Ka Nupepa Kuokoa, Volume VII, Number 49, 5 December 1868 — Page 1
| This text was transcribed by: | Miki‘ala Maio |
| This work is dedicated to: | My mom and my dad |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE VII. HELU 49 HONOLULU, DEKEMAPA 5, 1868. NA HELU A PAU 366.
KA NUPEPA KUOKOA.
KE KILOHANA POOKELA NO KA LAHUI HAWAII.
BUKE VI. HELU 2. HONOLULU, IANUARI 12, 1867. NA HELU A PAU 267.
"KA NUPEPA KUOKOA,"
HOOPUKA MAU IA MA HONOLULU
I kela Poaono keia Poaono.
$2.00
No na mahina he UMIKUMAMALUA!
$1.00 no na mahina eono.
ME KA HOOKAA MUA MAI.
----------
NA OLELO HOOLAHA—aole i oi mamua o 10 laina no ka hoopuka hookahi ana, $1.00; alua komo ana, he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia ana mai e pai.
KANIKAU—he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi—penei: he 25 lalani, $1.00; 50 lalani, $2.00; a pela'ku.
NA UKU NO NA OLELO HOOLAHA—ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Kauka Kulika.
O NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA—ma ke kihi hema o ka Hale Hookipa Luina (Sailor's Home.) O na hora hana, ma ka eiwa o kakahiaka, a i ka ha o ke ahiahi.
L. H. KULIKA. (Luna Hoopuka.)
KA "NUPEPA KUOKOA."
Is published in Honolulu
EVERY SATURDAY,
$2.00 per annum, or $1.00 per six
months, in advance.
ADVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements must be paid for in advance.
KANIKAUS will be charged 1.00 per page, or 4 cts. a line. PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription list, until paid for. This rule must be strictly adhered to, on account of the low subscription price.
THE OFFICE OF THE KUOKOA is in the South corner of the Sailors' Home. Office hours from 9 A.M. to 4 P.M.
L.H. GULICK.
For the Publisher.
Volume I, II, and III of the KUOKOA, bound, for sale, $3.50 each.
Persons having complete sets of the above, can have them bound by paying $2.00 each.
Ka Nupepa Kuokoa.
KA MOOLELO
No Ka
MAKAIKAI ANA A PUNI KA HONUA.
I KAKAUIA E
WILLIAM HOAPILI KAAUWAI
HELU 15
Ka hiki ana iloko o ke Kulanakauhale Nui Kaulana o Beritania. Ka noho ana malaila a me ka ike ana i ka Moiwahine Victoria.
Eia nae, o ko‘u ake nui maoli,o ka lawe ana a kela mea keia mea Poo-aka-mai o kakou i na mea like olema ko la kou noonoo, a hoomaopopo, a hookuikui a hoohuahualau hoi, no ka mea, he mea mau loa ia no keia noho ana kino ; o ka like ole o na manao, aka, aia nae iloko o ia mau manao like ole, ka waiwai maoli kahi i waiho ai, ke hoopukaia nae e ka poe ike maoli. Aole au e oleloanano ka poe hakukole, no ka mea, ua maopopo mea no ia ʻ u, aohe waiwai iloko o lakou, a nolaila, he mea makehewa ka hilinai ana, o puka mai ana ; a pela pu no hoi me ka poe manao kekeue. Aole no hoi au a kaulua i ka hoohui ana aku i ka poe hoopilimeaai, noka mea, ua maopopo lea mai ka wa kahiko mai, a ia kakou i keia mau la ; eia no ia mau ano iloko o na keiki a kanaka ; a ma kahi i nohoia ai e ia mau ano, ua akaka loa ka waiwai nui, a o ia no keia : He makee, alunu, huahua a me na ano like e ae he lehulehu wale. Eia nae, he ano ka i ka olelo a ka poe kahiko i olelo iho ai,
"Nou wale no na pali o Koolau,
O na pali hauliuli a Kaliuwaa
Ina no ilaila o Oilo-wai,
E kewe auanei i ka Ahiu,
I ahia oe ia lakou la,
Eia hoi ka mea e puu ai ko waha,"
no ka mea. O ka wahine kanemake Palakalina, ka mea nona ka hale a makou i noho aku ai, a me kana kaikamahine Miss Kelekolopa, he mau mea kane ole no laua a elua, nolaila, aloe loa i like me ke ano o ko laua noho no laua e like me ke ano kupono i ko laua pa a me ko laua kihapai no hoi. Ae like nno hoi me ka hiki kupono i ko laua loaa makahiki, pela no i hoelako ia ai laua ma na mea a pau loa. mai waho o ko laua hale a hala loa iloko, oiai nae, aohe laua he mau mea waiwai nui, ke hoohalike ia me ko lakou poe waiwai maoli ; aka, he mau mea waiwai nui no laua ke hoohalikeia me ko kakou nei noho ana, noluila, ua kuonoono kupono no laua, a ua oluolu pono no hoi ma na mea a pau, e like no me ko laua noho ana kane ole.
A oia iho la no ke ano nui o na kamaaina nana i hookipa ia makou, oiai ko inakou mau la malihini loa iloko o Ladana Nui. A iloko o ka hale o ia mau kane ole makou i noho ai a hiki wale i ka ike ana mai o ku Moi Wahine Victoria a haawi mai ai i kekahi Hale Hotele no makou e noho ai, a hiki i ka hoi ana mai. me ka uku ia e ke aupuni Beritania, maloko ae o ka Ela Lakela (Russel), ke Kuhina nana e malama ana ia Bertania ia mau la, oiai o Haku Pamakona e waiho ana i kona nawaliwali hope loa nia keia noho ana honua ana.
O keia mau hiohiona hoa no kekahi i hoohakukoi mai ia loko o ko‘u mana wa aka, ao ko‘u hooholo mua ana i ko‘u manao me ka olelo ana, O na mea a pau a lakou Pelekane e hana mai ai ia makou, oia iho la no ka pono maoli i a lakou, no ka mea, nana wale iho no ka manao i keia mau mea a pau loa. A olelo iho la, E aha la hoi , ina paha o ko oukou nei kai o makou la, ke hopuhopualulu la. A laa wale no ka hoi makou la ke hiki mai i o oukou nei. O ka mea paha i ka Pa hia nei, in a la ua
A like a like me Kaiolohia,
Ka hapala o ke kea
Na ka ele ka ai.
No keia ano kulanalana o ko makou hiki malihini ana aku, i hiki ole ai ke maopopo pono ka mea kupono e hana ai. Aka, mahope iho o ka lauoa oluolu ana, me ka paina liilii ana, oiai ko makou hiki ana aku. O ke Alii hoi a me ka‘u wahine, iloko no o ua paini, a owau wale no makaikai ana i ke kihipai, la wa huli mai ana ua kamaaina kanemake nei o makou ia ʻ u, a loaa ae la au e nana ana i na pua a laua o loko o ka Hale-aniani. O ko ia la kono mai la no ia ia ʻ u e hele pu me ia i ka holo kaa-lio. O ko ʻ u ae aku la no ia me ka olelo aku, ʻ Malia paha o ke Alii Wahine a me ka ʻ u wahine kekahi makemake : ʻ Olelo hou mai la kela, ke hele au e ninau pono. O ko maua hoi aku la no ia i a ka hale mai ke kihapai aku, a hele loa ana no au i ka rumi nanea, no ka mea, ilaila ke Alii a me ka ʻ u wahine kahi i nanea ai o laua wale iho no. Hoakaka aka la au i ka hele i ka holo kaa lio. O ko laua la olelo mai la no ia, " he maluhiluhi ; ʻ me ko laua ninau pu mai no hoi i ko ʻ u maluhiluhi ole. Olelo aku la no au, ʻ He ano luhi iki no, aka, he makemake loa nae au e hookamaaina ia ʻ u iho, a e ike no hoi i na mea a pau a ka maka e hiki aku ana ke ike, i hiki ai ke pau koke ae ka waimaka hihiu a malihini, a lilo iho i kamaaina, oiai ke lokomaikai o ke kamaaina nana i kono mai e hele pu me ia. O ko ʻ u hele aku la no ia a loaa ua kamaaina nei, ka-ka-kau ana maua iluna o ke kaa lio. O ko maua holo hoi o aku la no hoi ia iloko o na huikau lua launa ole o ua kulanalauhale kinikini lua la o na kanaka. Aohe no hoi kau i ke ano e i ka nana aku a na maka a koe aku.
Ea, pehea la e hiki ai ia ʻ u ke hoakaka aku a maopopo loa, i like mai ai ko oukou ike ma ka lohe a ʻ u e hai aku ai, me ka ike i loaa ia ʻ u ma ka nana ana, he mea akaka loa, aole e like ana, aka, eia ka mea hiki me ka loihi loa ole aku. O ke ano nui o ke kulanakauhale o Ladana, a ko ʻ u maka i ike aku ai ia ahiahi mua loa o ko ʻ u makaikai ana, oiai ka ʻ u holo kaa lio ana me Lede Palakalina, a oia no keia.
He kulanakaulana nui launa ole, waiwai launa ole, a piepiele launa ole no hoi. Nana aku i na alanui, aole i kana mai ; i na hale hoi, e helu a e manaka ; a ina kanaka aku hoi ea, kini, lehu a miliona wahi a ka olelo. Mai i oe i ka lehulehu launa ole o na alanui ma o a maanei, a me ka piha pono hoi o na alanui a pau loa, e nele la hoi kekahi alanui e aku i kanaka ole, kaa ole, a ho ole hoi ; aole loa no i nele iki, oiai ma ka maua mau alanui a pau i holo ai ia ahiahi, ua piha ponon wale no i na kanaka, i na kaa a me na lio e hele aku ana, a e hoi mai ana ; aohe hi-o a koe aku, aohe no hoi he uluaoa a lohe mai i ka pio.
O ke ano nui o keia huakai holo kaa a maua i holo ai me ka wahine mea hale a makou i noho aku ai, h ehuaki hoomakaikai ia ʻ u i kekahi mau wahi o ua kulanakauhale aiwaiwa launa ole nei o ka nui, wahi ana i hai mai ai ia ʻ u. A nolaila, i ka maua holo ana, ua ane akahele iki no, a ua lehulehu loa no hoi na hale o kekahi mau alii a me kekahi poe hanohano i kipa ia e maua, e waiho i kona Papa inoa (Card) wale no, aole no ka ike launa maoli ana, oiai oia maoli no ke ano o ka uoho ana i waena o na lahui naauao oiaio a pau loa e noho mai nei ; a pela no hoi e malama ia a ai nei e ka poe oia naauao oiaio e noho mai nei i waena o kakou, aka ia kakou iho, aole au e ike i ka malama ia ana mawaao ae o na hale kapu, hale ihi a hale ahi hoi o na Lani –
I ka iu makani lau kohai e Lono.
O ka neki mauae kano o Luamea,
O ke ahiku na o kahu ke ala,
O ke oho lani o lai ka inaina,
He lai ano meha, he kua kai–o kia,
Ke hoi la i ka hale hiwa a Lono_
O–e–O–oe––ia–O–o–e–ane–a–
O kekahi mau manao kupono no keia i ka hoakaka aku ia kakou a pau, i maopopo ai ia kakou ia mau ike kupono ia kakou ke malama, a ke makemake kakou e hana pela, aka, no ka pili ana o ia mau manao i na mea o kekahi Buke a ʻ u e hoomakaukau nei e hoolaha aku iwaena o kakou, nolaila, e oluolu mai no oukou ia ʻ u, i ka hoopuai iki aku no i kekahi mau mea, a e nua mai ana no hoi au i ka nui, i piha waiwai ai hoi ia wahi Buke a kakou ke puka aku, o lilo loa no hoi auanei kakou i ka moolelo a kakou e nononoke ai, moalaala loa hoi kela wahi Buke. A eia no hoi ; aole no e hiki iki ia ʻ u ke hoopoina i ko ʻ u lohe o ka wa kamalii, i ka olelo ia mai,
"I akamai no ka ke kumu,
I ke koe o kekahi,
Ina ka e pau loa,
He kumu nawawa ia."
Nolaila, peneia kakou e hoomaopopo iki ae ai : O ka noho ana o ia poe a pau a ʻ u i hoakaka ae nei i ka naauao oiaio, he noho ana nihinihi, he ekeeke, he ne-ne-ili-kapu. Pela no kakou e noho mai nei iwaena o kakou. Eia hoi ; he akahele, he akahai, a he ake noho, a ke ime nei no kakou ia mau me maanei ia lakou, nolaila, ma ko lakou launa ana, launa ana, a nanea ana hoi, he mau loina wale no. A pela hoi keia a ʻ u i hoakaka ae nei maluna, i ka waiho ana a Lede Palanakilina i kona Pape inoa ; oia loina no ia, oiai he lehulehu loa na ano o ka lakou kipa ana aku a kipa ana mai, aka, iloko o ia mau ano kipa ana lehulehu loa, me ka pepa inoa wale no a kipa ai, koe wale no kekahi mau kipa ana no ka pilikia ili wale mai a me kekahi mau kumu nui e ar e like ana ke koikoi me ia, a pela wale aku. A ma keia mau ano o ko lakou mau loina lehulehu maua i kipa ai.
Aka, i mea e hoikau ole ai ka ʻ u i makemake ai e hoakaka, me ka manao o ka lealea olelo o keia mau la a ʻ u e ike aku nei i ka hihkau mai iloko o na nupepa a kakou.
E maliu mai hoi oukou, ke hoolamalalama aku au i na mea a oukou, a o kakou pu no hoi a pau loa i ike iho nei, oiai ke kipa lehulehu ana mai o na malihini o kela aupuni keia aupuni i pae mai i o kakou nei ; mai a Kapena Kuka mai a i keia la, aole i hololea, aole no hoi i like me ka ʻ u i kukahekahe ae nei, ka hele wale a nihinihi wale, wahi a ia kahiko. Nolaila, mai kapa ami oukou i ka like ole o ia mau ike a kakou, me ka ʻ u e haanui nei ; he pololei ole no ka ʻ u hoakaka ana aku nei. A mamuli o ia ano, me ha mea la ua kapakahi ka paha ka moolelo a kakou, a i ole, ua "apuhi ka paha au." wahi a ka poe waha-a. Aole, aole loa no i kapakahi ka kakou moolelo, aka, eia ka mea i like ole ai, ua maopopo lea no ia kakou a pau loa, oiai kakou e noho nei iwaena o ka lama-ku o ko kakou noho ana Karistiano ana, a naauao ana hoi, wahi a kakou, ole wale.
Eia no iwaena o kakou nei kekahi poe he nui loa, a ke menemene nei au i ka lohe mai, me ha mea la, o ka hapa nui loa paha ia o ko kakou lahui, he poe no ka ohana o "na keiki a kanaka" wahi a Kinohi. Pela no iwaena o kela lahui keia lahui. A oia iho la no ke kumu a kakou i ike ai, i ka like ole o kekahi o ua poe malihini la i kipa mai i o kakou nei. me ka ʻ u i hai ae nei, aka, aole no ia he mea hou no keia noho ana honua ana, a nolaila, he kuhikewa kakou ke haohao. Eia wale no ka ʻ u i makemake ae nei e akaka ma keia kakau ana o ka kakou moolelo ; o ka poe o ua mau lahui naauao oiaio la, e hahai ana me ka kokakou poo e hahai ana ma ia aoao no hoi. Aka, o ko lakou poe i naauao oiaio maoli, aloe loa i loaa ia kakou ka hapalua a hapaha no paha o ia poe ; oia hoi, aole loa au i ike hookahi. Malia nae paha, o oukou ka i ike ; a in a pela, alaila, e hoomanao iho no oukou, o ko ʻ u ike no ka ʻ u e hai nei. A eia hoi, he nui loa ka pomaikai a me ka olioli, e loaa ana ia kakou, in a eia io iwaena a kakou kekahi o loaa ka naauao oiaio maoli a ʻ u i ike aku nei, a ʻ u no hoi i hoakaka ae nei, o laila, e hiki aku auanei kakou i kahi o ke ake nui, nana i paipai mai nei au e kakau i keia mau wehewehe ana, oia hoi keia. loa ua ike io oukou i kekahi o kakou, ua loaa ka naauao oiaio maoli a kakou o ike nei i kekahi poe o na malihini e noho nei iwaena o kakou, a oukou hoi i lohe ae la i ka ʻ u mea i ike maka aku nei, alaila, in a kakou a pau loa imua, imua, a imua loa ku , no ka mea,
He makemake keia i ke Kaunoa,
I ka liilii mai i ke poo o ka mauu,
Hui ae la me ka mao i ke awakea,
He uli ke Aalii, he lelo kona pua,
Ke ahe wale mai la no ia ʻ u,
Ke kilikili makani o Kanoenoe,
Ke huai ae la no i kai o Ewa,
Ke pehia ae la e ka Waikoloa,
Ka maikai i ka manu o Kanehoa–a–
Hea ia mai hoi keia kanaka
Ua loaa ko ʻ u inoa ia oe.
Pela iho la ka maua haele ana i ka holoholo kaa i ua ahiahi mua lua nei o ko makou hiki ana iloko o Ladana, a hiki walr i ka hoi ana i ka hale i ke ahiahi loa ana, no ka hoomakaukau i na wahi aahu no ke kokoke aku i ka hora o ko lakou manawa e paina awakea ai, oia no hoi ka hora 8 o ka po. Ea, kukauwahi no hoi ua mea he aumoe o ko lakou manawa e paina ai o ka aina-awakea ea. Ae, oia iho la no ko lakou ano o ka noho ana. (Aole i pau)
Ke kala ana i ka hala me ka uku
Ma ka uhi o waho o kekahi pepa puka malania a ua Katolika Roma, i kapaia "na Moolelo kumu o ka manaoio," he "Papa no ke kala ana i na hala ma ka uku i haawiia i na poe hui, i moa e hookumu ia ai ka manaoio."
O na lala o keia poe Hui ke olelo, hookahi Pater, (Makua) a hookahi hoi Ace i kela keia la ; a e ukuia i hookahi peni i kela hebedoma keia hebedoma ; he 50 keneta i ka makahiki.
Ua hookaawale ia maloko o ua Papa kuhikuhi nei na (a e hiki ai i na hoa o ua Hui nei ke kala i na hala a pau loa ma ka uke ana ; ekolu la kalahala iloko o ka makahiki ; hookahi la kalahala no ka 100 la.
Ua ike au, hookahi wale no kumu e hiki ai ke kala pau loa ia na hala, oia hoi, "ma ka hora e make ai, ua hoana e ia mai na mea ana e uonoi aku ai maloko o kona naau, i ka inoa hemolele o Iesu."
Ma ka hopena o ka Papa Kuhi kuhi keia olelo kukala, " O keia poe a pau i kalaia na hala ma ka uku ana ka poe i kala pau ia, a i kala hapa ia hoi, e komo ana no ko lakou ma uhane i ke ahi hoomaemae (purgatory)
Heaha ae la ke ano o keia? Ua imi aku au iloko o ka Baibala, e ike i kekahi mea hoomalamalama mai no ua olelo kukala la maluna, me kuu hoomanao ana ae i ka ke kaula i olelo mai ai. "Ad legem magis et ad testimonium. Quad si non dixerint juxta
ver-burn hoc, non erit eis matutin lux." "E aho ma ke kanawai a ma ka hoike ana hoi lakou e like me ia, aole e loaa ia lakou ka malamalama o ke ao." E kala mai ia ʻ u e na Katolika, ke lawe mai au i na olelo a ke Akua, i mea na ʻ u e hoo-mo-o aku ai. I ka Baibala ko ʻ u makemake e hele ai ; aole nae ua olelo kukala la iloko o ka Baibala.
No ka loaa ole anaia ʻ u o kekahi mea e pili ana i ke kala ana o na hala ma ka uku ia iloko o ka Baibala, ua huli ae au iloko no o Augusetine ia huaolelo maloko o na wahi he nui o kana au puke, aka, o kana nae i manao ai i ke kala ana o ka hala ma ka uku panai mai ke Akua mai no mai no ia, aole i haawi i amai na ka ekalesia ia hana, a i ka Pope, aa o ke kahuna paha, penei kana :
"E aho nana e hoopololei mai ia oe, ka mea i hoohiki mai e kala mai i kou hala, ii ka ana." E mihih oukou ma ka naau e ka poe lawehala. Is. 46: S. Aole au i oluolu i ka make ana o ka mea hewa, aka, e huli mai oia mai kona aoao mai, a e ola. " Ezek. 33: 11.
"Spes ergo una est, Quoniam est apudtte pro-pitiatio" (No ka mea, aia no ia oe ke kala ana mai me ke aloha.) O keia ka Augusetine i olelo mai ai no ka manaolana hookahi, aka, i ke Akua no. A o ua manaolana hookahi la, oia no ko ke Akua haawi lokomaikai ana mai i Kalahala.
Ua olelo o Augusetine, "Na ka Uhane Hemolele e kala mai na halaiwaena o ka ekalesia" a ke kua nei na Pope (donatists) i ka i ana. "Ina aole e kala na kanaka i na hala, alaila, aole olelo o Kristo i ka oiaio, ia ia i i iani ai, "O na mea a oukou e kala ai ma ka honua nei, e kala ia no ia ma kalani."Mat. IS: IS. Ua ole o mai keia : "Na ka Haku e hoouna mai i ka Unane Hemolele i na kanaka : a he makemake keia e hoomaopopo ia na ka Uhane Hemolele no e kala mai i na hala o ka poe manaoio ;" e like me ka olelo ma k ekau wahi e ae. "Ma o ka Uhane Hemolele la," a eia hou hoii olelo mai ai ma ka Ioane kekahi mea ana 20: 22, 23, i ka i ana, "A pau kaua olelo ana–E loaa ia oukou ka Uhane Hemolele," heohui koke aka la no oia , "O ka hewa o na mea a oukou. Aka, o ka Uhane, o ke Akua, o ke Akua no ia. Nolaila, na ke Akua no i kala mai, aole na oukou. Aka, heaha la ka oukou mea i nonoi aka ai i ka Uhane? "Aole anei oukou i ike, o oukou no ko ke Akua luakini, a o ka Uhane o ke Akua kenoho mai iloko o oukou? I Kor. 3: 16, a eia hou. "Aole anei oukou i ike o ko oukeu mau kino ka luakini o ka Uhane Hemolele, i loaa mai ia oukou mai ke Akua mai." 1 Kor. 6: 19
Nolaila, o ke Akua kai noho mai iloko o kona luakini hemolele, oia hoi, iloko o ka hemolele o kona mea manaoio maloko e ka ekalesia : a ma o lakou la, i kala mai ai oia i na hala, no ka mea, o lakou no na luakini e ola ana." Sermo. C. cap. 9. O ka Auguaetine keia i ike ai i ka Ioane 20:23, aole i okoa iki mai ka na poe Perotesetane mau wehewehe ana.
No ka loaa ole ia makou o ka hoakaka pololei no ke ano o ke kala ana i na hala meka uku ia, nolaila, ke nana hou nei no makou.
Aia maloko o kekahi buke Katolika uuku, i kapaia, "Na Katolike hoike hewa, a hoike pono." Ua loaa ia'u malalo o ke poo o ka mea i kakauia no ko ua Pope hoike hewa keia mau mea malalo iho nei. "Ua i hoike hoopunipuni ua poe manaoio o ka aono Katolika Roma, he mea hiki i ka makua Hemolele, ka Pope, ke hookuu aku e hana lakou i na hewa a lakou i makemamek ai ; O ka mea nui, in a he hiki ia ia ke haawi mai i puu dala nui i ka Pope, a kahuna paha aohe ia e kanalua iki ana no ke kala ia o kona mau hala, o kona ponoi iho, a me ko kona mau hooilina no ka wa mau loa : a no kela ano keia ano karaina, a me na hewa e ae on a, a o kona mau maino hoi muhope aku ke loaa ia ka manawa e haule ai lakou iloko o ia hewa, aka, e waiho ana ka palapala kalahala a ka Pope iloko o kona pakeke, me ka Sila nui o ka Pope e kau ana maloko, e paulele nui na Kristo no e hoopaa mai i na mea a pau a kona Hope i hana ai ma ka honua nei. Ake hele ole kekahi mea i on a la e uku aku ai no kekahi o kana mau hewa i hana ai, alaila e make ana no oia, me ka nele i ka manaolana no ke kala ia mai o kona mau hala."
Ano la, aole au i manaoio iki no keia hoike hoopunipuni ; a he makemake hoi au e hoopau i keia kuhihewa ; oia hoi, aole e hiki ia'u ke hoike me ka manaoio i keia mea maluna.
I ka wa hea la? A ma owai la hoi na Pope i hai hewa ia mai ai, e like me ka "Rev. J. Gother," e hoike nei, ka mea nana ka buke a'u i hoike aku nei i ka mea maluna.
Ua ike no au i na wehewehe ana he nui i hanaia e na Perotesetane e pili ana i ke kala ana o na hala, aka, aole nae au i ike i kekahi mea like me keia mau olelo, a manao wale iho lano hoi au, mai hoike paha keahi mea pela, in a e inaopopo : o ko Rev.J.Gother oiaio ; ua hoike mai kela me ka hoike wale ana no, aole nae ke kumu io. A no ke aha la ka mea i aneane like loa ai ka mea maluna me ka Tetezela i hoike mai ai. I ka wa o Tetezela ma Leipisika iloko o ke Keneturia 16, me ka puu dala nui eku ana ma kona alo, ka mea i loaa mai ia ia mai na Palapala Kalahala mai ana i kuai aku ai, hele mai la kekahi alii io na la me ka ninau mai. "E hiki anei ia oo ke kala e mai no ka hewa a ke kanaka i manao ai e hana aku?" Pane aku o Tetezela. "Ae, aka, he nui loa nae ka uka o ia." No keia mea, uku aku ia ia a pau, a loaa mai la ia ia a pau, ka pepa i kakau inoa ia, a Silaia hoi a paa, i mea e e kala ai i kona hewa mai ke karaima ana i manao ai e hana aku.
I ka wa i haalele ai o Tetezela ia Leipireka, ua hoohalua iho la ua 'lii nei ma kahi ana i hele ai, a hao wale ae la i kana ouu dala a pau. I ka wa ua 'lii la i haalele iho ai ia Tetezela, hai aku laoia penei; "O keia mea i loaa mai ai kou palapala kalahala mai a oe mai."
Ma keia mea, aole i hai ia mai ko na Katolika manaoio ana, e hiki i ka Pope ke hookuu mai ia lakou e hana i ka hewa. Ua hoika wale ia ae no, ua olelo aku ka o Tetezela, e hiki no ia ia ke kala i ka hewa a kekahi kanaka e manao mai ana e hana.
Ua hoike nui ka Ekalesia Katolika Roma ma kela wahi keia wahi, no ko lakou ku mau, a me ka oia mau o na hana, aole he ano e iloko o kana ao ana, aole hoi iloko o kana mau hana. Heaha la kana ao ana, a me kana mau hana iloko o ke Keneturia mua ke ano e ka lakou hana i hana i ke Keneturia 16, a pela ae i ke Keneturia 19 a i ke Keneturia 16, ua nei loa ka Pope L@@ @@ ke dala e hiki ai ke kukulu i ka luakini @ o St Petero ma Roma, nolaila, hana @@@ oia i na palapala kalahala, a kuai aku i na mea e loaa mai ai ke dala. A no ka mea, @ @ Pope kaulana o Leo N., a he M@@ @@@ @@@ aole no e huki ke manaoia he naaupo o na mea o ke ao ana, a me ke ano o ke ana i na hala a me ka uku ia.
A oiai ua Ekalesia Roma nei e pai kua nei i ke ku mau o lakou ma ke ao ano, a me na hana, e manaoio aku anei kakou @@@. Ke manao nei aku, heaha iho la auanei ke ano o ka Palapala Kalahala i hana ia i ke Keneturia 16, i ko keia mau la e hele nei.
(Aole i pau)
Heaha la ke kumu e lohe ohe AI O NA KEIKI
E o'u mau makaainana o na Kaiaulu @@ Hawaii nei ma ka noeau, o ka poe @@ poo aku ma na moana hohonu o ka naauao a me ka ike, ua hele wale @@@ @@@ olu nae hoi oukou e hookipa i keia wa @@@ nau ma ko oukou puuwai palupalu, oia no keia. Heaha la ke kumu elohe ole ai o na keiki?
Haina. O ka puni lealea o na makua. A ma kuu noonoo ana o keia wale iho no ke kumu hookahi e lohe ole ai o na keiki, aole nae hoi au e kuhihewa. A mailoko aku o keia kumu, ua ulu aku no ia a nui na @@ a hua mai no i na hua ino he nui me ka pono ole. E pono paha wau e wehewehe iki, oiai hoi he nui a lehulehu ke ano o makua e malama nei i na keiki, he @@@ kua hanai kekahi, a he mau makua @@@ hoi kekahi, a he nui wale aku na ano. E huli ae kakou a nana iwaena o na makua @@ lealea o Hawaii nei. E ao ana kekahi @@ lakou i ka hula, e like me kekahi ma Lahaina nei, ka makua hookahi keia nana e alakai nei i kekahi poe keiki opiopio ma keia hana uko ole, kekahi poe hoi e ao ana ke Kui, e like me Liilii ma Puunoa e ao aku i na makua me na keiki, na kane me na wahine, mamuli o ke ao ana a ka lakou @@@ owai la hoi ka inoa, ma kona paha ana @@ ona makau i kekahi e ae ke ku aku imua o kona alo me kona lele ana @@@ me he pinao la, a hoomaopopo ae la hoi au i keia mau wahi lalani mele, penei:
Hookahi manu nana e kiko,
Eueu koiala puapua.
Pela no kekahi kanaka nui, o ka makua no keia nana e alakai nei kana mau keiki @@@ ko o ka lealea, na wai lohi kino o @@@ o Maleka, aole hoi o kana mau keiki wale no, ua pau pu aku no @@@ ka poe e ae i makemake e haule iloko o keia kio-lepo e haluku @@ me he puaa la, a he nui loa no kekahi poe e ae e noho mai nei mai Hawaii o Keawe a i Kauai o Mano, i hana e like me keia. Ke @@ mai nei nae hoi paha kekahi poe me ka @@ ole, me ka olelo ana paha, ka, aole hoi @@ kekahi poe makua i ka lakou mau keiki i ka huli a me ke Kui, ua haalele mai kekahi poe keiki i ka poli o ko lakou mau makua a hele aku mamuli o ka lealea, a me na @@ ia o ke kino, a lohe ole mai i ka @@@ makua ke olelo aku. O kou ae no ia mau makua e kuu iloko o ka lealea, o kou @@ ma kupono ole iaia me ke akahele loa, @ ua ike oe e ka makua ua paakiki @@ naau o ke keiki, e pono oe e haawi i ka @@ kua hanai kupono ma kahi paa e like L.H. Kulika, a me ke kula hanai ma M@@@, ina nae oia ke kaikamahine. Nolaila, @@@ nana ana iwaena o ka poe puni lealea o na makua a me na keiki, e pono ole ana ko@@@ noho ana, e kue ana ma kekahi me @@@ me ka puka ana o na olelo ino ma ka waha a lilo i mea nui loa, me ke kapa aku i na makua i ke keiki lohe ole, keiki lapuwale me ka naaupo, keiki loaa ole, poho ka @@ a me ka manao paha o na makua o ka @@ ino ke kumu e maliu aku ai o ke keiki, no o na makua ka poe uli nana e alakai keiki ma ka pololei, a me ka pono, ke @@ io kau hana ana, ina no e hewa kau @@@ ana e ka makua, pela no e hana ai ke @@@. Nolaila nana makua mai no kekahi kumu i lohe ole ai na keiki, a he nui loa aku, a lehulehu o na lealea o kela ano, a me keia ano hana ia e na makua a me na keiki, aka makehewa wau ke kuauhau no ia mea, @@@ ike no kakou, a ua kamaaina i ka hua @@ puni lealea, oia hoi na wahine laikini, ka poe e mauna nei i ko lakou kino iloko o ka lealea me ka waiwai pu, me ka manao ana nolaila e loaa ai ke ola no ko lakou noho ana ma kuu manao ana, aole e hiki i keia poe ke lawe i ka laikini, ina i ao pono ia e ko lakou mau makua. E huli ae kakou a nana i ka noho ana o na kaikamahine i ke kula hana o Waialua mamuli o ke ao pono a @@ kou makua oia hoi o O.H. Kulike, i @@@ kai o Puaea, a me Ioka i ka ua @@@ Makawao, me Lahainaluna i ka ua P@@@; o Lele. Aole no hoi au i ike no ka puni lealea ka poe e noho mai nei i ka pane @@@ hanohano, a me na oihana maikai e ae @@ pau wau maanei. Ina nae ua hewa, e ike mai e pono ai. Na ka poe ia i hele @@@ koo n palalauhala ma ka ike, e ninau @@ na mea i koe, ke kani mai nei ke oeoe o Halaliekahao, e hea mai ana e hoi e auau @@ wai o Kapaulu. Me ke aloha no. J.M.K.
Paeohi, Lahaina, Maui.