Ka Nupepa Kuokoa, Volume II, Number 18, 2 May 1863 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE II.  HELU IS

HONOLULU, MEI 2 1863

NA HELU A PAU 75

KA “NUPEPA KUOKOA”

@

I kela Poaono keia poaono

$2.00 no ka makahiki,

ME KA HOOKAA MUA MAI.

@

H.M. WINI(Luna Pai)

KA “NUPEPA KUOKOA.”

la published ia Honolulu

EVERY SATURDAY,

$2.00 per annum…….in advance.

@

H.M.WHITNEY,

Publisher.

@

KA MOOLELO

O

Na manu o Hawaii nei

HELU 1.

Manu Moa.

            [He moolelo keia o na manu i hoopukaia i k@ M. H. 1S59, ma ka Halepai Katoliko, e Z. Keauokalani, a no ka manaoia he nui no ka poe e makemake ana e heluhelu hou ia mea, nolaila ke noi ana mai a kekahi makamaka o makou e hoopuka hou ia mea.]          

            He manu nunui ka Moa, a oi aku mamua o ka Pu o” elua kulana o ka Moa, he kioea kekahi, a he haa kekahi: he poke maikai kona nuk@, a loa iki iho hoi, he mio maikai kona poo, a loihi maikai kona a-i, he ulaula ka @ nihoniho ka lepe luna, a he ula pupupu @ hoi ko na Moa kane, a ua punohunohu kona hulu, he pokopoko kona hulu kikala, he nui ohu maikai kona umauma, a lipilipi kona pa@, he hekeheke kona mau uha, ua huini kona mau kakala, a he loloa ponapona kona @ manamana, a meumeu lou no hoi kona mau maiuu.

            Ina he Moa haa, he peke kona mau wa@ o kona mau ano e ae, ua like no a like @.

            E@ ano o ka nana ana i na Moa kane. @ Moa keokeo holookoa, ua kapaia oia @ uwakea, a he lawa hoi,” 2, o ka Moa eleele puni, ua kapaia oia he “Alae.” 3, o ka Moa eleele ula ma ka hulu kikala, a ma ka a-i, ua kapaia oia he “Alae hulu ula.” 4, o ka Moa ulaula holookoa, a uuku na wahi hulu e ae, ua kapaia oia he “Ulahiwa.” 5, o ka Moa eleele hulu memele ma ke kikala a me ka a-i, he “Puahau ia.” 6, o ka M@ hulu memele o ke kikala, a @ ka a-i, he “Nene ia.”

            O na Moa kane ano maikai ke nana aku, ua kapaia lakou he “Lawa,” a o na Moa maikai ole ke nana ia aku, he “auha ia,” he mau hulu loihi elua ma ka puapua, oia hoi na hulu koo.

            He manu haaheo ka Moa ke nana ia aku, ma kona mau ano a pau, a ma kona hele ana hoi, a pela no kana o-o ana, i kona wa e kani ai, ku pololei kona poo iluna, a kokoke e pau kona leo, alaila, pio aku la kona a-i ilalo; i ka wanaao e kani like no na Moa kane, a hoomaha, ua kapaia ia kani ana, “Moa kuakahi.” a liuliu kani hou, ua kapaia ia kani hou ana, “Moa kualua,” a pela aku no e kani mau ai, a me ka hoomaha mau no hoi, a olowalu ka Moa.

            He manu ai ka Moa ia mea aku ia mea aku e loaa ana ia ia ma ka helu ana o kona wawae, a me ka ike ana a kona mau maka, a kiko aku kona nuku.

            O na Moa kinana, aole o lakou like me na Moa kane, aole he mau hulu koo ma ka puapua, aole hoi he mau kakala, he uuku kahi l@pe ma ka lae, a he oleloa no kekahi.

            He hulu hana ia ko ka Moa i kahili, oia na kahili o keia pae aina mamua, a pela no i keia wa.

Manu Pueo.

            He nunui iki ka Pueo e like me ke kinana Moa, he ono no hoi kona io me he io Moa la, aole nae i ai nui ia ka Pueo o na mea a pau. O Kula aina ma Maui, oia ka ai i ka Pueo mamua, ua kaulana ka ono o ka Pueo ma ia aina, aole nae pela i keia wa.

            He manu puni lepo ka Pueo e like me ka lo, a o kona kani me he hawanawana la, penei, fi-o fi-o, aka, ina nae e hakaka oia, alaila he keu ke kani, keu keu.

            He nunui aa ka maka o ka Pueo, hakahaka kona mau pepeiao, oioi kona nuku, a puipui pono no hoi, a pio huiui kona welelau, a ua loloa kona maiuu, a ua lou wini no hoi, ua palaulau kona mau eheu, He maka ike ko ka Pueo i ka po, aole nalowale na lole a me na keiki Moa ia ia, e ai no ka Pueo ia mea aku ia mea aku e loaa ana ia ia, e like me ka lo.

            I mea e make ai ka Pueo, he mau laau pokopoko ia i kukuluia me he mau popoiwi la o ka pa, i mea e omau paaia ai ka upena, a ma kona waenakonu he kui oi a loihi iki, i mea e ku ai ka opu o ka Pueo, i kona manawa e poi iho ai i ka Moa paha, i ka lole paha i nakii puia me ke kui, i kapaia he olokaa, a me ia mea oia e make ai.         

            O ka peheu kekahi mea e make ai, hana ke kano manu, hookahi laau loihi, he iwilei a oi aku paha kona loa, me na kaula eha i hamoia i ke kepeu, hoopaa ka laau a paa i lalo o ka lepo, a nakii i na kaula eha ma ke poo o ka laau malolo iho, a hoopaa i na welelau o na kaula me he ano pahu hae la mao a mao, aole nae hana paa loa i ke poo o na kaula, i hiki ai ke hemo mai a hauwili iho i na eheu o ka Pueo, a e’nakii pu malolo i ka Moa malalo pono o ka pekeu, i mea nona e kii iho ai, a pela e make ai.

            O ka Pueo akamai i ka aihue i na keiki Moa, lele mai oia a ma kahi e, kau oia malaila, a ike oia i ka ohana Moa keiki me ka makuahine, alaila, hele maoli mai oia me he ano Moa la, a kuhihewa no na keiki Moa, a huipu no lakou me ia, alaila o kona manawa iho la no ia e hopu ai i na keiki Moa a lele iluna, a no kona akamai i ka aihue, nolaila, ua kapaia oia ke alii o na manu aihue.

            O ka Pueo, ka Io, a me ka Iwa, he like ko lakou ike, o Pueo a me Io, he like ka laua hana, o Io hoi a me Iwa, he like laua ma ka lele kauaheahe ana, i ka lewa ko iuiu o ka lani iluna lilo; a o ka ka Pueo lele ana hoi, he upoipoi pinepine kana, nolaila, ua hoohalikeia ka poe wahine loeau i ke kuku kapa i ka wa kahiko e like me ia.

Manu Io.

            O ka Io, oia ke alii o na manu, he manu nui ka Io ke nana’ku, ua like me ka Pueo, a me ka Moa. He ono kona io me he io Moa la, a me he io Pelehu la. He eleele kekahi manu Io, a he keokeo kekahi, a he haehuehu kekahi me he Pueo la, he opulepule kekahi, me he opule la; aole like kona poo me ko ka Pueo, aka, ua like me ko kekahi poe manu e ae, a o kona nuku, ua like me ka nuku o ka Alaia, aole loihi kona nuku, aole hoi pokole loa, aka, ua kikiwi no nae, ane like me ko ka Pueo, he nuku oi ko ka Io, a me ka ikaika.

            Aole loloa kona mau wawae e like me ko ka Nene, aole hoi i peke loa e like me ko ka Moa haa, aka, ua hekeheke maikai ia ke nana aku, he oolea kona mau maiuu, he huini loa, a me ka ikaika.

            He manu lele ko lulu ka lo i ka l@wa lani, e lele maile no ia a nalewale @oko o na ao: nolaila, ua hoohalikeia ko kakou poe alii kiekie mamua oia manu e like me “Iolani” (Kamehameha IV.)

            “Iolani” elua hoi ia mau hua, o Io a me lani: Eia ke ano, “Io lele iluna lilo.” a o ka pili oia inoa. “Ke Alii maluna o na’lii a pau.” oia ko kakou alii e noho nei, a o ka hua lani he mau inoa i kapaia no na’lii aimoku wale no.           

            I ka ike ana aku i ka Io e lele kauaheahe ana iluna lilo, e haka pono mai ana oia i kana mau mea ai o lalo nei, e like me ka Moa, ka Iole, ka Amakihi, a pela aku.

            He manu no hoi i mahalo nuiia ka Io, no ke kiekie loa o ka lele ana, ma ka lewa ko iuiu, a me kona ike ana i na mea liilii o lalo nei, nolaila i kapaia’i “Ionuimalanaaumoku,” eia ke ano, “Io o luna lilo.” o (Iolani ia) ka Io nui e nana ana me kona mau maka i kela wahi keia wahi o ka aina: Eia kona ano, (ka Ionuimalanaaumoku ia.) a, oia ka hooholo loa ana o ka inoa o ko kakou Moi e noho nei penei, “Iolanikaionuimalanaaumoku,” Eia kona ano: Ke alii maluna o na’lii a pau,” oia hoi “ke alii nona ke aupuni.”

            I ka manawa e lele ana ka Io, he mea e kona kauaheahe ana; aneane elua hora kona kauaheahe ana pela, aka, ina oia e hoopanee aku i kona lele ana, he mea e ka maikai o kona kaha ana, ka huli ana iho, ka halo ana, a me ke kalena ana aku, a no ia ano o ka Io, nolaila, ua olelo mahaloia penei: “Kaha ka Io i ka malie.” Ina e loaa ka Io i ka makani, hooluhe oia i kona mau eheu, aole nae he lele wikiwiki e like me ka Pueo, a me ke Koae.

            O ke kani a ka Io, ua like me ka makani hoohoho o ka waha, ke opa ae i ka lehelehe lalo, a o ua makani la o ka waha i hoohohoia, he “fvio ia,” a nolaila, ua kapaia kona inoa mamuli o kana kani, he Io noloko mai o fvio; o ka Io, oia ka manu, a o ka fvio, oia ke kani a Io, nolaila, Io noloko mai o fvio.

            No ka mea e loaa ai keia manu, Hana ke kano manu i ka hapapa, oia hoi ka laau i hanaia me he kea la, hapala oia i ke kepau ma na amana o ua hapapa la, me ka Moa paha i nakiiia malalo iho o ka huina o ka amana o ua hapapa la, a makaukau ia mea, alaila, hookaawale ae ke kano manu ia ia ma kahi kaawale iki ae mai ka hapapa aku, alaila, kahea aku la ke kono manu i na Io ma ke ano like loa o kana kani me ke kani a na Io, me k@ akamai loa ma ka hoofivio ana, a o ke kani a ka Io, he hapa hawanawana hapa fvio.

            Ina akamai loa ke kanaka kono manu ma ka hoofivio ana, he mea lealea loa ia i ka pepeiao o na Io, e le-le-le koke mai no lakou he nui wale, olioli lakou ke lohe ma ka lewa lani iluna lilo, ina elima mile a oi aku, a emi iho paha ko lakou kiekie mai kahi aku o ke kono manu, a e iho fi-fi-fivio like mai no lakou, me ke au io a ianei i kahi e kupono ai i ka mea nana i hea aku.

            I ka hiki ana o ka Io i lalo nei, lele pololei iho la kela maluna o ka hapapa e hopu i ka Moa paha i nakiiia ma ua hapapa la, e holo koke aku ke kono manu me ka laau ma kona lima, a e hoani aku ma ka umauma o ka Io, e puliki koke mai no kela me kona mau maiuu i ua laau la, a e owili ae ke kono manu me ka ikaika loa, i haihai ai na wawae o ka Io.

            Eia kekahi. E nakii ke kono manu i ka lepa maluna o ka welelau o kekahi laau kiekie, a i ka ike ana o ka Io ia ia e kau ana maluna o kona laau, e haka pono no ka Io i ua lepa la, me he mea la e mahalo ana paha no ke kapalili i ka makani, a me ka pulelo ana io a ianei, he mea lealea loa ia ia ia, a nanea kela i ua lepa la; alaila, e lele malu aku no ke kono manu, me ka laau loihi ma kona lima, i hapalaia ma ke poo i ke kepau, a o ae malalo o ua Io puni lepa nei, pipili ae la ka hulu i ke kepau i hamoia ma ke poo o ke kia, a e huki mai oia i ke kia i paa i ka manu, a pepehi aku ia ia, a pela e make ai, a he nui aku no na mea i koe, e hana ai ke kono manu, i mea e loaa’i ka Io.

            He manu halakau ka Io, aohe lala kau ole, ua hoohalikeia ke kanaka mama i ka pii laau e like me keia manu, he Io, aohe lala pili ole, a penei e akena ai oia no kona mama, “He Io au, aohe lala pili ole.” He manu aihue ka Io i na keiki Moa, a nolaila, ua kapaia kekahi inoa o na kanaka aihue mamuli o kein manu, “He Io poi Moa,” oia hoi, he kanaka aihue.

(Iole i pau.)

KE KAAO O

LOSINEHAMA!

KA PUA NANI @ O SEVILA

[i unuhiia mailoko ae o ka Buke a Geberiana.]

HELU 1

IA LOSINEHAMA I HIKI AKU AI ma ka puka, a wehe ae ia i ke pani, aia hoi, e ku ana o Tariana mawaho o ka puka komo, ninau aku la o Losinehama, “Heaha kau hana no’u, i hiki mai ai iloko o ka manawa hiki ole ia oe ke hele mai ma kahi i malamaia’i ko’u maluhia?”

            I aku la o Tariana. “E Losinehama, he oiaio, he manawa kupono ole keia ia’u ke heie mai i ou nei; aka, no ka hiki ana mai o kekahi olelo nui ia’u i keia hora ma na mea e pili ana ia oe, a me kau kane, a ma ko’u Oihana Hamuku Nui, nolaila, ua hiki mai wau ma kahi i malamaia’i ka maluhia nou. Malia paha ua hiki mai ia oe ke kaumaha i keia mau la no ke komo ana aku o ka i kane iloko o ka Halepaahao, me kou makemake ole e kaawale aku oia ma kahi e. A ina hoi ua makemake oe e paa kau kane m@ ka hale kupono ole ia ia ke noho? Alaila, e hoi wau ano me ka hai ole aku ia oe i ka olelo e hemo koke mai au kau kane i keia hora, e like me ke kauoha a ke Kuhina Nui ia’u.”

            I aku la o Losinehama. “E kuu Haku, e kala ma ii kau kauwa, a ke noi aku nei wau ia oe e komo ae iloko, i kamailio mai ai oe ia’u. He oiaia, he kaumaha nui ko’u no @ kane, ka mea a ko’u lima akau i hoopaa ai, a ke ake nui nei wau e loaa ia’u ka lohe ia oe i kona mea e pakele ai. No ka mea, ma kuu manaolana i ke Akua, ua pule hoomau aku la wau me ka hookeai ana elima la a hiki ma ii kau kikeke ana. A no kou hoopuka ana mai ne ii ka olelo he mea e hoopau ana i ko’u kaumaha, ua mama aae la wau, ano e olelo mai.”