Ka Nupepa Kuokoa, Volume IX, Number 13, 26 March 1870 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

KE KUOKOA, HONOLULU, MARAKI 26, 1870

Akua i ka poe i nele, a make iloko o ka hala a me ka hewa.

“Ma kana olelo mana mau,

E huli ai ko keia ao;

Malaila no e pau loa’i,

Na ‘kua ku, na mea ku e,

A @ i na aina e,

Ke Akua mau.”

            Mai ka wa a ka elele o ka Papa Hawaii i haalele aku i Honolulu, a hoi mai ianei, ehiku malama no ia.    Penei:

Maluna o Hoku Ao - - - 101 mau la.

Ma Ualana - - - - - - - - - 31   “      “

Maluna o Anne Porter – 77   “      “

                                      ____

            Huina pau - - - - 209  “      “

            A o na mile a makou i holo aku ai ma ia mau la 209, he 9,712 no ia.  Penei:

Maluna o Hoku Ao - - 4,618 mile.

    “     “ Anne Porter – 5,094   “

            Pehea la ka hua?  He hua no paha, he hua minomino ole ke helelei iho la na mea i lulu ia ku ma ka lepo momona.  Aia nae i ke Akua ia wahi, no ka mea, “Na Paulo no i kanu, a na Apolo no i hookahe ka wai; aka na ke Akua no i hooulu.  Nolaila, mai kaena kekahi i na kanaka, no ka mea, na Kristo oukou, a na ke Akua o Kristo.  A lala ka hoonaniia i keia manawa, a mau loa aku no.     Aloha oukou.

                                                                                                                                    J.F. POKUE.

 

English Column.

 

Miscellany.

 

A Texas beef-condensing factory packs a whole buttock in a twelve-pound can.

            Every fashionable young lady in New York says she danced with Prince Arthur.

            H.R.H. the Prince of Wales has become a Past Grand Master of the Masonic Order.

            The will of the late Hon. Henry J. Raymond, of the New York Times, leaves $450,000, of which amount $250,000 is in real estate.

            Lovers of the fine arts will regret to learn that @ picture of the Yo Semite was among the works destroyed by fire in Mr. Earle’s gallery in Philadelphia.

            Admiral Semmes applied for the position of president of the Alabama University.  A negro name Cyrus Northrup was elected to the place.

            A Liverpool woman, doubtful whether the fire in her stove was out, poured gunpowder on the embers in order to ascertain the fact.  Her doubts were removed, and so was she.

            There are now eight Chinese Sunday Schools regularly taught in San Francisco, which are attended by upwards of 500 Chinese, most of whom are adult males.

            Rear Admiral Charles H. Davis has been ordered to make a survey across the Isthmus of Darien, to ascertain the propriety of cutting a canal across the said isthmus.

            St. Louis received nearly 12,000,000 bushels of wheat, and manufactured over 1,000,000 barrels of flour last year.

            A little girl repeating her Sunday School lesson, gave a new version to a familiar passage-“Ye cannot serve God and Mamma.”

            Oranges “grown in the Florida plantation of Mr. Harriet Beecher Stowe,” are for sale in Montgomery, Ala.

            The Byron scandal has given rise to innumerable articles in the literary journals of Germany.  Mrs. Stowe is bitterly denounced by the German critics, as guilty of “the greatest literary crime of the century.”

            A tall man can walk upright down the tube of the Rosse telescope.

            A Tennessee girl, in order to make a sure thing of it, allowed two young men to take out a license to marry her.

            A house without children is like a lantern and no candle; a garden and no flower; a vine and no grapes; a brook and with no water gurgling and rushing in its channel.

            It is said that bleeding a partially blind horse at the nose, will restore him to sight; so much for the horse.  To open a man’s eyes you must bleed him in the pocket

            The London Gazette is a government paper for court and state announcements-and nothing else.  It is published semi-occasionally-whenever enough announcements accumulate to fill its pages.

            Capt. John Travis, a New York sport, has promised to shoot with a pistol an orange from a man’s head, if he can find the bead.  He once prevailed upon an Indian to let him shoot an orange from his head.  The effort was successful.

            A man who has served sixteen years in the Ohio State Penitentiary, six years at Jeffersonville and two years at Michigan city, has just been sentenced to another term of four years in the latter prison.  It is a chronic case.

            “I believe that mine will be the fate of Abel,” said a devoted wife to her husband one day.  “How so?” replied her husband.  “Because Abel was killed by a club, and your club will kill me if you continue to go to it every night.”

            Ten years ago, a man was clerk for his brother at $600 per year.  Not being able to support his family, it was raised to $800.  Now he is President of the United States, and a good President too.  There is a feather in the cap of the republican idea.

            The identical Star Spangled Banner which floated over Fort McHenry when Key wrote our national song is offered for sale by the heirs of Col. Armistead, who commanded the fort and who kept the historic bunting.

            HYMNS,-Watts composed six hundred and ninety-seven hymns, and Wesley six hundred: and about a tenth part of them live to this day, and are sung in every Christian church where the English language is used.

            SENSIBLE.-The Marquis of Bute is @ his Scotch ecclesiastical patronage by leaving it to parishioners to choose their own @.  A very sensible plan.

            The expenses of the Spanish Government in Cuba are now about two millions and a quarter of dollars a month, and their revenue not far from nothing.  No wonder that they confiscate estates, and want to sell their claims to the island.

            Fanny Fern says: “If one-half the girls knew the previous lives of the men they marry, the list of old maids would be wonderfully increased.”  Whereupon the Boston Post asks: “If the men knew what their future lives were to be, wouldn’t it increase the list of old maids still further.”

NU HOU KUWAHO.

 

            Ma ke ku ana mai o ke kuna iloko o na la he 15 mai Kapalakiko mai, ua loaa ma ia makou na nu hou malolo iho, mai na aina e mai:

No Amerika.

            Ua hookomoia aku la iloko o ka Hale Ahaolelo Hui o Amerika Huipuia, he paele nona ka noa Revels, i kohoia mai i Luna Ahaolelo no ka mokuaina mai o Misisipi.  O ka makamua keia o na paele I hoouna loa ia aku e lilo i waha olelo i ke kulanakauhale o Wasinetona. 

            Eia iloko o Amerika Huipuia o Generala Quesada, ka Alihikaua Nui o ka poe o Cuba kahi i hele ai.  Ke manao nei nae na hoaloha o Sepania, he hoailona ia no ko Cuba nawaliwali a e emi pu ana.  Ma kela aoao hoi, i hele aku la o Generala Quesada e ohi lako kaua.  Ma ka la 26 o Feberuari, ua komo aku eia iloko o ke kulanakauhale o Savana me kona mau ukali.  Ma kana olelo, aia maloko o ka Puali Kaua o na kanaka Ponoi o Cuba, aole e emi malalo o iwakalua tausani mau koa.  Eia wale no ko lakou wahi hemahema i koe, o na lako kaua ole.  Ua olelo mai ua alihikaua la, e lanakila ana no ka poe ponoi o Cuba, ina e kokuaia aku a kokua ole ia paha, aka, o na lako kaua wale no nae ka lakou noi.  I ko ua Generala haalele ana ia Cuba, mawaena no o na enemi.

            Ua kauohaia o Rear Adimarala Kale H. Davisa e kona aupuni, oia o Amerika Huipuia, e hele e a-na i ka puali o Dariana, ma kahi e manaoia nei, e eli i ala wai.  Ma na la hope paha o Feberuari, a i ole ma na la mua o Maraki, e haalele ana ka moku kaua Leipsic ia Asapinawola, a e holo aku ana i ke kai kuono o Caledonia, a malaila aku e hoomaka ai i ke a-na ana aku.  Ua hoolimalima e ia na paahana a ua makaukau.  Ke kali wale nei no o ka hoomaka o ka hana.  O ke kaikahi mawaena o ka Ripubalika o Columebia a me Amerika Huipuia, no ka eli ana i ke ala wai o Dariana, i hakalia wale no i ka hiki ole aku o ke Komisina Amerika malaila.  Ina e hiki aku oia, o ke kakau inoa mai no ia a holo ke kuikahi.

            Ua noi aku o Adimarala Semasa, ke kapena o ka moku powa Sandoa, e lilo oia i Peresidena no ke Kula Kiekie o ka mokuaiana o Misisipi.  I mea e hoohenehene ai iaia, ua kohoia he negero ma ke kulana kahi ana i noi aku ai.

            He umi makahiki i hala aenei, e noho ana kekai kanaka, he kupakako na kona kaikuaana, ma ka eono haneri dala o ka makahiki; aka, no ka hiki ole ke malama pono i ke ola ana o kona ohana, ua hoopiiia ae i ewalu haneri dala no ka makahiki.  Aka, i keia wa, he Peresidena oia no Amerika Huipuia, a he Peresidena maikai maoli.  Aohe no hoi paha e nele ko kakou hala ole ke koho ae i kona inoa.

            Ua hiki hou ne @ ke kulanakauhale o Kapalakiko ka mea hoopuiwa a hoohikilele oili, ma ka la 17 o Feberuari, oia no hoi ke olai.  O ke kolu keia o kana huakai i kela kulanakauhale.  He makemake paha i ke gula.  Aole nae ikaika keia olai, no ka mea, he paipai wale ae no, a oki pu iho la.  Aohe e like me ke olai helu akahi i loaa mua ai ia lakou, ka hele a nakakaka, a hiolo na hale, a hoopoinoia na waiwai.  Hookahi wale no waiwai i poino o keia, o ka lele e ana o na hauli makau main a ano kanaka a pau.

            Ua ili ka mokuahi “Kulanakauhale Gula,” eholoholo ana mawaena o Kapalakiko a me Panama, ma kekahi wahi olaelae, he 200 mile mai ka lae mai o Sana Laea ma Kaleponi Lalo.  Aohe nae he ola i poino.  Ua pakele no na kala, na paiki, aka o na ukana a me ke kino o ka moku, ua hoopuuia aku i waiwai na ka hohonu.

            E laweia aku ana paha imua o ka Ahaolelo o Mekiko iloko aenei o Aperila, he bila no ka wehe ana i ala wai ma ka puali o Tehuanatipee.  Ua noonoo mua ia no ka pono o ka eli ana i ala wai malaila iloko o ke Keneturia i @, aohe nae e maopopo e holo lea ka eli ana ma ia wahi, no ke akea loa.  Mawaena paha o ke 90 a me 100 na mile kea kea.  Ina ma ka Puali o Dariana, aole paha e oi aku ana mamua o ke 30 mile.  Ua kohoia na lilo ma kahi kokoke e eli ai, he $100,000,000 alaila paa.

            O na lilo o ke aupuni o Sepania no na mea a pau ma cuba, ua hiki aku ano, i ka elua miliona dala a me ka hapaha no ka malama hookahi; a o na lona mai, aole i mamao aku manua o ka nele.

            Ma na lono a ma na palapala I hiki mai ma Nu loka mai Ladana mai, ua ikeia iho, ua hookupu iho kekahi poe, he puu dala, e hoomoe @ ai i waea moe moana, malalo o ka hohonu o ka moana Atelaniki mai Enelani a mai Wale mai paha, a hiki pololei aku i Nu Ioka.  Ua ae mai kekahi Hui I hele a paulehia.  O ka hoomaka koe e hana i mau palapala elike no ka hana ana i mau waea.  E hoolimalimaia ana ka moku “Ka Hikina Nui” no keia hana, no ka hoomoe ana aku i keia makahiki ae.

            Ua hookohu aku o Genrala Cespedes, ka Peresidena o na kanaka ponoi o Cuba i mau Komisina, ia Generala Quesada a me Kanela Verona, e  hele i mau Elele i na aupuni.  i ko keia mau Komisina haalele ana ia Cuba, mawaena no o na enemi he lehulehu.

            Ke auhee nein a Sepania, a e hiki aku ana paha i kona hopena.  Ma Najasa, ma ka la 28 o Ianuari, ua auhea lakou a ua holo aku i na kaona liilii.  Ua puka main a Elele mailoko mai o na kanak ponoi o Cuba i lako ole i na mea kaua, e noi mai ana, homai i mau lako kaua no makou.

            Ua hai aku o Generala Iordan, oia ka alihikaua nui o na koa ponoi o Cuba i keia manawa, i ka lono i na @ aupuni o Sepania ma Cuba, ina e pepehiia hookahi kanaka ponoi o Cuba e na mea pili aupuni, alaila, e pepehi ana oia, he umi mau alii Paniono no kela a me keia kanaka ponoi o Cuba e @ oiai na pio Sepania e paa nei malalo ona.

            Ua hoohakui uuku iho he olai ma ka puali o Panama, ma ka la 2 of Feberuari i hala.

            Me he mea la, ke waiho nei o Pargua kekahi o na okana aina o Amerika Hema, iloko o kea no inoino.  Ke make nein a kanaka no ka ai ole ma na aina.  Ma Assuncion, e noho ana ke @ @, a ua waihoia aku iaia he puu dala nui, e na ohana waiwai mai, e malama, aka, i ka lilo ana o Assuncion i na aupuni hui, manao iho la kela e holo, me ka lawe pu aku i na dala e waihoia ana ma kona malu, aka, ua lalau koke mai la na lima pwa, a ua hao ae la i na dala, a keakeaia iho la kona puka ana aku.

            Ua hoi ae a hiki ma ke kulanakauhale nui o Berazila, oia o Rio leneiro, he eono mau moku hao mai ke kahua hoomoana mai no ke kaua, e hoike mai ana, ua h iki aku ke kaua i kona hopena.  Ua haalele iho la o Generala Lopeza i kona wahi mua i loheia mai nei, a ua holo aku kela iloko loa o ka aina me eono haneri Paragua wale no, a ua haalele iho i kona poe mai a eha a me na ohana ana i hoopaa pio ai.  Ua hoolei aku kela i ka hapa nui o kona mau lako pu kaa iloko o ka muliwai.  Ke hahai la o Generala Canary mahope o na kapuai o ka meheu o ko Lopeza wahi i holo aku ai, a ina e hookaulua iho ana o Lopeza, alaila, e hopu lima ia ana ia.  Oia iho la ka hopena o kana hoalaala kaua.

No Europa.

            Ua hoolaha ae ka Bihopa o Lavalle he palapala, e olelo ana, he pono iaia e make mamua o ke kokua ana aku i na manao i hoopukaia ma Roma.  Aole nae i hoike ae ua Bihopa la, heaha la ia mau manao.  Ua hoao hou iho nei o Farani e papa aku i ka Ahahui a ka Pope, mai hana i kekahi mau mea e koe ana i kona mau pomaikai.

            He ekolu o na lunahooponopono o ka nupepa Marseilles i hoopaaia no ke kue i ke Kanawai hoolaha nupepa, i hookuu lanakila ia aku.

            Ua oleloia ae, ua kulike ole ka manao o ka Emepera Napoliona me kona mau Kuhina hou o keia manawa, no ka hiki ole ia ia ke hoolaulea i ka aoao kue iloko o Ahaolelo no ka hilinai ole i na hana oi loa aku i hoapono ole ia e ka hapa nui.

            Ua hoolaha kino ae ka Emepera, e noho like ana no mawaena ona a me na Kuhina hou o kona aupuni, a ke manaoio nei oia, aia no maluna o kona mau Kuhina hou ka hilinai nui o kela a me keia haole Farani hoopono.

            E manao ana ka Aha Kuhina o ke aupuni, e hoemi iho i ka nui o na koa o ke aupuni.

            E hookolokoloia ana ke Keiki Alii Pierre Napoliona, ka mea pepehi kanaka i kekahi o na lunahooponopono o ka nupepa Marseillaise, i mua o ka Aha Hookolokolo Kiekie loa, no kona pepehi kanaka.

            Ke hoike mai nei na leta mai Sepania mai, he uluaoa mawaena o na kanaka o Sepania, oia hoi, mawaena o ka ekalesia Roma a me ka poe hoohaunaele.

            He haunaele mawaena o kekahi poe Carlist ma kahi kokoke aku i Albacete, Sepania, aka ua hoopuaia mamuli o ke alu ana mai o na mana Kivila e hooki.

            Ua hiki ae ma ke kulanakauhale o Madarida ka Bihopa o Osena malalo o ka puiki ana a ka mana hookolokolo.

            He ekolu mau Generala a me na Kanela he lehulehu wale o Sepania, i hookaawale loa ia aku mai ke kulanakauhale aku o Madarika a i na kulana ma ke anemoku o ke aupuni mamao aku, no ka like ole o na manao ana.

            Ke nui la ka pioloke ma kea lo alii o Napele, Italia a hala loa aku ma ka hema o Italia, o ke kumu no ke poho ana mai nei o ka Banako malama dala o Siella.

            O ka waea moe moana mai ke kapakai mai o Bomabe a hiki i ka nuku o ke Kai Ula mak ka moana Iniana oia o Adena, ua paa pono mai nei i ka hoomoeia e ka mokuahi nui “Ka Hikina Nui.”  No ka pae pono ana o keia hana, ua hoopokole mai no ia i ke kamailio ana mawaena o Beritania nui a me kona mau @ ma Inia Hikina.  Ua hiki ae ma ke kulanakauhale o Ladana ma ka la 28 o Feberuari, na huaolelo mai Bomabe mai maloko o ka waea hou.

            Ke pakui mau nei no na nupepa o Enelani i ke aupuni, e kii aku e hoomalu i na haunaele ma Irelani.

            Ua waihoia ae imua o ka Hale Ahaolelo o enelani ka bila i kohoia no @ lilo o ka Oihana no na aumoku kaua.  E hiki ana ka lilo i ke $46,250,000 no ia Oihana.  O ke kumu o keia lilo nui, no ka manaoia e kapili i mau moku hao, no ka mea, ina e paa ana na moku e hanaia nei, alaila e hiki ana ka nui o na moku hao o Beritania i ka nui loa, e like me keia:  Elua mokuahi hao nui o ka papa akahi; eono o ka papa alua; eiwa o ka papa akolu; ewalu o ka papa eha; eha o ka papa alima; elua o ka papa aono.  I mau moku haahaa iho hoi, alaila, elua o ka papa akahi; elima o ka papa alua; elua o ka papa akolu; a i mau moku hao liilii e ae hoi a lehulehu wale.  Ina e paa keia mau moku, alaila, ua kauia ae o Enelani me na mana ikaika loa o na aumoku kaua o kea o holookoa.

            Ua hoolewaia ke kino kupapau o Hon. @, ka Elele Kuhina o Kina ma ke kulanakauhale o Sana Peteroboro, ma ka Poaono, la 26 o Feberuari.  O na Kuhina Farnai, Beritania a me ko Amerika na hapai pahu.  E waihoia ana kona kino kupapau ma kekahi wahi, a hoihoia aku i Amerika.

            E hana kuikahiaku ana no na Elele pake i koe ma ke aupuni o Rusia, a @ ae, hoi lakou i Kina.

            Ua ike iho nei ke Kuokou i na olelo kuanui a kualehelehe a ka Lunakula o Ewa, me  he mea la, he mau olelo na ke kanaka i ao ole ia, a i hoonaauao ole ia.  Ua Akaka, ua lilo kona manao nui ma na omole @ I hoouna aku ai i Waianae, e pakali i kekahi kanaka kuanoano o ia wahi, e koho i kona balota.

            Ua hoike welelau mai nei ua Lunakuia la o Ewa a me Waianae, i na kumu i hoopauia ai o na Kumu kula ekolu o Ewa, no lakou na ino, A. Kauhi, J.P. Kekaina, a me Daniela Kalou, e like me kana hoike hookama-e-ma-e i ka Peresidena o ka Papa Hoonaauao.  Aole e hiki i ua Lunakula la, e hoololi i na manao a pau o ka poe o Ewa, i hoopaa ai, ua hoopauia na kumu no ke koho ole ana i kona balota hoopilimeaai.  E like me ka hiki ole i ka Leopadi ke hoano e ae i kona mau kiko, pela no auanei e hiki ole ai iaia e hoano e ae i ko makou manao.

            Ua ike mua aku la no ka hoi ua Lunakula la he ike ole o Daniela Kalou i kea o, he pepehi keiki o J.P. Kekaina, a he ona rama o A. Kauhi i kekahi mau wa mamua aku, no keaha kona waiho a hala loa mai i hope, alaila, hoopau ne.  Aole!  He manao e aia i kona opu a-i-a-i kahi i moe lapuu ai, a heaha ia manao?  “no ke koho ole i kona balota.”

            No ko makou manao ole e hoopau manawa i ka hoopaapaa aku me “Kaomi pu” o Ewa a me Waianae, nolaila, ke hoolaha oe nei makou i kana mau palapala elua malalo iho.

Aiea, Ewa, Feb. 9, 1870.

Mea Mahaloia, 

                                    Aloha oe;

A.     A.        KAUHI.

Ua napoo ae nei ka la, a ua h elu ia na hora; aole au i ike ia oe me kou naau lokomaikai;

nolaila, ua uwepa au i kuu manao a paa loa; aole au e kala I kau hana hewa ana, a me ko Luna paipai;

            Eia ka leo hope loa ia oe; e hoomkaukau oe i kou mau la Kula, a e kiko a paa, a hoihoi mai i ka buke, o na make a me na makaukau e ae o ke Aupuni ma ko olua lima; a hele pu mai me ko Luna paipai ma ka la Poalima; hora 7 o ke kakahiaka ma kuu hale.         Owau no.  S.W. MAHELONA.

Luna Kula.

            I ka nana ana, a hoomaopopo lea ana i keia palapala, ua akaka lea, ua hookaawaleia aku keia kumu no ke koho ole i ko Mahelona balota, a ina i hooikaika oia nei i ka balota o ia la ae, me neia aia no o A. Kauhi ke no kula la.

            Aole i hana hewa iki o Kauahipaka i hoopauia ai, aka, wahi a Hunahewa. “aole au e kala i kau hana hewa ana, a me ko Luna paipai.”  Me  he mea la o ua Luna kula la kai hewa.

            Eia mai ka palapala hoopau ia J.P.Kekaina:

                                                                                                            Aiea, Ewa, Feb. 9, 1870.

Mea Mahaloia,

                                    Aloha oe;

J.P. KEKAINA.

            Ke kauoha ia aku nei oe, e hele mai oe ma ka hora 7 o kakahiaka o ka Poalima, ma kuu hale, me ko Luna paipai pu mai no; a e hoihoi pu mai hoi i na lako a pau o ke Aupuni ma kou lima; a e kiko i kou mau la Kula, no ka mea, ua hala ae nei ka wa pono.  O wau no  S. W. MAHELONA

Luna Kula.

            Ma keia, ua kauoha ia ke kumu kula e hele i kahi o Mahelona e hoopauia mai me ka Luna paipai keiki pu ka hele ana.  “Ua hala ne nei ka wa pono,” wahi a ka Luna kula a ua helu ia ke kumu kula mawaho aku o ka poe aohe kumu; a o ka luna paipai keiki o ka Hale Kula o Kekaina, ka mea i hooikaika i ka balota o ka Lunakula o Ewa mai ka la a po, ua hoomau ia no e noho ma kana oihana he paipai.  O Kauwahipaka hoi ka Luna paipai keiki o ka hale kula a Kauhi, ka mea i hole ponoi mai, aole e koho ia Kualehelehe @ e koho anan i ka balota o J. Komo, a i hana ole hoi i ka hewa, e like me ka Lunakula o ia Apana, ua kipakuia aku oia mai ka noho ana Luna paipai keiki aku.  No keaha keia hana a keia lunakula?  No ka mano e iloko ona a makou e kaukolo nei oia “ke koho ole i kona balota.”

            Malalo iho nei, e ike ia ai ka palapala pane a Daniela Kalou ia S.W.Maheloha, a malaila e ike ia iho ai, ua oi ae ko D. Kalou naauao manua o ka Luna kula o Ewa, ma na mea helu a hoonaauao.  Ina he oiaio keia, alaila, ke hilahila nei makou i ka hoolaha ae i kea kea, eia ka Luna kula holona o keia Kenetoria umikumamaiwa.

            Eia mai ka olelo pane o D. Kalou ia S. W. Mahelona.

E KE KUOKOA;  O ke aloha kou:

            No ka @ ana mai hoi e ka Moaeku, ka makani kuehu lepo o Ewaloa nei, i ikeia ai na manao uko ole o S.W. Mahelona, ka Lunakula o Ewa a me Waianae, i hoikeika ma ke Au Okoa, Helu 47, e olelo ana, “I hoopau ia ke kumu kula o Honouliuli no ka makaukau kupono ole, nolaila, ua haalele main a keiki nunui ae i ke kula.”  Aole pela ka oinio, no ka mea, i ka makahiki 1868, a i ka malama o Iune, ua kohoia na keiki nui o ua kula la e holo i Lahinaluna; a komo lakou i ke Kulanui a mahope, mahuka mai ana lakou mai laila mai, a hele auwana aku lakou ma o a maanei, a hiki ole i ke kumu kulak e houluulu mai ia lakou, no ka mea, ua kauliilii lakou.

            E naua mai; i ka makahiki 1868 i hele ai na keiki nui, a i ka makahiki 1870 nei no hoi, i hoopauia ae nei ke kumu kula o Honouliuli, Ewa.

            E na hoa, e manaoio ana anei oukou, o na kumu i hoikeia e S.W. Mahelona, oia ke kumu pololei o kona hoopau ana ia’u?  Aole!  Eia wale no, o kua hooikaika ana i ka balota o J. Komoikehuehu.  Penei e maopopo ai, i kekahi mau la mamua ae o ka la koho balota, ua loaa mai ia’u ka Mahelona palapala e i mai ana.  “E D. Kalou, ua hahaiia mai ia’u, e hooikaika ana ka oe i na balota e ae?  Ina pela, e @ oe i kou paiho.”  A o keia pono ana e i mai nei ia’u e noono i ko’u pono iho, oia no ka Oihana Kumukula a’u e malama ana.  A no kuu hooikaika ole ana i kona balota, oia wale no kona mea i hoopau ai i ko’u noho Kumukula ana.  Kupanaha! O ka hoopilimeai wale aku no ka mamuli o ka olelo a kekahi lala o ke Aupuni, oia iho la ka ka mea e mau ai ka oihana i ke kanaka.  A o kana mea i pane ae nei ma ke Au Okoa, he wahi pale maka lahilahi wale iho no ia e uhi ana i ualo kona imi hala a me ka opuinoino, aka, aole no e nalo, no ka mea, ua kiekie kaupoku o Kaala iluna, a ua ahuwale kana wahi e pee ana.

            Eia no hoi kekahi mea e maopopo ai; aole mahope iho o ka la koho balota, e ikeia ai ka makaukau ole o ke Kumukula ma kana oihana, aia wale no a hoikeia n kula, alaila, oia wale no a hoikeia na kula, alaila, oia wale no ka wa e ikeia ai ka makaukau ole o ke kumu a me na haumana, a ia manawa e hoopauia i ke kumukula, alaila kupono ka hoopau ana.  Aka nae, o ke kumukula o Honouliuli, ua makaukau oia ma kana hana kumukula; a no ia makaukau, ke uwalo hou mai nei ka leo o na makua a me na keiki, e noho hou au i kumu na ka lakou mau keiki.  Ua i aku au, “Aole e hiki, no ka mea, ua hoopauia mai au.”

            A o ua Lunakula nei o ka Apana o Ewa a me Waianae, oia no ka’u i ike maoli i ka makaukau kupono ole ma kana oihana, oia hoi ka malama i na hale kula a hoomaemae hoi ia mau hale, kahi e noia ai i ka ike a me ka naauao, aka, na’u no i hooikaika maoli imua o ke Kahukula Nui, (Aberahama Fornander) e hana hou ia ka hale kula ma Honouliuli, no ka mea, ua nahaha na paia, na puka  a me ka papahele, a e hanaia hoi i mau noho no loko o ua hale kula nei, a ua ae mai no kela ia mea, oiai kona wa i hele mai ai e hoike i na Halekula o keia mokupuni.

            I ko ia la hoi ana i Honolulu a mahope iho, hoouna ia mai ana ka papa, a waihoia ma Waipio, he ekolu ahupuaa a hiki mai i Honouliuli nei.  Na na makua no i hoolimalima i ke kaa bipi n o ia mau papa, a hiki ana i ka Halekula/ kai no paha i ke aupuni wale mai no la hoi ia hana.  A ua lawe iki ia ae no ua wahi papa no ua Halekula nei, a koe okoa iho no ka nui o ka papa, hoihoiia ana i kahi o ua o Mahelona.  Mai a wai mai la keia, mai ke Kahukula Nui paha, a mai ke Aupuni mai no paha, a mai ia wai mai la? Mai a Mahelona wale iho no paha, oiai aole i pau pono ua hemahema o ka Halekula lawe e no kela in a papa, a ke waiho hemahema nei no ka Halekula a hiki i keia la a’u e kakau nei.  Ma keia, ua maopopo ia’u ka lolo o ka Lunakula o ka Apana o Ewa a me Waianae.  Ke hooki nei au maanei, a i pane hou ia mai au, alaila, e huai pau aku no au.   Me ka mahalo.

DANIELA KALOU.

Honouliuli, Ewa, Mar. 17, 1870.

            He nui no kekahi mau hewa e ae no keia Luna kula.  Ua hoopau aku oia ia Kalino, Luna paipai keiki o ka Hale kula o Waianae, me ke kumu ole.  Ua kuai hoi he mau omole rama, a hoouna aku i Waianae, mamua ae o ka wa koho balota.  Ua lawe hoi in a laau hale a me na pili o ke aupuni nona iho.  Pehea la e hiki ai ke malama i ke kanawai o ka aina, no ka mea, ke hea leo nui nei oia, he lunakanawai au, aka ia manawa hookahi no nae, me ka popo auhuhu no ma kekahi lima.

            Ua hoopau iho nei ke aupuni i kekahi o kona mau luna aupuni no ka ona a me kekahi mau hewa e ae.  Pehea hoi ka lunakanawai o Ewa a me Waianae i kuai a ii ka rama, a hooili aku i kekahi kanaka o Waianae i mauna pakali nana, aole anei e hoopauia?  Ke manao nei makou, he kumu kupono keia e hoopauia ai.

 

Ka Hopena o na Hale Bia Kuai Liilii.

 

            Mahope iho o ka hoolaha pinepineia ana in a malama pokole i hala ae nei, me ke noi ikaika ana e hoopau no na ino a me na ona i puka ae mailoko mai o na hale kuai bia liiliii e ku ana ma na kappa a ma na huina Alanui, o na Alanui Maunakea, Beritania, Kamika a me Hotele, a mahope aku hoi o na kauhale noho, ua olioli makou i ka hoike aku, ua hookoia ka makou kaukolo mau ana e @ ia hewa mamuli o ka hopuia ana o kekahi kanaka Hawaii, i paulehia wale i ka hana ana ia mea he bia.

            Ma kekahi la o ka hebedome i hala aku nei, ua houia kekahi kanaka nona ka inoa Kaleihiapo, no kona puhi rama a haawi aku in a kanaka Hawaii me ka palapala ae ole, a ua kue hoi i ka Pauku 15 o ke Kanawai i hooholoia ma ka la 23 o Augate, makahiki 1862.  Ua hoopiiia keia hihia e ka Loio Kuhina ma ka aoao o ke alii.  I ikeia keia, ma ke kuai ana aku o Kaleihiapo, he mau omole bia o ka mea ona ana i hana ai, i kekahi mau kanaka Hawaii elua ma ka hapawalu o ka omole, ma ka Poalua no o ia hebedoma, a ua losa hoi na hooiaio no ia mea.

            Ma ka huliia ana, a nana pono ia ana o ua wai ona la, e kekahi poe akamai, ua maopopo, he alakohola kekahi i loaa iloko, i oi aku mamua o 5 hapa-haneri.  Mamuli hoi o ka hoike ana mai a kekahi mea ii nu i kela bia, ua maopopo, ua ona loa kela bia o ka hana ia ana.

            Ma ka Poaono iho nei, ua laweia ua Kaleihiapo nei imua o ka Lunakanawai Hoomalu malalo o ka Puali Makai, no keia hewa nui ana i hana ai; a mamuli o kona hookolokoloia ana, aole ana mau olelo pale nona iho, a ua maopopo loa i ke Kahu o ka Aha, kona lawelawe lima ana i keia hewa.  Nolaila, ua kau ke Kahu i ka hoopai a ke Kanawai malana ona in a DALA ELIMA HANERI, a i oi aku paha keia hoopai mamua o na dalai  loaa mai iaia ma keia hana hewa ana.

            Ma keia hoopaiia ana o keia hiki mua o na kauaka puhi rama o Honolulu nei ma keia mau la mua o ka makahiki, ke manaolana nei makou, e maluhia loa aku ana keia hopena o keia makahiki.  He nui wale na kanaka kuai bia o ia ano i hele ae e nana, a e hoolohe in a hoopai ana a ke Kanawai maluna o ko lakou makamaka kui lima pu ma ia hana, a ke hopohopo ole nei makou i ka puana ae e pau ana lakou a pau i ka haalele loa ia hana, mahope o ko lakou ike kumaka ana, he hapa hoopaiia ka ke puhi rama, a me ka haawi waiona me ka palapala @e ole.

            I kela Poao@o no i hoopaiia ai kela lawehala ua lohe pololei mai makou, ua hoopaa kekahi poe i ko lakou kuai ana ia mea a ua haalele hoi no ka manawa pokole paha a lo@hi paha.  Ke lohe mai nei no nae makou, he mau wahi hale kakaikahi loa paha koe, @ ia aku maloko o na hale noho, aka ina e ulele hou aku na Makai e hoomakakiu, aohe e ole, a pau loa ae lakou i ka pu@ @ mai ke kahua aku o ke ino a me ka hoopilikia.

            Ke manaolana nei makou, o ke kumu ao keia o na kanaka e lawelawe ana i keia oihana, o ka ike iho i ka hewa, a kue loa aku ia mea.  Ina e hoopaakiki, alaila, e pololei no auanei ka olelo a kahiko: “He kuli ka make, a he lohe ke ola.”

 

Na Palapala ma ii ke Kuokoa.

 

            Ke hoike aku nei makou i ko makou mahalo i ka nui o ka poe kakau manao i hoouna ma ii ko lakou mau manao i ko kakou nei “Kilohana Pookela,” a oiai o ko oukou hoike ana no ia i ko oukou mau manao.  He nupepa nui keia i heluheluia e ka lahui holookoa mai ka Hikina a ke Komohana o ko kakou nei pae aina.  Ua nui hewahewa na palapala i loaa mai, aole no e pau ina e hookinaia ana e hoolaha a pau i ka pule hookahi, no ka mea, ua hele a Ku-pai e waiho mai nei.  No ko makou manao o uluhua wale main a manao o ka poe kakau mai, no ka ike koke ole ia aku, nolaila, ke hoike nei makou malalo iho i ka nui o na palapala e hoolah@@a ana, a e waihoia aku ana:

            O kau palapala e D.W.Kalua, o Honomakau, Kohala Akau, nona ke poo, “Kekahi mau oihana lapaau a na Kahuna Hawaii, aole anei i ku i ka oiaio?”  E hoolaha no makou i kau, ke loaa ka manawa kaawale.

            O kau palapala e B.L. Kokookalani, o Wailupe, o Oahu, nona ke poo, “Pono ole ka hana a ka Haku Hana i kana kauwa.”  Aole no e puka, no ka mea, he loloiahili ka hookumu ana, a he uuku wale iho no kahi io.

            E hoopukaia ana no kau palapala e M.K. Kamaka o Wailuku, Maui, e pane ana ia S.P.K. Nawaa, ke loaa nae ka manawa kaawale.

            Aole e hoopukaia kau palapala e Davida Kaili, no ka maopopo ole o ka inoa o ke Kauka, a oiai o ka ke Kauka hana no ia he lapaau akamai.

            O kau palapala e J.W. Kaikai o Kawaihae, nona ke poo, “E hanaia i wahi Pahu Leta ma Keanaeli, Kawaihae-uka, Hawaii.”  Aole keia he hana hoopii i ka lehulehu mai Hawaii a Kauai.  E hana no oukou i Pahu Leta no oukou iho, a e noi aku i ka Luna Leta no oukou iho, a e noi aku i ka Luna Leta, e hele ka Lawe Leta a malaila wehe, e like me ko oukou makemake.

            O ka palapala a S. Kalaionehu, o Waiakea, Hilo, e pane mai ana ia S.P.K. Nawaa, no ka “Wati La,” aole no e hiki ia makou ke hoopuka, no ka mea, aohe a makou kii i like me kau i kahakaha mai nei, a no ko makou manao no hoi kekahi, na wehewehe nui ia na kuhikuhi ana ma ka Helu iho nei o kela pule, e ka mea nana i hana ua Wati La la.

            O na palapala a pau e pili ana in a kahuna hoopunipuni, hoopiopio a lapaau wahahee hoi, e palapala mai ana i keia Keena no ka hoolaha aku i ka lehulehu, ke noi aku nei makou ia poe e hoike mai ana, na lakou no e hopu iho in a kahuna o ia ano.

            O kau palapala e Nalimahea, o Kalaupapa, a i ole, o Waikolu, Molokai paha, nona ke poo, “He mau iini i manaoia,” e hoolahaia no i ka wa kaawale.  Mahalo makou i kou holo hou ana mai e pee ma@lo o na kolau o ke Kuokoa, mahope o kou hoino loa ana mai i ka Luna Hooponopono mua iho nei o keia nupepa.

            O kau palapala hoi e J.A. Kealohanui, o Hilo, nona ke poo, “Ua paa iho nei ka Hale Halawai o na hoahanau o Puueo.”  Aole e hoopukaia aku ana, oiai ua loheia ae la no hoi, ua paa he hale halawai ma Puueo.

            Ua loaa mai ia makou he palapala na Kahapaokahiki, o Koolaupoko, nona ke poo, “No ke kupono ole o ke koho balota ana m@ Koolaupoko nei.” Ua heluhelu makou i ka io o ka palapala, a ina he oiaio na kumu i hoikeia mai nei e oe, alaila, no na Luna Nana ka hewa, aole no na mea i hana balota i Lunamakaainana.  E pono no e hoopii in a Luna Nana, i hoopauia ko lakou lawelawe ana in a hana aupuni me na lima hawahawa, Ina o na kumu iho la keia au i hoike mai nei, alaila, he makehewa.

            O kau palapala e S.P.H. Kama@alii, o Kaluaaha, Molokai, no na mea e pili ana i ka Hoike Kula Himeni, ua maikai no, a ua lilo no hoi i mea hou ma ko oukou alo.

            Ua loaa mai he palapala na kekahi mea kakau ma Pelekunu, nona ke poo o ke kukulumanao ana, “Na mea hou o Pelekunu.” I ka heluhelu ana, aole no i lilo loa i nu hou e hoihoi ai ka poe heluhelu, oiai he nu hou no i puni ia kakou, oia no hoi ka hookupu Mahinahou.

            O kau palapala e lakobo Kapanui, o Wailuku, Maui, nona ke poo. “Auwe! He Alope@e!”  Aole no e hoopukaia ana, oiai hoi, he kakaiakii wale iho no na olelo mamua, a eia iki wale iho no ka hoi kahi io i hope i ka huelo.  Mai manao ka poe kakau mai, he mea maemakeia ka hoololoi@ile wale iho no mamua a loihi wale, alaila, kamau iki wale mai la no ka manao i makemake ai.  He mea makehewa a luhi poho ka noonoo ana in a pela e hana ai.  He @i wale ka