Ka Nupepa Kuokoa, Volume IV, Number 28, 13 July 1865 — Mea hou o ke Alo Alii. [ARTICLE]

Mea hou o ke Alo Alii.

Ua maikai ilio nei ke ola o ka Moi i keia mau la iho nei, ai ke ahiahi o ka Poakolu ua holo aku ia i Molokai malunl o ka moku o Kapena Hanehama. Ua naue pu aku meia ka Mea Hanohano J. O. Dominis, a me ka Mea Hanohano F. W. Hutchison, e like me ka makou mea i hai mua aku ai i kela pule aku nei. E holo ana lakou i Molokai, ame Maui, a hnla loa aku paha i ka ua kanilehua o Hilo. E ola ka Moi ike Akua. Ua maikai no ke ola o ka Mta Kiekie M. Kekuanaoa, aia no ia ma Popakanene. Ke hooikaika nei oia me kona kino maoli no ka la hoihoi ea o ke Aupuni Hawaii nei, nolaila, e hoomanaoia kona inoa a hiki i ka hopeiia. Ua maikai keola o ke Kama Alii Wahine Vitoria K. Kaahumanu, a me ke Alii wahine Kanemake H. K. Kapakuhalii. Ika Poakahi iho nei, ua hele aku ke Kapena o ka Puali Kaua Lio o Kale Kauka a noi aku i ka Mea Kiekie Kalohelani eae mai e haawi mai iaia i ka hanohano o ka ukali ana i ke Kama Aliiwahine ma ka la 31 o Julai/ He mea olioli loa ia i ke Kama Aliiwahine, a o makou kekahi i komo pu iloko o ia hauoli hookahi me ke Kama Alii no ka hoomanao ana i ka la i hoihoi ia mai ai ke ea o ko kakou Aupuni nei; a ua lohe mai makou ua haawi manawalea ae ua Kama Alii Wahine la i na dala hookahi haneri r.o ka ahaaina ma ua la la.