Ka Nupepa Kuokoa, Volume V, Number 5, 3 February 1866 — Page 3
Ka Nupepa Kuokoa.
English Column.
By the steamer Ajax we have news from San Fransisco to the 13th of last month, and from Europe to the 22nd of December.
The United States of America .
Congress has just passed a law giving negroes the right to vote in the District of Columbia . On the 20th of December Secretary Sweard issued a proclamation, declaring that the proposed amendment to the Constitution of the United States abolishing slavery everywhere, had become part of the Constitution, having been ratified by the Legislatures of 27 states. A bill had been proposed in Congress to protect the rights of the freed negroes to give testimony in court, to sue and be sued, to own land, to engage in any made or profession, &c. A bill has been proposed to organize a regular standing army of 100,000 men. Another bill has been proposed to incorporate a second Pacific Railroad Co. to build a railroad from Northern Texas through New Mexico to Southern California .
False reports were spread all through the South just before Christmas by Secessionists that the negroes intended to rise in insurrection on that day, and murder their former masters. The negroes had bonfires and rejoicings on that day, but there was no disturbance except at Alexandria in Virginia , where a riot was caused by white secessionists.
The Irish society, called the Fenians, is still split up into factions, quarreling among themselves, and laughed at by all outsiders.
The pirate Semmes has been arrested and is to be tried at Washington , for violating the usages of war.
Kee, the Keeper of the rebel prison is to be tried by Court Martial at Raleigh , North Carolina , for cruelty to his prisoners. In looking over the list of naval officers who have received prize money, we find Lieut. Wm. B. Cushing's name down for $16,100 dollars.
Mexico .
The Empress (Maximilian's wife) had just returned, December 20th, from a visit to Yucatan and expected soon to sail for Europe . It is reported by some that Maximilian himself will soon follow his wife to Europe . He and his friends deny it, and declare that his government is a fixed fact.
Some of Juarez ' party have made an estimate that 7000 persons have been executed by court martials in Mexico by Maximilian's orders!
In the peninsular of Lower California a revolution has just taken place, and the officials turned out for being favorable to Maximilian.
Jamaica .
The British Government has suspended the governor of Jamaica from office, and ordered a Committee to inquire into the facts about the late disturbance there, and the cruelties committed by the English soldiers. It will be remembered that 2000 negroes had been executed on account of the riot at Morant Bay . Hundreds of others received a terrible flogging though nothing could be proved against them. One of these, after receiving 50 lashes with a cat-o-nine-tails grit his teeth and "looked defiantly" at his tormentor. For this the officer ordered him to be taken instantly from the cannon to which he was lashed, and hung. It was done. Yet the governor defends the conduct of his soldiers.
Peru .
The revolution in Peru , as has been stated was entirely successful. Lima was taken Nov. 6th. It is reported that Peru will aid Chili against the Spanish fleet. She can send to her aid two 40 gun steam frigates, and two very swift 16 gun steam sloops of war, and some smaller vessels.
Chile .
While Spain was at war with Peru last year, Chili showed sympathy with Peru, and forbade the sale of coal to either party, Chili refused to make a sufficiently humble apology to Spain for this, and hence the present war. The Spanish Admiral having six men of war has declared the six principal ports, Valparaiso, Talcahuano, Coquimbo, Caldero, Tomi and Valdivia blockaded.
We now hear that the Esmeralda, a Chilian frigate, captured the Spanish gun boat Covodongo off Papudo, 40 miles North Valparaiso having on baord the Spanish Admiral and 110 men, on the 28th of November. She also took the launch of the Spanish gun boat Resolute with one cannon and 40 men. The latest news is that a steamer is on her way from New York to Chile with a quantity of torpedoes and a picked crew for the purpose of destroying the Spanish fleet.
Paraguay .
The Paraguayan army has left Corrientes , crossed the Parana river and retreated into their own country. The Brazilian fleet was at the mouth of the Paraguay river . Their army was to be sent up the river in steamers.
Europe .
The European papers say that the object Gen. Schofield's visit to Europe , is to purchase for the United States the island of Spezzia , belonging to Greece , an excellent naval station. This supposed discovery has caused quite a sensation in Europe .
The number of persons that died of the cholera in Paris was 6000. Cholera is raging on the island of Guadaloupe in the West Indies .
NU HOU O NA AINA E MAI .
Ma ke ku ana mai nei o ka mokuahi Ekeka ( Ajax ,) ua loaa mai na nu hou, mai mua mai a hiki i ka la 13 o Ianuari mai Kapalakiko mai, a me na nuhou o Europa, mai mua mai a hiki i ka la 22 o Dekemaba. Aole no nae he ano nui loa o na mea hou.
Amerika Huipuia.
NO KA AHAOLELO.
Ua halawai mai nei ka Ahaolelo o Amerika, aka nae aole he wahi mea ano nui hookahi i hooholoia. Ua hoolaha ae na nupepa o Amerika i na olelo hoakaka loihi mai kela Kuhina, keia Kuhina mai, a ma ka Kenela Kalani noi, ua hooholo ae ka Ahaolelo i Kanawai e ae ana i na negero e koho balota ma Kolumebia. A ma ka la 20 o Dekemaba, ua hoopuka ae ke Kakauolelo nui o ke Aupuni, i kekahi olelo hoolaha e i ana, ua pakui hou ia kekahi pauku Kanawai hou iloko o ke Kumukanawai o Amerika Huipuia, e hooki ana i ka hookauwakuapaa ana ma kela wahi keia wahi, a ua lilo ia i Pauku no ke Kumukanawai, ma ka hooholo ana a na Lunamakaainana, o na Mokuaina he 27. Ua hapai ia ae he bila iloko o ka Ahaolelo, e papa ana i na pono o na negero i hookuuia i ke ku ana imua o ka Ahahookolokolo ma ka hoopii ana, a hoopii'a mai paha, no ka loaa ana o kahi aina ponoi, a hana paha i ka hana e waiwai ai. Ua hapai ia ae no he bila, e noi ana e malama hou ia i puali koa ku mau i 100,000 ka nui o na koa. Eia hou kahi bila i hapai ia ae, e noi ana i lua no ka Ahahui hana alahao Pakipika e kukulu ai i alahao, mai ka aoao akau mai o Tekaka (Texas), a moe aku ma Mekiko Hou, a hiki loa aku ma ka aoao hema o Kalifonia.
Ua holo aku ke Kuhina noho o Amerika me kona ohana ma Havana i ka hoolana mai. I ka la 30 o Dekemaba ka holo ana mai Nu Ioka ae.
Haunaele no ka la Kerimasa.
Ua kukui ae ka lono hewa ma ka Hema a puni, mamua iki iho o ka la hanau o Kristo, na na kipi i hoike wahahee ae, me ka i ana, e hoohaunaele ana na negero ma ia la, a e pepehi ana i na haku mua. Hookui ae la na negero i ahi olioli me ka hauoli nui ia la, aka nae, aole he haunaele malaila ia la, aia ka haunaele ma Alekanederia ma Viregenia, na na kipi no nae ke kumu o ka haunaele ana. Ma ka la 2 o Ianuari, ua loaa'e ia Kenela Pama (Gen. Palmer), 4000 negero ma Louisevile, ma Kenetuke, me kona hai aku ia lakou, ua ku oukou i ka wa ua hololea.
Ka poe Feniana (Fenian.)
O ka poe hui o lrelani, o lakou kai kapaia ka poe Feniana, a ke mau nei no ko lakou paonioni ana. O Setepano (Stevens), oia hoi ko lakou luna nui, ua pakele aku oia mai ka hale paahao aku o Dubelina, a eia oia ma Parisa, e like me ka mea i hoikeia mamua aku nei. Nui na palapala i loaa ma kona hale e hoike ana i ke Aupuni Beritania no na mea a lakou i makemake ai. Ma ka manao ana o kahi poe, he kiu no oia no ke Aupuni ma na mea e pono ai, a no ia mea i hopu ia ai, no ke kuhihewaia, ua hoopaahaoia oia e kiu i na ouli, a ma ia mea i kokua ai ke Aupuni ia ia ma ka hoopakele ana. Aka, aole paha pela.
Ua hoopiiia mai nei o Semi (Semmes), Kapena o ka moku kipi Alebama, a e hookolokoloia ana i Wasinetona. O Kee, oia hoi ke kiai puka o ka halepaahao o na kipi, oia kekahi e hookolokoloia ana ma Rale ma Karolina Akau, no ka hanaino i na pio.
Ma ka nana ana i ka papa inoa o na'lii manuwa nona ka lawe pio ana i na moku kipi, a kudalaia na moku, a loaa mai ke dala, alaila, maheleia iwaena o na'lii nana i hoopio, a ua ike iho makou, o WM. B. Kukini (Cushing) kekahi mea i loaa ka puu dala, he $16,100.00.
No Mesiko.
Ma ka la 20 o Dekemaba i hala aku nei, ka hoi ana ae o ka wahine a Makimiliama, mai kona hele ana e ike ia Ukatana ( Yucatan ), a ua manaoia e holo loa ana i Europa. Ua hoikeia mai no hoi, e hahai koke ana no ka o ua o Makimiliama i ka wahine ana i Europa. Ua hoole oia a me kona mau makamaka ia mea, a i iho la, "O ko'u Aupuni, he Aupuni paa o ka oiaio."
Ua lohe ia mai no hoi kekahi mea mai Mesiko mai, oia hoi ka hui malu ana o Farani, Enelani, Sepania, Auseturia a me Italia e hoomau i ka noho aupuni ana o Makimiliama. O ka lono o na mokuaina kahi i hanaia ai keia, he 16 malama mamua aku o ka manawa i manaoia ai e lilo i na kipi. Aole no hoi i hoolahaia i keia wa keia olelo malu, a nolaila, he kanalua no ko makou i ka oiaio o keia moolelo.
Ma ka la 18 o Dekemaba i hala aku nei, ua nee hope ae o Juarez i Kihuahua, kahi a na koa Farani i anai ai. A ma kahakai hikina hema ma Akapalako (Acupulco), a me Mazatana (Mazattan) i pio ai na koa o Farani, a kakau mai la o Alevereza (Alverez) me ka i ana, ua lanakila na koa o Juareza. A o Ken. Diaza (Diaz) hoi, ke noke mai nei no i ke kaua me na koa Farani ma ka waena konu o ka aina. Ke ake nei na aoao a elua e lanakila ma Morelo (Morelos.)
O kekahi o ko Juareza mau poe kuka, ua manaoia, he 7000 kanaka i pepehi hoomainoinoia e Couna Makiala iloko o Mesiko, ma ke kauoha a Makimiliama. Ano, ma kekahi o na kaua weliweli o Amerika Huipuia i hala aku nei, ma ka mea i kakauia ma ka moolelo, aole i oi aku mamua o 12 poe i pepehi hoomainoinoia, a he poe ino no hoi lakou e like me Wireza.
Ma ka anemoku o Kaleponia Lalo, ke kaua kuwaho malaila, a o na luna koa oia poe, ua hoopau ia, no ko lakou makemake e kokua ia Makimiliama.
Ua lilo ae ia Gen. Ekobada (he Kenela Mesiko oia,) o Monotare ( Monterey ) aia no ia wahi ma ka aoao hikina mai na koa Farani mai, aka, ma ia hope koke mai no o ka puehu no ia. A ma ia wa mai, hoike ae la o Farani, ua pio oia ma kahi e kokoke ana ia wahi.
Ma Rio Gerenade, ua hoohui ae o Gen. Keropoda (Crowford) iaia iho me ka poe Mesiko, (o kekahi keia o na Kenela kipi), a pela i mahuahua ai na koa o lakou ma Tekaka. O Mehia hoi ka lunanui ma Matamora, ua nui kona hopohopo, a no ia mea, ua pio oia i na koa Farani he 12,000.
Ua hiki pinepine mai na pilikia ma Mesiko mai Farani mai. I ka la 6 a me ka la 11 o Dekemaba ua hiki ae he 15,000 koa Farani ma Vera Keruza, me ka helu ole ia o na pukuniahi a me na lako kaua e ae. O ka pakaua o ke kulanakauhale, ua makaukau no i na pu nui.
Ke kukulu nei he poe hui no Beretania i alahao mai Vere Keruza a hiki i Mesiko, e manao ana no hoi kekahi poe hui o Farani e hana i alahao mai Mesiko a hiki loa aku i ke kapakai o ka Pakipika.
Ke holo nei kekahi mau olelo mawaena o ke Aupuni o Amerika Huipuia a me Farani no ka hana pono ole a Makimiliama. Eia ka hana pono ole mua, o ke ki poka ana i kekahi mau Kenela i hele a opili i ke anu, me ka helu ole ia o na koa i make pu ma ia hana ino ana, a me na'lii koa ia lakou e kiai ana i na pio o ke kaua. Eia hoi kekahi, o ka hana ana ma ke ano hookauwakuapaa aku ia hai. Nolaila, olelo iho la ke Aupuni Farani penei, " O Makimiliama wale no ke uku. Aole o lakou hooponopono ana maluna ona."
Iamaika.
Ua paialewaia ae ke Kiaaina o Iamaika e ke Aupuni Beritania mai na oihana mai, a ua kauoha mai i Komite e ninaninau pono no na mea a pau e pili ana i ka haunaele hope iho nei malaila, a me ka hana ino ana a na koa Beritania. Ua hoomanao paha oukou, he 2000 negero i pepehi hoomainoinoia no ke kipikipi ana iho nei mamua ma Morata Boe. He nui loa aku o lakou i hahau inoino loa ia, aka, aohe nae he mea e hooiaio io mai ana i kekahi mau kumu e kue aku ai ia lakou. O kekahi o keia poe, mahope o kona hiliia ana i na kaula he 50 ma ka uipa 9 welowelo uwi kona mau niho, a nana huhu aku la i ka mea nana e hili ana. No keia mea, ua kauoha ka lunakoa, e lawe koke iaia mai ka pukuniahi mai ona i hiliia ai, a e kau ae iaia ma ka amana. Ua hana ia no pela. Aka, ua hoole loa ke Kiaaina no keia hana ino a kona mau koa.
No Kile.
I ka wa a Sepania e kaua ana me Peru, i ka makahiki i hala aku nei, ua hoike aku o Kile i kona aloha ia Peru, a ua papa aku i ke kuai ana i ka nanahu i na aoao elua. Ua hoole loa o Kile i ka hoohaahaa iho iaia no na mea e manaoia e kaua ana me Sepania, no keia kumu mai ke kaua i keia wa. O ka Adimarada Sepania, me na moku kaua eono, ua hoakaka ae oia e hoopuni i na kulanakauhale nui eono o Peru , oia o Valaparaiso, Talacahuano, Coquimabo, Caladesa, Tomi a me Valabivia. Ua lohe mai nei no hoi makou, ua lawe pio ia e ka moku kaua Kile kekahi moku Sepania, o Covodongo kona inoa, ma o aku o Papudo, he 40 mile ma ka akau aku o Valaparaiso, maluna oia moku ka Adimarala Sepania me na kanaka 110. Ma ka la 28 o Novemaba keia lawepio ia ana. Ua laweia a kolo ia aku ua moko Sepania la me kona pu hookahi a me na kanaka he kanakolu. O ka nu i lohe waleia mai, eia paha kekahi moku ke holo mai nei mai Nu Ioka mai, e holo ana i Kile, me na mea pahu (torpedoes), a he mau kanaka wae ko ua moku la no ka manao e kue aku i ka aumoku Sepania. E haawiia ana he 20,000 dala gula i ke Kapena o ka moku, ina e hoopilikia a hoopio paha i ka moku o ka Adimarala. O na aupuni a pau o Europa, a me Amerika Huipuia no hoi, ua like ko lakou mau manao me ko Kile ma ke kumu hakaka. Ua hoouna aku o Enelani a me Farani i mau mea nana e uwao, a e hooponopono ai me Sepania. Ua haiia mai, ma ka la 16 o Dekemaba, ua ae oia i na mea uwao i hoounaia aku, aka, aole nae i maopopo loa.
No Peru .
O ke kaua kuwaho maloko o na palena o Peru , ua oiaio loa no. Ua lawepioia ke kulanakauhale o Lima , ma ka la 6 o Novemaba. O ka Peresidena hope iho nei, o Pezeta, ua holo malu aku maluna o ka moku manuwa Beritania, a ua hala aku i Farani. O ka Peresidena hou, o Canaseco, ua manao oia e keakea aku i ka poe Paniolo. Ke lohe wale ia mai nei, e kokua ana paha o Peru ia Kile, ma ke kue ana aku i na aumoku Sepania. E hiki no iaia ke hoouna aku i elua mau mokuahi kaua, i 40 pukuniahi pakahi, a i elua mau moku holo loa, he 16 mau pukuniahi pakahi, a me kekahi mau moku uuku iki iho.
Paragua.
Ua haalele iho ka puali kaua Paragua ia Conavieta, a ua a-e aku ma o o ka muliwai Parana , a hoi aku ia i ko lakou aina ponoi iho. O ka aumoku Berazila, aia ma ka waha o ka muliwai Paragua. O ko lakou mau koa, ua hoounaia aku i uka ma ka muliwai, maluna o ka mokuahi.
Europa.
O ka huina o na kanaka i make ma Parisa i ka mai korela, he 6,000. O ka mai korela, ke laha ae nei ia ma ka mokupuni o Guadalupe, ma ka pae aina o Inia Komohana. Ua oi aku mamua o 50,000 bipi i make i ka mai luku ma Enelani. Mai ka make ana o ka Moi Leopolaka o Belegiuma, ua lohe ia mai, ua maheleia ke Aupuni mawaena o Farani, Holani a me Perusia. Ia Farani ka aoao komohana o ua aina la, a ia Holani o Anatawapa a me na wahi e pili ana ; a ia Perusia ka aoao hikina. Pela paha aole paha.
Ke hai mai nei na nupepa o Europa, o ka manao o ko Gen. Sekopila holo ana aku nei i Europa, o ke kuai aku i ka mokupuni o Sepekia no Amerika Huipuia. No Helene kela mokupuni, a he wahi maikai loa no na kulana moku. Ua lilo keia i mea kamailio nuiia ma Europa.
Na Palapala.
Pilikia ke Kilauea .
E KA NUPEPA KUOKOA E ; ALOHA OE :
E hoomanawanui iho oukou i keia mau wahi huaolelo e kau ae la maluna, i ike mai ai ka lehulehu, mai Hawaii o Keawe, a Maui o Kama, Oahu o Kakuhihewa, Kauai o Manokalanipo, i ke kumu i pilikia ai ko kakou mokuahi " Kilauea."
Ka mea nui nana i poai a puni o Hawaii nei, ka mea hoi nana i alo ae i na lae makani o Kau Nui Kuamakani, ka hoa paio o na ale o ka moana.
Ua pilikia ke Kilauea , eia oia ke ku o-i nei i ke kai hawanawana o Kawaihae, ke kiai nei i na nalu o Kapuailima, a eia iho malalo nei ka wehewehe ana i ke kumu i pilikia ai oia.
Ua holo mai oia mai Kona mai i ka poo ka Poalima la 12, ma ia holo ana mai, o ka ka Malamamoku wati no ia, ua hoi iho ke Kapena e hooluolu i kona mau maka, oiai hoi ua luhi oia.
Aole nae oia i hiamoe, e ala ana no, o ka hea mai la no ia o kekahi o na puhiahi, oiai hoi ua ike lakou i ka ili ana, a kahea ae la me ka leo nui, " ua ili ka moku o kakou e!" a palua, pakolu kona kahea ana pela.
O ka pii ae la no ia o ke Kapena a luna o kona wahi e holoholo mau ai, o ka hana iho la no ia e like me kona mana Kapena, hookani iho la i ka pele, i lohe ka mea iaia ke ki, me ka manao o ke Kapena e kue hope ka huila, i hana ae ka hana o ka huila i kona mana, he ole ka hoihope aku o ka moku. Aole no hoi e kaa ae ka huila, no ka mea, ua paa ka huila i ke akoakoa.
O ke ku ihola no ia o Kilauea ma ia wahi a ao ka po, a kakahiaka nui, holo aku la o William Coneway iluna o ka moku, me kona huhu nui loa. Hookahi mea ana i huhu nui loa ai o ka Hulipahu. Ua hai ia mai ke kumu i ili ai o Kilauea, o ka malama ole ia ana o ke kukui awa, aole no i malama ia, ke ola o ka moku ma ka ipukukui, ua houuku loa ia ka a ana o ia kukui, a ua hoonui loa ia ke kukui o ka hale moe o William Coneway. Nolaila ka hahai ana o ka ihu o ka moku i keia kukui, a ili iho la, nahaha iho la ka manaoio.
Ma keia ili ana o ke Kilauea , ua noho kaumaha loa ke Kapena. Aole paha oia nei wale no kai kaumaha, o na Ona no paha kekahi i noho kaumaha, no ka pilikia ana o ko lakou moku, a pela no hoi kakou, ua pilikia pu kakou ma keia mea hookahi, o keia moku ka mea nana i hookokoke i kahi loihi e holo pili aina nei. Ina la paha ua imi ia Puhikeoka, aole o Kilauea ka i kapili ia i ka papa oka, ke hele la a okaoka ke akoakoa, aohe wahi mea a mahinu ae o ka papa, noho ke oo ka maloeloe i keia moku.
Aole no i naha o Kilauea , ua nihomole iki nae ma ke kila, a ma ka hao mahope e pili mai ai ka hoe, ua pelu mai ia hao a pili i ka huila, nolaila aole e hiki i ka huila ke hana ae i kana hana. I ko'u manao aole no e pau ana kona hele ana ma keia mau kai. A nolaila ua haku iho au i wahi Himeni nona, a eia iho ia malalo nei.
" Akahi a holo Kilauea,
Ke u-i mai nei na palaka,
Ke hana mai nei
Hanaio i kana hana,
O ka wili kue a ka huila,
Hana no Hanaio,
Hana la, Hanaio,
Hana no Hanaio,
Peku no Hanaio,
Kahi haole puhi ahi,
O Kilauea."
Aole no i pau ka'u mea i manao ai e kau no na himeni, i hakuia no keia moku. E aloha auanei oukou.
MARYANA.
Kawaihaeuka , Hawaii , Ianuari 22, 1866.
Ka makani me ka ua ma Maui .
Ua hiki hou mai ka makani a me ka ua iloko o keia mau pule elua ae nei, mai ka la 7 ai ka la 20 mai ke kukulu hema mai me ka ikaika loa ma Maui nei ; e hoohina nui ana i na hale noho, hale hana, hale pule, hale kula a me ka hale bele. He Kona ka inoa o keia makani hana aloha ole, aka, aole nae ia he mea na kakou e haohao ai, no ka mea, he hiki no i ke Akua ke hana e like me kona makemake. E hoonani mau ia'ku kona inoa no kana mau hana.
MA NA WAI EHA.
O ka nui o na hale i hoohina ia e keia makani, he kanakolu a oi aku. He mau halelaau kua hou, ua owala pu ia aku, aka, o ka mea nui loa, oia no ka Luakini o Wailuku nei, ua nahaha na puka makani, a o ka aoao makai o luna, ua akaaia, a puehuliilii aku la na pili i ka hao a ka makani Kona. Oia iho ia ka pilikia nui i kau ia iho maluna o na Waieha nei. Aka, ke lana nei ka manao, e hooala hou ia ana a oi aku ka nani mamua ae o ka mea i hala, no ka mea, ua hui iho na hoa a pau o keia berita e hooahu ae i puu dala e lawa pono ai no ka hana hou ana o ka hale hou a nani loa, a hoopau aku i ka nani o ka hale mua. O na haole waiwai nae kekahi e hui mai ana e kokua mai, oia hoi o C. Lui o Waihee, a me ka poe waiwai no a pau, a o Kililika kekahi, he kamaaina ilikeokeo oia no Wailuku nei, a me na keiki no hoi o ka malu he-kuawa o Wailuku nei. Ua hookaawaleia he mau komite noi dala. Ke ike nei au i keia poe waiwai i ko lakou aloha a minamina i ko Iehova hale. Ua pono ; i pono ka oukou hana ia hale, kahi e ao nui ia ai na uhane hoomaloka, aia, a peia aku.
Ua manao no hoi ke Kahu a me kona poe luna kahu waiwai, o luna wale no ke wawahi a hoonee iho, aka, ua hoole ia e na haole, me ko lakou manao nae, e wawahi no a pau loa, a e hana hou aku a nani loa.
Ua lohe mai nae hoi au, e haawi dala ana na poe a pau loa no ua hale nei, i nani ai a hanohano lua ole hoi. He hoike no hoi ia ma keia mau wai, oia ka waiwai puka oi nui loa o keia poe, he waiwai popo ole i ke kau a kau.
MA HANA.
Ua hai pono mai o D. Puhi ia'u, elima ka hale i hina malaila i keia makani. He ua no hoi a ikaika loa.
Iloko o keia makani nui a ikaika launa ole mai, a nui no hoi ka ua. Hookahi mea i oi loa aku, oia hoi ko ke Akua aloha, no ka mea, aole no i lohe ia ua make kekahi iloko o keia mau hale i hina. Aloha na hoa.
H. KAUAIHILO.
Mai Wailuku Maui mai.
Ua ike au i na manao o kuu hoa oia hoi o S. D. Hakuole, ke keiki o ka hau anu o Kula, i haiia ae nei e oe ma na mea hou o Hawaii nei, ma ka Helu 2 hoi o ko kakou waha olelo, i hoopukaia penei, "Auwe! Pau Wailuku i ka mahi ko." Aole ia o ka pololei, e like la me kana i haukawewe ae nei, no ka pau loa ka o Wailuku nei i ka mahi ko ia, wahi ana. He akena wale iho no ia, me he ano hoohoihoi makuahunowai la, no ka mea ea, ua pau no kekahi mau loi, a o ka hapanui nae koe, a ke waiho laula nei no hoi ka aina kula me kona pahanui, aole no i pau i ka mahi ia i ke ko, a o ke kalo hoi, aole no he kau e nalowale ai ia mea. Peia iho la ko'u ike oiaio, aole i like me ka kuu hoa, ua wikiwiki loa kela ma ka hoopuka ana, aole i hoanuu iho, e kilohi ai la hoi a pau pono, alaila la hoi uleu aku, no ka mea, eia hoi ko kakou manao ma ka pololei i keia manawa.
PO MAKANI MA WAILUKU NEI.
Ma ka po o ka la Sabati, a ao Poakahi, a oia hoi ka la 15, ua hao mai ka makni i kona mana a me ka ua pu no hoi, a pono ole no hoi ke hiamoe iho.
Eia nae hoi ka mea hilu ma ua po nei, aohe makou i ike i na nu hou, aka, ma ke ao ana ae, i nana aku auanei ka hana, ua hemo ka pili o kekahi mau hale mai ko lakou mau kulana mua ae ; o ka halekaa hoi o ka poe hui mahi ko o Wailuku nei, ua huli pu ia ; o ka Halepule Hoole Pope hoi, ua puka iho la maluna me he kanaka ohule la ; o kahi hale bele hoi, olepe ia aku waiho mai ana i kahi e, a ke kole nei ke poo o ua wahi hele nei i ka ua i nei mau la, no ka mea, ua hala aku la ka mea nana i pale aku i ka la a me ka ua ; o kekahi mau hale ua hina, a ke waiho nei na wahi ukana i ka la a me ka ua ; o ke ko hoi nei a ka haole a me kanaka, oia no ka mea i holaia'la ka palaha ilalo, a me he mea la no hoi i puhiia la i ke ahi, ka hele ka hoi a mae. Me ke aloha.
O. S. KANUHA—OPIO.
MA KA HALE HOOKOLOKOLO.
E MELE OLIOLI ANA
— O —
BIHOPA WAHINE!
- KA -
PUKANI KAULANA LOA.
— MA KA —
Hale Hookolokolo
-- I KA --
PO O KA POAONO, Feb. 3.
E kokua ana o Mr. Chas. Lascelles iaia ka mea kaulana hoi ma ke mele (oli) ana a ma ka Piana. Ka Uku o ke komo ana. Poe nunui $1.50 Na Keiki .75 E wehe ia ana ka ipuka i ka hora 7 1/2. A e hoomaka ana ka hana i ka hora 8. E loaa ana na Pepe komo (Tickets) ma ka hale kuai o Wini, a ma ka Halekuai laau o Hoffman, a ma ka ipuka. I ke ahiahi o ka Poakahi, e mele hou ana, a o ka po pau loa ia. 220-1t
OLELO HOOLAHA.
E IKE AUANEI NA KANAKA A PAU loa Kanaka, Haole, Pake, Pukiki, a me ka poe mea Halekuai ma Honolulu , a me na wahi e ae o keia Aupuni. Owau o ka mea nona ka inoa malalo iho nei, aole e hoaie i kuu wahine mare ia KAANAANA, no Manana, Ewa, Oahu . Ua haalele kumu ole mai oia ia'u, a ua hele aku me ke kane manuahi me KEALA, a noho ma Makaha, Waianae, ina e hoaie kekahi iaia, aole au e hookau ia aie, a maluna ona ko oukou poho, aole no hoi e hookipa a malama kekahi o keia poe hai ia ae'la maluna a me na makamaka i pili kino iaia, a me kekahi poe e ae, a me ka poe hale hoolimalima ma Honolulu, a me na wahi e ae maloko o keia Aupuni, ina e hookipa kekahi, alaila e hoopili no au ma ke Kanawai o ka MOI KAMEHAMEHA V. i kuu poho a me kuu lilo i ka (OLELO HOOLAHA,) nolaila, o ka lohe ko oukou e malama o umii auanei ke Kanawai o ka aina ia oukou. Me ka mahalo. KEKUA k. Manana, Ewa, Bebuari 1, 1866 218-2ts*
OLELO HOOLAHA.
E KUAI KUDALAIA'NA NA LIO 3 ma ka Pa Aupuni Ma Waiawa, Ewa, ke hiki aku i ka Poaha, oia ka la 8 o Febuari, 1866, hora 9 o ia la, ke ano me ka hao malalo iho
1. Lio k, Hulu losia hao Akau, Ru.
1. Lio w, Eleele lae keokeo loihi hao Akau, WC.
1. Lio w, Ulaula hauliuli eleele me ke keiki, hao Ak. Anoe, He. Anoe.
J. KAHAUOLONO, Luna Pa Aupuni. Waiawa, Ewa, Febuari 1 1866 218-1t
OLELO HOOLAHA.
KE MAKEMAKE IA NEI I KANALIMA kanaka paahana no ka mahiko o (WAIHEE &WAIEHU) o Maui . E ninau ia (J. MALUAIKOO) a me kona poe Hui, aia ma ko lakou Halekuai mea ulu ma (POKELE) e pili ana ma Alanui Nuuanu, ma Honolulu nei. E hele mai ! e hele mai!! Owau no o ko oukou hoaloha. J. MALUAIKOO Honolulu , Oahu , Ianuari 30, 1886. 215 1m
Hale Kuai Hou!
UA WEHE AE NEI AU HE Hale Kuai Hou ! Ma Keopuka, Kona Hema , Hawaii , a, aia malaila e hoaa'i na lole o na ano nu hou a pau, kupono no na kane, na wahine, a me na keiki, no ke kumukuai makepono loa.
O ka poe a pau e makemake ana e kuai i ka lakou Kofe, e lawe mai me a'u e kuai ai, i loaa ke kumukuai nui makepono ma ke Dala maoli, a ma ka lole paha. E hele mai e ike maka e na makamaka. LIKI. (R. B. NEVILLE) Keopuka, Kona Hema , Hawaii , Nov. 23. 1865 206-3m
OLELO HOOLAHA !
E IKE AUANEI NA KANAKA A PAU . O ka'u wahine mare o Kahalekala W, Ua haalele mai i ko maua wahi moe, a me ka maua mau keiki, a ke pee hele nei oia, akolu pule a oi ae kona nalowale ana. Nolaila, ke papa aku nei au i ka poe nana e hookipa nei iaia, ina e ike ia e a'u ka HALE, a me ka mea nona ka HALE e huna nei i kuu wahine, i hoopii no au ma ke Kanawai o ka aina. PAKE Honokaupu, Honolulu, Oahu, Ian. 27, 1866. 217 3t
Lio Nalowale!
UA NALOWALE MAI KA MAHIKO aku ma Nuuanu, he lio wahine eleele, he wahi kiko keokeo ma kona maka. O ka hao kuni, he W.C. O ka mea nona ua Lio la mamua iho nei, o Warren Chamberlain Esq o Waialua. A ua manao wale ia, ua hala ua Lio la ilaila, a ma ia ala paha. O ka mea e hoihoi mai i ua Lio la, e uku kupono ia aku no e. J. H. WOOD Ianuari 16, 1866. 216-4t
Olelo Hoolaha !
E IKE AUANEI NA KANAKA A PAU. Eia ma Kapunahou nei he Lio aole i ikeia kona Ona. No Rapler keia Lio mamua. O kona ano, he Lio opio eleele, a ua hailona ia penei III me kekahi kaha i kau ia maluna o keia mau hua ma kona uha hema. Eia kekahi, he Bipi kane komohewa nui hihia, me na pepeiao hao loihi kakiwi, a o kona hoailona, he OL ma ka aoao akau. 216-3t
OLELO HOOLAHA!
OWAU O KA MEA NONA KA INOA malalo iho nei. Ke papa aku nei au ia oukou e na kanaka a pau loa, na haole, na pukiki, a me na pake, mai hoaie mai oukou i ka'u wahine mare Ia KAIHUKU, no ka mea, ua haalele kumu ole mai oia ia'u, a hele aku oia mamuli o kona makemake iho, a haalele mai ia'u a me ko maua wahi moe, nolaila, ina oukou e hoaie mai iaia, aole au e hookau aku, ke hoaie mai oukou, maluna ona ko oukou poho. S. MANUHIA Kolopo, Honolulu, Ian. 19, 1866 217-3t
Olelo Hoolaha
- A KA -
AHAHUI HOOHOLO MOKUAHI
- A -
MOKU MAOLI KULOKO
- O KO -
Hawaii Pae Aina.
NO KA PILIKIA ANA MAI NEI O KA Mokuahi "KILAUEA." Nolaila e holo ana ka moku kuna "ONWARD," I KAWAIHAE, a me HONOIPU. O Neti Mela Hoi, e holo mau ana ia i LAHAINA. O ALBERNI I HILO, A O ANE LAURIA, I WAIMEA, a me KOLOA, Kauai.
Eia hoi :-- Ina e NOHA IO ke " KILAUEA," alaila, e hooholo koke ia ana no he MOKUAHI hou e kupono ana i keia mau Mokupuni. A o ka poe e makemake ana e holo - E ninau no ia CAPT. F. MOTINA, a i ole ia, ia JANION GREEN & CO., Na Hope o ka Ahahui hooholo Mokuahi a moku maoli Maloko o ko Hawaii Pae Aina. 217-1t