Ka Nupepa Kuokoa, Volume V, Number 16, 21 April 1866 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ke Ola o ke Alii Nui Moi.

            Aole makou e hoopoina ana i ka hai ana aku i ka maikai mau o ka helehelena o ke @a Kino ana o ka Moi, e like me ka makou i lohe, ke pinepine nei ma na pepa o kela pule, o keia pule i hala aku nei, aia no ma Waikiki oia e noho mau nei.

 

Ke Alo Alii.

            Oia mau no o ka nawaliwali o ke Kamalei Alii Wahine V. Kamamalu, a aia no oia i waiho a mai mai la i Haimoeipo-hale. Ke ike nei makou me ke kaumaha o ka naau o kona Ola Kino ana.

            Aole makou i lohe hou mai i kekahi mea hou e ae no ke Ola Kino ana o ke Alii Wahine kaaemake Hakaleleponi, me he mea la, oia mau no, o kona noho ana, aia no ma Haimoeipo, malalo iho o ka olu o kona mau mai.

             Aole a makou mea e ae e hoike aku ai no ke Oia Kino ana o ka Makua Alii M. Kekuanaoa @ he oia mau kona helehelena maikai.

            Kumau no o ka noho ana o ke keiki Alii W. C. Lunalilo ma Waikiki-kai, me kona Ola Kino maikai.

 

Na Mea pili kalepa.

            NO KE KO: Ua kuai ia ma ke kudala 2,532 hapalua barela ko e Messrs Aldrich Me@ ma; mai ka $7.871 a hiki i ka $10.87 1/2. A o ke ko Helu 1 o Hawaii nei mai ka 10 keneta a hiki i ka 11 no ka paona hookahi ma ke kuike. He mau barela ko i hoomaemae hou ia ma ka hale hoomaemae ko he 8.000, ua kuai ia no na dala 225,000, a o keia no hoi ke kuai pii ana o ke ko i ike ia, nolaila, aole he mea e kanalua ai.

            O EA MALAKEKE: Ua loli mau no ke ano o ke kumukahi, mai ke 50 keneta no ke galani, i ka hoomaka ana mai o Maraki a i ke 32 keneta, a i ke 35 keneta no ka paona, a ma keia kumukahi i kuai ia ai he 60,000 galani malakeke i ka la 26 o Maraki; a i ka la 28, ua pii hou ae he 40 keneta.

            NO KA WAIWAI IO ILOKO O NA DALA GULA A ME NA DALA KEOKEO MA KA HOEMI ANA: Kala gula o Auseteralia Pound a Soverign paha e $4.75. Kala gula Auseturia Ducat $@2.00, Souverain $4.50. Kala gula o Belegiuma 25 @rancs $4.50. Kala gula o Bolivia Doubloon $15.00. Kala gula o Berazila 20.000 reis $10.00. Kala gula 20 o Kaleponi he $19.50, Hapalua kini $9.50, Hapaha kini $4.50. Costa Rica 2 Escudos $7.00. Kala gula o Amerika waena 2 Escudos $3.50, 1 Escudos $1.75. Kala gula o Kili Doubloon $15,00, 10 pesos $8.00. Kala gula o Denemaka, 10 thaler $7.50. Kala gula o Ekuadora, 4 Escudos $7.00. Kala gula o Enelani Pound a Sovereign paha $4.75. Kala gula o Farani 40 Francs $750, 20 Francs, new $375, 20 Francs, average $3.75, 5 Francs $0.75. Kala gula o Geremania Akau 10 thaler $7.50. 10 thaler. Prussian $750, Geremania Hema Ducat $2.00. Kala gula o Mekiko, Doubloon, ayer ge $15.00. Kala gula o Netherlands, Guilders $375. Kala gula o Nu Gerenada, Doubloon kahiko, Bogota $15.00, Doubloon kahiko. Papayan $15.00, 10 pesos $8.00. Kala gula o Peru, Doubloon kahiko $15.00, 20 Sales $17.00. Kala gula o Potugala, Gold crown $5.00. Kala gula or Roma 2 1/2 Scada. hou $2.70. Kala gula o Rusia 5 roubles $3.75. Ko Saredenia, au like me ko Farani. Ko Sepania kala gula 100 reals $4.75. Ko Suedena kala gula Ducat $2.00. O na hapaumi kini o Farani, Costa Rica, a me kekahi mau mokuaina e ae o Amerika Hema he $.75.

            E LAHA ANA PAHA KA BEA MAANEI: - Ua lohe lauahea mai makou, au hemo kekahi mau bea a ka haole i lawe mai nei ianei, a ua holo aku, ua mau bea la ma ka ululaau mauka o Makiki. Ma Makiki no kahi i noho iho nei ua haole la me na bea ana, a hiki wale i ka wa i hemo aku la. Ua koe iho kekahi mau bea meia, a ke ninau nei makou, ua pono anei ka hemo ana aku la oia mau bea? I na aole e ki pu ia kela mau bea, alaila, e laha mai ana ia holoholona paha.

            KEIKI HAWAII HOOPAPA: - Ua ike iho makou ma ka nupepa haole a H. M. Wini o kela pule mamua, ua haalele iho o Samuela C. Limaikaika i kona kulana Brigadier Generala iloko o na puali kaua o Amerika, ka mea i alo i na poka a ke kaua weliweli o Hapa Fere, a lawe pio ia aku e ke koa kaulana Iakesona. E eia, ua wahi keiki Hawaii nei , ke hoomaha nei iaia mai kona moe ana mai ma na moe nenelu lua ole o ka pohopoho a i ka rumi koki. Ke manao nei oia, e ao i ka oihana Loio ma Nu Ioka me kona kaikuaana mua aku, Wiliama Limaikaika, ka mea i ao a piha na makahiki i ke kanawai.

            MAKANA WALE IA NA BUKE A ME NA NUPEPA: - Ma ka hole ana o kekahi moku i ka Poakolu iho nei, ua haawi manawalea wale a ka makou i kekahi mau buke heluhelu, a me kekahi mau nupepa Kuokoa, a me ke Alaula, ma ka lima o D. D. Waterman, a nana e hoouna aku no kona mau kanaka e noho mai la ma ka mokupuni o Haulani. Ua lohe mai makou mai iaia mai, he 30 ka nui o na kanaka paahana e noho la ma ia mokupuni. E olioli ana nae makou ke loaa pono aku au mau buke la a me na Nupepa a makou i hoouna aku nei ia lakou. O kahi nupepa kamalii nae ka makou i aloha ai, i kona luaiele ia aku la o na ale o ka moana, oiai he mea luai wale kamalii.

 

English Column.

Telegraphic.

             Mr. Clark, Controller of the Currency, who has his office directly from the Senate, and is not dependent on Secretary McCulloch, has written a letter to the Secretary, charging him with gross misstatements of accounts in his monthly public exhibits. The letter creates a great sensation.

            Hon. F. B. Washburne intimated in Congress that General Grant will be a candidate for the Presidency.

            The Postoffice Department has closed the mail-letting for the Pacific States. The competition was greater, and the prices are reduced from last year. The following are the most prominent contracts: San Francisco to Sacramento, $18,000 - a reduction of $2,000. San Francisco to Stockton, $15,000 - a reduction of $5,000. San Juan to Los Angeles, $18,000 - a reduction of $6,000, The West Route, from Lincoln to Portland, Oregon, 624 miles, was let to Henry W. Frisbett, for 17,000, the present pay being $22,500.

            In the House, on motion of Mr. Higby, the Pacific Railroad State Bills, granting aid for the construction of a railroad from Folsom to Placerville, and from Placerville to the most feasible point of intersection wit the Pacific Railroad in Nevada, was referred to the Committee on the Pacific Railroad.

            What is termed the Civil Rights Bill has passed Congress, and has been vetoed by the President.

            Colorado has been refused admission to the number of States.

            Jared Sparks, the historian, is dead.

            $100,000 has been appropriated for the expenses of the Paris Exhibition.

There are 15,000 persons who have been pardoned under the $20,000 clause.

            Secretary Seward assures, officially, the British Minister that any attempt of the Fenians to invade Canada would be promptly suppressed.

            There is a rumor that Russell has asked the Queen to relieve him from the Cabinet.

            Over 200 Quakers are emigrating from North Carolina to Indiana, to escape persecution.

            McCormick, of Arizona, has been appointed Governor of Idaho Territory.

            The Loan Bill has been defeated in Congress; a triumph of Clark over McCulloch.

            Parson Brownlow has come out strongly against the President's reconstruction policy.

            Pennsylvania Republicans have nominated John W. Geary as their candidate for Governor.

            In a speech to a Kentucky delegation, the President stated that he had taken a stand and would not budget.

            There is a great Fenian scare in Canada. Thirty thousand volunteers have been enrolled.

            Gen. Morton's health is still in a critical condition.

 

NU HOU O NA AINA E MAI.

No Mesiko.

            Mai ka haiolelo o Napoliona i paiia ma na nupepa haole, me he mea la, ua luhi ke Aupuni Farani i ka malama ana ia Makimiliama, a ua manaka o Farani i ka hapai ana'e ia Makimiliama maluna o na poo o na kanaka o Mesiko. A ke manao nei ke Aupuni Farani, na Makimiliama no e malama iaia iho, a i ole ia, e haalele koke iho paha ia ia aina, mamua iho o ka hoihoi ana aku o Farani i na koa ona, mai na kapakahakai aku o Mesiko. O na hoa aloha o ke Aupuni o Mesiko, ua hoolana loa lakou i ka nana ana aku i ke ano o ka haiolelo a Napoliona. Aole lakou i manao nui ia Eloina i holo aku nei i Europa e noho loihi ai. Ua hiki mai na Kuhina hou, a au kamailio pu lakou me ka Emepera ma ke ano kukakuka malu. A ohe nae kakou i ike aku i ke ano o ka lakou hana. O ka mea nui i ke Aupuni hiki ole ke hookaa i kona aie e hana ai, o ka haalele iho i ka aina, oiai, ua kuhihewa loa o Makimiliama no na mea a Farani i manao ai e holopono ana. A no kona kuhihewa no hoi kekahi i ka ka Pope olelo.

            Eia kekahi mea kupanaha a ka Pope, a he mean hoohoihoi hoi i ko kakou mau manao, ina aole i kakauia ma ka moolelo, ke heluhelu iho na olelo malu mawaena o Napoliona a me ka poe hooilina o na Pope ma Roma, oia hoi ka hoonoho ana aku ia ka huna Pope Europa, ma ka noho Moi o Monetezuma. Pehea la ka manao o na haku o Enelani i keia hana malu o lapuwale a Napoliona? Ua ike wale ia keia manao, a ua pahu wale, aia wale no ka pono iki, a loaa i ka Emepera Farani, "ka paani me ka make."

Hana akamai no ka hoi ka poe eleele.

            Eiam ma ke kulanakauhale o Balatimoa, he nui wale o na kanaka eleele i akamai i ka okomo moku. Ua akamai iki paha lakou ia hana, i ka wa a lakou e noho kuapaa ana malalo o na haole keokeo, ia lakou la e mio ana i kau mea e ke kanaka eleele i hana ai maloko o ko lakou la pakeke. Aka, i ka hookuuia ana'e nei o ka poe eleele mailoko mai o ko lakou noho kauwa kuapaa ana, au ku kaokoa ae la lakou mai ka poe keokeo mai. Ua hooleia au poe la i ka hele aku e hana pu me na haole keokeo, a ua hoole aku no hoi i ka lakou hoounauna mai. He nui wale na haunaele mawaena o na ano kanaka elua, a ua hakaka maoli lakou me ka hooponopono ole. No ka luhi i kedia kaua pinepine, nolaila, ua imi hou na kanaka eleele i alanui no lakou, a ke hele nei ma ia kuamoo me ka holo pono o ka lakou hana. Ua kukulu iho lakou i hale oihana no lakou, a ua kuai aku i kekahi hale kapili-ala-hao ma ia kulanakauhale no na dala he kanaono tausani. A eia lakou ke hoomaka nei i ka lakou hana i maamaa iki, a aole no hoi i loaa iki ia lakou ka pilikia ma ia hana ana. A heaha aku ka mea i koe a keia poe e hana'i? Eia, o ka nui o ka poe keokeo i hoole ai ia lakou, aole make hana pu mai me lakou, ke olioli nei lakou, a ke hana nei malalo o na nika eleele a lakou i kipaku aku ai. "Hoi hou ka paakai i Waimea la," kai no la hoi o ke kipaku ana mai, e hele aku no la hoi lakou e hana ma kahi e, eia no ka he hoi mai no malalo o ka malu o ka poe a lakou i hoowahawaha ai. E! Ua pau loa ae la ke kuhihewa i ka ili-puakea o Mareka.

Ka nui o ke Kofe.

            O ka huina pau o na kofe i hoouluia ma kea ao nei no ka makahiki hookahi, ua hiki aku ka averika i ka 672.000.000 mau paona, oia hoi, kokoke e like me 300.000 mau tona. O ka hapalua o keia mea, ua hooulu ia ma Berazila. He 50.000 tona paha i laweia mai mai na mokupuni mai o Iava a me Sumetara: he 30.000 mau tona mai Kilona (Ceylon) mai; he 25.000 mau tona mai Sana Dominigo mai. A o ke koena'ku hoi i koe, mai na aina nui mai, a me na mokupuni liilii ma ka Poaiwela.

Na Palapala.

Na mea hou ma na Waieha.

            E na makamaka o ke Kuokoa; Aloha oukou:

            Ina he mea oluoluia, e hooaiai ae i ke akea i keia mau mea hou ma na Waieha o Maui nei, i ike mai ai na keiki kupa o ua mau wai nei, i auwana aku a noho ma na wahi e aku, a ma na kai anu aku hoi, a me ka poe no a pau e milimili ana i kou kino. He nui na mea hou ma keia mau wai eha, aka, ma kuu ike ana iloko o na mea hou he nui wale ma keia mau wai. Elua no mau mahele nui a'u i ike ai.

            Akahi. O na mea e hauoli ai ka manao.

            Alua. O na mea e kaumaha ai ka manao o ka poe pono.

            I. O na mea e hauoli ai ka manao. He mea e ka hauoli o ka manao i ka ike ana i na kula panoa i owela mau i ka la i na kau i aui aku nei mamua; a i keia manawa, ua uhi paapuia ka ekolu hapaha o ka aina e ka wai hooluu uliuli, i pena paaia ma ka lau o na ko-pua, a pauole o Luaielekino.

            He poe lawehana ko keia mau wai. O na kane, na wahine, na kamalii, aole lakou nei he poe minamina i na kino; ua hoolimalima no malalo o na haole mahi ko, i loaa mai ai kahi hapaha. Ua paa mau ka wa hana o na la hana eono o ka hebedoma; mai ka la a po, mai ka po a ao. Hana kane, hana ke wahine, hana i ke ao, hana i ka po, manuunuu ua mea he hana.

            Na hale wili. Eiwa ka nui o na hale wili. Elima hale wiliko. O ka oi aku o ka ikaika o keia mau wili, o ko Waihee, a pakeu aku no i ke kiekie o ka puka-uwahi. He elua hale wili baraoa, elua hale ololaau. A ma keia mau wahi e pau ai ka molowa o ka poe makaikai a koe wale aku no ka mahalo a me ka hauoli. Aole ka Ulakoheo i Honolulu, eia no ka i na wai-eha nei wahi a lakou, "I ke kue i ke oi," a pela aku.

            Na Halekuai. He umi ka nui o na halekuai, a o ke ano mau no hoi oia mau hale, o ka hoolako mau no hoi i na mea a ka naau i anoi ai; malaila no i lulu mau ai ko keia mau wai i ka lakou mau dala, i loaa ai kahi ola no ke kino. He poe holo noho-kapae ka nui o na wahine, a ua aneane pau loa ka hapa nui o ka poe opiopio i ka holo lio ma ka noho-kapae, koe ka poe hapauea.

            He auwai nui a loihi ma Waihee e eliia nei e na Pake, e lawe mai ai i ka wai o ke kahawai o Waihee, a i Waiehu. Ua kau kapakahiia ma ka pali keia auwai, mamuli o ke akamai o W. P. Alexanekero i ke ana'na. Ina e pau i ka eliia, e niolopua ana no ke kahe ana a ka wai a hiki i kahi iiniia. Aole no e ole ka hiki, he hana na ka iwi i hele wale a oo.

            II. O na mea e kaumaha ai ka manao. He aneane poipuia ka malamalama o ka pono ma ke akea o na Waieha nei, aka, aia no paha ma na hale, a i ka poe ku mau hoi, e kau manao ana ma ka pono. Heaha ke kumu e pio ai? O ka palaka o na kiai o ke Aupuni, oia na makai. O ka pinika i hanaia e na kanaka i mea inu a on a, pupule, haukae,  mai ka pea a ka pea o keia mau wai, he poe inu pinika ka nui, mai ka poe i oo a ka poe opiopio, na kane, na wahine, na keikikane, na kaikamahine, ua hoomaloka a me na hoahanau palaka; na makai, ke inu nei, mama a kapuai i ka hele kauhale i ka inu pinika i ka la Sabati i kahi loihi, a i ka luakini i ka pule. I wai e olu ai ka uhane. He eha ka wawae, he molowa, a pela aku. Ke lilo nei ka la Sabati ma keia mau wai i la hana i ka mea kue i ka pono o ke Akua. Ua hoopoinaia na kanawai o ka pono maoli, ua lilo i la holoilole, i la humuhumu lole ke Sabati no kekahi poe ma na Wai-eha nei. He poe ikaika i ke kukulu ahahui o Satana kekahi poe, pela ka ike maoli aku ma na hua o ka hana ana. A iloko oia mau ahanui, ua kulukuia he mau ahaaina; a ma ia mau ahaaina, ua hoolako ia na wai hoohehena kino. A no loko mai hoi o keia mea i kukuluia, ua puka mai ka lawe ana o ke kane i ka hai wahine, a pela ka wahine i ka hai kane. O ka inoa i kapaia e lakou maanei, no keia lawe ana i ka hai, "He kapae." Ua kapaia keia inoa, mamuli o ka holo mau ana o na wahine ma ka noho-kapae ma ka lio.

            No na kula. O kekahi o na kumu o na kula ma keia mau wai, aole no i malama pono i ka lakou mau hana, ua waiho wale aku ma ka lima o kahi haumana e kokua ai, a e hele hoi kela i ka hana e, aka, aole ia'u ia. A ma kekahi kula hoi, e ao ana ke kumu i kekahi poe, a e pepa ana kekahi poe. Ma kuu manao, in a pela ka hoonaauao ana i ka poe opio, e akamai io ole auanei, aka, na ka Papa Hoonaauao no ia. A o ka mea hoole mai i keia, he lae keleawe kona. E aloha ia ka poe e heluhelu ana. Ke oli nei au.

            H. KAUAIHILO.

Wailuku-luna. Maui. Aper. 10, 1866.

 

Ka ahaaina a ka hui maauauwa o Olowalu.

            NA LALA O KA HUI. O ka nui o na lalal o keia Hui maauauwa he iwakalua, he poe kane wale no lakou a pau.

            NA AAHU. O na aahu o keia poe, he polu eleele ka lole wawae, a he palule keokeo maluna iho, a he lipine loihi eleele ma kai ai e pulelo ana i ka makani, a he papale kaleponi ahinahina ma ke poo, a i kou'u ike aku ua uleu no.

            KAHI I KU AI O KA LANAI. Aia ma ka hapalua ponoi mawaena o Awalua, a me Puukolea makai pono iho o Puukilea, he kula panoa i ka la kahi i ku ai o ka lanai.

            NA MEA AI. He nui no ka mea ai o keia ahaaina ana, no ka mea, ua pakahi puaa ia kela lala keia lala o ka hui me na moa pakahi.

            KA HELE HUAKAI ANA. Ua hoomaka ka hele huakai ana o ka hui mai Ukumehame mai maluna wale no o na Lio; o S. W. Paawaa mamua o ka huakai me ka hae o ke Aupuni, na ka Luna nui i kii i ka mea Hanohano P. Nahaolelua e noi, a mamua iho o ka paa hae ka Luna nui. I ka manawa o ka paina ana au malu no, aole he haunaele, o na kuene ia la he poe wahine wale no, mamua nae o ka paina ana au hoomaikai ia ke Akua e S. Kalama, kumukula o Ukumehame, a me Olowalu nei, ma ke kauoha a ka Luna nui, a o ka pau no ia o ka hana ma ia la, o ko'u ike ole i ka wai ula o Mareka ia la, aole au i ike i kekahi mau mea on a ma ia paina ana, oia iho la na wahi mea a'u i ike ai no ka ahaaina a keia hui. Me ka mahalo.

            S. KALAMA.

            Oluwalu, Maui, Apr. 2, 1866.

 

He Kumu Kula Hoopono.

            Ma kekahi wahi ma Veremoneta, e malama ana kekahi kumu kaikamahine he kula, me ke kokuaia hoi e kekahi haumana kula. I kekahi la, ua hahauia kekahi keiki kula nui me ka huipa, no ka hoolohe ole, a hoolilo i ke kula i mea ole. Ua hahauia ua keiki nei me ka ikaika. A iloko oia wa, nonoi ae la ua keiki nei, "Ea! Ua pau! E aloha mai oe ia'u." Mahope, mea iho ana ka makuakane o ua keiki nei e hoopii, a kauohaia ke Kauka e hele mai e nana i ua keiki nei, aka, ua hai mai ia, ua hahau nui ia no, aka, aole nae ia i manao e eha loa ana. Ua hoao ia e hoopii imua o ke jure, aka, aole nae i loaa iaia ke kumu kupono e hoopii ai. Nolaila, hoopau wale ia ka hoopii a ua kanaka nei, a hookupu iho la na kanaka oia wahi, he puu dala nui loa, a uku aku la i ua kumu kaikamahine nei. Aole hoi oia wale, aka, haawi wale aku la na wahine oia wahi he puna-dala, a me ka pahi-dala hamo waiubata, me ka hai ana aku, ua mahalo loa na wahine oia apana i ua kumu kaikamahine la, no kona hoike ana ma ke akea i kona pono kumu.

 

NA DALA MAHINEHOU O KAUMAKAPILI NO KA MAHINA O MARAKI 4, 1866.

Puiwa  - $ 0 25

Maemae - 2 12 1/3

Pauoa - 5 25

Kaumakapili - 9 25

Kapalama - 1 00

Kalihi - 3 87 1/2

Moanalua - 2 50

Halemai ma Kalihi, - 26 25

Halemai ma Kalawao i Molokai, 4 75

Kula Sabati - 3 37 1/4

Huina $55 62 1/2

 

NA KOKUA MAHINAHOU O KAWAIAHAO NO KA MALAMA MARAKI.

Honolulu - $40 10

Puiwa - 2 00

Maemae - 2 62

Kunawai - 3 25

Kapalama - 1 75

Kalihi - 37

Pauoa - 3 12

Kaakopua - 75

Maunakiekie - 1 50

Makiki - 11 00

Manoa - 15 00

Kamoiliili - 17 00

Waikiki-kai - 9 25

Palolo - 2 00

Huiia $109 71

Kula Sabati o Honolulu - 3 75

Kula o Pauoa - 1 75

Kula o Makiki - 1 75

Kula o Manoa - 5 12

Kula o Kamoiiliili - 4 00

Kula o Waikiki-kai - 87

Huinanui $126 95

 

MARE.

            NAWELE-LUNA. Ma Kailua, Oahu, Apr 13, mare ia e Rev B. W. Pareka o Naweha k. me Luna w. No Kailua laua.

            J.D. HOLUALOA-PAKEMAKA. Ma Wailuku, Maui, Feb. 1, mareia e Rev. W. P. Alexanedero o J. D. Holualoa k. no Waihee, me Pakemaka w. No Lahaina.

            F. A. WARREN-KINA. Ma Wailuku Maui. Mei 17, mareia e Rev. W. P. Alexanedero o F.A. Warren no Bosetona me Mrs. Kina w. no Waihee.

            MAULE-MEHEULA. Ma Wailuku, Maui, Ian. 15, mareia e Rev. W. P. Alexandero o Maule k. me Meheulaa W. No Waihee laua.

            PALUPALU-KENEKAOLE. Ma Wailuku, Maui, Ian. 23, mare ia e Rev. W. P. Alexandero o Palupalu k. no Honuaaha, me Kenekaole w. no Waihee.

            J.C. WHITE-KAUI. Ma Waihee, Maui. Mar. 1, mareia e W. P. Kahale Esq. o J.C. White no Providence me Kaui w. no Honuaula.

            Feb. 23, ma Panau, Puna, Hawaii, mare o Paakai k. me Kaaihihi w. Na L. Kaina laua i mare.

            Dek. 5, ma Pulama, Puna, Hawaii, mare o Kane k. me Kahele w. Na L. Kaina laua i mare.

            Mar. 16, ma Kalapan, Puna, Hawaii, mare o Hauanio k. me Keoni w. Na L. Kaina laua i mare.

            Mar. 23, ma Kupahaa, Puna, Hawaii, mare o Pupue k. me Haalou w. Na L. Kaina laua i mare.

            Mar. 17, ma PPuaahookui, Hamakualoa, Maui, mare o Kahawaia k. me Nahi w. Na Gerina laua i mare.

 

HANAU.

            Mar. 14, ma Pale@, Waihee, hanau o K. Kahoole w. na D. Kapo, me Kaniho.

            Mar 14, ma Waipukua, Waihee, hanau o K. Kahoole k. na J.D. Holualoa a me Pakemaka.

            Iune 15, ma Kolopue, hanau o Kamakuapuu w. na Kaaneenee me Kuailoa.

            Iulai 15, ma Puanea, hanau o Kualopi k. na Kaina me Kauahine.

            Aug. 1, ma Kahalepaka, Waihee, hanau o Laniwahine w. na Kaaihue me Lani.

            Sept. 13, ma Waipokua, hanau o Kaloi w. na Maihui me Kekapa.

            Sept. 13, ma Kalopoe, Waihee, hanau Iosepa k. na Kaanaana me Opawai.

            Sept. 23, hanau o Keakaikawai k. na Waiolama me Kamae.

            Nov. 8, ma Peeloko, hanau o Kamealoha k. keiki kamehai.

            Sek. 12, ma Waihee, hanau o Manonui k. ua Nakanaka me Nahuinaa

            Dek. 16, ma Peeloko, hanau o Luka w. na Nawahine me Kawao.

            Dek. 18, ma Kolopue, hanau o Poikekakia w. na Kiokio me Kahookiekie.

            Dek. 26 ma Puanea, hanau Keaka k. na Kaaipuaa me Kahaumokiala.

            Ian. 4, ma Waihee, hanau o Rose w. na Manuela me Kamaikaaloa.

            Ian. 16, ma Peeloko, hanau o Kaeleipulani w. na R. Lima me Kalili.

            Ian. 31, ma Pahihi, Waihee, hanau o Ilakao w. na W. B. Kahaleiwi me Kalua.

            Feb. 4, ma Waihee, hanau o Kahuki k. na Pomaikai me Akahi.

            Apr. 1, ma Pahihi, Waihee, hanau o R. Ikua k. na Pala me Haili.

            Apr. 4 ma Papeileiha, hanau o Ana w. na F. A. Warren me

            Ian. 19, ma Kaluanui, Hamakualoa, Maui, hanau o Inoaole k. na Kaholokahiki me Mary.

            Feb. 13, ma Kawaapue, Haliimaile, Maui, hanau or Kamaikaaloa w. na Waame Lihi.

            Feb. 20, ma Kamaole, Hamakuapoko, Maui, hanau o Kakalia k. na Oui me Kinikanawai.

            Feb. 22, ma Maunoui, Kona, Hema, Hawaii, hanau o I.A. Kaomea k. na W. H. Keloaihue me E. Kamaalo.

            Nov. 30, ma Pahoehoe, Kona Hema, Hawaii, hanau o Elikabeta w. na J. Kahunaaina me Mama.

            Aug. 29, ma Kolopue, Waihee, hanau o Kawi Opio w. na Pa me Kawi.

            Dek. 20, ma Pahakuoauka, Waihee, hanau o Uma k. na Uma me Hoa.

            Feb. 7, ma Paleileiha, hanau o Kaailau Opio w. na Keaupuni me Kaailau.

 

MAKE.

Apr. 12, ma Pauoa, Oahu, make o Naohekuaole w.

Mar. 10, ma Pahaalele, make o Luakini k.

Mar. 10, ma Makaaka, Waihee, make Keliiokala k.

Apr. 3, ma Waihee, make o Meloha w.

Mei 7, ma Kaikoo, Waieee, make o Maikai k.

Aug. 12, ma Paleilei, make o Kawa k.

Aug. 20, ma Kahalepaka, make o Lani w.

Aug. 31, ma Paleilei, make o Paakaua w.

Sep. 17, ma ia wahi no make o Loihi w.

Sep. 15, ma Makaaka, Waihee, make o Kahuna k.

Sep. 29, ma Kolopue, make o Kawi Opio w.

Oct. 17, ma ia wahi no, make o Iosepa k.

Oct. 30, ma Paleileiha, make o Paku w.

Oct. 30, ma Kolopue, make o Kamakakuapuu w.

Oct. 23, ma Kapoho, Waihee, make o Kahale w.

Nov. 15, ma Waihee, make o Lono k.

Nov. 16, ma Laukanaloa, make o Keakaikawai k.

Nov. 22, ma Waipukua, make o Neula w.

Dek. 3, ma Kapuna, make o Milikaa w.

Dek. 20, ma Pohakuoauka, make o Uma Opio k.

Dek. 21, ma Waihee, make o Kawaihoolana Opio k.

Dek. 24, ma Kahalepaka, make o Naionaelua k.

Dek. 25, ma Paleileiha, make o Aho (Pako) k.

Ian. 13, ma Peeloko, make o Kaowaka w.

Ian. 21, ma Paleileiha, make o Anehola w.

Ian. 24, ma Kaikoo, make o Kaluahine w.

Feb. 4, ma Kolopue, make o Kaailau Opio w.

Feb. 16, ma Waihee, make o Kailianu w.

Feb. 17, ma Waihee, make o Moo k.

Feb. 18, ma Waihee, make o Kaaloa w.

Feb. 20, ma Paleileiha, Waihee, make o Kapa w.

Feb. 24, ma Paihihi, Waihee, make o Pahee k.

Mar. 6, ma Waihee, make o Uilani w.

Mar. 7, ma Kapuna, Waihee, make o Kekahuna k.

Mar. 11, ma Pahihi, make o Kalua hine w.

Ian. 19, ma Kaluanui Hamakuapoko, Maui, make o Inoaole.

Jan. 25, ma Kawaapae, Maui, make o Pokeo k.

Feb. 10, ma Puaahookui, Hamakualoa, Maui, make o Kaalai.

Mar. 14, ma Laie, Makawao, Maui, o Hamau w.

Mar. 23, my Paholei, Haliimaile, make o Kaukauawai k.

Mar. 25, ma Kealakekua, Makawao, make o Kapai k.

Ian. 13, ma Uhu, Waimea, Hawaii, make o Makaole w.

 

Olelo Hoolaha!

E IKE AUANEI OUKOU

e na kanaka a pau. Owau o ka mea nona ka inoa malalo nei, ke hookapu aku nei au i kuu aina hoolimalima LOKO-IA,

Ma KALAPA,

Ma ka Apana o Halawa me Ewa, aole mau kanaka a mau haole paha e hele ma kae o kai wai a ike lakou i ka manu e nana ana maluna o ka ili-wai, aole e hiki i kekahi kanaka a me kekahi haole ke hele e kii ka manu mawaena ko'u o ka ili-wai, a ma kae o ka wai. Ina o ka mea e hookuli, a lohe ole, mawaena o na wahi i hai ia ae la maiuna, mai noho a ki wale. O ka mea a mau mea nana e kue i keia mau olelo papa a'u, e hoopu no wau e like me ke Kanawai o ka aina. E lilo keia i Kanawai paa mai ka la e puakai ma ke KUOKOA a mau loa'ku.

            WILLIAM KAMAKAHEWAHEWA.

Makalaua, Halawa, Ewa, Oahu. Apr. 13, 1866          229-4t*

 

OLELO HOOLAHA.

            E ike auanei oukou e na kanaka a pau ke nana mai lakou. Owau o ka mea nona ka inoa malalo. Ke papa a ke hookapu loa aku nei au i kuu aina iwaena o ke Ahupuaa o LEHUA, a me kahi i komo i ka Pa o

Lehua a me Kawanui,

Oia na pauku aina i koa i ka hoolimalima ia. Ua kapu ka hele wale ana o na holoholona o kela ano o keia ano, a me na kanaka maluna o na aina i haiia maluna. A ina e ikeia kekahi mau holoholona a mau kanaka paha e hele hewa ana a komohewa i na aina i halia maluna, alaila, e hopu no kuu Luna oia o S. W. Alapai, a e uku ka mea holoholona $1., no ke poo, a pela no me na kanaka, ke komohewa mai ia aina. Ina i loaa ole mai ka uku, alaila, e hoopii ia no e like me ke Kanawai. E hoolohe oukou o piliki auanei

            C. KANAINA.

            Honolulu, Apr. 17, 1566.                    229-31

 

OLELO HOOLAHA.

            E ike mai na ano kanaka a pau loa, ke nana mai lakou ma keia Olelo Hoolaha. Ke hookapu aku nei makou i ko makou mau aina hoolimalima e waiho ana ma Kalihi-uka, Mokupuni o Oahu, no laua na inoa i kapaia

O Kapo me Namahele,

Ua kapu loa na mea ulu me na mea e waiho ana ilalo, na ka poe i liko ko lakou umi dala ($10 .) a me ko lakou mau hope. Aole e komo wale kekahi kanaka a mau kanaka paha i na aina i haila maluna, ua kapu loa na makou. O ka mea e kue i keia mau olelo i hai akea ia maluna, e hoopii ia oia e like me ke Kanawai o ka aina e waiho laula nei. E lilo no keia olelo is Kanawai i kona ia e puka'i.

            Me ke aloha no,

            Na ka Poe Hoolimalima

            Oahu, Aperila 14, 1866           229-21

 

OLELO HOOLAHA.

E ike auanei oukou a pau loa e na kanaka o kela ano keia ano, mai ka poe waiwai a me ka poe i hoowaiwaiia, ke nana maka nei mai oukou. Owau o Hanalei, ke papa aku nei au ia oukou, mai hoaie aku oukou

IA PUKUI,

Ka'u wahine mare, no ka mea, ua haalele mai oia ia'u a me ko mana wahi hiolani o na po loloa o ka Hooilo, i na hoale oukou ia Pukui ka'u wahine, alaila, ma @na on a ko oukou poho, aole au e hookaa i kona ale.

            Hanalei

            Moaki, Lahaina, Maui, Apr. 10, 1866 228-4t*

 

OLELO HOOLAHA!

E ike auanei na mea a pau ke nana mai, o mana o na na mea a pau ke nana mai, o maua o na mea nona na inoa malalo nei, ke papa aku nei maua i ko mana mau Apana alo@ e waiho nei ma MANOA, no kaua na inoa

 

O Kaaipu-luna me Kaaipu-lalo,

Aole e hele wale na holoholona maluna o ka maua mau Apana aina i haila'e maiuaa, a i na e loaa kekahi Lio, Bipi, Hoki, Miula, i ko maua Luna, e uku ia no $1.00 no ke poo hookahi, a o na Hipa, Kao, Puaa, e uku la me he hapaha no ke poo. A ma koho aku maua i MAIHUKI, oia ko maua Hope nana e hooko na mea a pau i hanaiamaluna.

            D. KIPIPINA.

            C. AKAHE.

 

No Hilo.

KA MOKU KUNA

"MELE HILO,"

O Pilipo ke Kapena.

 

E holo mau ana keia moku i ke awa maluna, no na ohana a me na ohua o e nana e a

            C. BREWER & Co. (BURUA MA)

 

No Hana, Kaupo, a me Maliko.

KA MOKU KUNA

'MANUOKAWAI,'

O Merchant ke Kapena.

 

E holo mau ana keia moku i na awa; hana maluna. No na ohana a me na ohua, e ninau ia.

            C. BREWER & CO., (BURUA MA)

 

OLELO HOOLAHA.

 

E ike auanei na kanaka a pau loa. Ua kapu na Aina,

O Manana-nui me Palea,

 

e pili ana ma Ewa, Mokupuni o Oahu. Aole e hele wale na mea a pau e kii na mana o kela ano keia ano e lele mau ana maluna. A o na holoholona a pua, Lio, Bipi, Miula, Kekake, Hipa, Kao, Puaa. Ilio na ano holoholona no a pau. A me na kai kekahi e pu; ana no ia mau aina i hele maluna. Ua kapu loa. Ua kapu loa ka Mokupuni o ka

Mokuumeume,

A me na kai pili ana no ia aina, aole e hele wale kela mea keia mea, a hoopae i na waa a waapa paha me ke kuleana ole, e hopu ia, a hoopena e like me ke Kanawai.

            MAHOE R. JACHSON,

            J. KEONEKAPU       Na Lunahooponopono

 

Olelo Hoolaha

A KA

AHAHUI HOOHOLO MOKUAHI

A MOKU MAOLI KULOKO

O KO

Hawaii Pae Aina.

KA MOKU KUNA MAIKAI

"ONWARD,"

 

E holo ana i KOLOA, a me WAIMEA, Kauai mahope iki iho o kona hoi ana mai KAWAIHAE mai.

O KE KUNA MAIKAI

Alabani,

161 tona, e holo ana i Kawaihae, a me Kona, ma ka Poaono, a mamua ae paha, ia 10 o keia malama.

O KE KUNA KALEPA

 

O Neti Mela

E holo mau ana i Lahaina, a me Maalaea, No na mea i koe, e ninau ia Kapena Mokina, a i ole ia, ia JANION GREEN & CO.

            222-5f AHMK II

 

HE MAU AINA WAIWAI NUI.

E KUAI LILO ANA KA MEA NONOA ka inoa malalo nei ma ke

KUAI KUDALA!

Ma ka Halehookolokolo, Honolulu,

POAKAHI, APERILA 23,

HORA 12 O KE AWAKEA,

Ina aina nona na inoa malalo nei!

A I OLE IA

Aia e like me ka me e kaa'i ke Aie o ka

MEA HANOHANO

LEVI HAALELELA!

E like me ke kauoha a ka

Aha Hookolokolo i na Lunahooponopono -

no Waiwai.

 

Ka aina o         KAHANAHUI,          ma Molokai.

""         "          KIPU,                                     "          "

" "        "          MANAWAINUI,       "           "

""         "           KAPUALEI,              "           "

""         "           KUMUELE,               "           "

""         "           AWAWAIA,              "           "

""         "           MAKANALUA,        "           "

""         "           KAMANONI,            "           "

""         "           WAINIHA,                "           Kauai.

""         "           WAIKOLO.               "           "

 

Eia no na kii ma ko'u keena o keia mau aina.

Eia hoi kahi, o ka hoolimalima o ka

Loko ia o Maunalua, $200. no ka

Makahiki

 

A in a e oi ae ka hawina a kekahi mamua o ka uku mua, alaila lilo. Aia no i ka mea e lilo ai ka hana nou ana i ka Loko, a e 5 makahiki ka hoolimalima.

            H.W. SEVERANCE,

            Luna Kudala.

 

E KUAI KUDALA IA ANA

Kekahi mau aina ma Hawaii.

E ke mea nona ka inoa malalo nei ma

HONOLULU,

Aia e like me ka mea e kaa'i ke Ale o ka mea Hanohano

Levi. Haalelea,

E like me ke kauoha a ka Aha Hookolokolo i na Kuna hooponopono Waiwai.

MA KA LA 23 O APERILA!

E kuai Kukala ia'i, ma ka hora 12 o ke awakea.

Ma ka Hale Hookolokolo o Honolulu,

Mamuli o ke kauoha a na Lunahooponopono Waiwai.

EIA NA AINA E KUAI IA ANA,

o

KE AHUPUAA O PAPAIKOU!

Ma ka Apana o Hilo.

KE AHUPUAA O HAKALAU!

Ma ka Apana o Hilo.

O keia mau Ahupuaa, he mau aina kupono loa i ke Kanu KO ana, a he nui no hoi. He kula hanai holoholona no hoi, a he aina wahie.

KE AHUPUAA O HONAUNAU!

Ma ka Apana o Kona Hema.

He aina waiwai loa no ia, no ka ulu o ka ALANI, KO a me

Ke Kofe.

KE AHUPUAA O HONOKOHAU!

Ma ka Apana o Kona Akau.

He Aina Nui; a he lako i wa wahie.

            H.W. SEVERANCE,

            Luna Kudala.