Ka Nupepa Kuokoa, Volume IV, Number 23, 8 June 1865 — KOHO ANA I NA LUNA NUI O KA OIHANA KINAIAHI. [ARTICLE]

KOHO ANA I NA LUNA NUI O KA OIHANA KINAIAHI.

Ma ka po 0 ka la 5 0 keia malama i hala ae nei, ua akoakoa ae na a pau loa 0 na puali kinaiahi mai ka Helu 1 a hiki i ka Helu 4 ma ka hale 0 ka puali kinaiahi Helu 2 no ke koho ana i na Luna Nui 0 ia oihana hanohano 0 ke Aupuni. Eia na Luna nui 0 ka oihana kinaiahi i kohoia ma ia po. Luna nui o ka oiha kinaiahi R. Gilliland, Luna hoohana mua o ka oihana kinainhi D. Foster, Luna hoohana eluao4ca oihana kinaiahi, C. E. VVilliams. Mahope iho 0 ka pau ana 0 ke koho ana i na Luna Nui i hoikeia maluna, ua hele huakai aku na hoa 0 na puali a pau loa ma ke alanui Kalepa, a me ke alanui Beritania, a hiki aku ma Kaopuaua ma ka hale o ka puali kinaiahi Helu 4, ma keia hele huakai ana, e kani hoehoene ana ka leo o ka ohe, a me ka leo 0 ka pahu. Mahope iho hoi 0 ka pau ana 0 ka paina ame ka hoomaemae ana i ka hale, ua ku mai kekahi mau hoa o ka puali kinaiahi Helu 4 e haiolelo ma ke ano ku 1 ka hanohano. Na W. Pinehasa Wood ka haiolelo mua, a pau ia, ku mai OJ. W. Makalena, a pau ae la kana olelo ana, ku mai ka Luna Nui a hoike mai i kona manao, a pau kana haiolelo ana, ua ku mai 0 S. P. Nohea, a me ka Mea Hanohano D. Kalakaua, ua like iki no ka laua haiolelo ana me ka na mea mua. J. N. Kaunamano. Maemae, lune 6, 1865.