Ka Nupepa Kuokoa, Volume IV, Number 6, 9 February 1865 — He keiki wahahee ole. [ARTICLE]

He keiki wahahee ole.

Ua lohe no paha oukou ia Keoki Wasinetona, ka Peresidena mua o Amerika Hiui, aka, o kona ano i ka wa he keiki, aole p£iha i lohe ia. 1 kona wa opio, haawi kona makuakane i wahi koi uuku iaia, & ma kona paani ana, ua makemake o Keoki e hoao i kona koi, a oki iho la oia i kekahi kumu laau (cherry) j maikai ma ka pa, a lilo i mea inoino loa. Mahope ike ka makuakane i keia hana kolohe a kaumaha,' no ka pau ana o kona kuinu *laau maikai. I kona makaikai ana ma kona kihapai, halawai pu aku la oia me kana keiki kane, a ninau aku mia, '*£ keiki! Ua pau kuu kumu laau maikai, ike anei oe i ka mea nana* i hana ?" O ka nui o na keiki i na e ninauia pela, o ka hoole ka lakou, aka, o keia keiki, he makemake i ka oiaio, nana pono oia i ka maka 0 kona makua a pane aku, " E kuu makoa, na'u no i hana." I keia hai pololei ana niai 1 ka oiaio, kahe na waimaka o ka makuakane, a'kau iho la i kona iima ma ke poo o Keoki, a i aku ia ia, "Pono loa kou pane koke ana mai, 'na'u i hana,' E aho no ke pau kuu mau laau maikai a pau ma keia pa, mamua'o kou hoopuka ana i ka wahahee." Heaha ka hope o keia keiki wahahee ole? Lilo kelp. i kanaka nui a hunohano; he mea āloha nuiia i na kanaka a pau, a kaulana loa kona inoa ma na aina a pau, a ua kapaia "Ka Makua o kona aina." Auhea ke keiki i wahahee i makemakeia. TJa hoowahawaha ia lakou, a lilo ka lakou olelo i mea ole, aka, ina e paa na keiki ma ka olelo oiaio wa» le no, loaa no ia lakou ka uku kupono, a i kekahi manawa, nui ka uku i loaa mai e like me ka Keoki Wasinetona. 4