Ka Nupepa Kuokoa, Volume IV, Number 28, 13 July 1865 — NU HOU MISIONARI. Mai Maikonisia mai. [ARTICLE]

NU HOU MISIONARI.

Mai Maikonisia mai.

Dekenmba 3, 1864. Rev. H. Bingham, a me Mrs. M. C. Bingham. Aloha mau olua a nui loa. 1 ' Ua hoopuni iho nei makou ia Ahai'na ma Novemaba ae nei. Ua mau no na hana | halawai, a me ke kaapuni ana. O ke kula wale no ka mea mau ole. Ua pau na buke i ka haehae ia ma Aonopuaka, a ma Ewena, aole i ike ia ka mea nana i haehae. Ke mau nei no ke kula ma Tabonteba raa ko maua hale, aole ki o ka hale kula aia no ia olua. Ua mau no ke (ana-bai) ke kokua mahina hou. Ua mau no ko'u ikaika ame na keiki. Ua mau no ko Kaholo maimai ame ka nawaliwali. lia hoohuakaeo loa o NeiZae« kia aole hele mai i na halawai aole ana-bai aole loa malama iki i ka pono o ka Haku ke puhi paka nei ke hana nei i ka la Sabati a me na mea ano ino e ae, mamuli lohe pono olua ke hoi mai olua, ua hele pinepine au e paipai ia ia, aka, e matoatoa. *Ua mau no ke alii wahine ma ka pono ; o ke alii kane ua mau no kona hele mai i na halawai a me na hana eae no. Eia o Zemoanari ma me inaua e noho nei a me kekahi keiki mai Zarawa mai na Mahoe ma i lawe mai i pepehiia e Zeutimwa. Dekemaba 7, 1864. Da ku mai nei kahi moku mai Honolulu mai, ma ka la 1 o Dekemaba nei. Ua ike makou i na nuhou, a ua lawe mai i na puo10, a na olua kahi ope nupepa. Ma ka la eha ke Sabati, nui na kanaka i hele mai i ka pule, ua haneri a oi ae, ua malu, aole haunaele, ua hoolohe pono mai lakou, Ua ikaika loa ka makani inehinei. Ua hina iki ka hale o Aumai, aolei haule ilalo. Ua hue ia nae ko laua ukana, eia i ko maua mau hale. Mamuli paha kukulu hou i hale no laua. E holo ana keia moku i_Tarawa. Oma kou pu paha kahi. Oka hora umi keia wa aia a hiki ae i ka hora umikumamalua, alaila, holo. Nolaila wikiwiki au ike kakau ana i lohe hoi olua kou mau kaikuaana. Nui no ko maua aloha ia olua na hoa o keia pouli a kakou i hoomanawanui iho ai i na pilikia o keia aina makua ole a makamaka ole no hoi. He nui ko maua hoomanao ana ia olua, no ko olua nalowale ana iho nei iloko o keia Ekolu haole e noho nei i keia aina. Ua pau ka wa wi, ua pala ka hala, ua hala ka wa ai i ke mutea. Ua nui no ka hooikaika o Tentarimako, a me Tenakao. Ke lana nei ko maua manao, e oluolu paha ko Kaholo mai ma Kusaea, aia nae hoi i ka hoao ana, ke ae nae hoi oukou ko'u mau kaikuaana. J. W. Kanoa.