Ka Nupepa Kuokoa, Volume II, Number 48, 28 November 1863 — Page 1
| This text was transcribed by: | Jo Fraticelli |
| This work is dedicated to: | In Memory of Ruth Luka Kanoho Goo |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE II. HELU 48. Honolulu, Novemaba 28, 1863. NA HELU A PAU 105.
HE KAAO
-NO-
ANA ONOHI GULA,
-KA-
NANI LUAOLE O PELEKANE
HELU 1.
ELUA MAU MEA E NOHO ANA ua kekahi wahi o Pelekane, he kane a he wahine he mau mea waiwai loa lana, a he hanohano no hoi i na lako loa lana ma na mea a pau, ma ka waiwai paa ame ka waiwai lewa. A hookahi o laua hemahema nui o ke keiki ole, ka hooilina o ko laua waiwai a pau ke make.
Nolaila, olelo aku la ke kane i ka wahine, ‘Ua lako kaua ma na mea a pau loa, a hookahi hemahema o ke keiki ole a kaua, e loaa ai ko kaua hooilina waiwai mahope o ko kaua make ana.”
Pela mau ko laua kukakuka mau ana, a hala paha he mau la; hooholo iho la laua i ka manao e hele e imi i wahi e loaa ai ka laua keiki. A hooholo iho la laua penei, “E moe kaua a kakahiaka, alaila, pii kaua luka o ke kuahiwi.”
A i ke kakahiaka nui, ala ae la laua, paina a pau ka aina kakahiaka, a kau aku la ma ke kaa, a holo aku la a hiki laua i ke kuahiwi, hoemaka laua e komo iloko o ka ululaau.
NO KE KUMULAAU OLELO.
La laua e holo ana imua a komo iloko o ka ulullaau, kaa hope ke Kumulaau mahope o laua, alaila, kahea aku la ua Kumulaau nei ia laua penei. “ E laua ala e holo la; e laua ala e holo la!” Aole o laua maliu mai i hope, no ka ikaika loa o ka holo ana o ke kaa.
Ma keia kahea ana a ke Kumulaau a lohe ole laua, alaila, pane hou aku la oia i kana olelo hope, “ “Ina aole olua e hoolohe mai i ka’u olelo, alaila, aole e loaa iki ana ka olua mea e imi nei?”
A lohe laua i keia olelo a ke Kumulaau, ia wa laua i hoi hou mai ai a ku malalo o na Kumulaau nei; a olelo iho la, “kupanaha maoli, o ka leo wale no ka maua e lohe nei, aohe ku mai o ke kino?”
Olelo mai la ke Kumulaau, ‘Owau no kai hea aku nei ia olua, aohe mea e ae; ua ike au, e holo ana olua e imi i mea e loaa’i ona keiki na elua.”
A lohe laua, ae aku la, “Ae, ua olelo mana pela i ke maua noho ana no ka loaa ole o ke keiki, no ka mea, us loaa ia maua na waiwai a pau ame ka hanohano, a o ke keiki nei aole i loaa.”
Wahi a ke Kumulaau, “Ina olua e hoolohe i ka’u olelo, alaila, e loaa ia olua ke keiki.”
“Ae,” wahi a laua nei, ‘ e hoolohe ana no maua i kau olelo ke olelo mai, no ka mea, aole maua e hoole.”
Olelo mai la ke Kumulaau, “E hoi olua, a hana olua e like me nei, ‘E lalau i elua ala o ke kahawai, a nou ae i ka lala piki e luluu ana i ka hua; a ina e haule elua hua, alaila, e hanai oe i ke kao i na hua, a mahope o ka hanai ana i ke kao, e pepehi oe a make, alaila, lole ae a hookaawale i ka ili a me ka io. Nolaila, o ka io e ai oe, a o ka iwi e hanai na ka ilio, (malama he ilio no hoi ka olua.) alaila, e hapia oe ame ka ilio.”
A pau ka olelo ana a ua Kumulaau nei, hoi aku la laua a hiki i ko laua wahi, hana aku la i na mea a pau i oleloia mai ai.
Mahope o laila, hapai iho la laua a elua, hapai ka wahine a hanau he mau keiki maho elua, hookahi keiki kane, a hookahi hoi kaikamahine.
He mau keiki maikai loa laua, o ka lauoho he gula, o na onohi maka he gula ia, a o ka helehelena he maikai lua ole, aohe hoa ma Pelekane e like ai, aole iwaena o na’lii ame na makaainana.
O ka inoa o ua kaikamahine la, oia o Ana Onohi Gula, ka mea nona keia kaao.
(Maanei e hoomaka ai kakou e kamailio i kona kaao ma ka olelo Hawaii.)
NO ANA ONOHI GULA, AME KE KAIKUNANE.
A nui laua, a kokoke i ka manawa e moe kane ai a moe wahine hoi, alaila, kukala ia ka waiwai o na makua, a pau ka waiwai, kukalaia na keiki, a lilo i ka mea dala no ka aie o na makua.
Ma keia kukala ana, lilo aku la o Ana Onohi Gula ame kona kaikunane, ma ka lima o kekahi mau mea waiwai loa, a malaila laua i noho ai me ka malama ia e like me ko laua mau makua ponoi.
Ia laua e noho ana, ua lilo laua he mea nui i ko laua mau makua hanai, mamuli o ka laua olelo ame ko laua makemake e hooko ai na makua, aole loa kekahi mau olelo i hoohalaia, a i waihoia maialo o na kapua i wawae.
Ma keia noho ana o laua, ua kiiia mai la kona kaikunane i kane na ke kaikamahine alii o Beritania, ka muli iho o ka hooilina noho alii o ke Kalaunu o Beretania. A kaawale au la oia, noho iho la o Ana Onohi Gula me na makua hanai o laua.
KA LUAHINE NOI IMI MEA AI.
Ia Ana Onohi Gula e noho ana me na makua, hiki mai ia ka luahine me ke eke mea ai, e noi hele ana ma kela hale keia hale, a hiki eia imua o Ana Onohi Gula, ia wa, nonoi aku la oia i ka mea ai me na hoaolelo maikai loa a nahenahe hoi, a penei:
“E kela wahine maikai loa,
Ka mea aole malalo o ka la,
O ka mahina o na hoku,
Na’u kekahi mea ai.”
‘Hele mai,” wahi a Ana Onohi Gula, a hiki mai la ka luahine, ninau aku la oia, ‘He eke no nae paha kau?” “Ae.”
Ia manawa, kii aku la o ana onohi Gula i kahi waiho mea ai, a hahao iho la i ka palena me ka io bipi, ame na mea e ae he nui wale, a piha ke eke a ka luahine.
Hoi aku la na luahine nei, me ke eke ana ma ke alanui e kupono ana i ka hale o ke kaikamahine alii, ke kaikoeke o Ana Onohi Gula, ka wahine hoi a kona kaikunane.
NO KE KAIKAMAHINE ALII.
(Ma keia wahi e ike ai kakou i ka hana pono ole a ka luahine, a e ike ai kakou i ka huhu o ke kaikamahine alii, ame ka pilikia ana o Ana Onohi Gula.)
A kupono ka luahine malalo o ka hale o ke kaikamahine alii, ku iho la oia a nana aku la i ke kaikamahine alii i ka noho mai iluna, alaila, kahea aku la ua luahine nei.
“E kela wahine maikai loa,
Ka mea aole malalo o ka la,
O ka mahina o na hoku,
Na’u kekahi mea ai.”
Pane mai la ke kaikamahine alii, “Heaha ka mea e loaa aku ai ka makou mea ai ia oe e na luahine laupuwale, hele wale iho no, aohe ka he hana iho o kou mau lima ma ka honua.”
I aku la ka luahine, “No ke ino no o kou (kii) kino, nolaila, inoino no kau olelo; aole no e like aku oe me Ana Onohi Gula, maikai no kona kino, maikai pu no kana olelo.”
A lohe ke kaikamahine alii i keia mau olelo a ka luahine, ua hoopiha loa ia kona manao i ka huhu ino loa, alaila, olelo iho la oia penei, “ Kupanaha, ma ko’u manao iho. owau ka oi o ka maikai ame ka nani ma Beretania nei, aole e loaa ko’u lua, mai na ‘lu’a na makaainana, eia ka o ka oi ae nei o Ana Onohi Gula mamua o’u, make oe ia’u.”
Ia manawa, hoomaimai iho la ua kaikamahine alii nei, a maule loa iho la; a hahai ia aku la ke kane, (oia ke kaikunane o Ana Onohi Gula,) a loaa ma kahi i hana ai me na kanaka, a haiia aku la ka mai o ke alii wahine ame ka pilikia loa.
I ka manawa i lohe ai o ke kane, hoi mai la oia a hiki imua o ke alii wahine, lalau iho la ia a lomilomi, ninau iho la, aohe pane ae o ke alii wahine; ia wa koke no, kii ia aku la na kauka lapaau e hele mai e nana i ke ano o ka mai o ke alii wahine.
A hiki lakou imua o ke alii wahine, nana iho la ua kauka nei i ke ano o ka mai aohe maopopo, aole no hoi he laau e ola ai.
Nolaila, ua pilikia loa ke kane no keia mai o ka wahine alii, alaila, kii ia aku la kekahi kauka akamai loa, e hele mai e nana i ka mai o ke alii wahine.
A hiki mai la ke kauka, nana iho la oia i ke alii wahine, a olelo mai la, “Aohe e ola ka mai o ke alii wahine i ka laau a hai ke lapaau aku, no ka mea, aia no ia ia kona laau e ola ai.”
Alaila, ninau iho la ke kane i ka wahine, “Ea!” heaha kou Iaau e ola ai oe?”
I mai la ka wahine, ‘Hookahi wale no o’u laau e ola ai, o na onohi o ka maka o kuu kaikoeke.”
I aku la ke alii kane, “ Ae, e kii aku ana au i kona mau onohi, a e poalo ae a lawe mai i laau nou.”
Alaila, hele aku la oia me ke pa ma kona lima a hiki i kahi e noho ana o Ana Onohi Gula, alaila, uwe aku la keia me ke kulu o na waimaka.
I mai la o Ana Onohi Gula i kona kaikunane, “ he waimaka aha kou e uwe nei?”
I aku la ke kaikunane, “ E uwe aku ana ai ia oe, no ka mea, i hele mai nei au e po’ aio i ou mau onohi maka i iaau no ko kaikoeke, a oia ka ka laau e ola ai kona mai.”
KA HEMOLELE O ANA ONOHI GULA.
(Maanei kakoa e ike ai i kona maikai a me kona hemolele loaole, me kona ae aku i kona mau kaniko kino e lawe ia aku mai kona kino aku.)
Wahi a Ana Onohi Gula, “ O na onohi no hoi paha ia, poalo ia mai.”
Ia ia e olelo ana, holo ana ka ilio i hanau pu ai me laua, (oia kela ilio onohi gula, ame ka hulu he gula.) olelo mai ke kaikunane,
“Ea! eia no hoi na ka onohi o kahi ilio a kaua? No ka mea, ua like no kou onohi me ko ka ilio.”
“Ae,” wahi a Ana onohi Gula, alaila, poalo ia ae la ka onohi o ka ilio, a kau aku la iluna o ke pa, a hoi aku la ke kaikunane a hiki imua o ka wahine.
A ike ka wahine i na onohi iluna o ke pa, alaila, o ke ola ae la no ia, pau iho la ka mai ana, e manao ana ia ua make o Ana Onohi Gula, no ka lilo ana mai o kona mau onohi maka ia ia.
Nolaila, noho iho la na alii wahine la me ka oluolu, me ka manao oia ka oi o ka wahine maikai ma Beritania a puui.
A hala he mau la mahope, alaila, hiki hou no ua luahine noi mea ai nei imua o Ana Onohi Gula, a nonoi aku la e like me kana noi mua ana.
“E kela wahine maikai loa,
Ka mea aole malalo iho o ka la,
O ka mahina o na hoku, Na’u kekahi mea ai.”
I aku la o Ana Onohi Gula i ua luahine nei, “hele mai hoi paha.”
la manawa, hele mai la ua luahine nei a hiki imua ona, haawi aku la oia i ka mea ai a piha ke eke, hoi aku la ua luahine nei ma ke alanui e hiki aku ai i kahi o ke alii wahine huhu.
Oia ka mea kupanaha loa, o ka hele o ua luahine nei ma kahi o ke alii wahine me ka hoi ole i kona hale ponoi, nolaila, ma ka noonoo ana, he luahine imi hala loa keia i kumu e make ai ka mea hemolele, oia hoi o Ana Onohi Gula.
A hiki ua luahine nei imua o ke alii wahine huhu, kahea aku la penei:
“E kela wahine maikai loa,
Ka mea aole malalo iho o ka la,
O ka mahina o na hoku,
Na’u kekahi mea ai.”
I mai la ke alii wahine, ‘O ke aha ka mea e loaa aku ai ka makou mea ai ia oe, aole no hoi oe i noi i kekahi noi ana, a e loaa ana, alaila, hele mai e noi.”
Ma keia olelo a ke alii wanine, pane aku la ka luahine. “No ke ino no o kou (kii) kino, nolaila, inoino no kau olelo, aole no e like me Ana Onohi Gula, ka maikai o kona kino, maikai no ka olelo.
A lohe ke alii wahine, piha loa oia i ka huhu, a olelo iho la, “Kupanaha! kai no paha ua make o Ana Onohi Gula, eia no ka hoi ke ola nei.”
Ia manawa koke no, maule hou iho la oia e like me mamua, a nawaliwali loa, alaila, kii ia aku la ke kane ma kahi i hana ai a hoi mai la, a hiki imua o ka wahine, nana iho la ua nawaliwali loa, alaila, kuia aku la na kauka lapaau a hele mai la e nana, a nolaila, aole laau kupono e ola ai.
Nolaila, kii ia no ke kanaka akamai loa. a hele mai la e nana, a hiki oia. olelo mai la. Aia no kona laau e ola ai ia ia. nana no e hai mai, aole e ola i ka laau e.”
Ninau aku la ke kane, “ heaha kou laau e ola ai?”
I mai la ka wahine, “O na lima o kuu kaikoeke o Ana Onohi Gula, oia ko’u laau e ola ai, e oki mai oe a kaa mai iluna o ke pa nei la, lawe mai oe.”
“Ae,” wahi a ke kane, “e kii aku ana no hoi paha wau e o oki i na lima i laau nou e ola ai.”
Komo iho la oia i kona kahiko a paa. lalau aku la i ke pa me ke koi, a kau aku la iluna o ke kaa, a holo aku la a hiki imua o Ana Onohi Gala.
Alaila, kahea aku la keia, “E komo oe i kapa nou a paa, kau mai maluna o ke kaa a holo ae kaua i ke kuahiwi.”
A makaukau o Ana Onohi Gula, kau aku la laua ma ke kaa, a holo aku la i ke kuahiwi, a haalele laua i ka papu oneanea, komo laua i ka ululaau o ka waonahele, a hiki laua iaena o na laau lipolipo, ilaila kekahi laau pookela loa o kona kiekie, i oi ae i kona laau a pau o ke kuahiwi.
A hiki laua malolo o ua laau nei, ku iho la ke kaa ma ka hua mawaho o ka laau, a lele iho la laua ilalo.
Wahi a Ana Onohi Gula. “E aha ana kaua ma keia wahi?”
I mai la ke kaikunane me na waimaka e heleleiana. ‘E oki aku ana au i ea mau lima. i laau no ke kaikoeke e ola ai.”
Wahi a Ana Onohi Gula. “O na lima no hoi paha ia o oki mai.”
I mai ia ke kaikunane “Moe aku noi paha Hala.”
Ia manawa koke no, moe aku la kona kaikuahine Hale, o oki aku la ke kaikunane i na lima a moku, a ka poaeae eia iho moku, mawaena o ka naia ame ka iwi uluna.) kau aku la iluna o ke pa, a hoi aku la ke kaikunane maluna o ke kaa, waiho iho la o Ana Onohi Gula me ka maule a make.
(Maanei, e waiho kakou i ka olelo ana no ke kaikunane ame ke kaikoeke: a e kamailio kakou no Ana Onohi Gula, ka mea hemolele ina ole.)
Ma keia waiho ana o Ana onohi Gula. ma ia la a po, mai@ po a ao, mai ia la u ana ma kai ka la, ala mai o Ana Onohi Gula me kona nawaliwali loa, a pohala mai la na maka ia wa, a nana ae la ma o maanei.
Ia wa oia i oni ae ai me ka hooikaika ia ia iho e ku iluna, aole nae he hiki, aka nee kua aku la oia a loaa ke kumu o ka laau, hoopili aku la kona kino a hooikaika ae la e ku iluna, a ku ae la me kona nawaliwali, no ka mea, elua ona pilikia nui ia wa, o ka eha o na lima i okiai’i, o ka pololi i ka ai.
Ma keia mau pilikia i loohiia ia ia, ua hoomanawanui ia ia wa, aole hiki ke noho iho ilalo, a ke ku hou ae, no ka mea, he aha loa a me ka hemahema kona ia wa.
Nolaila, hele aku la ia iloko o ka waonaheie laau loloa, e imi ana i ola nona, lalau aku la kona waha i na lau o na laau, a hoao iho la i ka ai ana i ka lau ono a me ka lau awaawa, a o ka lau awaawa, luai aku la ia mai kona waha aku.
Pela oia i ola’i me ka pilikia a me ka mainoino, a ua haalele mai ka ulumahiehie o ka nani kukilakila ia ia, a ua mae wale kona kino, no ke kupono ole o na mea ai; aka. o kona kino a me ka maikai, a ua no-a me he ahi la i ka waonahele, a ua malamalama i ka po ke puli, a ke mahina.
Ua hoomau oia i ka ai ana i na lau laau mananalo, a hala na mahina eono i ka waonaheie, a ua puka mai ke ano hohono o na lau laau mawaho o kona kino.
O kona kapa aahu, ua lawe-aku ka naheleheie, a ekekei mai i ka hena, maluna (oia hoi o ka piko olu malalo.) a ua waiho wale aku no hoi ke kino o ke aloha.
“I lili au i hoao me ka Haao,
Me ke kino ulu aloha o ke Kuahine,
I i ia he wahine no ka wa kamalii,
I kelekele ai mana me Hiku i ka nahele.”
A ina keia noho ana i ka waonahale, ua ikaika loa kona manao e loaa ka wai e inu,
huli oia aole loaa iki: aka. ua hoemanawanui no oia i ka huli ana.
Ia e hele ana maluna o na puu a me na awaawa, na pali a me na kualapa, ike aku ia oia i na holoholona hihiu e hele ana, hoomau aku la oia i ka hahai ana, me ka manao e loaa ka wai i na holoholona; aka, aohe launa aku ona i na holoholo hihiu, a pela no hoi na holoholona ia ia.
O kona manao ma keia hahai ana i na holoholona hihiu, o lakou ka mea ike i kahi o ka wai e inu ai, a me kahi i lana ai; aka, aohe pilipili aina mai o na holoholona.
Pela mau oli i hana’i i na holoholona a hala ka waonahele iaau loloa, huli ia ma kekahi aoao o ka mauna.
Ia ia i hiki ai ma ia waha. ike aku la ia i kekahi mau pua Hipa e hele ana i ke kula, hahai aku la ia me kona manao e loaa ana ka wai ia lakou, a aui ka la o ka hele ana o na hipa i ke kula, iho aku la hipa e inu i ka wai i kahawai.
Ma keia iho ana o na hipa, o Ana Onohi Gula kekahi i iho pu e inu wai, akahi no a loaa ia ia ka wai, mai ka wa i laweia’i kona mau inoa. a hiki i ka loaa ana o na hipa.
Ehiku mahina o kona inu ole ana i ka wai, pilikia maoli.
A pau ka inu ana o na hipa i ka wai, hoi aku la lakou i ko lakou kahu, e like me mamua, ma keia hoi ana o na hipa i ka hale, hahai aku la ka Mea Kaulana o Ana Onohi Gula.
(Aole i pau).
He pakaua ikaika ke kanaka pono. E lawe aku i kana dala mai ona ku la-aia kona waiwai iloko o kona uhane; e kipaku ia ia mai kona one hanau aku-a e lilo no ia i mea noho ma ke kulanakauhale Lani; e hoopaa i kona kino, a e lanakila no auanei kona lunaikehala e pepehi i kona kino-a e ala hou mai no ia; ua kaua aku oia i ke aka, a e kaua mai ana i ke kanaka pono.
He ahi! He ahi!!
I KE KUOKEA I ALOHA OE. E @ i @ ho-o iho i ke aha e a @ wai eh@ e kama, ma kekahi wau nupa @ e na K lava kaawale o kou kino, i kela in@ ai e ke p@ e makemake ana e kili @ mea na A@.
Ua ike au ame ka lehulehu holookea a ka apana kahi a’u e noho ae nei, ae mea i ano like me ka ahi e a ana: @ nae o ke aha maoii ia, nolaila hoi i maopopo ai keia mea he ahi, he pono no ke ninau iho. Heana ia ia? He ona! he ona!! he ona i ka Pinika!! O ka malakeke i pa-ipuia me ka wai a kupa ia paha. u ka @ ni ia a ma na iho la nei e ka poe i hele ka puu a maioo. a kau mai ka ula i na papalina e na poe puakani o ia ane, a e pakake pakeke @ ana me he haole la i a na noenoe kela. o ke alii iho la no ia. Ua ona! ua ona!! naona a mea i ka Pikina!!! Auwene: aloha ino na pulapula opio o kuu lahui. i ka hanauia mai e ke ahi a ka ona, a lilo aku i wahie na ka poino ame ka haunaele o ka noho ana.
I ka nana aku i na kulana o ka poe haipule o ua mau wai eha nei. us kahuii lakou, a ua ea ae mei ka noho ana pono a i ka noho ana haukae, ua komo kino holookoa kekahi poe iloko o ke okooko o he ahi, a ke hoopupu maka’u nei hoi kekahi poe ma ka inoa. me he mea la ua pau loa ka naau aia iloko o ka huewai pohue kahi i ahu ai, aohe manao nuiia’ku o na hana pono e kekahi poe, ua hoi hou iloko o ke kiowailepo, me he puaa la i kona haluku wai ekaeka ana; aohe manao iho o ka nani o ke kahea gula ma kona ihu e kona kahu i hookau ai.
Ke i mai nei ka poe i ike maka i u’u mau hoalauna hapauea, a hoa puani hoi o ka wa opio o ua wahi nei. Ke moipoku holookoa nei na kane, wahine, keikikane, kaikamahine opio, ka elemakule, ame na luahine paha maluna o na lio, mai kela pe-a a keia pe-a o ua mau wai eha nei, a ku aku i Waihee, me na kino ikaika. kai hele a okalakala, a hoi mea la ua poe nei ua pau wale lakou i ka ona, a e hoohilala ana iluna o na lio, e kue kaiue ai na wawae imua a i hope nana’ku _a. oki ka hana i ou mau pokii. o kaikaina, o kaikuahine, o ka makuakane, a kahi luaui makuahine, o na makua no a pau o ua aina nei la, a pau a pau i kahu o ka poino. no ka mea hoi penei ka Solomona i i mai ai.
“Ia wai la ka uwe ana? la wai la ka poino? Ia wai la ka hakaka? Ia wai la ka nuku wale ana? Ia wai la na palapu loaa wale? Ia wai la na maka ulaula? I ka poe e hoomau ana i ka uwama.” I ka poe e hele ana e imi i ka pinika i kawiliia; mai nana aku i kona ulaula ana. i kona aloale ana hoi ma ke kiaha, a i kona hu ana hou a maikai, aka, mahope iho e nahu mai no oia me he naheia la, a e pa mai hoi me he moohueloawa la, a oia ka poino e ka poe e makemake ana ia mea.
Eia hoi, o kahi mea lealea loa ia’u ma ka lohe ana mai ka wahi mau o ka poe ona. o ke akamai i ka namu haole, nana aku oe i ua mea he akamai, o na namu no o na ano a pau, me he mea la ua noia no i ka olelo Beritania, a i ko’u hoomaopopo ana i kae ano maoli o ia olelo, he olelo puakiki loa, mai ai ka hua oiaio o ia olelo, a ia lakou nei hoi. mai kahi e no a ku ana. o ka namu iho la no ia, nana aku oe, pa-ka-ke lua ka poe ona.
Penei ko’u ikemaka, aole ka ike lohe mai, oiai au me ka’u keiki e ku ana ma ke kahi o na alanui o ka aina mahiko o ka poe Huiholo mai ana kekahi mau ho, he mau kane a me na wahine maluna, me ka ona, a i ke lakou hiki ana mai ma kahi a maua i ka ai. namu liilii ae la kekahi mau wahi kanaka me ka leo kauaheahe, penei. “ What is that Man?” “ he Makai paha keia kanaka?” Aohe Makai, ia lohe ana, aole o kanamai o ua mea he ohi k-u iloko o ka namu i me he mea la he poe haole e kamaiio ana ua ka lakou olelo i ka wa hookahi.
Auhea oukou e o’u mau makamaka mai Hawaii a Niihau, ina paha e puka mai ana ka bila hoonoa i ka rama i keia kau Ahaolelo e hiki mai ana, no ka mea, ke kokoke mai nei ka Ahaolelo o A. D. 1864, a i ka nana aku, ina e hookoia ia bila, alaila, e hana hua ioa ana na kanaka i ka ona, pela ku’u noonoo ana, i lohe mai oukou e ka poe puni ona e noho mai nei o ka lahui holookoi mai o a o.
NOlaila, e o’u hoa’loha, na koa kinai ala o Iesu kristo, mai kela kihi a keia kihi o ka aina, eia ke ahi hoopau lahui la, ke a nei ma na weiau o ka Apana o Wailuku, Maui, a e hoohamama ana ka oukou mau kaawai i ke kiowai o Kulanihaakoi, i weheia’e na puka wai o ka hohonu, a hanini mai hoi ka ua loku e pio ai ke ahi a ka ona maanei. Aloha oukou.
Z.P.POLIAU
Halaula, Wailuku, Maui. Noe O, 1862
No ka Hoopalau
E@ N@ K@
E @ paha oe a me ke Luna Hoopono. @ O ka Nupepa Kuokoa na keia mau hua@ ia maluna. @ ka @
Ke @ mai ia paha e kaha @ ka @ ie @. Heaha ia @ mea @ anei.
Aole pela, he wahi @ a ke w@ me like hoi ia iwaena o ke keiki maka p@ pala, a me ke kaikamahine hele a ai ka @ na luna, a me kekahi poe a @ ma@ ke aha i keia hana maikai @ ahe like a @ me ka @ a mamua @ o @ he @ ma@ noi ke @.
A@ n@ a@ kekahi poe na akea ka lawe @ i keia he na maikai, na @ keka@ e lilo @ ka mea i hoohoioia i kuohu p@ ka @ aku na poe, aole hoopau lakou @ palapala, ke noho nei ia poe@ nei laua la, kokoke kekaha i kela @ no ia. Aka, aole nae pela @ wanui ole mamuli o keia nani@ hana maikai no hoi keia i ka @
I ka nana aku i ke ano o @ ka Halaanianu, ke keaka, @ malamaia keia hana, aole @ kekahi i kekahi me ka @ o kekahi o laua, aole hoi @ me ka mea e, ina aole i hou ai @ e, o ka haalele iho la na ia ae ka @ke kumu kupono o ka haalele ana @ he ahe la keia kaikamahine opioopio ia he aohe @ Laleikawai kala wahine k@ la kela, ke pupuhi la, aole wahu @wale iho, seku mai la ke la, aole wa@, m@ pilipili aina iki mai.
Kuhikuhi aka la ka @2 ahe @ o na makai, ihea no ia i ki@ Waiho ka a pilikia, imi ae i wahi e he@ keia mau olelo ae like mau@ keia a paha a i ae no hoi kekahi keiki puukani @ aole hoi e hihi na pa@ i kuu mau, pono @ mua, kai no pai@
he pono, aole @ no e noho nei i keia wa, pa@ lawe ana o kekahi keiki i wahine @, @ ia ano koaka no. Aole paha i @ mua ana ka kuu@, ua hana @ paha he mea maka, aole pela, e la hea, @ mea na ia ke hana pono ia, ina i hoapalea @ kaikamahine @ a keiki @ paha, i malama ia oe iho o pilikia, ke@ i keia mau olelo pahapaha wai@ e he komo ana iloko o ka mau e ke keiki apau. pio, a me ke kaikuahine pou@ ana mai Hawaii o Kea@ Kau@ M@ kalanipo, mai hana me la le@ kapaia mai kaua he @.
Mai kahili i ke wahi @ p@k@ la ia wawae hope. Heaha no la @ ka kaalele wale ana iho @ ke keahi @ pio i kapaia mai ma ka olelo naohe @, Boy, i kona wahi koa puku, @ o ka hooilo, a me ka ia wela o la @ a pela no hoi ke kaikamahine.
No ka noonoo aole @ i ke @ pono, a i ka mea kupono pala e @ keia @aolelo e @ ae la ma@ wikiwiki, nolaila ka @ ia ana o ke kane i ka wahine @ pala no hoi ka @mamua a @ mea a @ a mai, @
O ka hooiao wale ana @ a mea i @ i aka maka, pela kekahi @ keia pae ana o Hawaii nei @ ha@ lakou i keia me ka ie@ e kuhiana he @ ia lealea, aole wahi mea a pono iki, e @ ana ia poe i kumu hoohalike na @ opioopio aku, aka, ami hana pela @ hoohalike ino ia.
No ia hooko ole ia o ia h@ kahi poe, nolaila, kou’u mana @ ka Nupepa Kuokoa. Ua poe @ lele wale ana o ke kane i kaua @ palau? a me ka wahine i k@ lau? ke loaa ole ke kumu @ lele ana.
E wiki kaua e ka Nupepa @ mai na hoa o kaua o ka iu o ka mai na hoa o kaua o ka iu o ka @
Ke hoi nei ko Hakona kela @ i ka uka o Maunahoomaha, ke mea mai ka leo o ka Bele o “Molokai Bela.”
W.K. NOHUIKAWE@
Halealohi, Lahainalalo . Nov 10, 1888
(O kau e nainau mai nei no ka pono, a o ka pono ole o ka haalele ana i ka hoopalau ke hai aku nei makoa aohe pono o ka haa lele kumu ole ana i ka mea i hoopalu ai, aole no hoi he pono ke uhaki i kekahi olelo aelike e ae, i aeia me ka @. no ka mea, aohe pono oia hana. LUNA H@