Ka Nupepa Kuokoa, Volume III, Number 44, 29 October 1864 — Page 3
| This text was transcribed by: | Drew Tandal |
| This work is dedicated to: | the Tandal 'Ohana |
Ka Nupepa Kuokoa
KE KILOHANA POOKELA NO KA LAHUI HAWAII.
luhelu ana, “E noho na kanaka maluna o ka aina, e noho hoi na keiki uuku maluna o ka lakou.” Ninau ae la ua kahuna nei i ka mea e heluhelu ana, “Owai ia kanaka ?” “O iala hoi paha,” wahi a ka mea e heluhelu ana. I hou mai la ua kahuna nei, “Owai hoi ke keiki uuku?” I aku la ka mea e heluhelu ana, “ O oe hoi paha ia.” Ia wa koke no, hooho ae la ua Akua makani nei me ka leo nu i piha i ka wahahee, “Ae ! Ae ! ! Owau no ia ka Mesia, kahi keiki uuku, a na’u i hoonoho aku nei ka anela iluna o iala ?” Aia hoi, uwa ae la na mea a pau e noho ana iloo, a holo aku la iwaho, a namu aku la, penei, “sipi, sipi, sipi, &c. Paka, paka, &c.” puhi aku la i ka paka a akaaka ae la. Hoi mai la a loko, pane aku la keia Akua makani, “Maeele loa au,” “Ae, e noho ilalo, ina he manao e hoi,” wahi a kekahi Akua makani, kani aku la ke oli a ua wahine nei. a olelo hou mai la no ua kahuna nei. “ Heaha la kela mai i kuu manao, he opala paha.” Hoekepue ae la hoi kela Akua makani. aole luli, aole pane, oia nana mai no. Ninau hou mai la ua kahuna nei, “pehea kou manao i ka mai a kaua, no ka mea, ken oho malie mai nei aohe walaau.” A ki mai ana ua pupule nei, “ki, ki, ki,” “No ka po kela mai, “ wahi a ua kahuna nei, a mahope, hai ae la ke kahuna, “o keia Akua la, noonei no, ua ike no oukou, eia la he wahine ehu.” Ninau aku la ka lehulehu. “aole la hoi e pono ke hai ae i ka inoa ?” A ma ia hope mai, hai ae la ua kahuna ne ii ka inoa o kona Akua makani, o “Kamalamalama,” pau ae la o Iesu alua.
Hoi ka hoopunipuni malalo iho o Puuolnale, waiho ka wahahee i Kahua, ahu ka hoka i kapakahakai, puehu kukui akimona o ka mikina ma ii Kohala nei e hoopunipuni ai. Ma ko’u manao ana, ina o ke dailota keia o na uhane o kakou nana e hookele i ke awa o ka lani, e kau auanei i Kapua. O keia o na uhane o kakou nana e hookele i ke awa o ka lani, e kau auanei i Kapua. O keia kanaka, no Hilo-paliku mai, o kona wahi noho. o Opea i Honohina, Kuhua i Halala, miki mai ana i Kohala nei nei e hoopunipuni ai, e kuhi ana paha he wahahee i ka alapahi. hana wale iho no, a maluna ke keokeo malalo ka ulamau, hoi malu aku nei i Hilo paelekulu. Me ka mahalo.
S. W. KAILIWELA
Kaipuhaa, Kohala A., Hawaii, Oka. 18, 1864.
Ao Hula ma Kauai
E KA NUPEPA KUOKOA E; ALOHA OE: E oluolu kou opu palahalaha i ka lawe kaiu e aku i keia puolo lauae aale a ke aloha, e hoope ana i ka ihu hana eha o na omokoko iwi palupalu o kuu Lahui.
Ua mahuahua mai ke ao hula ma Kauai nei i keia makahiki, he 12 kumuao kane; 6 kumuao wahine. Eia na inoa pakahi o lakou : Kaunuhikiki (k.) Kaneikapolei (w.) a me Lolohi (w.) no Wailua, Puna. Kukae (k.) Kelemoku (k.) Haoleki (k.) Hulaiki (w.) Upai (w.) Makalii (w.,) no Hanapepe, Kona. Napopolo (k.) no Hulaia, Puna. Kaipukaku (k.) Naiwi (w.,) no Makaweli, Kona. Kauaole (k.) Puamana (k.,) no Waimea, Kona.
Ua hiki kino holooka au ma na wahi i hoikeia maluna, ua nana aku ua aniani o ka ike; a hoomaopopo iho ko’u naau, he alanui keia no ka palaualelo, a maloohaha ai ka opu o ka ohana. Mai Makaweli a Waimea, o ka hana mau o kea o hula a po ka la, ao ka po. E kau o ana i ka poe opiopio i ka runi poeleele o ka naaupo. Pela no ma Hanapepe; ma ia ano hookahi, a me na wahi e ae. Ke lele auna mai nei na anela a Satana; olali kaulana o kea o nei, e i mai ana, “ E ao oukou i ka hula e ka poe opiopio, &c.” Pela na olelo a keia poe Misionari o ka puka nui o Gehena, ka poe i waeia i mau Lunaolelo noloko mai o ka “Ahahui hoouna i ka poeleele a me ka palaualelo.”
Ke holokiki nei ka poe opiopio ma ia ano, he poe haumana no na hula a diabolo. No wai keia hewa ? No oukou no, no 21 Lunaolelo ma ka aoao o ka palaualelo. E ao ou kou. E hookuu i ke kula i kau keiki, mai aua oe; penei ke Kanawai: “Mai ka aono o na makahiki a hiki i ka umikumamaono, e hele na keiki a pau i ke kula.”
He mea kamahao i keia makahiki, ke nahae aku nei ka hula a palahalaha, he uuku mamua, he panaiki wale no. Eia paha ka mea i nui ai ke kui hewa ole au. O ka hookua a ko makou Lunakanawai Kaapuni i ka hula, oiai ua hoaiia imua o J. S. Kamahalo o Lihue, e like me ke Kanawai. A ke lohe aku nei; ke hana io mai nei ka hula mao a maanei o keia Mokupuni. Pehea kakou, e hiamoe anei? E hoololohe anei?
E ka poe enemi i ka hula mai o aanei e ku kakou a e pepehi i make oia; a koe mamo ole, a hoilina ole aku mahope ona. Pomaikai anei ke Aupuni o Hawaii ne ii ka poe hula? naauao anei? hanohano anei? kaulana anei i ka mahaloia? Ke okuku mai nei ke poo o Hawaii nei a olelo wiwo ole mai. Eha makou, Olekukahi, Olekulua, Olepau. Pau na Ole. Hiki iloko o Ikiiki Hula, oia keia Episetore.
Nolaila, ke hoouna aku nei au i ka “Ahahui hoouna i ka poeleele a me ka palaualelo,” i wahi e ike ai a lohe paha ka poe e alualu la i ka lealea; e noho a kane a wahine la i ka lanai hula o Satana. Malia, o wehe ae i ku lei hala aala a ka lealea kela mea keia mea pakahi, a aahu iho i ka pale umauma o ke akahai io.
Ke hio pu aku nei na haumana o kela ekalesi keia ekalesi o keia Mokupuni; ma ke alanui e hiki aku a i kela lealea keia lealea.
E na Kumuao he 21 o ka aoao lapuwale, kukulia i hale nui no oukou i MOkuaeae kela Mokupuni mawaho aku o Kilauea, i Koolau. Ku hele pela ka hula.
Hele, hele, hele mao,
O Satana me na hokeo loloa,
O na laau hahau ipu,
O na iwi ia o ke diabolo,
Aole hale e noho ai,
Puolo i kou aahu,
Hele pela ! Hele pela ! !
SIMEONA P.
Maulili, Okatoba 21, 1864
Mahalo no makou i kou mau mano, aka, ma kuhi nae au e hoahewa ana i ko oukou Lunakanawai no ka hoopai ole in a poe hula, ke manao nei makou, ua kuhihewa iki oe, a ua hilihewa hoi ka hoopai ana a ka Lunakanawai Solomona, no ka mea, aole e hiki ke hoopaiia na ope hula imua o na Lunakanawai Apana, no ke kaa o ka uku hoopai i hoikeia ma ka Pauku 98 o ke Kanawai Kivila, ua kaa mawaho o na Aha Apana. LUNAHOOPONOPONO.]
Ka Pahu Kepau oe Kapili ai i na
MAKA MOOWINI O J. H. HANU
E KA NUPEPA KUOKOA E; ALOHA OE: Ua halawai mai au me ka Pu Paea ole a J. H. Hanu, ka Ilikini alualu kao o ke Aa o Puokamaoa, i hoomakaukau mai nei i kana kakaka e pane i ka lae o ka iole, a ken oho mai la i ka la wela o Pakini, i hele hoi a eka na maka i ka lepo o ke kawa o Kaumaea.
Ka mea hoi nona ke kukulu manao ana i olokaa ia iho ma ka Papaku o kou kino holo okoa o ka la 8 Okatoba, 1864, Buke 3. Helu 41, nona hoi ke poo e kau ana maluna. “Ka Poka Pani i ka Pumakani a W. H. Kalaeokaena”
Iloko o kana Episekole i kauo ae nei ma ke akea kona kuupau ana ae i ka hewa o na ninau hope, o na Ninau Helu a’u i hooili aku ne ii na Kumuao o Kau, a oia kuaka hoi kekahi iloko oia Papa Helu oia hoi keia:
1. Pahia ke kapuai maoli i ke kapauai puna ?
2. Heaha ke kiekie mai ka elau o ka Pahuhae a hiki i kahi a ka manu i hoi hou iho ai?
Iloko o keia mau wahi ninau a’u kona kunahihi ana, a pihoihoi no hoi, me he haole hou la no ke okohola mai ka hio launa ole o na maka, a hoopuka ae nei ma ke akea i kumu nona e kapaia aku ai e a’u a me lakou la iho, he pulelehua kuhihewa, ka ike no i ka pukaaniani, a hookui no i ka lae ilaila.
Wahi a J. H. Hanu nei, ua hewa lo aka, na ninau a pau kuu hookomo ana ia mau ninau. A ke kauoha mai nei oia, e hoihoi mai ia mau hemahema ma ka opu. Hu no hoi ka aka ia oe e ka haumana i ao ia’i i i kahi awa i Haena, Keeau, Puna, a mahope iho komo aku oe i ke kula i Laupahoehoe, Hilo, i ka wa e noho Peresidena ana o Hoolehelehekii no ka Papa Hoonaauao :
Kai noa e hoike mai oe i kau hana o na ninau a pau mai ka mua a ka hope aole o’u makemake o ka hewa kau e hai mai, e hooko ia ko’u makemake i pono ai. Ahu no hoi kupanah ia oe e J. W. Hanu. Ka puhi olali o na Kumuao o Kau i Palahemo, ko hai ana mai nei i ka hemahema o kuu mau ninau, a moowini iho la nae ko maka in a Ninau hemahema o ka Huinahelu, a me ka hoailonahelu. He ike maoli no nae paha, he pono aoao i amai no paha e hai, aohe, hoomaopopo in a huaheluhewa a me na hopunaolelo hewa.
Ina paha he noonoo ka lolo o kou poo, in a ua hoolaha oe i ka hemahema o na Buke a’u i hai ae la maluna.
Nolaila ke hai aku nei au ia oe ma ke akea, me ka manoio hookamani ole. Aole i hewa kuu mau Ninau helu mai ka mua a ka hope, a o ka loaa wale no ka’u e kali aku o ka hiki mai.
Ma ka la 29 o Sepakemaba i hala ae nei ua hoouna mai o K. Bolabola, he hai loaa no ua mau ninau la a’u, oia hoi ka Helu 1 o na Kumuao o Kau, a o L. Ahi kona lua, iaia no hoi ke kula wae o Kau i keia Manawa.
Wahi a kana leta ia’u, ua pono no na ninau a’u i hooili aku ai, aole i hewa, aka, o keia kaaka waihi nei oia hoi o J. W. Hawawa, i kona ike ana no i kuu mau ninau, o ke ku koke no ia o ke aa koko o kona puuwai, a kahe iho la a kunewanewa, me ka makaukau e lele e kaawe i ka pali o Molilele, e ole e kaumaha ia ka aumakua i ka luau, pohala iki ai, ina make kahiko :
Aloha wale oe e noho mai la i ka naaupo, a ulu iloko o ka ike ole, a mohala iloko o ke kuhihewa, a hua iloko o ka makapo, a ke mimno iho la iluna o ka lalau, aole no hoi o ka lalau a koe aku, ku ka paila a hana ka haawe a ua mea he lalau. Kai noa o na ninau a ke Kumuao e haawi aku ai i na haumana, noloko mai o ka Buke kekahi, a no ke pela aku kekahi, a no ka hoomahua kekahi, i kumu e Akaka ai ka naauao o na haumana e like me K. Bolabola i hai mai nei i ka loaa o kuu mau Ninau helu. Ma kana hai ana mai mai nei, ua ku no i ka oiaio ka hapanui o kana wehewehe ana, a o ka hapa uuku, ua like ole ia me ka’u, aole ia he kumu no’u e hoolaha ae ai ma ke akea, e like me J. W. Hawawa. Ua hai aku no au i kahi hemahema ma ka’u leta i hoouna aku nei, ma ka hana ku i ka poe naauao. Aka o oe hoi e J. W. Hanu, ua pani ia ko maka i ka opihi, a ua pailaia ka lolo o ke poo i ka wai wela o na hale wili ko, a ua paniia ko waha i ka momokuahi a Kaneiahuea, oia ke kumu o kou pohihihi ana a kupaka mai nei oe ma ke akea, me he ia la i make i ka hola.
A ina he nui loa kou pohihihi e Pakamia, alaila e hookomo hou aku au i ninau ma kahi au i hookae mai nei, oia hoi keia.
1. Pahia ke kapuai paa puna i kapuai paa maoli? 2. Heaha ke kiekie mai ka elau a hiki i kahi a ka manu i puoho ae ai?
Ina e nui hou ae kou pohihihi, alaila, e kappa mai auanei na keiki o kau Kanilehua o Hilo ia oe, he opala loa, a o na kona hao hoi o ka puu panoa kaukaweli, e pukui mai la i ka malu ulu o Lele, e kappa hou mai hoi lakou ia oe, he holoholona e plumi ana ia ia iho.
A ma ka hope o kau lata e J. W. Hanu he ano ku i ka hooio, me he mea ua kuonoono ka opu in a mea helu Hawaii.
Ua manao anei oe ia’u he ano malihini au i kou wahi ike ; he kamaaina loa wau i kou wahi ike, aole oe i komo hohonu i ka Huinahelu a me Hoailonahelu &c. Aia mai no oe i ka hope o ke Kaunooa ka laau hihi wale, aohe kumu.
Heaha la oe i kahi keiki uuku, o ka makani Puulena o Hilo, oia hoi o Noa, ka mea nana i hai mai nei na NIuau a S. W. M. K. He opala oe, he mea puhi n aka makani.
Aole oe o ka uku papa e oni ai o ka hiamoe lea o ka hai hiapo nei.
Aia oni hou mai oe, alaila, hooili aku au i kipikua kipo i ka puni o kou noonoo malie o aeae iho ka lolo, alaila, loaa kou noonoo hou, a o ka waiwai iho la no ia o keia kakau leta ana. Me ke aloha.
W. H. KALAEOKAENA.
Honolulu, Oahu, Oct. 23, 1864.
OLELO HOOLAHA
E KUAI KUDALAI’NA KEKAHI
mau Lio o ka Pa Aupuni
Ma Pauoa
nei, i ka Poalua, la 1 o Novemaba, i ka hora 12 o ke awakea. He mau Lio hou mai kekahi, o kea no a me ka hao malalo nei : Lio kane eleele, JBJBJ akau, WN hema. Lio kane eleele hao akau L. Lio kane eleele, hao aku A. Lio kane ulaula elua kapuai hao, KC akau, J hema. Lio kane ulaula, hao ano e. Lio wahine eleele, H B Pak. Lio kane ulaula wiwi, hao akau 1111. Lio wahine huluole, hao ano e. Lio wahine keokeo, hao manamana ano e.
P.KAAIAHUA, Luna Pa Aupuni
Pauoa, Oahu, Oka. 25, 1864. 153-@
Wahine Haalele Kane.
E IKE AUANEI NA KANAKA A PAU
loa, ua haalele kumu olo mai ka’u whine mare,
O Mana
kona inoa, ua hookaawale mai oia i ko maua noho pono ana a ua hele aku oia mamuli o kona manao. Nolaila, ke papa aku nei wau i ka poe waiwai, mai hoaie oukou i ko oukou i ko oukou waiwai i keia wahine nona keia mau inoa e kau ae nei maluna, aole au e hookaa i kana mea i aie aku ai.
P. ULU>
Pauoa, Oahu, Oka. 28, 1864 153-2t
OLELO HOOLAHA.
NO KA MEA. UA NOIIA MAI AU O G. S. KENWAY, ka Luuakanawai Kaapuni o Hawaii e Mokuohai k, e haawi i kekahi ia no ka hookohu ana ia ia i Luna Hooponopono waiwai o KEKUANUU k, o Puna, Hawaii, i make kauoha ole : Nolaila, ua hoikeia in a mea a pau loa, ke pili, o ka Poalima, oia ka la 25 o Novemaba, i ka hora 9 o kakahiaka, oia ka la a me ka hora i oleloia no ka hoolohe ana i keia noi ana mai, a me na mea hole i hoikeia, aia ma kuu hale noho ma Pohakunui, Hilo, Hawaii, ko’u keena hana.
G.S. KENWAY
Lunakanaawai Kaapuni
Hilo, Hawaii, Sept 9, 1864 153-2t
OLELO HOOLAHA.
NO KA MEA, UA HOIIA MAI KA MEA Hanohano G. M. Robertson, Lunakanawai o ka Aha Kiekie e Job. Kahema, no ka hooiaio in a Pahapala KaKauoha o J. KEANIHO, no Honolulu, i make aku nei: Nolaila, ua hoikeia in a kanaka a pau loa, ke pili, o ka Poakahi, oia ka la 7 o Novemaba, i ka hora 10 o kakahiaka, ola ka la a me ka hora i oleloia no ka hoolohe i ka oiaio o keia palapala kauoha, a me na mea hole i hoikeia, aia ma ka Hale Hookolokolo ma Honolulu, Oahu.
L. McCULLY.
Kakauolelo kokua o ka Aha Kiekie.
Honolulu, Oka. 26, 1864 153-2t
OLELO HOOLAHA.
Ma ka Waiwai o Meheula,]
NO KA MEA, UA NOIIA MAI KA MEA Hanohano G. M. Roberston, Lunakanawai o ka Aha Kiekie e Mele Kailiahi, e lilo i hope no I@ehele, Luna Hooponopono no ka waiwai o MEHEULA k, i make aku nei : Nolaila, ua hoikeia i na kanaka a pau loa, ke pili, o ka Poakahi, ola ka la 14 o Novemaba, i ka hora 10 o kakahiaka, oia ka la a me ka hora i ololia no ka hoolohe i ka oiaio o keia noi ana mai, a me na mea hole i hoikeia, aia ma ka Hale Hookolokolo ma Honolulu, Oahu.
L, McCULLY,
Kakauolelo kokua o ka Aha Kiekie.
Honolulu, Oka. 27, 1864 153-2t
OLELO HOOLAHA.
Ma ka Waiwai o Male, no Honolulu.}
NO KA MEA, UA NOIIA MAI KA MEA Hanohano G. M. Robertson, Lunakanawai o ka Aha Kiekie, e Kama, no ka hookohu ia ia i Luna Hooponopono waiwai o MALE, no Honolulu, i make aku nei: Nolaila, ua hoikeia in a kanaka a pau loa, ke pili, o ka Pokahi, oia ka la 7 o Novemaba, M. H. 1864, i ka hora 10 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hole i hoikeia, aia ma ka Hale Hookolokolo ma Honolulu, Oahu.
L. McCULLY
Kakauolelo kokua o ka Aha Kiekie
Honolulu. Okatoba 26 1864. 153-2t
Makemakeia i Kuke.
MAKEMAKE AU I KUKE.
B. F. SNOW (Kapena Kano.)
Honolulu, Oka. 28, 1864 153-1t
OLELO HOOLAHA.
UA HOOPII MAI O KALAMAU KUE I kana kane Nahau, no Kipahulu, Maui mamua, e hooki i ko laua mare ana no ka haalele wale ana no na makahiki ekolu o nahau i kana kane. E hanaia keia hoopii imua o ka mea Hanohano G. M. Robertson kekahi Lunakanawai o ka Aha Kiekie ma ka la 31 o Okatoba i ka hora 10 o kakahiaka, aia ma ka Hale Hookolokolo ma Honolulu Oahu.
JNO. E. BARNARD
Kakauolelo o ka Aha Kiekie.
Honolulu, Okatoba 15, 1864 152-2t
OLELO HOOLAHA.
NO KA MEA, UA HOIIA MAI KA MEA nona ka inoa malalo nei, e Kaimu (w,) no ke koho ana ia ia i Luna Hooponopono no ka waiwai o KEONI (k,) no Lanihau, Kona Akau, Hawaii, i make aku nei: Nolaila, ua hoikeia i na mea a pau, o ka Poaono, eia ka la 5 o Novemaba, i ka hora 9 o kakahiaka, ola ka la a me ka hora i oleleia no ka hoolohe ana i ka mea i nonoila mai, a me ka poe hole i hoikeia’ku, aia ma ko’u Keena Hookolokolo ma Onouli Nui, Koha Hema, Hawaii, kahi e hanaia ai.
C.F. HART.
Lunakanwai Kaapuni o ka Apana Ekolu.
Onouli Nui, Kona., Hawaii, Oka. 14. 1864. 152-2t
OLELO HOOLAHA.
NO KA MAE, UA NOIIA MAI KA MEA nona ka inoa malalo nei, e Kapali (w,) no ke koho ana ia ia i Luna Hooponopono no ka waiwai o PUHI (k,) no Kalukolu, Kona Hema, Hawaii, i make aku nei me ka palapala kauoha ole : Nolaila, ua hoikeia i na kanaka a pau, ke pili, o ka Poaono, ola ka la 5 o Novemaba, i ka hora 9 o kahahiaka, oia ka la a me ka hora i o.elloia no ka hoolohe i ka oiaio o keia noi ana mai, a me na mea hole i hoikeia, aia ma ko’u Keena Hookolokolo ma Onouli Nui, Kona Hema, Hawaii, kahi e hana ai.
C. F. HART,
Lunakanawai Kaapuni o ka Apana Ekolu.
Onouli Nui, Kona H., Hawaii, Oka. 14, 1864. 152-2t
OLELO HOOLAHA.
NO KA MEA, UA NOIIA MAI KA MEA nona ka inoa malalo nei, e Thos A. L. Willis, no ke koho ana ia ia i Luna Hooponopono Waiwai no ka waiwai o M. H. KEUTER, o Kaupo, mokupuni o Maui, i make aku nei” Nolaila, ke hoikeia aku ne ii na mea a pau, ke pili, o ka Poakolu, oia ka la 16 o Novemaba, i ka hora 10 o kakahiaka, oia k la a me ka hora e hoolohe ai ia noi ana mai, a me na mea kue i hoike ia, aia ma Kumunui, Kaupo, kahi e hana ai.
ABR. FORNANDER,
Lunakanawai Kaapuni o ka Apana Elua.
Wailuku, Maui, Oka. 12, 1864. 152-3t
OLELO HOOLAHA.
NO KA MEA, UA NOIIA MAI KA MEA nona ka inoa malalo nei, e Makaomali (w,) no ke kohoia ana he Luna Hooponopono Waiwai no ka waiwai o KIHA, no Maalo, Kaupo, Mokupuni o Maui, i make aku nei: Nolaila, ke hoikeia nei i na mea a pau, ke pili, o ka Poakolu, oia ka la 16 o Novemaba, M. H. 1864, i ka hora 10 o kakahiaka, oia ka la a me ka hora e hoolohe ia noi ana mai, a me na mea kue i hoike ia, aia ma Kumunui, Kaupo, kahi e hana ai.
ABR. FORNANDER,
Lunakanawai Kaapuni o ka Apana Elua.
Lahaina, Maui, Oka. 8, 1864 152-3t
OLELO HOOLAHA.
NO KA MEA, UA NOIIA MAI KA MEA nona ka inoa mala o nei, e Thos A. L. Willis (Komo), no ke kohoia ana he Luna Hooponopono Wai wai n o ka waiwai o PAUOAHU 2 (w,) no Manawainui, Kaupo, Mokupuni o Maui, i make aku nei: Nolaila, ke hoikeia nei i na mea a pau, ke pili, o ka Poakolu, oia ka la 16 o Novemaba, M.H. 1864, i ka hora 10 o kakahika, oia ka la a me ka hora e hoolohe ia noi ana mai, a me na mea kue i hoike ia, aia ma Kumunui, Kaupo, kahi e hana ai.
ABR. FORNANDER,
Lunakanawai Kaapuni o ka Apana Elua
Lahaina, Maui, Oka. 8, 1864. 152-3t
OLELO HOOLAHA
NO KA MEA, UA HOIIA MAI KA MEA nona ka inoa mallao nei e T. A. Willis, no ke koho ia ana he Luna Hooponopono waiwai no ka waiwai o M. H. REUTER, no Kaupo, Maui, i make aku nei: Nolaila, ke hoikeia ne ii na mea a pau, ke pili, o ka Poakolu, oia ka la 16 o Novemaba, i ka hora 10 o kakahiaka, oia ka la a me ka hora e hooloheia no keia noi ana mai, a me na mea kue ke hoikeia, aia ma Kumunui, Kapo, kahi e hana ai.
ABR. FORNANDER
Lunakanawai Kaapuni o ka Apana Elua.
Lahaina, Oka. 17, 1864. 152-3t
OLELO HOOLAHA.
NO KA MEA, UA NOIIA MAI KA MEA nona ka inoa malalo nei, e Kalioha, no ke kohoia ana he Luna Hooponopono Waiwai no ka waiwai o LAHAINA, no Kiliauu, kaupo, Mokupuni o Maui, i make aku nei: Nolaila, ke hoikeia nei i na mea a pau, ke pili, o ka Poakolu, oia ka la 16 o Novemaba, M. H. 1864, i ka hora 10 o kakahiaka, oia ka la a me ka hora e hoolohe ia noi ana mai, a me na mea kue i hoike ia, aia ma Kumunui, Kaupo, kahi e hana ai.
ABR. FORNANDER,
Lunakanawai Kaapuni o ka Apana Elua.
Lahaina, Maui, Oka. 8, 1864. 152-3t
OLELO HOOLAHA.
NO KA MEA, UA NOII MAI AUE E P. H. Treadway, e hooiaio i ka Palapala Kauoha a MICHAEL JAMES NOWLEIN, o Molokai, H. I. i make aku nei: Nolaila e ike auanei ka poe a pau, ke pili, o ka Poaha, oia ka la 1 o Dekemaba, M. H. 1864, ma ka hora 10 o kakahiaka, oia ka la a me ka hora e hoolohe ai ua olelo noi ia, a me ua olelo kue e hoikeiamai aua.
ABR. FORNANDER,
Lunakanawai Kaapuni o ka Apana Elua.
Lahaina, Maui, Oka. 17. 1864 152-3t
OLELO HOOLAHA.
NO KA MEA UA NOI IA MAI KA MEA NOna ka inoa malalo nei , e Kauimakaole, no ka hooiaio ana i ka palapala Kauoha o KAINAPAU, no Makalei, Hana, Mokupuni o Maui, i make aku nei. Nolaila, ke hoikeia'ku nei i na mea a pau, ke pili, o ka Poalima, ola ka la 18 o Novemaba, M. H. 1864, i ka hora 10 o kakahiaka, oia ka la a me ka hora e hoolohe ia noi ana mai, a me na mea kue i hoike ia, aia ma Puuiki, Hana, kahi e hana ai.
ABR. FORNANDER,
Lunakanawai Kaapuni o ka Apana Elua.
Lahaina, Maui, Oka 8, 1864 152-3t
OLELO HOOLAHA
NO KA MEA, UA NOIIA MAI KA MEA nona ka inoa malalo nei e T. A. Wills, no ke koho ia ana he LUna Hooponopono waiwai no ka waiwai o M. H. REUTER, no Kaupo, Maui i make aku nei: Nolaila, ke hoikeia nei i na mea a pau, ke pili, o ka Poakolu, oia ka la 16 o Novemaba, i ak hora 10 o kakahiaka, oia ka la a me ka hora e hooloheia no keia noi ana mai, a me na mea kue ke hoikeia, aia ma Kumunui, Kaupo, kahi e hana ai.
ABR. FORANDER,
Lunakanawai Kaapuni o ka Apana Elua.
Lahaina, Maui, Oka. 8, 1864. 152-3t
OLELO HOOLAHA.
NO KA MEA, UA NOIIA MAI KA MEA nona ka inoa malalo nei e T.A. Wills, no ke koho ia ana he Luna Hooponopono wiawai no ka waiwai o M.H. REUTER, no Kaupo, Maui, i make aku nei: Nolaila, ke hoikeia nei i na mea a pau, ke pili, o ka Poakolu, oia ka la 16 o Novemaba, i ka hora 10 o kakahiaka, oia ka la a me ka hora e hooloheia no keia noi ana mai a me na mea kue ke hoikeia, aia ma Kumunui, Kaupo, kahi e hana ai.
ABR. FORNANDER,
Lunakanawai Kaapuni o ka Apana Elua.
Lahaina, Oka. 17, 1864. 152-3t
OLELO HOOLAHA.
NO KA MEA, UA NOIIA MAI KA MEA nona ka inoa malalo nei, e Kalioha, no ke kohoia ana he Luna Hooponopono Waiwai no ka waiwai o LAHAINA, no Kililauu, Kaupo, Mokupuni o Maui, i make aku nei: Nolaila, ke hoikeia nei i na mea a pau, ke pili, o ka Poakolu, oia ka la 16 o Novemaba, M. H. 1864, i ka hora 10 o kakahiaka, oia ka la a mea ka hora e hoolhe ia noi ana mai, a me na mea kue i hoike ia, aia ma Kumunui, Kaupo, kahi e hana ai.
ABR. FORNANDER,
Lunakanawai Kaapuni o ka Apana Elua.
Lahaina, Maui, Oka. 8, 1864. 152-3t
A. F. JUDD,
ALAPAKI, (oia ke keiki a Kauka, LOIO!
Ma ke kihi o ke Alanui Papu, a me Kalepa.
Honolulu, Oahu, Iune 30, 1864- 151-3m
LIO NALOWALE!
HE $1000 KA UKU
E UKU AKU NO AU ME KA MAIKAI i na dala he UMI, i ka mea a mau mea paha nana e hoihoi pono mai ia'u i kuu Lio hulupala iae keokeo, i kuni ole ia, ma ko'u wahi ma HIlo, no ka mea, ua hookuuia ke a Lio o "PONY" ka inoa, ma ke Kula o Keaau, Puna, Hawaii, iloko na malama hope o 1864, a ua naolwale loa, aole i ike hou io a hiki i keia la.
D.H. HITCHOCK
Hilo, Hawaii, Sept. 26, 1864. 149-4t
MANUAHI! MANUAHI!
AIA MA KA HALEKUAI O Kililika, ma Wailuku, Maui, kahi e kuaiia ai o na mea o na ano a pau, e pili ana i ka Halekuai, penei:
NA LOLE--o na ano, ame na waihooluu a pua.
NA BUKE HIMENI HAWAII--ano hou.
NA BUKE PAKEKE--homanao o na ano a pau.
Na Lasu hoola maikai a Kauka Jayne, a me ka Kauka Ayers e kupono ana i ka hooia ana i na mai o na ano pau.
O KILILIKA ka Agena no Kakela ame Kuke ma ka mokupuni o Maui.
E hele mai oukou e na makamaka a pau e nana i ko'u Halekuai, ame na mea maikai he nui wale maloko--E kipa mai no mai hoomaka e na hoa o nei mau wai eha, ame keia aina hauliuli o ka he kuawa. Ko oukou makamaka.
J.D. HAVEKOST (Kilikilika.)
Wailuku, Maui, Oka. 4. 1864. 150-3m
MEA HOU!
Pulupulu! Pulupulu!
UA LOAA MAI IA'u MAlUNA O ka moku Kiapa
'HELEN MAR,'
mai Bosetona mai, i kekahi mea
Wili Pulupulu Ano Hou !
no ka hoomaemae ana i ka Pulupulu. He mea hou keia ma Hawaii nei, mailoko mai o keia wili hou, ke hookaawale ia nei ka Pulupulu mai na hua mai--o na hua, e haule ana iloko o kekahi pahu, a o ka Pulupulu maemae, e haule ana ia iloko o kekahi pahu okoa.
Ma keia hope aku, e kuai aku au i ka Pulupulu, penei:
HELU 1,--(KI AILANA,) he 8 keneta no ka paona hookahi.
HELU 2,--(ANO GEOGIA A AIGUPIA PANA,) he 6 keneta no ka paona hookahi
HELU 3,--(PULUPULU KAHIKO O HAWAII NEI,) he 5 keneta no ka paona hookahi.
A ina lawe ia mai ka Pulupulu i pau ka anoano i ka waeia, a e kuai aku au, penei:
HELU 1,--(KI AILANA,) he 25 keneta no ka paona hookahi
HELU 2,--(ANO GEOGIA,) he 20 keneta no ka paona hookahi.
EIA KEKAHI--E malama pono oukou, a e hookaawale ia ka Pulupulu Helu 1, ma ka hookaawale ia ka Pulupulu Helu 1, ma ka eke okoa, a o ka Pulupulu Helu 2, ma ka eke okoa. No ka mea, ina e huiia iloko o ka eke hookahi, e uku aku no au i ke kumukuai e uku mai ia nei no ka Helu 2.
E lawe mai oukou i ka Pulupulu ma ka Hale Leta, a e kuai koke aku no au.
144-3m H. M. WINI.
E HOOPUKA IA ANA
MA
KA POALUA, AUGATE LA 2,
KA
HIMENI HOOLEA HAWAII!
PAI HOU IA! HOONUI IA!
A ME
KA HOOPONOPONO IA!
HE 400 AOAO!
UA PAI HOU IA IHO NEI KA BUKE HIMENI HOU,
a ua hoomakaukauia e kuai koke aku.
Ua hoomahuahua ia'ku keia buke me ka Himeni Hou he nui loa, he 400 ka nui o na aoao.
No ia mea, ua hoomahuahuaia kau ke kumukuai o ka buke hookahi, penei:
HIMENI humuhumuia me ka lole, $0 50 Keneta
HIMENI humuhumuia me ka ili, $1 00 "
Auhea oukou e ka poe haipule, e ake ana e ao e mele aku i na mele hou o Ziona, e hele mai, a e loaa no ia oukou keia buke, aia ma ka Hale Kuai Buke o
H. M. WINI.
Ina e makemake kekahi mea, e pai no au i kona inoa ma ka aoao o kona bke Himeni, me na hua GULA, o ka uku no ia hana ana, he HAPAHA dala, (25 keneta.)
Honolulu, Iulai, 80, 1864. 14G-6mt*
OLELO HOOLAHA.
E IKE AUANEI OUKOU E NA KANAKA a pau ma keia Palapala Hoolaha, owau o ka mea nona ka inoa i kakauia malalo. Ua haule kuu Makaaniani me ka wahi pu no ua Makaaniani la, he wahi dla nae kona ano, i hoailonaia i ke C. K mawaho o na wahi la. Ma ka la 8 o Okatoba ka haule ana, oia ka Poakahi, o kahi nae i haule ai, aia ma Kaiuaokau, Waikiki; nolaila, i na o ka mea e loaa ai ua Makaaniani ia e hoihoi pololei mai oia a loaa au ma Pohukaina, a o uku aku no wau ia iano kona luhi.
Pohukaina, Oka. 13, 1864.
OLELO HOOLAHA.
UA HOOPII MAI O PAKONA (K,) KUE I kana wahine o Kauwaluna no Wai@ Oahu mauna, o hooki i ko laua mare ana, no ka haalele wale ana no ia makahiki ekolu o Kauwaluna i kana wahine. E @ hoopiiimua o ka Mea Hanohano R. G. @ kekahi o na lunakanawai o ka Aha Kiekie, ma ka la 2@ o Okatoba, i ka hora 10 o kakahiaka, aia ma ka Hale Hookolokolo ma Honolulu, Oahu.
JNO. E. BARNARD
Kakauolelo o ka Aha Kiekie
Honolulu, Oct. 14, 1864 @-@