Ka Nupepa Kuokoa, Volume II, Number 44, 31 October 1863 — Kanaka oki-puu a pakele mai make. [ARTICLE]

Kanaka oki-puu a pakele mai make.

E KA KUPEPA KUOKOA E ;—Aloha oe : E oluolu oe e waiho aku imua o ke akea i ka hana naaupo a kekakhi kanaka ma Makanalua, i Molokai nei, ke olu mai ka Luna Hooponopono. Ma ka la 14 o Sepatemaba iho nei, hana naaupo iho la o J. W. B. Inaina ia ia iho a me kana wahine. Hakaka iho la laua, a kii aku la ua o J. W. B. Inaina i ka pu, e ki i kana wahine, o Naihe ka inoa o kana wahine, holo koke aku la oia me ka mama loa, a kahea aku la o Inaina o hoi mai ; aka, aole nae ia i hoi mai. Alaila, hoi iho la oia iloko o ka hale o laua, e hana make ia ia iho, ike mai la kona kaikuahine, holo mai la kona kaikuahine a aumeume iho la laua me ka ikaika nui, a lilo ao la ka pu i ke kaikuahine, alaila, kii koke aku la o Inaina i ka pahi e pahu i kona puu, holo koke mai la kona kaikuahine, o Keaka kona inoa, a lilo ka pahi ia ia, a hoolei aku la oia i ka pahi ma kahi nahelehele, mawaho loa. Mahope iho, kii hou no o Inaina i ka pahi, he pahi uuku ia, a aumeume hou no laua me kona kaikuahine a moku kona lima, alaila, kii aku la o Kawelo kona makuakane. a oleIo aku !a, "e kuu keiki, heaha keia hana au ?" Pane mai la oia, " e make ana au i keia la me kuu wahine." Lele koke aku la o Kawelo, e hou koke mai ana kela i ka pahi ma ka opu. Kahea ae la o Keaki me ka uwe, "auwe! auwe!! mai pau pu maua i ka make ia Inaina." A lohe o Naihe kana wahihe, hoi mai la oia, a ike ae la o Inaina i ka maka o ka wahine, alaila, hou ae la kela i ka pahi, aka, paa e nae ka lima i ke kua a haule iho la ilalo, pau ae la ka manao ana he make. O ke kumu, o ka hele i ka puni a Kamapuaa, kela Kama-eu o Oahu. Nolaila, ke ike mai la no oukou i ka ho-a-a a puhili. N. K. KOA. Kalawao, Molokai, Sept. 26, 1863.