Ka Nupepa Kuokoa, Volume IV, Number 28, 13 July 1865 — Ka make ana o Z. Puakea, ka wahine mare a A. W. B. Nahakualii. [ARTICLE]

Ka make ana o Z. Puakea, ka wahine mare a A. W. B. Nahakualii.

E ka Nupepa Kuokoa e ; Aloha oe: Ka uwila hikiwawe i ka holo ma kela wahi keia wahi o ke aupuni Hawaii a rae na wahi e ae. E hiki ia oe ke hai aku, i ike mai ai na makamaka-ponoi a pau o ka'u wahine, a me ka poe e uwe aloha mai aaa ia ia mai Hawaii a Kauai. Ma ka la 1 o lune, M. H. 1565, make aku la o Z. Puakea, ka'u wahine mare i aloha tiuiia, iloko hoi o ko maua mau makahiki he 11, me 6 malama, me 7 la o ko mau noho oluolu ana me-ke aloha. Aole ona mai, aole no hoi he nawaliwali a make aku la. A ua make hoi oia mahope o ka paū ana o ko makou paina ahiahi ana, o ka la i haia'e nei maluna. Maanei hoi, c hoakaka aku no au i keano 0 kona make ana, no ka mea, mahope o ka napoo ana o ka la, olelo mai la oia e hoomoa 1 kofe.no makou, a ua hoomoa kokeia no ke kofe ia manawa. Pane hou "mai no hoi kela ia'u e hoomoa i kekahi mau huainoa, a ua hoomoaia no ia manawa. A makaukau ia mau mea, o Uo makou paina iho la no ia, a oia no hoi ka hora 7 o ke ahiahi. A pau ke paina ana, ua inuia ke kofe mahope iho e liko me ka mea mau. Pau ae la keia mau mea, hooluana wale ihoia no makou, i waiho maikai aku ai na mea i hookomoia maloko. Mahope iho oia wa, ua heluhelu aku au me ko kamailio aku i na mea hou i hoopukaia e ka nupepa "Kuokoa" o ia *la, no na mea hou o naaina e kaua mai .nei. Iloko oia wa a'u e kamailio ana me ka maikai, ua ike ia aku na hou wai e hoopulu ana i kona kino holookoa; a hooki iho la au i ke kamailio'ana no na mea hou, a pane aku la au me ke kaumaha, II E, e make'ana ka oe a no." Ia manawa, pane mai la oia me ka leo oluolu maikai, me ka ninau mai, "Kt aha la la ?" Olelo aku la au me ke kaumaha o ko'u naau ia manawa, u 0 ka hou wai i hoopuluia i kou kinoano, ua like loa ia me ka wai hou oke kanaka e make ana." Ma ia manawa, ua noi mai oia ia'u i ke kawele, a haawi aku !aau, a kawele iho la kela ia ia iho, me ke noi mai hoi ia'u e kawele aku ma ke kua, a kawele aku la au.

Iloko o ia wa a maua e kamailio ana, ua ninau mai kekahi o ko mnua mau kaikaina, oia hoi o Kapaki, mai ka hale kahumu mai, 0 ka lakou hana he kupa puaa, me ka manao, ina e moa, e paina hou no niakou, me ka manao no hoi aole e loaa ana i keia pilikia kuloko. Ia manawa a maua e hamumumu ana, ninau mai la o Kapaki i ka maua mea e kamailio ana, a hai aku la au ia ia, e olelo ana au ia ia nei, (Puakea) e make ana keia ano. Puka hou aku la o Kapaki, e hele hou ana no i ka hale kahumu no ka minute hookahi, me ka hai aku i na wahine, a me kekahi o ko moua mau kaikaina, no kuu olelo ana aku, e make ana oZ. Puakea. A puiwa koke ae la lakou, me ka hooiaio ole nae i ka'u mau olelo. la lakou ftae i hiki mai ai, pane aku la au ia lakou, "Ua hala aku nei keia, ua hnalele mai nei ia kakou." i ka wa nae a Kapaki i puka aku ai ; pane mai la o Z. Puakea ia'u me ka oluolu maikai, me ke aloha inai, Aloha oea me na keiki a kaua. A moe iho la oia ika hiamoe make, nolaila, ua haku wau i keia wahi kanitcnu malnlo iho nei nona. 'Aloha oe'e Z. Puakea kuu wahine. Kuu hoa hoomanawanui o keia wahi, Ua hala aku nei oe, Ma ka la mua o lune, . Ma ka hora umi o ka po, [pe, Ua manuahi aku ka Uhane Hemolele ia Aia paha oe i ka pae opua kiikii, Iluna o ke ao eleele la o loko aku, Ike aku la oe i ka hapauea o ka lani, A me kona mau kini he nui wale, Na kini hiki ole ke helu nku, Ke kilohi la paha oe ia Kealohilani, Ke makaikai la paha«ce ia Hnnakewa, Ke wawa wale nei no na keiki a kaua, Na luhi o kaua o keia noh<?ana, Pau kou luhi ana ia lakeu, Hoomaha oe a kuu ka luhi, Na ka Uhane Hemolele e hoomaikai ia oe, He Hemolele loa ke Kanawai ola nou. Aloha oe e Z. Puakea kuu wahine, Kuu hoa hoomanawanui o keia wahi, Ua hala aku nei oe, 1 ke alanui hiki ole ke hbi hou mai, Pau kou ike ana i na kini, Ilehu o keia noho ana a kaua, Pau jjo hoi kou ike ana, I naHeiowai lepo o leeia ao, Auau aku oe i na kiowai, 0 ka wai lani a ka Hemolele, Kahi a kaua i iini ai e ike, % Knhi hoi a kaua i iuhi ai Iloko o na makahiki ehiku, A me na malnma he umi, Kahi hoi a kaua e kuka nui ai, 1 ke ao a me ka po o ka Hooilo, Pau kou luhi i ka po a me ke ao, Hoomaha oe a kuu ka luhi, Na ka Uhane Hemolele e hoomaikai ia oe, He Hemolele loa ke Kanawai ola nou. Aloha oe e Z. P. Nahakualii kuu wahine, Kuu hoa hoomanawanui o keia wahi, Kuu hoa ohumu o na hana ike ole ia, Kuu hoa kuka o na hana huna a ka po, O kaua wale no kai luhi a ike, A elua no hoi laua'la, A o lakou nei ae nei hoi, A o na keiki pu a kaua kekahi, , Pau kou lohe ana i ko lakou leo, Pau hoi kou leo kahea ia lakou, ( Hoomaha oe a kuu ka iuhi, Na ka Uhane Hemolele e hoomaikai ia oe, He Hemolele loa ke Kanawai ola nou. _ ; A. W. B. Nahakualii. Kahnwali, Honoluln, lune 27, 1865.