Ka Nupepa Kuokoa, Volume VI, Number 15, 13 April 1867 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

English Column

FOREIGN NEWS.

            From the Daily Union of @, March 2 and 14

            Senator Wilson's bill, providing for the government of elections in the South has been approved by the Judiciary Committees of both branches of Congress and will be passed immediately.

            By way of Mazatlan we receive reports that Maximilian was carried out by the French leaving the "Capital of the Empire" to the Liberal army under General Diaz Juarex is on his way to that city. It is believed that Mexico is now entirely under the control of the Mexicans.

            In the House. Stevens of Pennsylvania submitted a resolution appropriating $5,000,000 to meet the expense of carrying out the provisions of the Reconstruction Act. Passed.

            A correspondent writes that the Turks have virtually abandoned the larger portion of Crete, and are unable to renew the war.

            The Mississippi and the Arkansas, as well as the Ohio and the Tennessee are on the rampage, flooding towns and cities, destroying property, and causing loss of life. At Helena, Arkansas, twenty-seven lives were lost. Chattanooga is overflowed and people in that vicinity are reported to be suffering from the famine. It is a terrible visitation for a section of the country where many calamities had previously been endured. Collections for the relief of the destined will be taken up on the North churches next Sunday.

            A London dispatch says the Fenian troubles in Ireland are not yet ended. The insurgents are posted in the mountains of Wieklow, where they are supposed to be suffering from cold and hunger. Four gunboats have been sent to Dublin, to be posted in the river Liffy. The chiefs of the Fenians have directed their adherents to refuse to pay rents.

            The trial of John H. Surratt has not yet commenced and it may be postponed till the June term of the District Court.

            It is now said that the President will appoint only Democrats to office, laving the responsibility with the Senate of rejecting the appointments, which responsibility that body will probably be ready to assume.

            It is again asserted by Washington correspondents that the indications in that locality by the Judiciart Committee in that connection.

            We are informed that a steamer has arrived at St. Nazaire, France, with a detachment of French troops and twelve millions in specie from Mexico.

Disraely had announced in Parliament that he could bring in a new Reform bill, and Gladstone said that if such bill contained satisfactory elements the opposition would receive it with a desire to co-operate with the Government.

            It is reported that Maximilian, on leaving the Mexican Capital, was recedes b the forced loans of guerillas to a shirt, one par of socks and a piece of soap.

            It is said the latest dispatches from Great Britain speak discouragingly of Fenian insurrection in Ireland. The movement in Canada excited more attention on the part of the British Government, and it is believed a disturbances is at hand. There is much alarm among the authorities.

            The Post Office Department advertises for bids for a monthly line of mail steamers from San Francisco to Honolulu.

            The Supreme Court of Tennessee has sustained the Franchise Law of the last session of the Legislature, contrary to the expectations of the conservatives.

NU HOU KUWAHO

            Ua ku mai ka moku kiapa i manao nui ia, oia hoi o D.C. Murray, ma ka poalua o keia pule.

            Ia haiia mai, e loaa ana ia Honolulu nei ka laina Mokunhi holo mai i Kapalakiko elua moku o ka malama hookahi. Ina pela, ua pomaikai loa, aia oae hoi a ike pono ia ma ke ku io ana mai.

            Aia o Makuke ke Kuhina Noho o Amerika no Honolulu nei ma Kapalukiko, a e holo mai ana ma Eth n Allen paha, ke hiki mai kona wa e holo ai.

O ka Mokuahi Kolorado.

            Ua ku mai ma Kapalakiko ka Mokuahi Kolorado, mai Honokaona a me Iokohama mai. He 30 on a la o ka holo ana mai Kapalakiko aku a i Honokaona ; a i ka hoi ana mai, he 10 la mai Honokaona a i lokohama a he 21 hoi mai Iokohama aku a i Kapalakiko ; i ka huina he 21 la. He nui no na ohua o ka hoi ana mai ; he mau elele no ke Aupuni mai o Iapana kekahi e holo ana i Wasinetona. A ma Honolulu nei paha lakou ke hoi aku. I ke ku ana o Kolorado i Honokaona, ua nio ka hauoli o na haole o kela kulanakauhale, no ka hoomaka ana o ka holo mau ilaila o kekahi mokuahi lawe ohua malalo o ka hue Amerika. Ua konoia na mea Hanhano o Honokaona, ke Kiaaina a me na Elele o na Aina e, e hele mai e makaikai i ua moku nei, ua 1,000 paha ka nui o ia poe, a ua holo lakou a puni ka inokupuni kuhi e ku nei ke kulanakauhale o honokaona, e hono ana a e mahalo ana i ka holo ana o keia, ka moku i oi ka nui mamua o na moku a pau i komo i kela awa. He au hou keia, wahi a ko Kina a mea ko lapana poe ke hele nei ke kalepa mawaena o ko lakou aina a me ko Kaleponi i ka nui loa. I ka holo ana mai lokohama a i Honokaona, ua loaa ua mile he 300 iloko o ka hookahi i kekahi mau la ua like ia me ka loihi mai Hilo aku a hiki i Kauai. Mawaena o lapana a me Kaliponia, ma ka Akau loa aku o Hawaii nei, he inoino loa ka ke kai, me na makani ikaika mai ke Komohana Akau mai. Ke manao ia nei, ma Honolulu nei paha ka holo ana ke holo hou i Kina.

            He nui na palapala mau Iapana mai iloko o na nupepa haole, a ke minamina nei makou i ka hiki ole ke waiho imua o ka poe heluhelu Kuokoa.

Mekiko

            Ua pau na koa Farani i ka hoi i ko lakou aina koe o Makimi‘iana me kona mau koa ponoi. Ua haalele oia i kekahi puali koa on a ma ke kulanakauhaie o Mekiko, e malama i ua kulanakauhale la, a ua hele akuia me kekahi puali koa nui, he 12,000 paha lakou, e hoouka kaua me ka aoao makaainana malalo o Huare. Ma keia hoouka kaua e ikea ana paha ke ko a me ke ko ole o ia mau aoao elua. Ina e hee na koa o ka Emepera, alaila, e haalele no kela a holo aku paha i Amerika Huipuia. Ua molowa paha i ke kaua liilii o na aoao elua, a aia paha ma keia hoouka kaua e ike pono ia ai na alii oiaio o Mekiko.

            Amerika Huipuia.

            Ua nui loa ka poino i ka wai nui ma Konetikuke a Keneki i ka malama o Maraki. Ua halana ia e ka wai ka hapa nui o ka aina e pili ana i ka inuliwai o Ohio, a ua pau na mea kanu a mea na hale, a ua pilikia loa i ka ai ole kekahi poe he nui wale. Ma Georegia (Georgia) hoi, he nui loa ka poe i pilikia i ka ai ole, a ua hooholo ka Abaolelo ma Wasinetona, e kokua ke Aupuni ia lakou, i 1,000,000 dala. Ua hai mai ke Kiaaina o Georegia, he 60,000 poe ilikeokeo, a he 30,000 negero, ka i nele loa i na mea e pono ai ka noho ana.

            E hoomakaukauia ana e hoomoe i uwaea telegarapa mai Felorida aku a i Kuba malalo o ke kowa o Felorida. Ka hana ia nei ka uwaena ma Ladana. I ke ana ia ana o ka hohonu o ia kai, ua losa he kuwahiki malalo o ke kai, he 3,000 kapuai i ke kiekie. Kupanaha no na mea o lalo o ka moana.

            E holo mau ana ka moku nui Ilikina Nui i keia makahiki, mai Nu Ioka aku a i Farani, e lawe ai i na ohua e hele ana e makaikai i ka Hoikeke Nui o ka Honua Nei ma Parisa. Ua makaukau na wahi moe he 2000 ma ua moku nui ana ole la, a aole no hoi i pilikia ke hiki i ka 3000 paha.

No Tahiti.

            [I keika malama i hala iho nei, ua hoi i Kaleponi kekahi haole mau Tahiti aku. A eia kana hai ana i na mea ana i ike ai ma ua mokupuni la. E hoomaikai kakou i ke Akua no ka looaa ole ma ko kakou aina nei i na mea i like me keia e hai ia nei. O Pula (Poole) ka inoa o ua haole la].

            Ua hele o Mr. Pula i Tahiti, iloko o ka malama o Dekemaba i hala iho nei, me ka manao e kuai i aina, a noho loa malaila ke maikai i ka noho ana. Aka, no ka ino loa o kana mau mea i ike ai, makau kela a imi koke ae la i moku e hoi ai i Kaleponia. Aia ma ke kauwahi o na mokupuni la, he aina mahi pulupulu, aia malalo o kekahi Hui Farani, o Uilama Kuaka (Stewart) ka lina hana o ua Hui Mahi pulupulu la. He Berekane o Kuaka wahi ana. Ua ekolu a eha pakauwa paahana malalo o Kuaka, a ua elima haneri poe paahana no na mokupuni i olelo ia maluna. O ko lakou luna malalo o Kuaka, he Farani, o Lea kona inoa. O ko Lea ano nao, ua kohu ano pilikua. Ua ike hoi o Pula ia ia e hahau ana i kekahi kauwa wahine ua hapai keiki ua wahine la, a mahope, ua hoikeiki ia ia ma ke akea me ke kapa ole i ike wale ia kona mau elia, a makau na paahana e ae. He hana mau ia no ka pela, aole nae e hiki ke hoopii. O na hana ino a pau o keia ano, ua kokua ia no e na pahikaua a na koa Farani. A in a no e aloha kekahi haole i ua pue paahana nei, a kokua ia lakou, hookomoia no auanei i ka halepauhao.

            I ka holo ana o ua moku imi paahana ma na mokupuni e aku, penei ka hana ana ; Ua lawe pu ia kekahi paahana, a ua uku nui ia ua paahana la e hele mauka me na aahu maikai a me na komo gula, a e hai ana i na kanaka, o ke ano mau ia o ko lakou noho ana. Pela ka hoomalimali ana i ka poe ike ole a kau lakou maluna o ka moku, a holo aku. Ua oleloia e uku ia ana lakou he mau dala no ka mahina, i hoomaka nae lakou i ko lakou hana ana, ua hoemi loa ia keia uku ma ke ano hoopai no ka hana kupono ole i ka makemake o ka luna hana a ne ka nui o ua mau hoopai nei, lilo ko lakou uku i mea ole. I ninau aku lakou no ko lakou uku, paneia aku e ka poe luna hana, aohe uku no ka nui wale o na hoopai. Pela no i hao waleia ai ko lakou uku, a lilo lakou i poe kauwa maoli e like me na negero i ka wa mamua ma ka Hema o Amerika Huipuia.

            Ina e hiki mai ka mai ahuau i ua mau paahana nei, ma ke kanalima a ma ka haneri ka make ana. O na kino kupapau; ua hoolei ia i ai na na ilio. I kekahi manawa, ua hoopaaia na luna o kekahi mau paahana elua i ke kaulahao ko kekahi i ko kekahi, a i maule kekahi a make loa no ka nawaliwali oki wale ia ka lima o ka mea i make, a waiho no ke kino malaila, a i ole, kiola wale ia i ka nahele.

            Ua nui loa ka mai make i loaa i na Pake, a no ka emi loa o ko lakou nui, ua holo kekahi moku Farani ia Mr. Pule no e noho ana, e imi i mau paahana ma na mokupuni e kokoke mau ana.

            He 20 paha, 30 paha na Amerika ma Tahiti, o ke Kanikela kekahi (Col. Van Dor), a he mahiku Amerika kekahi, o Foster, he uku kupono kana i na paahana Pake, a me na paahana maoli.

            Ua ike no ke Kiaaina Farani o Tahiti i keia mau hana ino ; aole nae i papa aku a hoopau ; in a pela e pono paha i na aupuni Keritiano e hoohalahala ma ke akea no keia ha mile ka loa o na aina mahi pulupulu la, a ua kokoke elua tausani ka nui o ka poe paahana.

            Ke hai mai nei o Mr. Pula, he poe kauwa maoli keia mau paahana, ma ke ano haahaa loa. I laweia mai lakou ma na moku Farani, mau Kina mai, mai Nuuhiwa a me Faratuhiwa aku, a mai na mokupuni a ae no hoi o ka Moana Pakipika nei. Ia lakou e holo ana ma na moku, ua hiliia, ua hooneleia lakou i ka ai ole, ua hookaumaha a hoomainoinoia, i mea e palupalu ai ko lakou manao, a lilo i poe kupono i ka hoohanaia. Ia Pula e noho ana i Tahiti, ua 1300 na Pake hana ma Tahiti. O ka oiaio o keia mau mea ua maopopo no. Ke olelo mau nei o Mr. Pule aole no e haiia ka hapalua o na mea ino. Ua lawe mai kela i mau palapaa, mai na Pake mai i na Pake o Kaleponia, a e unuhiia ana keia mau palapala a e hoolahaia ma Kapalakiko nei.

            Ke oleloia nei e hiki mai ana ua Kiaaina la i Kapalakiko. Ke hiki mai, pono paha ia ia e wehewehe pono mai i kea mau mea.

Make.

            O Livinetona, ka misionari makaikai ia Aperika, Ua 28 mau makahiki kona noho ana i kela aina, a ua hele makaikai kela ma na wahi i ike ole ia mamua e na haole. Ua nui na tausani mile o kaona auwana hele ana, iwane o na lahui hihiu, i ka nahele, i ke poho i ka wai; iwaena o na holoholona aikanaka, a ua hoolaha ia i kana mau mea i ike ai. Ua imi mau ia i na o ka lahui Aperika, a i mea e pau ai ke kaui ia ana o na kanaka i kauwa a me ka lawe ana aku o lakou i na aina e. Eia nai ua pepehiia mai nei e na Kapera o Aperika Hema

KA LUNA HOOPONOPONO, L.H. KULIKA.

NA HOPE LUNA HOOPONOPONO, J. KUA,

                                                                J. KAWAINUI

POE HAKU MANAO NO KE KUOKOA.

C.J. Laiana, (Lvous,)   S.M. Kamakau,

Rev. M. Kuaea,                       Rev. C. B. Anelu (Andrews.)

(Oaiula,)                                              D. Malo,

Rev. L. Laiana                        (Lyons)(Lokoino)

Ka Nupepa Kuokoa.

HONOLULU, APERILA 12, 1867.

            No ka puha e o ka pepa, ua hoopanee ia ka manao pepa e puu ana no ke Kula Hanai kaikamahine o Honolulu i wehe ia ae nei ma Kawaiahao. Ma ka pepa o keia pule ae e wehewehe nui aku makou ma na mea i pili ponoi i ua kula hou nei o kakou. E like me ka makou i hoolaha ai, ua wehe ia ae nei ke kula, a e holo ana ka hana. He minamina ko makou no ka hiki ole ke kamailio no keia mea ma keia pule, e ahonui mai ka poe heluhelu, a e lohe no oukou a pau i keia pule ae.

Ka Hookipa ana ia Hokuao ma Hilo.

            He la e hoomanao loihi ia e na keiki o Hilo ka Poalua oia ka la 2 o Aperila, ka la i holo nui ai lakou a pau e makaikai i ko lakou moku.

            I ke kani ana o ka bele leo nui i ka hora 11 1/2, akoakoa mai ka lehulehu o na kamalii o ke kulanakauhale ma ka luakini o Haili. Malaila, ua hooponopono ia ka hoomaka ana o ka hele o na keiki kula Sabati malalo iho o ko lakou mau hae. Hele mua ma ka huakai ke kula hanai a Rev. D. B Rynman, malalo o ke alakai ana a Mr. Haooluhi. Akali aku mahope o lakou, na keki o ke kula haole a Hawe, mahope hoi o lakou, na keiki haole o ke kula Sabati, mahope loa aki hoi, na keiki o ke kula Sabati nui o Haili, a me kekahi mau keiki o na kula o Pahoehoe a me Onomea.

            Ka palua na keiki ma ka huakai hele, e paa ana ma ko lakou mau lima i na hae, elima hae pea nui i kakau ia me ka nani loa, a he kanakolu mau hae moili e pulelo ana i ka makani.

            Ike aku makou i na hae he umikumamawale o na papa he umikumamawalu o ke kula Sabati o Haili. e have hoi ko kela papa keia papa o na kula pau, a o ka huina pau he kanakolu. Hiehie ka huakai o ka poe opiopio o Hila. He mea e lelele ai ka houpo a e hoohauoli ai i ka puuwai o na makua mea keiki, a mea na kanaka pono a pau, ka ike ana aku i na keiki e hele ana me ka hine me ha hauoli, me he papa koa la malalo o na luna.

            A pau ka hoonohonoho ana i ka huakai imua o ka luakini, a hiki i ke kihi ma ka halekuai o Hapai, huli au a hiki i Kaipalaoa, me ke mele ana i na himeni o ka poe opiopio, a me ka bookani ia o na ohe e na keiki puhi oke. O ke poo o ka huakai, ua hiki i ka halekuai o ke Poonahoahoa, a o ka hiu, aia ma ka halekuai o Hapai. Ma ka nonoi a D. H Hitchcokc Esq., ua kokua lokomaikai mai kekahi mau kapena moku okohola i ko lakou mau waapa e alo i na keiki a pau, a kau lakou maluna o Hokuao. Ma ke kia mua o Hokuao, e kau nana ka have Hawii, a malalo iho ka have hoku ; ma ke kiahope, e welo ana ka have Amerika, a ma lalo iho ka hae "Morning Star." Hele na keiki apaapu, puhi na keena o hope, piha ka oneki, a pinana lakou maluna o ka likini. He 250 paha ka nui o keia hiakai keiki kila Sabati i holo aku e makaikai i ka moku i manao nui ia e na keiki ma na aoao elua o ka honua nei.

            Ma ke alakai ana i ka hiakai a me ke mele ana i ka holo ana ma na waapa, ike iho makou o D. H. Hikikoki Esq., a me Hon. R. A. Laimana, a me Messrs. Kahooluhi a me Pihe ka poe i hooponopono, a kokua i keia hana hauoli a na keiki. O ka kua i keia hana hauoli a na keiki. O ka la puali kula Sabati i malama ia ka ahaaaina ma mokuola i ka la 1 o Ianuary, oia ka mua o na la nui o keia ano, a o keia ka lua, aka, o ka oi no ka mua ma ka nui o na keiki, a me ka makaukau loa o ka hele lalaui ana a me ka himeni. Na hua ohaha no keia o ka mahiai ana o na makua o ka pono ma Hilo, o T. Koana a me Laimana, a me ka hooikaika ana o ka hanauna elua, oia o Hawe Hikikoke ke kuma o ke kula ao oleleo Beritania, a me ka Poe i Hai ia maluna.

NU HOU KULOKO.

Oahu.

KOKUA MAHINA HOU Ua loaa mai ia ka Puuka o ka Papa Hawaii no na mahina hou mai o Waikane. Koolaupoko he $35.00 a no Waialua mai, he $60.00. Ma keia mau kokua no hoi kakou e ike ai i ka ikaika o ia mau ekalesia i ke kokua i ko ke Akua aupuni ma na aina pouli.

            KE KAA NINAI AHI. Ma ka Poaono, la 27 o Aperila, e kuai kudala ana kekahi kaa wai kinai ahi ma Honolulu nei ma ka hale kudala o Hanale. Ma Kapalakiko kani i kapili ia ai oia kaa, a ua paa maikai loa me na lako ili a pau e pili ana.

            HE LUANA MAIKAI ka kekahi poe keiki o ka aina nei oia kahi o ka HOa. W. P. Kamakau i ka Puakahi iho nei. He wahi papa aina luluu i na mea ai Hawaii kekahi i hoomakaukaua no ia wa e kekahi keiki lalawai o ka uka iuiu o Palola.

            KA MAHINO O WAIALUA. I ke awakea o ka Poalua iho nei, ua kuai kudalaia ma ka puka o ka hale hookolokolo ma Honolulu nei, ka mahiko o Waialua, a ua lilo ia Hou. C. R. Bihopa o Honlulu nei no na dala he $4,750, a ka Poalua e hiki mai ana, e kudalaia maluna o ua mahiko la na pipi a me na mea e pili ana.

            KA HAOLE PUE. Ua hookolokoloia kekahi haole o Otoo Heniricks kona ino imua o ka Aha Jure haole i ka Poakahi iho nei no kona hoohaumia ana i kekahi wahi kaikamahine Hawaii uuku. Ua hoopuka na jure, mahope iho o ko lakou noho ana maloko o ka rumi, i ka lakou olelo hooholo e hoahewa ana i ka mea i hoopiiia.

            WAWAHI HALE. Ua komoia ma ke ano wawahi hale, ka hale noho o J.H. Wood i ka po Poakahi iho nei, a ua lilio aku i ka mea kolohe kekahi mau waiwai makamae a ka mea hale i hoomakaulii ai. Me he mea la ua hiki aku paha ka nui o ka waiwai i lilo i ka haneri dala maoli ke hui puia ke kumukuai o na momi a me na dala maoli i lilo pu aku i ka mea limalima.

            NA MO PAA A ME NA MALAKEKE HAWAII. O ka nui o na ko paa i lawe ia aku mai ko kakou mau pae aina aku no ka hapaha mua e pau ana i Aperila, he 3,549,736 poana, a me he mea la paha he umikumamawalu miliona no ka makahiki. O ka nui hoi o na malakeke i laweia aku, he 161,070 na gaiani.

            PILIKINO. Ua lono mai makou, e holo ana o Kale Olelo e i na aupuni nui o Amerika a me Europa i keia mau la aku e hiki mai kona wahine ponoi ka hoa pili o kona mau la o keia ola ana. Nani wale ko laua ike ana aku i na laukanaka o na kulanakauhale nui o ka Hikina.

            HE HAKAKA I ke ahiahi Poakahi o kela pule, he anaina kanaka nui ka makou i ike aku e kai nui ana i ka hale hoopaa lawehala. I ninau aku ka hana i ka poe i kokoke mai ana, hai ia mai, he hakaka. I ka ike uku ua eha kekahi o na mea i hakaka ai ;  a o ka mea nana i kui a eha o ia kai hpouia o hoopaaia.

            HOI KOMO I KA HOME. I ka holo ana aku nei o ke kuapa. A. A. Eldridge i ka Poakolu o kela pule, ua ike aku makou i kona puha pono i na ukana Hawaii. O ka ukana nui nae maluna on a, oia ke ko paa a me ka malakeke. O ko ke komo paha ia la ke hele la a likelike me ka uapo o ka Makekek kahiko.

            KE MELE LAHUI HAWAII. Ua ike uho nei makou i na kope mua o keia mele, i kahaia o paaia maluna o ka pohaku e kekahi mau haole o ke kaona nei oia o Papa Nukama a me Toma Kea. Ua kaha muaia na hua mele a me na huaolelo maluna o ka pohaku e Robata W. Anaru, he keiki haole i hanauia ma Hawaii nei. Ua maikai na hua mele a me na huaolelo o ke kaha ana.

            KEKAHI MAU KAMALEI ALII. Ina la mua o keia pule, ua hoi aku kekahi mau kamalei alii o kakou e hoomaha ma na aekai o Waikikikai oia hoi na kamalei Lilia K. Dominis a me Likelike kona kaikana. He ona waliwali ko ke alii hope, aka aohe no nae he onawaliwali e lele ai ka oili. Ua lohe mai makou, e hele ana kekahi oia mau alii i ka makaikai i ka mokupuni o Kalanipo.

            HELE KAUKA HOU. Ke ike nei makou, ke hoomaemae houia nei ka hale kauka o Kilio iho nei mamua e ku nei ma ke alo iho o ka Hale Leta. Ua lohe mai makou e hoi mai ana o Kauka Hopemana ma ia hale me ka lawe pu mai i kana mau laaae lapaau a pau. Oluna ae hoi oia hale hookahi, e nohoia ana e kekahi haole kauka hou.

            PAIKAU KONA A ME KE KI POKA. Ma ka auina la o ka Poaono i hala iho nei, ua hele paukau aku na koa o Hale Alii makai o Kalia. Malaila i hoomakaukauia ai he mea ki poka. Ua nui ka poe i ki, aohe nae wahi mea i lihi launa aku i ka hoailona. Aka i ke ku ana no o ka Mekia a ki, aohe wahi mea a hala iki, o ia pololei no a ku ana. He iwa paha ki ana a ka Mekia, ua ku wale no a pau. O ka loihi o kahi i kiia ai, he haneri iwilei a hiki i ka elua haneri. O ka pu i kiia ai, ka pu a Hanale, (Henry's Rifle.) O ka hikiwawe o ke ki ana o ia pu he 32 ki ana iloko o ka minute hookahi, nolaila, aole paha he mea mahalo ole i keia ano pu.

            HOOLAHA HEWA. Ua hoolaha hewa makou mamua uho nei, ua hookeleia mai ka Hokuao mawaena o Patekonia a me Aina ahi. Aole pela ka oiaio, no ka mea, ua hookeleia mai ia mawaena o kekahi kowa, mawaena o ka mokupuni o Heremira a me Aina Ahi.

            NA OLULO O KA MOKU ILI. Ma ka holo ana aku nei o ke kialua Multon Badger, i ka Poalua uhi nei, ua hoi aku kekahi poe haole o ka moku ili a makou i hoolaha aku nei i kela pule, i Kapalakiko, a malaila aku paha e hele liilii ai lakou ma ka auwana ana ma ka honua. He 18 lakou nui i hoi aku nei.

            HE MELE HOOLEALEA. Ke kuikui mai nei ka lono i ko makou mau pepeiao, e haawi ana kekahi poe kaimkamahine opiopio haole o ke kaona nei, he mau mele hoolealea i ke anaina a pau e hele aku ana e hoolohe i ko lakou mele ana. E uku dala ia ana ka poe e makemake ana e komo e hoolohe, a o na loaa a pau o ka po e hana ia ai, e haawi ia no ke kuai ana i pila nui no ka halepule o Kaukeano. E haawi ia ana no ua mele la maloko o ia luakini ma ka po Poaha. Aperila 18.

            KE KII O KE KII LAAU I LOAA AI I WAIALUA. Ua ike iho nei makou i ke kii o Kealia, kekahi akua kii o Hawaii nei, i loaa ai maloko o ka loko ma Waialua, ua pai ia kona kii maloko o kekahi nupepa kamalii, a eia ma ka rumi o Rev. S. C. Demona. O aa kii la no a e ao, ua like loa me ke kii i hooleleaka ia iho nei e ka haole pai kii e C. L. Keki. Ku mai hoomakau lua.

            ANOANO LUA KA LEO. I ka po Poakahi iho nei, ia makou e naue hele ana ma ke Alanui Alii, aia hoi kani honehone ana keia leo me he hanehane la i ka pepeiao I alawa ae ka hana he puulu wahine maloko o Haleakala ka home noho mau o Hon. C. R. Bihopa a me kana Alii wahine. Me he mea la e hoomaamaa ana i ko lakou mau puu i keia mea he himeni.

            HE IPU HAO MAHU. Eia kekahi ipu hao mahu nui ma Ulakoheo kahi i hauaia ai. I ko makou makaikai ana i ka Poakolu iho nei, a ninau aku i kahi e lawe ia aku ai ua ipuhao la, hai ia mai ana no ka mahiko o Lui ma Waihee. I ko makou hoohalike ana, me he mea la o ka ipuhao mahu nui hookahi keia i hanaia ma ka hale hana hao o Honolulu nei. Hoko o na pule elua mai keia la aku e paa loa ana ua ipuhao mahu la, a e hoouna kekeia i kahi nana ia e hooluhi mai.

            HE MAI LEPERA MAHUKA. I ka Poalua iho nei, ua hele aku o Kauka Hopemana e nana i na mai lepera ma ka halemai ma Kalihi. I kona hiki ana aku, haiia mai ana, ua mahika kekahi kana mai lepera mai loko mai o ka hale, a ua holo loa, aohe i ike ia kona wahi e hokai mai nei. Ua manao wal ia ua kau maluna o Kilauea i ke ahiahi Poakahi iho nei, a in a aole pela, ua hele la i hea. O ka pono ka hoihoi ae iloko o kona anapuni ke loaa, o hele hokai mai auanei kela, "aohe nao ai i ka papaa."

            PAINA LIILII MA LUAKAHA. Ua haawiia ma ka uka iuiu o Luakaha i ka Poakolu iho nei, he wahi paina liilii e ka Mekia W. L. Moehonua ; i hawaii ia no ka hookua ana ia W. H. Hand a me O. S. Roberts kekahi mau alii manuwa i pilipili loa mai i ko laua luana ana. Eha wale iho no mea i ai malina o ia papaaina, o ke COl. D. Kalakaua ka ha. Me e no hoi ua uai ana oia mau keiki o ka aina i ka laua wahi paina a i ka uka iuiu i hoouliuli ia i na launahele o ke kuahiwi.

            KA IPU HAO I NALOWALE AI. O ka ipu hao a ke kiapa Maunaloa i lawe ai i Koolau hookuuia ai iloko o ke kui me ka manao ua kuia ka heleuina i lalo, a nolaila hookuuia ai e lana malia, aka mahope koke iho, nalowale oia a hiki i keia wa. I ka holo ana aku nei a ke kialua Milton Badger i Kaleponi, loaa ia ia ma ka moana e lana ana. Hoao oia e hiu i luna, aka aole nae e hiki, a ua hookuuia aku no ia no ia e hele hokai ma ka moana.

            NO NA KAIKAMAHINE O KE KULA O WAIALUA. Ua kanuia iho nei ka pa o ka halepule o Waialua i na laau kanu, e ea kaikamahine lima hana, a mikuala o ke kula o kehu hai o lalo. A me hea mea la he mau la koe, a e uliuli mai ua pa la i na lau laau uliuli e like me ka pa o Kawaiahao. Mahaloia na kaikamahine o ke kula no ko lakou mikiala ma na mea e hooluolu ai i na maka ke nana aku. Me he mea la o ka pii ae ia o ka loliana o ka noho ana Hawaii, a i ka noho ana maka ala o ka haole. Ua hoi mai o Rev. O. H. Kiluka, a me kona kokoolua kona wahine mare, na kiumu o ia kula. Haalele ia Hilo, maluna o ke kuna Ane, i ka kakahiaka Poana, a ku ma Honolulu nei i ke ahiahi Sabati. Ua oluolu kupono ko laua mau ola kino.

            NO KILAUEA. Pau paha auanei ka ike ana i ke Kilauea i keia hope aku. Ma ka olelo hoolaha a na lunahooponopono i pa ia ma ka nupepa haole a H. M. Wini o kela pule i hala aku nei, ua ike iho makou, e kuai liloia aku ana ia i ka mea kuai mai no ke kumukuai oluolu loa. I ka la eha aenei o Mei e hiki mai ana, e pau ai kona palapala holoholo puliaina ma ko kakou nei mau kai, nolaila, elua wale no paha holholo ana i koe, a hoomaha loihi loa aku. Ke lohe waleia nei, e hoouna ia ana i Valapariaiso e kuai ke lilo ole maanei. O ka nui o na toa o keia moku he 417.

            I ka Poakahi iho nei, ua holo aku ia ma na awa ku mau ma Maui a holo loa aku i Hanohano D. K. Naiapaakai, ka Lunakanawai Kaapuni o ka Pana 3.

            "No Kilauea ke aloha la

             No ka mokuahi o ke kaona la."

            HE PA HALE KUDALA IA ANA. Ma ka Poaono la 20 o keia malama, e kuai kudala ia ana ka pa a me ka hale noho o Samuela C. Alani, oia ka pa ana e noho nei mawaena o Alanui Alakea a me Rikeke. O ke kumu no keia kudala ana no ke poho ana iho nei no o ka Hui o Walker, Allen & Co.

            HE MAKA ALOHA E HOI ANA. Ua lohe mai makou, e haalele ana o Hanale W. Severance Esq., i na kaiaulu o Hawaii nei, a e hoi aku ana i ka home hanau. Aole i akaka kona hoi hou ana mai ia Hawaii nei, O ka hale kudala, e lilo ana ia E. P. Adamu o Lahaina. He mau haole ana no nae laua a elua ike nui ia e kakou.

            NO KE ALAULA. Ua puka hikiwawe ae keia wahi keiki ma ka pule mua o keia malama, a ua nui no na pepa i lawe ia e na Kahu Ekalesia no ko lakou mau keiki e noho ana ma ka lakou mau Apana. Nolaila, o na apana i loaa ole na luna, ke waiho nei no na pepa. E wiki mai oukou.

            HALE PAI KII O BOIKEKE. Ua lono mai makou o ka hale pai kii maluna ae o ka hale pai Kuokoa, ua lilo iho nei ia Keoni M@ki liilii na mea hana a pau o loko o ia hale hana, a ke hoomaka nei oia i kana hana pai kii maloko o laila. Na Boikeke no oia i ao iho nei a makaukau loa, a i keia manawa, ke kuokoa loa ae la a lilo ia ia ka hale okoa.

            NA MEA HOIKIEKE KII A KINI. Ma ka po Poaono Mar. 30, ua hoikeike hou ae o J. R. Kini, ke kumu kula o Kehehina, i kau mau mea hoikeike kii imua o na keiki o ua kula o Honolulu nei, Ua piha io no o loki na keiki a me kekahi poe makua. Ua hoike ia na mea akamai, na kii, a me ka hoolala ana o ka waea olelo.

            KU KA PAILA O UA UALA KAHIKI. I na la hope o kela pule aku nei i hala, ua ku ma kekahi moku kalepa i holoholo iho nei no mawaena o kakou a me Kapalakiko, oia ho, o Bernice, a ua lawe mai oia i na eke uala kahiki he nui wale. Ma ka Poalua iho nei, ua kudalaia ua uala kahiki la. Ua hele ia moku la a hooke i ka ka mea o ka piha i ka uala. He ukana e ae no kekahi a ua moku la i lawe mai nei.

            KA MOIWAHINE KALELEONALANI. Ke lohe lauahea mai nei makou mai kekahi pomai o ke Alo Alii, e haalele ana ka Moiwahine Emma Kalelenalani i ke kulanakauhale Alii o Honolulu nei, a e holo aku ana paha i Lahaina, a i na aole e noho ana malaila, e holo loa ana i ke kai malino o Kona e hoomaha iki iho ai no kekahi mau la. Aole no i akaka loa ka lae holo ai, aaka, o ka makou no keia o ka ka waha kamailio akea.

            HE MOKU PAIAI. Ma ka Poaono i hala aku nei, Aperila 6, ua komo mai ma ka awa o Honolulu nei, kekahi wahi kuna holoholo pili aina o kakou, me na holoai he 380 maluna on a. Ua laweia mai ia mau paiai la e kekahi haole o ke kaona nei, no na dala he $190. Ua hooia ua mau paiai nei iloko o na pahu, a e hoounaia ana i na Aina lepo manu no na kumakahiki e noho mai la malaila e kali mai ana o ke komo o kahi miki poi. Ua hoolimalima hou ia iho nei no ua wahi kona la, e kii hou i ka ai i Nahiku, a ma ka Poakahi iho nei, ua holo hou aku oia ilaila.

            HAKALIA KA ONO O KA MEA AI. I kekahi Lunakanawai o ka apana kuaaina e noho ana maluna o kekahi papaaina o ke kulanakauhale o Honolulu nei, aia hoi, lawe ia mai la na mea ai, me ke pa uala kahiki aole ihi ia ka ili. Lalau iho la ia i ke o a me ka pahi, a hou aku la i ka io bipi, a alapoho ae la i ka waha. I hou aku hoi ka hana i ka uala, e pau ana no ka ili, ua moa nae. I ka ihi no i ka ili s pau , o ka pau e no ia o kaka io bipi, a moni wale aku aku i ka haae ka ua mea o ke kali ana o ka pau ae o ka ili i ka ihi. Eia hoi kana olelo hope, "O ka ai keia, pau e ka e ka ono, a komo walr aku no ka uala mahope me kona nele i ka mea nan e alakai." He ane io no paha pela io no, ke hauhili la ka hana a ke kuaaina.

            HOOKIPA IA MA KA MANUWA. I ke awakea Poalua iho noi, ua holo aku ke Col. Davida Kalakaua, Mekia W. L. Moehonua a me kahi Lutanaela iho maluna o ka manuwa Lakawanna, mamuli o ka poloai ana mai a ka Luna Wiliki Nui o ka moku. He walu paina liilii kekahi a lakou i hoohialaai aa maluna oia moku on ina na keena i hoomakauhiia, aia wale no a o ka poe i loaa na kulana i hoohanohanoia. Iwaena o ko lakou luna maikai ana, ua haawiia mai ekolu mau pu kaupoohiwi ia lakou e hoao ai i ke ki pu ana. Ua ki ke Col. D. Kalakaua he 12, a ua pau wale no i ke ku, a ua ki no hoi ka Mekia he 15, pau wale no a pau i ke ku i kahi ki ia aku ai. O ka loihi o kahi i kiia ai he 300 iwilei a oi ae. He pu ano e ka lakou i ki ai, oia ka pu a Kipini, (Spencer's Rifle.)

            HALAWAI MA KAWAIAHAO. Ma ka hora 10 o ke kakahiaka Poaha iho nei, ua halawai ke Ekalesia o Kawaiahao no ka hoomakaukau ana no ka ahaina a ka Haku, malalo o na laau kiawe o ka pa halepule, na laau hoi a Limaikaika wahine i kanu ai i na makahiki i hala, a e hoomaemae mau ia nei e na wahine. O ke kumu o ka halawai ana malalo o na laau, no ka pilikia o loko o ka halepule i ka hana hou ia, a no ka paa no hoi kekahi i ke kula haole, nolaila, ua halawai lakou malalo o na lau laau me ka oluolu. O ka hoi hou aku paha keia e like me ka wa kahiko, aole paha, aka, he mahalo no nae i ka nui o ka poe i hiki mai a hapai i ka hana a ka Haku. He haneri kanalima paha ko lakou nui.