Ka Nupepa Kuokoa, Volume III, Number 7, 13 February 1864 — Untitled [ARTICLE]

Hale Kuai Hou.—Ma keia la, ua wehe ae o Bartow a me Stillman, i ko laua hale kuai mea ai, ma ke kihi komohana o ko Daimana hale kuai, ma ke alanui Alii. A ke noho makaukau nei laua me na kanaka Hawaii a pau e oluolu ana e hele me laua e kuai ai. Ua kamaaina no ia kakou o Mika Pako, he kamaaina kahiko loa ia no Honolulu nei a me Lahaioa, a no ia mea, ke lana fiei ko makou enanao e hele nui ana na poe kuai mea ai me Mika Pako e kuai ai. Aka, ua ahona no ko oukou kipa kino ana'e ilaila, i pair ai ko ookou kuhihewa.