Ka Nupepa Kuokoa, Volume IV, Number 12, 23 March 1865 — I ke Kahunapule Hou. [ARTICLE]

I ke Kahunapule Hou.

HELU 6. Aioha kaua, e ka hoahana. ' He mau hana oluolu no ka paipai ana, ka hai'olelo ana, a me ke ao ana'ku, aka eia ka hana oo.lea e kaumaha pinepine ai kou naau : " O ka hoomalu ana i ka Hale 0 ke Akua, a me ka ekalesia o ka Haku." Ua komo no iloko o na.ekalesia a pau kekahi poe kolohe, he poe ilio hae kekahi 0 lakou i aahu ia i ka aahu hipa, oia ka inoa'hoahanau. He koloka ia inoa hoahanau no lakou e uhi ana a e huna ana i ko lakou hewa. £ hooikaika ana keia poe e hoohiolo i kau hana ma ka oihana hemolele au i hapai ai. Maloko o ko lakou naau e hoowahawaha ana keia poe i kau hana, a me kahi nalo ia oe, e hoino ana no lakou ia oe, a e hoole ana i kau mau olelo ae. Oka Davida ka olelo i pili ia lakou. Hal. 55:21, "ua oi aku ka pahee o kana olelo mamua o ko ka aka he kaua ko loko 0 kona naau. Ua oi aku ka oluolu o karm mau olelo i ko kaaila; aka, he mau pahikaua unuhi ka lakou." Ua pili hoi ka Paulo olelo ia lakou Rom. 3: 1318 * *. " Ua piha ko lakou waha i ka hailiili, a me k» mea awahia. Aia ma ko lakou mau alanui ka luku ana a meka popilikia. Aole hoi lakou i ike i ke alanui e malu ai. Aole he weliweli-i ke Akua imua 0 ko lakou mau maka." 1 kekahi manawa e haalele ana keia poe i ka hele i ko ke Akua hale e hoolohe i kau wehewehe ana i kana olelo. I kekahi manawa e hele ana no lakou, a iloko o ka wa hoomana e ike auanei oe ia lakou e paani ana a e hawanawana ana. 1 kou wa e wehewehe ai i na olelo nwi a me na manao weliweli, oia kou wa e ike ai ia lakou e hiamoe ana iloko o ka Luaki/ii, a i ole ia e lealea ana. O ka hai ana'ku o ka ke Akua olelo ia lakou me he mea la e lulu hua ana oe mawaena o ke a-a a maiuna paha o ka pahoehoe. Aka, auhea oe e kuu hoahanau.maikanalua iki oe no ia poe. Mai manao oe e lanakila ana na ipuka o ka po maluna ou, a maluna oko ke Akua Aupuni. E hoomanao oe e lanakila ana na ipuka o ka po maluna ou, a maluna 0 ko ke Akua aupuni. E hoomanao oe, "o ka olioli oka poe hewa, he pokole ia, a o ka lealea 0 ka aia, e pau koke ia. 1 ' Ina oe 1 kekahi mea e paani ana iloko o ka wa e hoomana ai i ke Akua, e hoomalu koke oe ia ia. E hoomalu loa oe i ko ke Akua hale, a e kokua pu no ka ekalesi<iwa oe ma keia hana. Ina iae ia ka paani a me ka lealea wale ana iloko o ka Luakini, alaila ua makehewa wale kau hni ana ika ke Akua olelo. He makehewa kou noho Kahunapule ana ina aoJe e malu ka hale o lehova ia oe. A ina e hooikaika maoli oe e hoomalu i ko ke Akua hale, a kokua pu ole mai na hoahanau ia oe ma ia hana ana; a malu ole no, alaila, ua akaka ua haalele maoli kela ekalesia ia lehova. O na> hana o ka ekaleeia, e holo ana no ia mā ka olelo hooholo o ka aha ekaleaia, a i ole ia ma ka aha luna ekalesia.—O oe no ka Luna Hoomalu kupono o ua aha la, aole hoi he pono e hooholoia kekahi mea i pili i ka hoo&omo ana mai i ka ekaleaia, a i ke kapae ana'ku, a me ke oki ana paha, ke ole oe ke kahu o ka ekalesia i ae. E kokua ikaika pu oe i ka hapai ana'ku oka poe hihia a pau. Mai kanalna" iki oe .. . r - %-■ •

no ka inoa nui a h&aohano a kekahi, aka e hooko pololei aku- i ko ke Akua kanawai maluna o ka pee hewa a pau, me ka nana ole i ko waho o ke knnaka. He hana Jcaumaha maoli keia, o ke kapae ana'ku ika poe hevm. CJa nana'ku oe i kekahi hoahanau a ua hilinai loa aku oe ia ia me ka manao o ke kanaka e kupaa ana mii ka pono. Ma ia hope koke iho, hu mai la kona hewa i ke akea, a ninau iho la oe iloko ou iho "auwe ! auhea la ke kanaka pono hookahi ? " " Ua like ke Aupunip ka lani me ka upena i kuu i ke kai, a puni ae )a na ia he nui wale ke ano." " A piha ia huki ana ae a lakou iuka, noho iho a hahao iho i na mea maikai iloko o na ipu, aka hoolei aku no i na mea ino." O ka hana no keia o na anela i ka hopena o keia ao, o ka hookaawale ana o ka poe hewa mai waena o ka poe pono. Ma keia ao, ua ulu pu no ke kikania me ka palaoa, a oia ka mea e kaumaha ai ka kaua hana, Me ke aioha. Na'u na H.