikai a me ka hanohano. Aia me laua ka manao aloha o keia pepa.
HANAU.
Au g. 25, ma Waiu, Kaupo, Maui, hanau he mau keiki mahoe na Keawe me Kapehe.
Sept. 1, ma Kou, Kaupo, Maui, hanau o Kaai (w.) na S. Kaianui me Maluhia.
S ept 12, ma Kamoiliili, Waikiki, Oahu. hanau o Kelupaina (w) na Kaleo me Kaaukai.
MAKE.
S ept. 12, ma Kaopa, Koolaupoko, O., make o Kaleomana (k.)
A ug. 12, ma Hana, Maui, make o Kapuni (k.)
A ug. 20. ma Kaena, Waialua, O., make o Kane (k.)
A ug. 29, ma ia wahi no, make o Poohaili (w.)
A ug 31, ma Niumalu, Kauai, make o Papalauahi (w.)
Sept. 4, ma Waikolu, Molokai, make o Kawahineuwe (w.)
S ept. 6. ma Muliaikani, Maui, make o Kapika (w.)
Sept. 12, ma Kaholoakeahole, Honolulu, make o Kae (k.)
S ept 12, ma ia wahi no, make o Nakoko (w.)
Sept. 12. ma Manoa, Oahu, make o Kane (k )
Sept 13, ma Alekoki, Maemae, O., make o Mahoe (k)
MA RE.
P OAIMOKU—MAIKAI—Augate 14, ma Honolulu, mare o Poaimoku me Maikai, na Rev. E. W. Kalaka laua i mare.
AWAAWA—K AMAKAULII—Aug. 18, ma Honolulu, mare o Awaawa me Kamakaulii, na Petero laua i mare.
K EALOHA—KAAHANUI—Aug. 19, ma Kamoiliili, Waikiki Oahu, mare o Kealoha me Kaahanui, na Rev. E. W. Kalaka, laua i mare.
PIKO—PIIPII—Aug. 20, ma Pawaa, Honolulu, mare o Piko me Piipii, ua Rev. E. W. Kalaka, laua i i mare.
MAKAL IILII—KAWAHINE—Aug. 22, ma Makiki, Honolulu, mare o Makalii me Kawahine, na Rev. E. W. Kalaka, laua i mare.
KA UALII—KAMAHALO—Aug. 26, ma Kawaiki, Honolulu, mare o Kaualii me Kamahalo, na Rev. L. Kamika laua i mare.
KAL UA—KAOAO—Aug. 27, ma Manoa, Oahu, mare o Kalua me Kaoao, na Rev. L. Kamika laua i mare.
L UKA—NAEHAELUA—Sept 6, ma Honolulu, mare o Luka me Naehaelua, na Petero laua i mare.
MO MONA—KELIIOKALANI—Sept. 10, ma Honolulu, mare o Momona me Keliiokalani, na Rev. Kamika laua i mare
KAM OKUINEA—KEMAMO—Sept 13, ma Pawaa, Honolulu, mare o Kamokuinea me Kemamo, na Rev. E. W. Kalaka laua i mare.
K UPAHU—PILILUA—Sept. 13, ma Manoa, Oahu, mare o Kupahu me Pililua. na Rev. E. W. Kalaka laua i mare.
WALIE—POIPE—Sept. 14, ma Honolulu, mare o Walie me Poipe, na Rev. L. Kamika laua i mare.
OLELO HOOLAHA.
UA IKE OUKOU I NA OLELO A KUU KANE MAKE, oia O Kawelo, ma ka Helu 52 o ka Pakipika, e olelo ana, aole make ae mai ka poe waiwai ia'u ke aie aku, a no kuu haalele kumuole, a no kuu lilo i ke kane e : Olelo pane, he kumu o kuu haalele ana. 1 No ka mai loihi o ua Kawelo nei. 2. No ka pilikia o ko maua noho ana, aohe ai, aohe ia, aohe kapa. 3. Nana no i hoomoe ia'u i ke kane e, e like me kona hemahema a oukou e lohe nei. 4. Na ke kanaka e au i kii mai e hoi, aole na ua Kawelo nei. 5. Ua hoohiki ia'u a ka make ike maua. Nolaila, ua kaawale io no maua, no na kumu i olelo ia maluna, mai a ia mai no nae, he aha auanei kau he pulu wale iho no, ma ka helu o ka la ka pono.
M RS. KAAUA.
Kuhimana, Kapalama, Sept. 18, 1862. 43-1t*
OLELO HOOLAHA.
E IKE AUANEI NA MEA A PAU , O MAkou o ka poe nona ka inoa malalo nei, ke hookapu aku nei makou i ko makou aina hoolimalima, Ma Kawainui, Kona Akau, Mokupuni o Hawaii, aole e hele na holoholona, Lio, Bipi, Hoki, Kekake, Puaa, Pelehu, Moa, maluna o ua aina la i haiia maluna, o ka mea komo hewa a hoopoino i na mea kanu, e hoouku ia oia i hookahi dala ($1.00) no ke poo hookahi, no ka manu hoi, hapawalu (12 1/2) no ke poo hookahi, pela hoi ke kai, aole e lawaia kekahi waa maluna o ua kai la, a me na mea e pili ana mauka iho, ina i loaa i kekahi a me ko makou luna, o keia mau mea i hai ia maluna, e hopu no e like me ke Kanawai, no ka oiaio, a ke kakau nei ko makou mau inoa malalo iho. KAHALEKO, KAHALEOLA, KAHUNANUI, KAPOHAKU, KAAIKAULA, LOE, BOY KAAHU, HOOLOPA,
J. W. KAAPU.
Kawanui, Kona A., Hawaii, Sept. 10, 1862. 43-2t*
LIO NALOWALE.
UA NALOWALE, A UA AIHUEIA paha kuu mau Lio, penei ke ano : Hookahi Lio Wahine Puakea, ua kuniia i ka hao kuni o kuu makuakane. J. B. A hookahi Lio Ahinahina, me na wawae keokeo, ua kuniia i ka hao O KEONI MIKI, X. O ka mea nana e hoihoi mai ia mau Lio la, a i kekahi paha o laua, e uku pono ia no.
KEO PU.
Pauoa, Honolulu, Sept. 19, 1862. 43-6t
Wahine Nalowale ma Honouliuli.
E IKE AUANEI NA MEA A PAU, OWAU o ka mea nona ka inoa malalo nei, ua pilikia au a me ke kaumaha, no kuu wahine mare, aole ia. Ua nalo kumu ole kuu wahine, aole au i ike i ke kumu o kona haalele ana mai ia'u, aole maua i hakaka me ia a paio kue i na makahiki i hala, a me na la i kaahope ae. Ke huli nei no wau ia ia ma Honolulu nei, ma na makamaka kupono ia maua, aole ia. Ea ? ma keia olelo kahea, ina ua ike kekahi, a lohe paha, e pono e hai mai ia'u, mai huna. Eia nae i ka puka ana o keia Olelo Hoolaha, a hala na la elima (5,) a mahope olaila ikeia e noho ana i ka hale o kekahi kanaka a Pake a haole paha. E hoopii no wau i na mea a pau oloko oia hale, na lakou no i huna kuu wahine a i hoomahukaia paha Ua holo aku oia i ka po o ka la 14 o keia mahina. Oia ka i lohe oukou. Ua pau ke aloha o kuu wahine.
NA KALAWE.
Honouliuli, Ewa, Sepa. 19, 1862. 43-2t.
Olelo Hoolaha.
E IKE NA KANAKA A PAU KE NANA MAI I KEIA Olelo Hoolaha, o ka palapala hoolimalima a Kuaea, i hana ia ai mawaena ona a me Kamoiliili, ke hoole nei au ia palapala, aole he mana oia palapala, aole loa no, no ka mea, ua hana ia kela palapala me ke kuhihewa lua ole o Kamoiliili. Eia hoi, ua hoole no ka poe hui i ka Kamoiliili hana ana pela, aole no i ae mai o Kauhola e komo mai o M. Kuaea e hoolimalima pu me ka hui i koe O Papaakoko, o ua hui la a Kamoiliili i hoolimalima ai, eia noia hui me a'u, ua hookaa no au i ke dala ia Kauhola, a ike oe e Kuaea i keia olelo hoolaha a'u, e hoopau oe i kou manao ana he kuleana kou ma Papaakoko, o kau olelo e haawi aku maua i kanalima dala, alaila, pili mai keia hui me maua, aole maua i manao ua ku keia olelo i ka pono kaulike, a me ka oiaio maoli. Ua pau, oiai ke la i ka ahiu o Kahana.
N. MAKAINO.
Papaakoko, Kahana, Koolauloa, Sept. 17,1862 43-2t*
HALE KUAI BIPI!
KE HOOLAHAIA'KU NEI I NA kanaka a pau, ua hoi hou ae nei na mea nona na inoa malalo, i ka Oihana Kuai Bipi, a ke makaukau nei laua e kuai aku i ka Bipi Momona Loa, i na mea a pau e lokomaikai ana, a hele mai i ko laua hale e kuai ai. Ua lako mau maua i ka Bipi, Puaa, Hipa, Naaukake, a me na mea e ae no he nui wale. E hele kino mai no e na makamaka i ikemaka'i no oukou i ka Momona maoli o ka maua bipi. Aia ko maua Hale Kuai Bipi makai iho o ka hale puh palaoa o R. Love, ma Kolopo mauka iho, ma ka aoao komo han o ke Alanui Nuuanu.
AILUENE & UWILA.
Honolulu, Sept. 12, 1862. 42-4t
A WA O HONOLULU.
No ka Moku ku mai.
Sept. 11—Kamoi, mai kahului a me Lahaina mai, me 300 eke huita, 60 eke palaoa, 300 pahu ko, laiki, pepeiao laau, ili bipi, a me 11 ohua.
12—Kekauluohi, mai Kau a me Kona mai, me 56 kukaa pulu, 12 kukaa a me 21 eke pepeiao laau, 2 tona kope, 800 ili kao, 25 ili bipi, 1000 niu, 4000 alani, 2 pahu hone, 1 pahu aila bipi, 15 pani puka, 21 kua laau, 5 puaa, a me 45 ohua.
13—Moku Am. Morning Star, 65 la mai Kapalakiko mai, holo loa ae no mawaho o ke awa o Kina. Maria, mai Kalepolepo a me Lahaina mai.
13—Ema Ruka, mai Ulupalakua a me Lahaina mai, me 300 pahu a me 4 eke ko, 100 barela malakeke, 85 eke a me 3 barela padi 9 eke pepeiao laau, 100 ili bipi, 350 ili kao, 26 ope aila bipi, 150 ope koaki, 1 pahu waina, 2 lio, 1 waa, 13 paila wahie, 43 ohua.
13—Kilauea, mai Kona mai, me 60 eke kope, 2 eke pepeiao laau, 325 ili bipi, 3 pahu waiu bata, 2 ope ili bipi, 1 hikiee, 1 pahu aila bipi, 2 eke kiwi bipi, bipi maloo, pulu, 12 bipi, 2 lio, 19 hipa, 7 puaa, a me na waiwai e ae.
13—O dd Fellow, mai Hanalei mai, me 23 paila wahie, 12 eke padi, me 13 ohua.
14—Kalama, mai Koloa mai, me 20 paila wahie, 8 ili bipi, me 3 ohua.
14—Moiwahine, mai Nawiliwili mai, me 18 paila wahie, 3 ili bipi, 1 barela aila bipi, 10 ohua.
14— De Witt, mai Koolau mai, me 200 eke padi.
14—Lui sa, mai Hana a me Kahoolawe mai, me 54 hipa, 160 ili kao, ili bipi a me hua manu.
15—Kamehameha IV, mai Anahola mai, me 14 paila wahie.
15— Goahead, mai Hanalei mai, me 8 paila wahie.
16— Jeannette, mai Maliko mai, me 40 pahu ko, 75 barela malakeke a me 4 ohua.
16—Li ve Yankee, mai Hilo mai, me 93 eke pulu, 12 eke pepeiao laau, 10 ili bipi.
17—Moikeiki, mai Kahului mai, me 140 pahu ko, 50 barela malakeke, 3 eke hulu hipa, 17 eke laiki, me 4 ohua.
E MAKAALA!
OWAU O KAMUELA, KA HOA KUAI O NA KANAKA HAWAII, NONA KA HALE KUAI PAPA MAuka iho o ka Hale Hookolokolo ma Honolulu. Ke hai aku nei au ia oukou, he mau la ku wale no keia o kuu moku papa, O "Francisco," a ke ku mai oia, e loaa ana ia'u na LAKO KAPILI HALE o kela ano, keia ano. EIA NO KE WAIHO NEI. NA: PAPA O KELA ANO, KEIA ANO. LAAU HALE, o kela ano, keia ano. PILI HALE, PINE, AAHO, KEPA, PANI PUKA, PUKA ANIANI, OLEPELEPE. KUI, PENA, AILA PENA. WAI HOOMALOO PENA. IA MEA AKU, IA MEA AKU. Ua makaukau au e kuai aku me ka oluolu i keia mau mea, a no ka maopopo no paha ia oukou he KEIKI KAMAAINA au, he hiki ia oukou e ka Lahui Mai Hawaii a Niihau, ke kipa mai i o'u nei. E hiki ana no na moku papa o'u i na manawa a pau, a hoolako mau ia'u. He mea mau i na poe o ka hiki mai ka haanui, a me ke kaena. A he mau Luna kekahi i hoonoho ia e lakou e alako ana i ka poe maikai, me he lawehala la. Aka, he hiki ole ia'u ke hana pela, o ko'u aoo no ka oukou e imi mai a loaa, maopopo no na hana a kakou, no ka mea, o ko Hawaii nei kupa iho la no ia, o ko oukou makamaka.
KAMUELA, (Kaikaina o Kimo Pelekane.)
Honolulu, Sept. 19, 1862. 43-3m
Olelo Hoolaha.
UA HOOPII MAI O Kala w, KUE I kana kane o Kimeona, no Hanalei, Kauai, mamua, e hooki i ko laua mare ana, no ka haalele wale ana no na makahiki ekolu o Kimeona, i kana kane. E hanaia keia hoopii imua o ka Mea Hanohano, John Ii, kekahi Lunakanawai o ka Aha Kiekie, ma ka la 20 o Sepat., i ka hora 9 o ke kakahiaka, aia ma ka Hale Hookolokolo, ma Honolulu, Oahu.
JNO. E BARNARD. Kakauolelo o ka Aha Kiekie.
Honolulu, Sepat. 15, 1862. 43-2t
OLELO HOOLAHA.
E IKE AUANEI NA MEA A PAU. o maua o na mea nona na inoa malalo iho; ke hookapu aku nei maua i ko maua aina, O KAPOHO, Puna, Hawaii. Aole e hele wale na holoholona o kela ano keia ano, a me na kanaka a pau o kela ano keia ano, aole e kii wale i na mea a pau o ko maua aina; o ka mea kue i keia, e uku oia hookahi dala ($1.00,) koe nae ka poe i ae ia e maua. Mai keia la aku, e lilo i Kanawai paa. No ka oiaio o keia, ke kau nei ko maua mau inoa.
L. KAINA, J. H. HELELUHE.
Kapoho, Puna, Hawaii, Sept. 1, 1862. 42-3t*
OLELO HOOLAHA.
UA MAKA UKAU KA MEA NONA KA inoa malalo, e kaha i na Hua Keleawe, I mea hoailona no na lole aahu : e kahaia ka inoa o ka poe e makemake ana, me ka uku haahaa loa. He mea maikai keia no ka hoailona ana i na palule, wawae, a me na lole komo no a pau. E hele ia W. P. R. Bila.
THOS. G. THRUM. Mea Kaha Hua.
Honolulu, Oahu, Sept. 12, 1862. 42-3t
OLELO HOOLAHA.
E IKE AUANEI NA KANAKA A PAU MA keia Olelo Hoolaha. Ua haalele mai ka'u wahine mare ia'u, oia hoi O Haneaka. Nolaila, aole au e hookaa ana i kona mau AIE a pau ma keia hope aku. Ina oukou e hooaie ia ia, maluna no ia poho o oukou.
JOHN SALLETT.
Haiku, Aug. 17, 1862. 42-1m*
LOLE NU HOU!
E LOAA I NA KANAKA A PAU, MA KA Hale Kuai, O Hart & Co., mauka iho o ka Hale Makeke, ma ke Alanui Aliiwahine, ma ka aoao hikina o ka Hale Kuai o John T. Halewai, malaila e loaa ai na lole komo maikai ume naau, o na ano no a pau. E hele mai e na makamaka a pau mai Hawaii a Niihau, i pau io ai ko oukou kuhihewa.
HART & CO.
Honolulu, Sept. 12, 1862. 42-4t
OLELO HOOLAHA.
AOLE WAU E UK U I NA AIE I KIKOO ia ma ko'u inoa, me ka'u Palapala Kauoha ole.
J. SMITHIES, (Kamila.)
Honolulu, Sepat. 4, 1862. 42-3t
KA MOKUAHI
' KILAUEA ,'
E HOLO ANA NO O " KILAUEA." MAI Honolulu aku,
NO KONA!
A me na wahi e waiho ana ma ia holo ana.
E LIKE PENEI:
S EPATEMABA,....................Poakahi, 22.
E h olo ana o Kilauea, no KONA, a me na wahi e waiho ana ma ia holo ana, i na Poakahi a pau o keia hapaha makahiki. E haalele ana ia Kealakekua i na Poakolu, ia Kawaihae i na Poaha, e ku ana ma Honolulu i ke kakahiaka Poaono.
JANION, GREEN & CO. Luna H. S. N. Co.
H onolulu, Iune, 1862. 30-tf
Olelo Hoolaha.
KA POE KANAKA MAOLI NO KA AHA Hookolokolo Kaapuni, ma ka Aha Kiekie, ma Honolulu, Oahu, e hoomaka ana i ka Poakahi, oia ka la 6 o Okatoba, 1862. Kaihumua, Kalanikahua, W. Ka, Kanamu, Hama Naone, D. Lima, Palekiko, Kaiaama, Keolaloa, S. W. Kalama, Kalawaia, Keliikanakaole Keonekapu, Kahoohuli, Kapahukepau, Napunako, Kaaihelemoku, Maii, Waihinano, Komoikeehuehu, Kamakau, Pikapika, Kapilikea, K. Maakuia
JNO E. BARNARD. Kakauolelo o ka Aha Kiekie.
Honolulu, Sepat. 9, 1862. 42-2t
OLELO HOOLAHA.
NO KA MEA, UA NOI PONOIA MAI KA Mea Hanohano o G. M. Robertson, kekahi Lunawai o ka Aha Kiekie, e Panaiki, e hookohu ia ia i Luna Hooponopono Waiwai no Kanaue, ma Honolulu, Oahu, i make aku nei : Nolaila, ua hoike ia i na kanaka a pau loa, ke pili, o ka Poaono, oia ka la 20 o Sepat., i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia Palapala Kauoha, a me keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
JN O. E. BARNARD. Kakauolelo o ka Aha Kiekie.
Ho nolulu, Sepat. 8, 1862. 42-2t
OLELO HOOLA HA.
UA HOOPII MAI O KAWAINUI k. KUE I kana wahine o Kaiaka, no Kohala, Hawaii, mamua, e hooki i ko laua mare ana, no ka haalele wale ana no na makahiki ekolu o Kaiaka, i kana wahine. E hanaia keia hoopii imua o ka Mea Hanohano, John Ii, ka Lunakanawai o ka Aha Kiekie, ma ka la 16 o Sepat., i ka hora 9 o ke kakahiaka, aia ma ka Hale Hookolokolo, ma Honolulu, Oahu.
JN O. E. BARNARD. Kakauolelo o ka Aha Kiekie.
Ho nolulu, Sepat. 6, 1862. 42-2t
OLELO HOOLAHA.
UA HOOPII MAI O KINIKANAWAI w. kue i kana kane o Hoopai, no Waikapu, Maui, mamua, e hooki i ko laua mare ana, no ka haalele wale ana no na makahiki ekolu o Hoopai i kana wahine. E hanaia keia hoopii imua o ka Mea Hanohano, G. M. Robertson, kekahi Lunakanawai o ka Aha Kiekie, ma ka la 21 o Sepat., i ka hora 10 o kakahiaka, aia ma ka Hale Hookolokolo, ma Honolulu, Oahu.
JNO. E. BARNARD. Kakauolelo o ka Aha Kiekie.
Honolulu, Sepat. 6, 1862 42-2t
Olelo Hoolaha.
KEMAKEMAKE NEI AU , KA mea nona ka inoa malalo, e kuai i na bipi kane hoounauna, ina ua lawe ia mai ma ko'u hale, ma Hilo. Penei ka'u kuai ana, ina he bipi nui loa, laka, a ua maa i ka hoounauna ia, haawi no au he $17. Ina he emi mai ka kino o ka bipi, e haawi no au mai ka $10 a i ka $15, e like no me ka nui a me ka maikai o ka bipi.
Na'u na D. H. HITCHCOCK.
Hilo, Hawaii, Aug. 30, 1862. 41-3m
HANA ! HANA!!
U A MAKAUKAU AU E Kepa I NA KANU KO, ma Hilo nei. Ina ua makemake kekahi kanaka e loaa i hana nona iho, ma na aina o Kaupakuea, Onomea, Kaiwiki, Paukaa, a me Amauulu paha, e hele mai ia'u, a na'u no e hoomaopopo ia oukou ka uku, a me na mea a pau e pili ana.
Na'u na D. H. HITCHCOCK.
H ilo, Hawaii, Aug. 20, 1862. 41-3m
NO HON G KONG!
K A MOKU KIAPA
"Sp eedwell,"
H ENRY J. H. HOLDSWORTH......................Kapena.
U a kokoke mai ka manawa e ku mai ai ia moku, alaila, e holo ana oia i Hong Kong. Ma ka la 1 o Okakoba ka manawa e holo ai. Eia na ukana e hooili ia ia no ka ukana. Pepeiao Laau, Loli, a me ka Lala Mano. a me ka eemoku, e ninau ia
HOFFSCHLAEGER & STAPENHORST.
A ia H. J. H. HOLDSWORTH.
Honolulu, Aug. 21, 1862. 39-6t
Hookahi Hane ri.
KE MAKEMAKE NEI AU I HOOkahi haneri mea hana, e hele mai maanei e Oki Mauu, ma kuu aina ma Pawaa. He hana oluolu keia a kupono i na wahine, me na luahine a me na elemakule. E hele mai oukou Mai Maunalua a Ewa. A eia no maanei kahi o oukou e moe ai.
L. MAKALE.
Waikiki, Pawaa, Sept. 1, 1862. 41-4t
OLELO HOOLAHA.
E IKE AUANEI NA MEA A PAU, OWAU o ka mea nona ka inoa malalo iho nei. Ke papa aku nei au ia oukou, no ka'u wahine mare, O Kaka, e noho ana ma Ninole, Kau, Hawaii. Ua haalele mai oia ia'u, a me ko maua wahi moe, me ke kumu ole o kona haalele ana ia'u, nolaila ko'u papa aku ia oukou e ka poe waiwai manawahi a pau o keia aupuni. No ka mea, aole no au e hookaa ana i kona mau aie a pau, o ka manawa mamua ae o ko maua noho pu ana, a me na aie a pau o kona haalele ana mai ia'u, oiai he kumu pono ole kona haalele ana. Ina e hoaie mai oukou ia ia, maluna o oukou ko oukou poho, me kuu papa maoli aku ia oukou. Ua pau me ka mahalo.
JOHN P. KALAMAU.
Makaka, Kau, Hawaii, Sepat. 8, 1862. 42-2t*
Olelo Hoolaha.
NO KA MEA, UA NOIIA MAI KA MEA Hanohano E. H. Allen, ka Lunakanawai nui o ka Aha Kiekie e Ioane Ii, no ka nana ana i kana palapala hoike ma ke ano kahu no Charles Kalu, a me ka hookohu aku ia ia ma ke ano kahu, a no ia hoonoho hou ana i kahu no Charles Kalu: Nolaila, ke hoike ia aku nei i na mea a pau, i pili o ka Poakolu, oia ka la 13 o Sepatemaba, 1862, ma ka hora 10 o ke kakahiaka, oia ka la a me ka manawa no ka hoolohe ana i ka mea i noiia mai, aia ma ka Hale Hookolokolo, ma Honolulu kahi e hana'i.
JNO. E. BARNARD. Kakauolelo o ka Aha Kiekie.
Honolulu, Sept. 3, 1862. 41-2t
OLEL O HOOLAHA.
NO KA MEA, UA NOIIA MAI WAU E Ehu, no ka hookohu i Luna Hooponopono Waiwai No Kaiapapa, no Kohala, Hawaii, i make aku nei. Nolaila, ua hoikeia i na kanaka a pau loa, ke pili, o ka Poalima, oia ka la 23 o Sepat., i ka hora 10 o kakahiaka, oia ka la a me hora i olelo ia, no ka hoolohe i ka oiaio a me na mea hoole i hoikeia, aia ma ko'u Hale, ma Halawa.
J. WIGHT. Lunakanawai Kaapuni.
Kohala, Hawaii, Aug. 26, 1862. 42-2t*