Ka Nupepa Kuokoa, Volume IV, Number 3, 19 January 1865 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

@a akaka lea, he enemi oe nou iho.  A he manao nei au, o oe no paha o S. W. B. Kaulainamoku, kahi kanaka ukiki poupou aa, auwae umiumi ehuehu la.  I aha ai no la hoi ka huna ana i ka inoa ponoi, a me ka e noho ai.

            Pela no ka hoi ka hoa makau wale i ka paio la he pee.   Nolaila, i wela oe ea, h@o @ Ainahou auau kai, a i anu hoi, @ keke holuhipa i ka Halekuai o @ T. Waterhouse, a i makemake oe e k@ olelo me ka nupepa, o kaua pu auanei ke hooma-u i kahi huini o ka maku peni i ka inika, a e kuni iho i ka ili aiai o ke Kalana, a e hooleilei aku ma na kihi o keia Aupuni.

            Ua oki au maanei, a i hele uluulu mai oe, aole au ilaila, aka hoi, i hele kolonahe mai me ka manao malie, o kaua pu ka ilaila.  A ke hoi nei ka malihini o Wailupe, me ke aloha no nae ia oe.

Owau no kou hoa'loha,

Z. P. POLIALA.

            Honokaupu, Oahu, Dek. 28, 1864.

 

Ka Hoomana Kahiko.

HELU 3.

            Ka Moolelo no Kaneloa, kona mana a me kana mau hana.

            O ka manawa i makemakeia, e hoike aku no keia moolelo, ua kala'ku la, a no ka hoomanaw nui ia ana mai, nolaila, ua imi, a na huli aku au i na wahi elemakule o Nawai-eha, aole i loaa mai ia'u kekahi hoike ana i okoa'e i ka kuu hoa i hoike ai, S. W. Naimu, nolaila, huh hou aku la au a loaa ia wahi elemakule no ka moku mai o Keawe, a i kuu ninau ana aku iaia no keia moolelo, ua hoike mai oia ia'u no keia Moolelo no Kaneloa, a eia iho no ia; "Ka moolelo no Kaneloua, kona mana, a me kana mau hana."

            He elua keia mau kanaka i hele mai, mai Kahiki mai, o Kane ma laua o Kaneloa, i kapaia'ku e ko Hawaii nei he mau Akua.  Aka, ma ko laua moolelo, a me ko laua ano maoli, aole laua he mau Akua, he mau kanaka maoli no.  Penei, o ko laua wahi, o Kahiki no ia, a mailaila mai ko laua hele ana mai, a pae mua laua ma Kauai, a no ka manao ole o ko laila poe ia laua he mau akua, nolaila, aole laua i hoomanaia e ko Hawaii; a haalele laua ia Kauai, holo mai laua i Oahu, aole i hala ke anahulu, holo loa laua i Hawaii, a pae mua laua ma Kohala, a hele aku lana ma ka heiau o Mookini, malaila ko laua wahi i noho ai, a manao iho la ko Hawaii poe ia laua he mau akua, no ka mea, ua noho laua ma ka heiau o na akua, nolaila, hahauia laua i ka heiau, mohaiia, a hoomanaia, a malaila i kapaia mai ai laua he man akua e ko Hawaii nei, a pau ko laua noho ana ilaila, hele aku la lana a hala mai o Kohala, ne laua nei iluna o Hamakua, mailaila aku laua nei a hiki i Hilo; noho laua nei ma Laupahoehoe, a no kahi kupono ole e noho ai malaila, emi hope aku la laua a Haakoa, he heiau ia, a pau ko laua noho ana malaila; huli hope hou aku laua a ma ka pali o Kaawalii, malaila laua i noho ai, a o ka laua hana malaila, o ka inu awa, ia laua nei i hoomakaukau ai e inu awa, aole he wai, i aku o Kaneloa ia Kane, "E, aole he wai, i hea la auanei e loaa'i ka wai o ko kaua awa?"  I mai o Kane, "he wai no," ia wa, lawe ae la o Kane i na ihe a laua nei, hou aku la i na welau ma ka lepo, e kahe mai ana ka wai, inu awa laua nei, a pau ka inu ana, ku laua nei a hele uku, a o ka wai a laua nei i hookahe ai, ua kapaia mai ia, o ka wai a Kane ma laua o Kaneloa; ke kahe la ia wai a hiki i keia la; a pau ia, hele aku la laua nei a hiki laua nei i Panaewa, hoohihi aku la laua nei ia Panaewa i ke ala o ka hala me ka leliua, aole laua nei i noho ilaila, no ka mea, aole ia o ka laua hana, hele no la@e nei, a hala mai o Hilo, hiki laua nei i Puna, hele aku la laua ma kahakai o Puna, a hiki laua nei i ke kaha, nana'ku laua nei, o ka moe mai a ka uahi o ka lua, i aku o Kaneloa ia Kane, "E pii kaua e ike aku i ka wahine o ka lua," i mai o Kane, "aole, e @ haele no kaua, hele aku laua nei a hiki i Kau, malaila'ku a hiki laua nei i Kalae, inu awa laua nei, a no ka wai ole, lawe ae la o Kane i na i@e a laua nei a hou aku la i ka welau i ka pohaku, e kahe mai ana ka wai, a ua kapaia mai ia wai, o ka wai a Kane ma laua o Kaneloa, a hiki i keia la.

            A haalele laua ia wahi, hele laua a liilii i Kona, malaila'ku laua a hiki i Kohala i aku o Kaneloa ia Kane, "Ua puni ae nei o Hawaii, e holo kaua i Maui," holo mai laua nei a pae i Maui; kaapuni laua nei ia Maui, a hiki laua nei i Hamakua, inu awa laua nei, a no ka wai ole, hookahe mai laua nei i ka wai, inu awa laua nei a pau, ku ae no laua nei hele ana, a o ka wai a laua i hookahe ai, ua kapaia mai ia ka wai a Kaneloa, ke kahe la ia wai a hiki i keia la.  Hele aku laua nei mai Maui aku a hiki i Lanai, kaapuni laua ia Lanai a pau ia, holo laua nei i Molokai, p@ai laua nei ia Molokai a hiki i Halawa, noho laua nei ma Keopuka, a pau ko laua noho ana malaila, holo laua i Oahu; kaapuni laua nei i a Oahu, a hiki laua nei ma Kalihi, a ma kahi kokoke ia Pukawaiokalihi, noho laua nei malaila inu awa, a no ka wai ole, hookahe mai laua i ka wai noloko mai o ka lepo, ma ka o ana i ka welau o ka ihe, inu awa laua nei a pau, hololaua nei i Kauai, poai laua nei ia Kauai a puni.  O ka pau ae la no ia o keia wahi moolelo no Kane loa.  O kona mana ka hookahe i ka wai ma kahi wai ole; a-o kana mau hana, o ke kaapuni a me ka inu awa.

J. WAIAMAU.

 

Ka Nupepa Kuokoa.

HONOLULU, IANUARI 18, 1865.

No Hou no Maikonisia mai.

            Ma ka Poakahi iho nei ua ku mai o Hoku.  Ao mai Maikonisia mai.  Ua haalele o Hoku Ao ia nei ma keia holo ana i ka la 14 o Sepatemaba, ke ole makou i kuhihewa.  A i ka la 16 o keia malama ke ku ana mai.  He maikai na mea hou i lohe ia mai no ia kinapai o kakou ma ke Komohana.  I ka holo ana'ku, ua ku mua lakou ma Apaiana a me Tarawa.  E ola maikai ana ka nui o na Misionari malaila.  O ka wahine a Kanoa kai nawaliwali.  Aia o Kanoa me Kapu i Apaiana e noho nei.  Aole holo loa ka hana a na kumu malaila.  Me he la ua uhi paa pu mai na ao polohiwa o ke awawa malu o ka make maluna oia kihapai.  He paakiki na kanaka.  Aole nae i pio ka manaolana o na Misionari a kakou malaila, ke hooikaika nei no me ka manaolana.  A o ke 'Liiwahine o ia wahi, he ikaika loa ia ma ka pono.  Mai ia kihapai aku, holo o Hoku Ao a @ Ebona.  Malaila loaa o Mr. Binamu e waiho ana me ka mai nui; ua hoi mai oia maluna o ka makou.  Ua holo maikai ka hana ma Ebona.  O Aea wale no ka Misionari malaila i keia wa.  A i ka nana'ku, makaukau no hoi oia, holo kana hana.  Aole nae hiki ia makou ke hoike aku i keia wa i na mea nui wale o kela ano keia ano e pili ana  i kona kihapai.  No okekahi wa okoa ia.

            Aia o Kapali a me Kaelemakule ma Namarika, he kihapai hou ia , akahi a noho ia e na Misionari.  Na Hoku Ao i hoihoi ia laua ilaila i keia holo ana'ku nei.  Puka mai la ka malamalama iloko o ka pouli oia wahi.  E auhee ana ka pouli imua o ka malamalama.  Ma ka hoomaka ia ana o ka hana ma keia kihapai hou, ke ike nei kakou i ka maneo hana o na misionari a kakou.  O ke ano io no ia o ka Pono Euanelio.  Aole hoomau ma na wahi kahiko wale no.  Aole hahai mahope o hai.  Aole kukulu maluna o ko hai kihapai.  Aka, me he pailaka la, e hapai ana i ka lamaku malamalama nui, e komo aku auanei ia iloko o ka pouli, a hoouka aku i ka naaupo ma na kihapai hou a ma na aina mamao aku.

            Mai ke kihapai hou o Namarika, holo aku ka moku a kakou i Ualana.  He kihapai kahiko ia, a i keia wa nae, aole kumu misionari malaila.  He Ekalesia no ma ia kihapai, he kanalima paha ka nui o na lala.  A ke malama nei lakou i na oihana ekalesia, na halawai la noa me na halawai Sabati.  Mai Ualana aku, holo o Hoku Ao i Ponape, malaila o Kureke, kekahi misionari e noho nei.  O ke kihapai ia a Kauka Kulika i noho loihi ai ma Maikonisia, a lulu wale i na anoano me kona ike ole i ka hua.  Ua kaulana ko laila poe no ka paakiki, me he poe kanaka pohaku la.  Aole maliu iki mai i ke ao ana a na kumu.  Me he la ua haawi lilo ia i hooilina no ka po.  Pela ka mokupuni o Ponape mamua.  A i keia wa, ua ano hou loa.  Ua kukulu ia na halepule ma kela wahi keia wahi oia mokupuni.  Ua huli nui na kanaka i ka pono.  Ma na la Sabati, ua lohe ia ka bele e hea ana i na kanaka e akoakoa, a e hoomana naauao.  Ua huli kekahi alii ma ka pono, a ke hooikaika nui nei oia e alakai i ka lehulehu iloko o ka malamalama.  Ua hapetisoia na lala mua o ka ekalesia malaila iloko o Novemaba, 1860.  A mai ia wa mai a hiki i keia wa, hookahi haneri me kanalima kamamahiku ka huina o na mea a pau i komo i ka ekalesia.

            Hookahi pule ke ku ana o Hoku Ao i Ponape, a mailaila mai ua hoi pololei i Honolulu iloko @ na la he 41.  Ia makou i ku ai makai o aina hou i ka Poakahi iho nei, a ike i ka moku e pili ana i ka uapo, a ia Mika Kano ma me Binamu ma, ano e loa iho la ko makou manao.  Ua awili pu ia ka mahalo me ke aloha, me ka manaolana a me ka hauoli.  Aia hoi o Binamu ua mai-loa, e hii ia ana iloko o ka lima o kekahi kanaka ikaika, me he keiki liilii la!  Me he mau koa ikaika la lakou i hele aku nei e h@ka i ke kaua, a na hoi mai nei me ka eha, ua hee nae ka enemi!  Kamahao lua ole ka nani o keia hana nui a Hawaii i hapai ai ma ka lokomaikai o ke Akua ma Maikonisia.  Ua hoomaka ke auhee ana o ko lakou la pouli!  Ua puka ae la ko lakou la wanaao!  Ka Hoku Loa o ke Ola, ua puka mai maluna o ko na aina welelau.  O ka hana nui o na Aupuni nui o ka honua i keia kau, oia ka hoolaha malamalama ma na aina a pau loa o keia ao!  Ke hapai ikaika nei na lahui nui i keia hana!  E ku mai oe e Hawaii, no ka mea, he kuleana kau ilaila!  E nana i kou hua mua!  E hapai i kou lamaku a kiekie, i ikea ma na aina mamao aku kou malamalama!  I hookahi umauma me na Aupuni nui!  Hele like, hapai pu i keia hana nui, oia ka hoolaha Ola no ko ke ao nei!

 

Castor Oil.

            The castor oil tree first introduced here by ___.  It grows abundantly in Egypt, Palestine, Greece and southern Spain.  It is believed by most learned men to be the plant under which Jonah sat, waiting to see the destruction of Nineveh, and it is so translated in the Hawaiian Bible.

            There are two ways or extracting the oil from the seeds, one by bruising then, placing them in a bag and boiling them and skimming off the oil as it rises to the surface.

            The other by pressing them in a powerful hydraulic press.  The latter way is the best, and produces the best oi.

            In the United States Castor oil beans are cultivated, mostly in southern Illinois.  As the plants there are killed by the cold of winter, they are planted again every year, very much in the manner of planting Indian Corn.  The crop is gathered in September and October.  From 15 to 20 bushels of see are obtained from an acre.  Most of the castor oiol in the United States, is manufactured at St. Louis, the great Commercial city of Missouri, 17 miles below the confluence of the Missouri and Missipippi Rivers.  In one great establishment during the three months of July, August and September, 1854, there were manufactured 3200 gallons of castor oil.

            The refuse which is left after expressing the oil, is used for fuel.

            The crop of castor oil bean in Illinois in 1850 was 250,000 bushels, and the amount of oil manufactured was 9900 barrels, or 350,000 gallons.

            They have commenced the business in California, but we do not know exactly to what extent.  As the plant grows so well here in Hawaii nei without any cultivation, we have strong hopes that it will become a new source of wealth, and furnish profitable employment to the women and children in picking the seeds, Success then to the Messrs Cotton in their new enterprise

 

Aila noha (Castor oil) oia hoi ka aila Koli.

            O ka laau, nona mai keia aila, ua lawe mua ia mai maanei.  Ua ulu nui ia laau ma Aigupita, Palesetina, Helene, a ma ka aoao hema o Sepania.

            Ua manaoia e kekahi poe kanaka noiau oia ka laau a lona i noho iho ai, e nana i ke auhulihia o Nineva a pela io no ka mea i unuhiia ma ka Baibala Hawaii.  Elua no hana e hana ai a lilo i aila mailoko mai o na anoano, o kekahi hana ana kui no a palupalu, alaila ho-o iloko o ka hao pui, alaila, o ka huahua i pii ae, he aila ia, a oia ka mea e kioe ai.

            Kekahi hoi, o ke komi ana me ka mea kaomi ikaika.  O ka hana hope, oia ka hana maikai, a o ka aila i loaa mai he aila maikai loa.

            Ma Amerika Huipuia, ua kanu nuiia, aia nae ma ka aoao hema o Ilinoe (Illinois.)  Eia ka hewa, o ka make o ke koli, i ke anu o ka hooilo, nolaila kanu mau ai i kela makahiki keia makahiki, e like me ke kanu ana i ke kulina.  He 15 a hiki i ka 20 busela e loaa mai noloko mai o ka eka.  O kahi oi o Mareka ma ka hana ana i keia mea, aia ma Sana Louisi (St. Louis) ke Kulanakauhale kalepa nui, ma keia mea he kulanakauhale hoi ia no Misouri he 17 mile malalo aku o ka huina o na muliwai o Misouri a me ka Misisipi.

            Ma kahi i hana nuiia ai ia mea i na malama o Iulai, Augute, Sepatemaba makahiki 1854 ua lo@ he 32,000 galani aila.  A o na mea @haaleleia, mahope iho o ka pau ana o ka hana, ua hoolilo ia i wahie.  O ka nui o na anoano, i loaa ma Ilinoe i ka makahiki 1850 e 250,000 busela a o ka huina o ka aila i hanaia 9,900 barela a he 350,000 galani.

            Ua hoomakaia ka hana ma Kaleponia, aole nae i maopopo loa ka nui.  A no ka ulu maikai ana o ke koli ma Hawaii nei me ke kanu ole ia aku, nolaila, ke lana nei ko makou manao e lilo ana ia i mea waiwai, a he hana kupono no hoi ka wae ana i na hua koli, i na wahine, a me na kamalii he noho wale iho no, he hoonanea ka hana.  O mess. Cotton ka mea makemake ioa ia mea e lawe ia aku ma kona wahi ma kela aoao mai o na hale aupuni hou ma alanui papu.

W. D. A.,

 

No ka Ahaolelo.

HELU 8.

            Mahope mai no o ia manawa, hoopuka mai na Kuhina ma o ke Kuhina Loio la, i kekahi Bila Kanawai e hookaawale ana i haawina hoomau no ka Moiwahine Emma, i haalele ai oia i kona hapalua kuleana iloko o na aina Moi, ma kona ano Aliiwahine a ka Moi Kamehameha IV i hala aku nei.  I ka wa i hoopuka mua ia mai ai ka Bila imua o ka Ahaolelo, ua waiho hakahakaia no kahi e ho@komoia'i ka nui o na dala i manaoia e haawi aku na ua Moiwahine la me ka waihoia na ka Ahaolelo no e hookomo iho ka nui o na dala a lakou (Ka Hale Ahaolelo) e manao ai he pono.  Ua heluhelu akahiia ka Bila, a ua hooholoia ma kona hluhelu mua ana; a ma ka heluhelu alua ana, ua noiia mai e ka Mea Hanohano J. W. H. Kauwahi, kekahi o na Luna o Lahaina, e hoopihaia ka hakahaka me eono tausani dala, a ua kokua nuiia no e kona hoa o ka Laiolele, a me kekahi poe e ae no, a makou i hiki ole ai ke hoomanao ae i keia manawa.  Ua kue mai o Hon. Mr. Kakela, a me Hon. Mr Bishop, a me kekahi mau Luna o Hawaii, a me na mokupuni e ae no hoi.  O ke kumu kue nui a ka poe ma ka aoao kue, o ka hiki ole ka i ka lehulehu ke haawe i keia mau dala e haawiia nei ma ia Bila; me ko lakou ai pu mai no hoi, aole lakou i konoia e na manao hoino, a hoowahawaha paha, aka, ua konoia lakou e kue ia mea, mamuli o ka hoomaopopo a me ke alakai wiwo ole ana a ko lakou mau manao hoopono pa me ko lakou lunaikehala,--a mamuli hoi o ko lakou manao ana, o na dala a pau i haawiia ma keia ano, he mea no ia e pili lihi ami ana i ka hookuapapanui i na auhau maluna o ka lehulehu.  Aka nae hoi la, he makemake no ua poe nei e kue ana i ka haawi ana i $6,000.00, e hookaawale no i haawina dala kupono, a i ku hoi i ka hoomau i ka hanohano, a i ku hoi i ka hoomau i ka hanohano a me ka Ihikapu Kalani o ka Moiwahine Emma—Ka hoa alii o ka Moi Kalani Kua Liholiho i ke Kapu Kamehameha IV., a nolaila, manao lakou, ua lawa no, a ua hiki no ke hoomauia ka hanohano o ke Kulana Alii Kiekie o

"Maikai Kawaikini he nani ke nana,

O ka hemolele o ia uka me ke onaona;

Ua hele a nolupe i ka Lehuamakanoe.

Ike maka iho nei au i ka nani o Aipo,

E Li ana ka io i ke anu o Hauailiki, &c., &c.,"

ke hookaawaleia i haawina hoomau nona i $5,000.00.

            Ma keia noiia ana i $5,000.00, ua ku koke mai no ka Mea Hanohano nana i noi ke $6,000.00, a hiki mai i na kumu o kona noi ana la mea, a me na kumu kupono e haawiia'i na dala ana i noi ai, oia no hoi ke Kulana Kiekie a me ke ano hoopono, a me na hana manawalea lehulehu wale a ua Lani la i hana aku no kona lahuikanaka, a me na poe no hoi a pau i kipa ia mai e ka nawaliwali o ke kino, a me ka nele i na mea hoola kino o keia ola ana, a me kona lilo ana i hoa alii no

"Hoinainau mea ipo ka nahele.

Hookokoe ana ka maka i ka Moani;

I ka ike i na pua hoomahie luna;

Ua hihiLina wale i Moeawakea.

Kai noa ua poina i o Malio?

Aia ka i Pualelohao.

I  Puna no ka waihona a ka makani;

Kaele ka malama ana a ka Puulena,

I kahi mea hoalohaloha no—e,

E!—Aloha—e!"

            A mahope o ka hoike ana o ka Luna o Lahaina i kona manao a me na kumu nana i kono iaia e noi i ka haawina ana i koi ai, ua maopopo, ua komo nui kana mau olelo hoomau liuliu iloko ponoi o ka iho o na puuwai o ka poe e hoolohe ana, iaia e hoopuka ana i kana mau olelo pahee ono i na pepeiao o kona mau hoa; no ka mea, o ka makou hoike maopopo no e waiho aku ai imua o ka lehulehu, o ia no ka huli ana o ka hapanui loa mamuli o kana i noi ai i eono tausani dala, a ua lanakila oia, me ke ka-wa nuiia o ka poe e kue mai ana i kana noi.

            A nolaila, ma keia hope aku, ua haawiia ka mana i ke Kuhina Waiwai e hookaa'ku i na kikoo a ka Moiwahine Emma, e like me ke eono tausani dala, no keia a me keia makahiki o kona ola ana.

            Eia no ke kumu o keia haawiia ana o keia mau dala haawi hoomau no ka Moiwahine Emma:  No ka mea, ma na Moi mua i kaahope ae nei, mamuli o na Kanawai o keia Aupuni, ua komo mau na Moiwahine a ia mau Moi, iloko o na waiwai paa a me na waiwai lewa o ka laua mau Alii Kane; a ua manaoia e Ka Moi a me na Kuhina, a me na poe naauao no hoi a pau, ina e mau ke komo ana o ke Kuleana o na Moiwahine kanemake iloko o na aina Moi, a me na waiwai paa o ko lakou mau Moi Kane, alaila, e hiki mai paha auanei ka manawa e noho aku ai kekahi ma ka Noho Alii o keia Aupuni, me ka lawa kupono ole i ka waiwai e hiki ai iaia ke hoolako i kona alo Alii, a me ka Hanohano Alii i na mea ku i kona Kulana Kiekie ihiihi; nolaila, o ke ano maoli no i haawiia'i o keia mau dala, ua haawiia ma ke ano kuai.  No ka mea, ma keia haawiia ana o keia mau dala eono tausani, a e hoomakaia ka uku ana mai ka la mai i haalela ai o ka Moi Kamehameha IV i keia ola ana, alaila, e haawi aku o ka Moiwahine Emma, me ka haalele loa i kona mau Kuleana a pau e noho nei iloko o na Aina Moi, e like me na Kanawai o keia Aupuni.  A oia wale iho la no ke kumu o ka hanaia ana o ke Kanawai @ hookaawale ana i haawina hoo@mau, no ua 'Lii Wahine maikai 'la.—Ka mea hoi i kapaia, he wahine aloha kane; he makuahine hiipoi keiki; he haku aloha kanaka, a he Moiwahine aloha Lahui—o na loina a pau o ka huaolelo maikai, a ia no ia me ia.  A nolaila, e aeia mai paha makou e hooki i keia helu o ka moolelo o ka Aha olelo a me ka pakui ana iho i na huaolelo—"E KE AKUA, E MALAMA I KO MAKOU MOIWAHINE EMMA."

(Aole i pa@.)

 

Ka

Hookuu ana a Ka Moi

I ka Ahaolelo, 1864.

            Ma ka Poalua ua oluolu Ka Moi Kamehameha V e hookuu i ka Ahaolelo Kau Kanawai o Kona Aupuni.

            He la makaino ua la la, ua ikea na aouli, no ka poluluhi ole i na ao e ae.  Ma ke kakahiaka o la la, ua ikea'ku ka holoke ana o na Puali koa o keia Kulanakauhale Alii, me ke kahikeia i na aahu hoonani o ka lakou oihana, oia hoi ka Puali Kaua Lio malalo o o Captain G. H. Judd, a me ka Puali koa Hulumanu malalo o Cap. John M. Kapena, a me na koa no hoi o Ka Moi malalo o Major W. L. Moehonua.  Ua nui no na poe i hele ae mawaho iho ka Hale Hookolokolo e makaikaini, oia hoi na hoa no o na aoao a elua, ka aoao palupalu, a me ka aoao oolea, ka poe no hoi o na kulana a pau mai ka mea i papalua ka hina a ke keiki iluna ke alo.  "Ilaila na ono a na ki a Kaunu, o ka unu kapu @o ko'u alolio, aohe mea nana e mahaoi ae @i e."  Ka-i mua nae na koa o ka Hale Alii a me ka puali koa Hulumanu, a kukulu laina ia ma ka aoao ma Ewa o ka Halehookolokoo.  He liuliu ko lakou noho ana ilala mamua o ko Ka Moi hiki ana mai.

            E lu-la waleana no makou a puiwa ana i ka leo hakui-lui o na pu, akahi no makou a hoomanao ae @ ua hoomaka Ka Moi—Ka moopuna a Kamehameha Nui, e haalele aku i Kona Hale Alii, a e hele mai hoi e hookuu aku i Kona mai Alii, a me na Luna Makaainana o Kona noe kanaka, mahope iho o ka pau ana o ka @ou Kau Kanawai no ka pono o ka lehulehu; he mau minute ma ia hope koke iho no, hiki mai Ka Moi.  Nana'ku no hoi oe, piha launa ole oloko o ka Hale Ahaolelo i na poe makaikai o na aina e mai, a me na kupa iho no hoi o ka lai nei.

            Ua halawai ae na hoa a pau o ka Ahaolelo ma ko lakou Keena, a me na Luna pu no hoi o ia Aha Hanohano; a i ko Ka Moi hiki ana, ua ku na hoa a pau o ka Hale.  A eia iho no ka haiolelo Alii a Ka Moi:

E NA 'LIi A ME IA LUNA MAKAAINANA:

            Ua kokoke mai ka hana a keia Ahaolelo Kaa Kanawai e pau.

            Ua loihi ko oukou halawai ana, aka, ua ikeia ka lokahi nui o na manao iwaena o oukou; ua lehulehu na Kanawai i hoopuka ia mai, a i ko'a manao, e lilo ana ia mau Kanawai i mea e pomaikai ai no ka Lahui.

            O ka ike i loaa mai mahope o keia halawai loihi ana, ke hoike nei ia aole Au i kuhihewa i Ko'u manao ana, ma ka hui ana o na'Liia me na Luna Makaainana, a me Ko'u nau Kuhina, iloko o ka Aha hookahi, he kumu ia e holo pono ai na hana o ke Aupuni.

            I ka mau o ko oukou halawai ana e na Luna Makaainana me Ko'u mau Kuhina, ua hiki ia lakou ke wehewehe aku imua o oukou i ke ano nui o Ko'u malama ana i ke Aupuni, a ua maopopo hoi ia oukou na hana liilii a pau iloko o ka lakou mau Oihana.

            Me ka mahalo oiaio, ke haawi aku nei Au ia oukou i Ko'u aloha no ko oukou hoomanao aloha ana i ke'Lii Wahine a Ko'u Kaikaina i hala aku, i kaunake, ma ka hookaawale ana i haawina paa nona.

            Ke manalo aku nei hoi Au i ko oukou hoike ana ae i ke aloha i Ko'u Makuakane, ua mahuahua kupono kona a me Ko'u Haawina.

            No ko oukou aloha Alii, ke waiho haahaa aku nei Au i Ko'u aloha.

            Ua loihia ua ikai a ko oukou hoomanawanui ana iloko o keia Ahaolelo.  I Ko'u manao, ua nana pono ia e oukou na hemahema o ko kakou ainu.  O na haawina a oukou i haawi iho nei no na hana e holo pono ai na Kanawai e hooponopono ana i ke ola o ka Lahui, a me na haawina e makaukau ai ka lawelawe ia ana o Ko'u Aupuni, ua mahuahua kupono, a ua hauoli Ko'u naau i ka ike ana i@o aole i oi aku na@haawina mamua o na loaa o ke Aupuni.

E NA 'LII A @E N@ LUNA MAKAAINANA:

            Ua pau ka oukou hana, e hoomaka aka ana hoi Ka'u.  O Ka'uhana, o ka nana pono aku i ka hooko pololeiia o ka makamake o keia Ahaoleo.  I Ko'u kookuu ana'ku ia oukou mai keia hana, ka pule aku nei Au i ke Akua Mana Lo@ e haawi iho oia i ka pomaikai maluna o oukou, a e ukali aku hoi Kona Lokomaikai ia oukou a hiki i ko oukou wahi noho a e loaa hoi ia oukou ka maluhia, oiai ua loihi ko oukou imi ana i ka maluhia o ko kakou Aina.

            A ke kukala aku nei Au, ua hoopaneeia keia Ahaolelo Kau Ka@wai.

            A i ka pau ana, hoi o Ka Moi, a pela pu no hoi na hoa a pa@o ka Ahaolelo, ua lulu lima lakou kekahi kekahi a ua pili ia lakou na wahi olelo o kekahi mele a kakou o ia o "i pili wale i haalele, haalele, haalele o Puna na hoa aloha."  O ka Puali Kaua Lio, oia ka poe koa nana i akali Ka Moi.

 

NU HOU MISIONARI.

            Ma ke ku ana mai nei o Hokuao, ua loaa mai ka nuhou no Maikonisia mai.  Ke lawe pokole nei makou i kekahi mau manao no na palapala o na Misionari malaila.  Penei ka Mahoe palapala:

            Oluolu no makou ma Tarawa nei, a me Haiana ma.

            Aole no holo loa ka makou hana ma keia kihapai, nui na mea kea kea mai i ka oihana Misionari a kakou, aole nae komo mai ke kanalua i ka hana a kakou, ua maopopo ia u, aole ke Akua e hoopoina i ko makou luhi@ a me ko makou kaumaha, a me na waimaka.  Ua malama oia ia mau mea no ka wa e haawi mai ai oia i ka olioli he nui wale ina no iloko o Kristo Iesu ka Haku e ola ai.

 

Ka Ahahui o na Misionari Hawaii ma Ebon.

            Halawai keia Ahahui i ka la 5 o Nov., hora eha o ke ahiahi.

            Ua kukaia ka pono o ka lawe ana i ka olelo kauoha a ka Ahahui makua Misionari ma Honolulu, e hana na Misionari Hawaii i Aha okoa no lakou, a o Rev. B. G. Snow pu kekahi me lakou.  Ua hooholoia.

            Hoomaopopoia; o na hoa o keia Aha. J. A. Kaelemakule, D. Kapali, H. Aea, a o Rev B. G. Snow pu kekahi.

            Noho o Rev B. G. Snow ma ka noho Luna Hoomalu, kohoia ke Kakauolelo, J. A. Kaelemakule.  Kukakuka keia Aha i na hoa e hele aku e hana i ka hana a ka Haku ma kekahi aina e.  Hooholoia, o Rev. D. Kapali, me J. A. Kaelemakule.  Noonoo keia Aha i kahi pono e hele aku ai.  Hooholoia i Namrik.  Ua wehewehe keia Aha i na kumu pono o ka hele mua ana'ku ilaila e ao ai, a ma ia wehewehe ana, ua laweia mai ka olelo aelike a ke Alii o Lomari i ae ai, he makemake ia e noho na Misanere i Namrik.  2. Me he mea la ua ae ke Akua e hoohamama i ka puka o kana hana ma Namrik, no ka mea, aole e hoi hou ana ka moku Hoku Ao ma na Pae aina ma ka Akau, a ma ka Hikina Akau aku nei; oia hoi o Jeiij, a me Mile no ka mea, ua makemake makou e hikiwawe aku o Rev H. Bianmu i Honolulu, no ka mea, he nui loa kona mai.

            Hooholo hou ia ma ke kauoha a Rev. B. G. Snow, he pono i na hoa Misionari D. Kapali, me J. A. Kaelemakule, ke kukulu hookahi hale moe, a hookahi hale kuke i keia wa ma Namrik, a e noho pu malaila iloko o ka hale hookahi; a i na e ae mai ke Akua e hoohamama i ka puka o kana hana ma kekahi aina e aku, alaila e hele hou kekahi o laua me kekahi hoa hou mai Hawaii mai, a o kekahi o laua, e noho ma Namrik.

            Ma ke noi a Rev. B. G. Snow, ua hoopanee keia Aha a ku hou mai o Hoku Ao mai Honolulu mai.

            Ma ke noi a J. A. Kaelemakule, ua hooholo hou ia, e kukuluia ka Aha hou ma Namrik.  Pule a pau hookuuia.

J. A. KAELEMAKULE.

            Rube, Ebon, Nov. 9, 1864.

 

He wahi Leia no Amerila Hema mai.

            Ua loaa mai ia makou kekahi leta na Wm. H. Gulika mai, ko kakou makamaka e noho mai la i Kalakaka (Caracas) Venekuila Amerika Hema, e hoike mai ana i ke ano o na kamaaina Paniolo o ia aina ma ka lakou hana ana, a me ko lakou ano maoli.

            Iloko o kahi mau ano o lakou, he mea oluolu no i ka nana aku, a o kahi mau ano hoi o lakou, he mea eha ia i kona manao.

            Eia kekahi hana a lakou, i ka auamo ana i na ukana; ma ke poo no e kau ai i na wa a pau; he mea ano e ia i ko oukou manao ana.  Pela no na wahine i ko lakou lawe ana i ko lakou mau ukana, ma ke no e kau ai, a hiki i kahi i manao ai e waiho i ka ukana.

            Eia kekahi, aole lako o ke kulanakauhale i ka ohe wai piula ma na alanui, he hemahema loa; a o kahi e kii ai na kanaka i ka wai, aia ma na Hawai nui i hoomakaukau no ka lehulehu, a malaila wale no e lona ai ka wai no kela mea keia mea, i makaukau ai lakou no na hana.

            Eia kekahi, mai ke kakahiaka a hiki i ke ahiahi, ai hoi na kanaka kauwa he lehulehu mai na hale mai he mau haneri e ku pukuikui ana, ma ne hawai a me ka luawai ma kela wahi keia wahi o ke kulanakauhale, i hoopiha ai i ko lakou mau ipu wai.

            Eia hou, e lawe mau ana lakou i na pahu wai ehu, a elima paha mau galani ka nui o ka pahu.  Ma ka hapa nui o na wahi o keia kulanakauhale, aole e kokoke aku malalo o ka ohe-wai, no ka pae ana i ka paehumu a puni, a o ka lakou hana e hana ai i loaa ai ka wai, o ka malama o kela mea keia mea, i ohe loloa, a me keia mea e kahe mai ai ka wai iloko o kela pahu keia pahu.

            Eia nae hoi ka mea aloha, o na wahine, ikaika lakou i ka auamo i ka pahu-wai, a i ka hawalu o ka mile; a oia mau pahu, aole pani, oia mau hamama no; kau no iluna o ke poo.  Ua akamai no nae i ka hana ana i wahi pela, i hoopihaia i ka mauu paha, a mea e ae e like ana me ka mauu, i mea e kau ai maluna o ke poo, alaila, kau iho ka pahu maluna ma keia mea pakele ka eha o ke poo i ke oolea o ka pahu.  I ka hele ana aku, pololei ke kino me he koa Ia, ua hele