Ka Nupepa Kuokoa, Volume IV, Number 25, 22 June 1865 — O ke kanaka pepehi wale i ka wahine, he lapuwale ia. [ARTICLE]

O ke kanaka pepehi wale i ka wahine, he lapuwale ia.

iloko o na mea lapuwale a pau, kakaikahi na mea i oi akil ke ino mamua o ka pepehi wale ana i ka wahine. Ua hana ia ka wahine hemea ano nawaliwali, a palupalu. Ua kapaia oia ka aoao palupalu, a he mea palupalu io no. Ua hana ia oia i kokoolua no ke kane. Ma na aina naauaoa pau, ua malama loa ia na wahine e ka lakou mau kane.

Pehea la ke kanaka i lawe i wahine nana, a lilo ia i mea pepehi i kana wahine ? Lawe keia kanaka i ka wahine imua o kekahi Kahunapuie, a maiaila oia e hoohiki ai imua o ke Akua a imua o ko ke ao nei, e' inalama maikai i kana wahine, e aloha aku iaia, aole hoi e kaawale a hiki ika make. Mahope o ia hoohiki ana, hana ino aku ua kanaka nei ika wahine. Pepehi laia, olelo ino aku, me he ilio la ka wahine ana i hoohiki ai e aloha a e malama i na wa a pau. Pehea ia kanaka? Aole anei he wahi ano pegana koe iloko ona ? Ina ma Nuuhiwa ia kanaka, e aho la ia ; o kn hana naaupo no ia o ko laiia poe. Aote kupono ia hana no ka aina maiamalama. He ino ioa. He lapuwale loa, a lie pono ke hoowahawaha ia e na mea a pau na hana o ia ano. Pela no ka wahine e hana ino ana i kana kane. Ona mea i hoikeia maiuna no ke kane, im pili no i kekahi aoao, oia hoi ka wahine, ina hana ino oia i ke kane ana i hoohiki ai e aloha a e maiama a hiki ika make. E puiumi aku a e hoopau kakou i keia koena naaupoe koe nei iwaena o kakou.