Ka Nupepa Kuokoa, Volume IV, Number 34, 26 August 1865 — Page 4
| This text was transcribed by: | Danielle Sautia |
| This work is dedicated to: | My nephew Justice Kana'ikoa Vaomu |
Ka Nupepa Kuokoa
KE KILOHANA POOKELA NO KA LAHUI HAWAII.
Alemanaka Kristiano
Malama 9. Sepatemaba, 1865. La 30.
La. Let.
Mahina poepoe 6 Mahina Hou 12
Mah. hapalua hope 11 Mahi. Hapalua mua 27
La o ka malama La o ka hebedoma Puka mai ka la Na poo ka la Na poo ka mahina
1 Feraide Po.5 5 43 6 17 1 49
2 Satude Po.6 5 43 6 16 2 47
3 D SAB. 5 43 6 15 3 46
4 Monede Po.1 5 44 6 14 4 48
5 Tusede Po.2 5 44 6 13 P. mai
6 Wenede Po.3 5 45 6 12 7 16
7 Tarede Po.4 5 45 6 11 8 2
8 Feraide Po.5 5 45 6 10 8 51
9 Satude Po.6 5 45 6 9 9 42
10 D SAB. 5 46 6 8 10 34
11 Monede Po.1 5 46 6 7 11 29
12 Tusede Po.2 5 46 6 6 Kaka.
13 Wenede Po.3 5 46 6 5 0 25
14 Tarede Po.4 5 46 6 4 1 20
15 Faraide Po.5 5 47 6 3 2 14
16 Satude Po.6 5 47 6 2 3 7
17 D SAB. 5 47 6 1 3 58
18 Monede Po.1 5 47 6 0 4 50
19 Tusede Po.2 5 48 5 59 Napoo
20 Wenede Po.3 5 48 5 58 6 45
21 Tarede Po.4 5 49 5 57 7 14
22 Feraide Po.5 5 49 5 56 7 51
23 Satude Po. 6 5 49 5 55 8 30
24 D SAB. 5 49 5 54 9 13
25 Monede Po.1 5 50 5 54 9 57
26 Tusede Po 2 5 50 5 53 10 46
27 Wenede Po.3 5 50 5 52 11 37
28 Tarede Po.4 5 50 5 51 Kaka
29 Feraide Po.5 5 50 5 50 0 33
30 Satude Po.6 5 51 5 49 1 30
No ka mea i hala aku nei M.L.
Moehonua
Nau no i hana,
Nau no i lawe aku,
E aloha mai:
Ia makou nai a pau,
Kou mau kini nei,
He poe lepo no
Makou a pau.
E hilinai mau,
Ko keia ao a pau,
Ia oe no:
Ka Lunakanawai
O na mea a pau,
Mahea e hoomaha ai.
Imua ou.
Hoomaikai mau makou,
Ia oe ka moi,
O keia ao:
Ko ahonui mau,
Ia makou nei a pau,
Na lahui nei a pau,
Nou wale no.
W.C.L
Waikiki, Augate 18, 1865
Mai hoopuni oe.
“E hele ana O Williama Napier i ka makaikai i kahi kokoke i kekahi kalanakauhale, o Perekefoka (Freshfard)” kona inoa, hanai oia me kekahi kaikamahine liilii, elima paha ona mau makahiki, e uwe ana no ke bola i naha, no ka inoa ua haule ia a naha, i ka manawa ana i huli hoi mai ai mai ka lawe ana i ka aina awakea o kona makuakane, a olelo ke kaikamahine ina hoi au i ka hale me keia bola nahana, a laila, hoopai kuu makua ia’u. Ia Manawa nana keia kaikamahine iluna i ka maka o Napier, a olelo aku la; “Aka hiki no pae paha ia o eke hana hou.” Olelo aku la o Napier aole e hiki ia'u ke hana hou. Nanao iho la o Napier iloko o kona eke dala, aole wahi dala o loko, olelo aku la oia i ke kaikamahine, “ina oe i hele mai oia keia wahi i ka la apopo e hapumi e hawi ia oe.” Aka e hele ae oe e olelo i ko makuahine, ua ike au i kekahi kanaka, a olelo mai nei oia ia’u e lawe mai ana oia i ke dala o ke bola i ka la apopo. Hilinai no ke keiki ia ia a hele i ka hale me ka oluolu. i ka wai hoi aku ai o Napier i kona hale, loaa iaia kekahi leta e noi ana iaia e hele i ke kulanakauhale o (Bath), ma ka ia a popo e halawai pu me kekahi makamaka ono. Noonoo iho la o Napieri a liuliu, no ka mea, makemake oia e halawai hou me ke kaikamahine nono ke bola i nahaha, alaila helei ke kulanakauhale o (Bath). A no ka hiki ole ke helei na wahi elua, kakau oia i kona makamaka; “aole makemake e hoonelei kela kaikamahinei kana olelo iaia no kona hilinai ia’u me ke kanalua ole.”
Make Emoole!
Ma ka la 28 o Iulai iho nei i make ai o Kaui ka hanee ana o ka pali i ka eli auwai ana no ka Wili-ko o Mr.Thoms ma waipa, Kauai.
E eli ana o Kaui laua o Manaiki, a kahea mai kekahi poe kanaka e eli ana ma kahi e, penei: “E hanee ana ka pali!” Aole nae i hoomaopopo laua kahi o ka pilikia, a haha aku ne laua, a o ka pane no ia o ka pali, he 20 kapuai a keu paha, a uhiia laua a paa loa malalo o ka lepo.
I ka eli ana o ka lepo, lohe ia ka leo o manaiki e kahea ana, a no ia leo kupoo ka eli ana maluna ona, a hoopakelei oia. O kona mea i pakele ai oia ka pili ole o na pohaku i kona kino, a o ka hakahaka o ka leo i hiki iaia ke hanau. O kona hoa ua pepe loa ke kino i na pohaku i pili iaia a me ka lepo paa.
1. He leo kahea keia i ka poe eli pali e hoohina pono ka eli ana, a e makaaka hoi o haki mai ka lepo.
2. He leo hoi keia e hea ana i ka poe noho nanea, a palaka, iloko o ka ho-a-a, e makaala a hoomaukau e no ka hiki ana mai o ka make. No ka mea, aole noi ike kekahi i ka wa e pili mai ai ka make iaia.
E.J.,
Waioli, Kauai, Aug. 10, 1865
Papa kuhikuhi-manawa.
Mai ka hookumu ana o ka honua
5810—Make o William Pitt. Ian 23. 1806
5812 Lilo ke Kulanakauhale o Roma i ko Farani poe koa. 1808
5812 Ualakaa, nona ka inoa o ia puu. “Ualakaa.” 1808
5813 Kohoia o James Madison, ka ha o na Peresidena. 1809
5813---Make o Kanihonui 1809
5814 Ka ike ana o Kamehameha me Kaimualii 1810
5816—Hoi o Kamehameha i Hawaii 1812
5816 Haalele o Iosepa i ke Aupuni o sepania. 1812
5816 Kaua nui o Napoleona Bonepate me Rusia a puhiia ke kulanakauhale nui o Mosekoi kea hi. 1812
5816—Hanaia ka pa o kiholo 1812
5816 Pouli ano e ka la Ladana Ian. 10. 1812
5817 Kaua nui o Bonepate me na 'Lii o Europa.
5818 Lanakila na Lii o Europai ke kaua ana me Bonepate 1814
5818 Kipakuia o Napoleona Bonepate ma Elepa kekahi Mokupuni ma ke Kaiwaenahonua. 1814
5818 Lilo ke Aupuni ia Louisa ke keiki ponoi a ko laila Ali’i i pepehiia, a ia waho hanau o Kauikeaouli Kamehameha III. 1814
5819—Hanau o Nahienaena. 1815
5819 Pau ke kaua ana o Beritania laua o Amerika Huipuia. 1815
5819 Hee hou no ua o Bonepatei ke kaua ana ina Watalu a hookuke ia e na’Lii o Europai ka Mokupuni o Helene. 1815
5819 Make o Robert Fulton. Feberuali 24. 1815
5820—Hiki main a Rukini 1816
5821 Kohoia o J. Monroe, ka lima o na peresidena. 1817
5821 Paa ka papu ma Honolulu Ianuari. 1817
5822 Make o Chas XII kea alii o Suedena. Feb. 5. 1816
5822 Ka ike mua ia ana o ka hoku Welowelo o eneta i ka malama o Nov. Ia 26. 1818
5823 Make o Kamehamehai a lilo ke Aupuhi ia Liholiho i kana keiki. Mei 8. 1819
5823 Ainoa o Liholiho Kamehameha II ma ka poi ho o Kukahi. Oct. 1819
5823—Ainoa ma Oahu. Nov. 1819
5823 Haalele na misionari mua ia Bosetona. Oct. 23 1819
5823 Hanau o Victoria ka Moiwahine o Beritania. Mei 24. 1819
5824—Kaua ma Kuamoo. Ianuari. 1820
5824 Make o George III ke Alii o Beritania a lilo ke Aupuni ia George IV. Ian. 29. 1820
5824 Nohoalii o George IV no Bereitiania Ian. 29. 1820
5824 Nonoi na Misionari mua i na Lii o Hawaii nei e ae aku i ko lakou noho ana mai Apr.12. 1820
Ae mai na 'Lii e noho maluhia lakou. Apr. 12. 1820
5824 Holo o Mr. Wini a me ke keiki i Kauai. Iulai 1820
5824 Hoike kula mua ma Honolulu Sept. 14. 1820
5824—Holo o Liholiho i Maui. Dek. 1820
5824 Kaua o Kauai oia hoi o Kepuwahahaulaula. 1820
5825 Holo o Liholiho i Oahu. Feb. 4. 1821
5825 Make o Napoleona Bonepate Mei 5. 1821
5825 Hiki loa o Liholiho i Kauai. Iulai 22. 1821
5825 Ahaolelo o Liholiho me Kaimualii ma Kauai. Iulai 23. 1821
5825 Hoolaa ia ka Luakini mua ma Honolulu. Feb. 15. 1821
5826—Pae mai o Mr. Kaeleiki. Apr. 1822
5826 Hoomakaia ke Pai Palapala ana ma Hawaii nei
5826 Mare o Hopu me Delia ma Honolulu. Aug. 11. 1822
5827 Hoi mai o Kaahumanu mai Hawaii mai. Ian. 1823
5827 Pae mai kau lua o na Misionari. Apr. 27. 1823
5827 Make o Keopuolani ke Aliiwahine. Sept. 16. 1823
5827 Holo o Liholiho Kamehameha II i Beratania. Nov. 26. 1824
5828—Make o Kaimaalii. Mei 26. 1824
5828 Make o Kamamalu ma Ladana. Iulai 8. 1824
5828 Make o Liholiho Kamehameha II ma Ladana Iulai 12. 1824
6828 Ao nui ko Hawaii nei i ka olelo a ke Akua. 1824
5828 Kipi o Humehume ma Kauai Augate 8. 1824
3821 Pae mai o Poki me na kupapau. Mei 4. 1825
Ua manaoia, e hooili aku ke Aupuni o Hawaii nei malina o Kauikeaouli Kamehameha II, no kona ano opio ia Kaahumanu no ka malama a hala’e na makahiki elua paha alaila hookohu loa’ki nona ke Aupuni a iki i kona make ana.
5829—Make ka moku ma Lanai. Dek. 1825
Kohoia o John Quincy Adams, ke ono o na Peresidena o Amerika Huipuia. 1825
5830 Ka ike mua ia ana o ka Hoku Welowelo o Biela. Apr. 27. 1826
5830 Komoo ana i ka Halepule ma Kailua, Hawaii. Sept. 22. 1826
5830 Kalohe ka moku Kialia i ka Hale o Kalaimoku 1826
Na Rula o Hana mea Ono ana.
Helu 7.
Soupe A La Jardiere
E holoi iho oe i kekahi uha hipa, a i oleia i ka uha o ka bipi keiki a ho-o iho iloko o ka wai eha kuaka ka nui. Alaila hoolapalapa malie iho, a i ka manawa e pii ae ai ka huahua, e wae malie ae oe. A pau ia; e kii aku oe i mau uala maoli, uala pake, kapiki akaakai, ohia me ka uala tahiti, kui iho a wali maikai,i hookah kiaha ki ka nui o lakou pakahi. Alaila, hui aku oe i ka paakai me ka nioi pepa, e like me ka mea kupono i kou makemake. O na uala pake ke hoo muaia, no ka mea, loihi loa ko lakou manawa o ka baila ana, a o ke akaakai ka hope loa.
Ekolu hora e hoolapalapa ai keia ano kupa.
Helu 8. (pease soup)
Ina hookahi kuaka papapa, e hookomo iho oe i hookahi kuaka o ka wai huihui, me ka hapalua pauna io-puaa uahi, aole i lilo lo aka momona, a i oleia o na iwi bipii koalaila. E holoi iho oe i elua mau sako me na akaakai elua i ihiia ka ili, me kekahi lala lauau ala. Alaila, kau iho maluna o kea hi, a na kahuahua no ia e pi malie ae, a o kau hana no ke koai mau i kela hapaha hora keia hapaha hora i paapaa ole ai ka papapai ka ipuhao kupa, a hiki i ka wa e moa waliwali ai, ekolu hapaha hora ka loihi. A pau ia; alaila, kanana iho oe, a hookomo iho iloko o ke kupana maemae me ka hapalua pauna ki i ka nioi pepa eleele i kui ia a aeae. Alaila, paila hou iho oe no na minute he umi a ma pii ae ka huahua e ka aku oe kiola aku.
Helu 9. (Asparagus soup)
Ua hanaia keia kupa me ka asparakusa (asparagus), a ua ane like no ka hana ana me ke kupa papapa. E anaanai iho oe i ka hapalua o ka asparakusa me ka mea kanana a nana no ia e puka aku me kekahi aoao, a e okioki liilii oe i kekahi hapalua, hookah inaiha paha ka loihi. Apau ia; hoolapalapa aku, a ia oe no ka wa e moa ai, alaila joo aku iloko o ka ipu kupa. Ina oe e makemake ana e hana i elua kuaka, e hana iho oe i hookahi hapalua paina i okiokiia a hoo iho loko. E malama pono loa nae oe i na lau maka, a hiki i ka wa pono, alaila, ho-o iho.
I kekahi manawa, ua hanaia keia kupa ma ka hui ana akui ka asaparakusa me ke kupa papapa.
Helu 10. (Rough and Ready)
E waiwai iho oe i ka iwi uha o ka bipi a hoolapalapa iho iloko o ka wai o na kuaka elima a eono paha no no hora elima. E lawe ae oe i ka hapalua o ka puu kapiki, me ekolu uala pake, elua uala Tahiti me ona mau akaakai ekoli; alaila e okioki iho a maikai a waiho aku i loko o ke kupa me ka nioi pepa a me ka paakai, a hoolapalapa aku iloko o na hora elua. E lawe ae oe i ka iwi a me ka linalina i ka halpalua hora mamua o ka hana ana aku.
Helu 11. (Oyster soup)
E lawe ae oe i hookahi pauna a i elua paha o ka uha bipi keiki a hoolapalapa iho iloko o ke galani wai a hiki i ka wa e hoemi ia iho ai a lilio i mau kuaka o ka wai olepe, A pau ia; kapi iho i ka paakai me ka nioi pepa e like me kou makemake. E hoo mua iho oe i ka olepe i umikumalima minute mamua o kou hana ana. Alaila, e hoo iho oe i eumi barena liilii iloko i eumi minute mamua o kou lawe ana ae iluna. E hoi aku oe i hookah hapalua paina waia mahope o ka paila ana.
Helu 12. (Vermicelli soup)
E lawe ae oe i kekahi moa maikai me ka uha bipi, me na uala pake elua, me ka uala kahiti, me ke akaakai me ona wahi paakai, a waiho iho ia mau ea a pau iloko o na kuaka wai eha, a e hoolapalapa iho i ekolu hora ka loihi. A pau ia; e hoo iho oe i elua kiaha ki i piha i ka vamikeli (vermicelli), e hoolapalapa iho i ekolu hora ka loihi. Mamua o kou hoomakaukau ana, e lawe ae oe i na iwi a me na mea ai kanu.
Helu 13. (carrot soup)
E kolikoli iho oe a holoi iho i eono uala pake, e maihi ae nae oe i ka ili ulaula owaha, no ka mea, oia wale no mea hanaia.
A ho-o iho oe ia mea iloko o ke ku-pana (stewpan) galani me ka lau sako a me ke akaakai i kolikoli ia a lahilahi. E lawe ae oe i elua kuaka io bipi,o ka io uha, a me ka hipa a hui pu iho, me ko pani iho i ke kupana a waiho aku maluna o kea hi e a malie ana no na hora elua me ka hapa. E hoolapapa iho oe no na minute elua a i ekolu paha, alaila, kuai iho iloko o ka mea kanana me ke puna laau, a hui aku oe i ke kai o hoolapalapa ia e like me ke kupono i kou makemake. A pau ia, e ho-o iho oe iloko o kekahi kupana maemae, a hoomahanahana iho, a kapi iho i ka paakai, a hui iho i kahi mau palaoa moa i puluhu ia a okioki ia hoi a liilii.
Helu 14. (Plain soup without meat)
E lawe ae oe i hookah kuaka o ka papapa make; me ka malama ihoi ka hapalua paina o ka mea opiopio, alaila, hoo iho iloko o ka wwai wela, a hoolapalapa iho ia mau mea a hikii ka wa e moa ai. A pau ia; e ninini aku oe i ka wai a waiho ae oe ma kahi e, i hiki ai ke hanaia me ke kupa. Ekui oe i ka papapa a pepe loa iloko o kekahi ipu. E baila okoa iho oe i ka papapa opiopio, a hoo iho oe iloko o ka papapa i kuna i elua kuaka o ka wai i baila ia ai lakou; alaila, kowai iho i loko o kekahi kanana.
O keia ano kupa, he kupa paakiki, he ono nae ka mea nui.
Ka lai o ka aina o Kohala.
E ka Nupepa Kuokoa e; Aloha oe:
Ua kaulana keia aina i ka wa mamua, ua kapaia o Kohala aina haaheo i ka lai. Aka, aole no i maopopo ka nani o ka aina o Kohala nei ia manawa. A i ka M.H. 1863, i ka malama o Ianuari, akahi no a kau mai ka ahihi-kekamakahala iluna o keia nina a ka makani i lualai wale iho ai i kea nu o Kolokini.
Mai ka makahiki 1863 a hiki i keia makahiki e naue nei; ia kuhikuhi ia he Ahahui mahi ko ma (Halaula) e kekahi poe waiwai i hui like. Ua palau ia ka aina; ua kanuia, ua pa ia me ka pa uwea, ua hanaia na alanui a maikai. Ua kukulu like ia na hale mana kappa alanui, e like me ke ku ana o na hale ma Honolulu.
Ua lilo keia aina i kaona iloko o keia mau makahiki elua a me ka hapa. A malaila na kanaka e haiamu ai i kela la i keia la, malaila e lawe ia ai na mea kuai o kela ano o keia ano, malaila no e pau pono ai na ono a na Kiakaunu.
A iloko o keia malama o lulai nei; ua kukulu na haole Amerika i ahaaina hoomanao ma ka la 4 o lulai, ka la i kuokoa ai o Amerika. Aia hoi, ua ala mai ka la mai kona kunewa hiamoe ana mai, me na maka olu o ka la i alai ia aku e ke kualau makani i hina ke aloha me ka anoi aloko.
A ma ia la, o ka olu o ke aheahe makani kaui uhi mai maluna o ka lanai Ahaaina. A ma ka hora elua o ka auina la, ua kaiahuakai na kanaka mai ka hale aku o ka luna nui oia o (Wilipaona) a hiki ma ka lanai ahaaina. Ua hoonoho like ia na (haola) ma ka papa aina hookai.
Pule o Keohokii a pau, hoomaka ka paina ana; ua ai na mea a pau me ka malu, aole haunaele, u alai no ka ai ana o ke anaina holookoa mai o a o. Mahope o ka pau ana o ka ahaaina, ua hele kun a haole e kip ui ke kii o Davisa. Ua li ia maluna o ka amana laau, ua kin a haole a pau i ka i ke kii i hanaia a like me ke kanaka, Ua hookomoia me ka palulu, lolewawae, kamaa, papale.
A pau ke kip u ana; ua kauo hele ia ke kii o Davisa ma ke alanui me ka hoomamoino loa ia, kui ia ke poo, a me kona kino holookoa a puni. Ma ia po ana iho, hore 7 a me ka hapa, ua hoololo ia kea hi kao lele , a mahope o ka pau ana o kea hi kao lele, ua puhi ia ke kii kino o Davisa o ke ahi.
Aka hoi, ua kauia no ka Hae Amerika maluna o ka pahuhae e welo anai ka makani pahuhae e ae. O ka nui o na kanaka kekahi mea nani ma ia la, ua hoopiha pu ia na aoao alanuii na kanaka, a me na lio. Aole e hiki ke holo ka lio no ka nui launa pono ole mai; ma ka nana wale aku aneane e 3.000 tausani lio a oi aku paha e hiki i ka 5 kanaka e hele wawae ana ma ke alanui.
Ma ke kokoke ana aku o ka la e waiho ma kona rumi moe, ua ki ia ai ka Hae Amerika i lalo, me ke kani mau aku no o ka pu a hikii ka haalele loa ana mai a ka la a ka mea mehana. Ma ka lohe ana aku i na leo o na haole, a me na kanaka maoli, a peneia ua leo la. “Pau ka hoomanao ana ia Honolulu;” ua hiki mai o Honolulu maanei. Ma ka hora ewalu o ka po ua Huron a mea a pau me na leo olioli no ka lanakila ana o Amerika.
E ka Luna Hooponopono, e hoomanawanui aku oe me ke aloha. Ua pau me ka mahalo. S.K. Kahanuala.
Makalapa, Kohala , Iulai 5, 1965
Ka make ano o Mr.R. Wehea, ma Kaoawai, Honolulu
E ka nupepa Kuokoa R; Aloha oe; Ka ahai lono o na mokupuni he 12 o Hawaii nei; a me na wahi e ae o ka honua nei. E hiki ia o eke hai aku ma na palena kai o keia maupae aina , i ike mai ai kona nui a me kona lehulehu e noho ana ma na kuaaina a me kea lo Alii, a me kona mau makamaka e ae a pau e noho ana i ka la wela i Kumukahi a me Makiloa, i Kohala, Hawaoo, a me kona mau hoa haihai olelo o na la a ka manu liwi e inu ana i ka wai o kana pua lehua, a me na hoa alo ehu lepo o Ulakohea, i koonmanawanui iho i ka ua a me ka makani o ka hoolio, a ka la wela o ka makalii, a puunauo iho ai no hoi i na hakina pauole a ka makemake he aloha.
Ma ka la 13 o Iulai M.H. 1865. Make aku la o R. Wehea me kona mai no. A penei ke kumu o kona mai ana, ua mai no oia mamua aku o ka wa i hanau ai i ke keiki, he pata ma ka waha kona mai, a ma ka la 26 o June, hanau mai la oia he kaikamahine a ke ola nei no a, ia Manawa ponoole mai la ka waha no ka nui loa o ka eha, o kona mai iho la no ia i make ai, a o ka nui o kona mau makahiki o ke ola ana a make aku la, he 34 me 6 malama a me 12 la keu. Ua hanau oia ma makiloa, i kohala, Hawaii, i ka A.D. 1830. A ma ka la 13 o Iulai make iho la oia. A no ke kaumaha o ko maua naau no ke aloha nui launa ole mai iaia, a nalaila, ua haku iho maua i wahi kanikau aloha nona i ko maua makua hine. A penei ua wahi kanikau la.
He mele Kanikau nou e Wehea,
Kanikau la he aloha.
Nou no e Makuahine,
Ua hala e aku oe,
I ke ala hoi ole mai,
Au iho nei makou,
Aole oe i loaa,
Ua lawe aku ke Akua,
I ka mea nui la he uhane,
Noho iho nei makou,
Me ka u me ka minamina,
Na keiki a pau,
I ko kino wailua,
Haalele mai nei oe,
I ka pili a kakou,
Ai aku nei paha oe,
I ka luna o Kaimanahila,
Nana aku ka uhane,
O ka maka o ka opua,
I ka lele mai a ke ao,
O ka aina hanau,
Kaunui aku ka uhane
O ka luna o Ihuanu,
I ke ahe a ka makani,
O ka lau o ka amau,
Kahuli lua i ka ino,
He aloha no Puuhue,
Noho i ka uka iuiu,
O ia uka anuanu,
Lohe i ka leo o ka manu,
Huli nana ka uhane,
I ka luna o Kehena,
I’oohenahena o Kalala,
I ke kula o Pahinahina,
Ake aku no ka uhane,
I ka luna o Ohialele,
O ka lele mai a ke ao,
Maluna o Maunakea,
Auwe ka mea aloha he makua-e,
NA EMERIA KALEILEHUA.
Kuu makuahine mai ka la welawela o Honolulu,
Mai ka huikau lua o ke kaona,
A mai ka pihe ua lua la o Ulakoheo,
Kuu makuahine mai ka malu hale la o Haleola,
Ola kaua i ka ai haaheo mai iluna o ka ai,
Aloha oe ka mauka ka hoa pili o ke kino,
Auwe kuu makuahine-e.
Kuu makuahine ma ka piina ikiiki o Leleo,
Mai ka la koehaeha i Kuiahonu,
A mai ke kula wela la o Keoneula,
A hoomaha ae i ka olu o ka wai o Kaoawai,
Aloha ia wahi a kakou e pukukui ai,
Auwe kuu makuahine-e.
Kuu makuahine mai ka ale hulilua la o ka moana,
Na ka ihu o Neti kaua i lawe aku,
A hiki i na ale hulilua la o Pailolo.
Aloha i ka malu ulu o Lele,
I ka lawe haaheo ia e ka makani he Kauaula,
Auwe kuu makuahine-e,
Kuu makuahine mai ke kai lipolipo la Alenuihaha,
Ike aku kakou i ka hono o na moku,
Aloha ke awa ku moku la e Honoipu,
A me ka piina loa la e Kehoni,
Aloha ka iho la e ka lio,
A me ke kula pili enaena i ka la,
Auwe kuu makuahine-e.
Kuu makuahike mai ke kula loa la e Honomakau,
Mea ole puehuehu i ka ihu o ka lio,
Aloha Mauna-hoomahui e alo nei i ke anu,
Aloha Ihianu i ke ahe a ka makani.
Aloha Puuhue i na makani paio,
Auwe kuu makuahine-e,
Kuu makuahine mai ka wai hoeha ili o Niulii,
Mai ka ua hehi mai iluna o ka lauhala,
Hala oe ka makua ka mea aloha,
Ke noho nei makou me ka u me ka minamina ia oe.
I kou hele hookahi ana aole lua.
Auwe kuu makuahine-e.
MRS. Y ALAPAI.
Kuu makuahine mai ka wai huihui la e Kaoawai,
Oia wai awili pu ia no me ke aloha,
Aloha ke kino i nalo iho nei,
Huna na maka nalo i ke ao uli
I ke no polohiwa a kanaloa,
Pakui wale i ke ala o ka hinalo kahi mea like,
Ka maile laulii o Koiahi,
Laau aala o ka mauna,
I pulu i ka ua Apuakea, akea oe la kaawale loa,
Auwe kuu aloha pau ole la he makua,
Kuu makua hine mai ka ai haaheo o ke kaona.
A mai ka ia mililima la o Ulakoheo,
A mai ka wai kahe mai la iloko o ka piula,
A mai ka hale piha la i na kanaka la e Haleola.
Aloha na keiki ua hele oe ka makua,
Auwe kuu aloha pau ole la he makua,
Kuu makuahine mai ka hele kuilua o Kaukeano
O ia leo hoene mai i ke kulu aumoe,
Moe oe pau ka huli ka oni ana a ke kino,
Kuu aku la ka luhi i ka la o Kawaiahao,
Nana aku oe o ka holu mai a ka lau luia i ka makani
Auwe kuu aloha pau ole he makua.
Kuu makuahine mai ka piha kanaka la o Ainahou.
Mai ka ululaau ma kai o Mamala,
Mai ka ihu o ka moku la e Kilauea,
Au aku kakou o ke kai o Kaiwi,
A hiki aku i ka pohu malino o Lele,
Auwe kuu aloha pau ole la he makua.
Kuu makuahine mai ke awa kumoku la e Kalepolepo,
Mai ke ahe makani la e makena
Alo aku kakou o ka lae makani o Kaoio,
A hiki aku i na aie huilua o Alenuihaha,
A hoomaha aku ka luhii Honoipu,
Auwe kuu mea pau ole he makua,
Kuu makuahine mai ke kula loa la e Ha@li@rama,
Oia kula mehameha kanaka ole,
Hoolaukanaka i ka leo o ke kai,
Kuu makuhine mai ka ua kipuupuu la e Mahukona,
O ia ua kilihune mai la i ke pili
I pili aloha ia e kakou ka la o Kawaihae
Auwe kuu minamina pau ole la he
makua,
Na Ahilala.
Haleola, Ulakoheo, Honolulu. Aug. 14. 1864
Laau Lapaau
Aia ma kahi o
Kakela Me Kuke
Ma Honolulu
J.T. Gower-Makawao, Maui
J.D. Havekost.—Wailuku, Maui
C. H. WETMORE.---HILO, HAWAII,
J.W. Smith-Koloa, Kauai
HE LAAU KAHIKO, A HE MAOPOPO NO HOI
LAAU HOOPAU NAIO ME NA KOE
A DR. JAYNE
HE NUI NA PILIKIA O KAMALII I KA Naio a me ke Koe, a pela hoi na kanaka makua. O ka hope oia mau kolo, oia ka lolo. Oia mau mea kolo hope oia ka lolo, a o ka make hoi i kekahi manawa, a nolaila mai na mai e ne kekahi, e like me ka lepo paa, naiulu, pehu, ukake, a me na mae e ae.
O ka laau no keia e pau ai ua mau mea ino nei.
Eia hoi kekahi. O ka laau ku pono keia i ka poe pilikia i ka wela o ka houpo; i ka ono ole i ka ai; i ka nawaliwali o ke kino i ka mai pehu; i ka nalulu hoopailua; i ka pono ole o ka mai wahine; a me na mea like.
Penei no e inu ai i ka laau hoopau naio me na koe:
Ina no kamalii, e hanai aku i hookahi hapakolu o ka pana ki, i ka manawa hookahi no ke keiki malalo iho o ka makahiki hookahi. Mai ka makahiki hookahi a hiki i na makahiki ekolu, elua hapakolu o ka puna ka pono. Malaila a i na makahiki eono, hookahi no puna okoa ka pono, a malaila aku a i ka wa kanaka makua, e hanai i elua, a i ekolu paha puna i ka wa hookahi. I ka wa e inu ai, e hui i ka laau me ka pa ha o ka wai maoli. Oia hoi, in a hookahi ka puna laau, alaila, e huiia me na puna wai maoli eha; a pela no e inu ai ma ke kakahiaka awakea a me ke ahiahi. Aka, i nui ka pilikia, alaila, pono no elima inu ana i ka la, penei; kakahiaka, kiekie ka la, awakea, auwi ka la, ahiahi.
E inu mamua o ka ai ana, aole kokoke mahope iho.
Laau hoopaa Hi a Dr. Jayne.
JAYNE'S CARMINATIVE BALSAM.
--------
He laau maikai a oluolu hoi keia no ka Hi, ka Nahu, Nalulu, Wela o ka Houpo, Haoa, Hoopailua wale, Luai, Luai moku, ono ole i ka ai, Nahu me ka uwe no hoi o na keiki uuku, a me na mai like he nui.
Emo ole ka oluolu o ua mau mai nei i keia laau.
Penei e inu ai, i ka inu ana hookahi. Ina he keiki akahi paha ona malama, a elua paha, he umikumamalua paha kulu a hiki i ka iwakalua ka pono.
Ina he keiki mai na malama eono a hiki i na malama ewalu, he hapalua puna ki ka pono. Mai ka makahiki hookahi a hiki i elua, e inu no ia i puna ki okoa. Mai ka hiku a i ka walu o ka makahiki, elua puna ka pono, a no kanaka makua, he puna nui ka e inu ia i ka manawa hookahi.
A inu ea, e hui me ka wai maoli uuku, (a like a like ka wai me ka laau,) a pela e inu ae ai. Ekolu, eha elima paha inu ana i ka la hookahi, e like me ka nui o ka pilikia.
I akaka nae. Ina he nui ka wela, a ina ua komo kekahi ai pono ole iloko o ka opu, e aho e moni e mamua i mau Hu'ale Ola, a i ole, e inu i wahi paakai, a i wahi aila paha, i hemo e ka mea ino oloko, alaila e inu i keia Laau hoopaa hi.
Ina e luai ka mea mai, mahope o ka inu ana i ka Laau, a pau a i ka luaiia, e hanai hou aku no e like me mamua; a pela no a pinepine, a oluolu hoi ko loko, a waho malie no hoi ka laau ma ka opu.
Aohe a makou mea e noi aku ai i ka lehulehu, hookahi wale no o ke kauoha aku ia lakou e HOAO PONO i na
LAAU KUNU O KAUKA JAYNE
hoike aku ai i ka ola o na mea a pau i hoakakaia no kana mua laau. Ua hoola, a e hiki ana no ke hoola i ka mai ia.
KUNU, NAHU, a me ke ANU,
a me na mai e ae no hoi he nui wale; a o na mai HOKII no i ola nui, na mai i ola ole i na laau e ae. E aho e hoao oukou o ka poe i mai ia.
HE KUHA KOKO ANEI KOU?
HE KUNU ANEI KOU?
HE EHA ANEI KOU KANIA-I?
HE KUNU UMII ANEI kou me ka NAE?
AOLE ANEI OU MAI KUNU?
AOLE ANEI OU MAI NAENAE?
AOLE ANEI OU EHA ma ka UMAUMA?
AOLE ANEI OU KUNU KALEA?
AOLE ANEI OU HUI ma ka Iwiaoao?
A ina ua loaa ia oe ia mau mai, alaila, e ike oe i ke ola keia LAAU KUNU a Kauka Jayne.
NA MAI HOOPAILUA.
Mai o ke Ake.
Mai Nalulu a me ka mai Dyspepsia.
(O ka nawaliwali o ka puu hoowali ai, iloko o ko kakou mau waihona ai.)
He pono ke ai koke i ka laau a Huaale Ola a Kauka Jayne, he laau oluolu, a he ola no hoi. Aohe no he mai i nele ke makemake i na laau hoonaha; a mai nui no hoi ka poe e ola ana, me ka oluolu no hoi, ina e hoomaopopoia, a e inu ia no hoi ua mau laau la. Aole no e oluolu pono kekahi mea oiai e inoino ana oloko o kona kino; a ua ulu nui ae no hoi ka mai, a i kekahi manawa ua make no, a ina e malama pono ia a e inu hoi i na Huaale Naha, alaila, oia no. No ka hooiaio ia ana mai o keia mau mea, nolaila, ke hoolaha ia aku nei ka
HUAALE OLA A DR. JAYNE.
Me ka hiki ke hooia'ku i ka maikai, a na ka hoao ana i hoike maopopo mai i ka oi o ke ola keia laau mamua o na laau e ae, a me ka maikai no hoi o ka inu ana, a me ke ola maoli no hoi. A ina no e inu ana ia laau, aole no he mau mea i hookapuia, oia ka ai ana a me ka inu ana. Aole e ino ke waiho loihi, no ka mea, ua hana ia no a maikai loa. A ina e inu ia ua hikiwawe loa ka hehee iloko o ka puu waiho ai. Ma ka inu ana ma ka haawina liilii, he maikai loa no ka naha ana, a he oluolu no hoi, a me ka holoi pau i ke ino oloko o ka opu.
DISIPEPESIA.
(Oia ka mai ono ole o ka ai i kekahi manawa, a me ka hoowalipono ole ia hoi o ka ai iloko o ka puu moni ai.)
O keia Huaale Hoola a Kauka Jayne, he maikai loa no ka hooikaika ana ia mau oihana o ko kakou mau kino. Ina ua loihi loa ka mai ana, alaila, e hikiwawe ke ola ke inu puia ka
Huaale me ka Laau Hoomaemae Koko
a hoopau NAIO me na KOE, A Kauka JAYNE,
Like me ka mea i kuhikuhiia mawaho o ka wahi o ka laau.
NO NA MAI MA KE AKE,
MAI LENA,
MAI MA KA OPU HANAWAI,
NA MAI WELA,
KA HAALULU,
KA MAI O KA ILI,
KOKO INO,
MAI NALULU,
PAA O KA LEPO,
MAI KUNA,
MAI WAHINE,
ame ka MAI HOOPAILUA.
Ua maopopo loa ke OLA o keia mau HUAALE. A o ka mea wale no i koe i ka lehulehu o ka hoao pono ia mau hua. A he maikai no hoi na laau o Kauka Jayne, no ka hoola ana i na mai
PUHA,
ALAALA,
KAOKAO,
PUUPUU,
PEHU,
KUNAKUNA,
Hanene, Lolo,
na mai wahine, a me na mai e ae, no ke KOKO a inoino ma kana
LAAU HOOMAEMAE KOKO. 189-2t