Ka Nupepa Kuokoa, Volume X, Number 48, 2 December 1871 — Petero, Petera. [ARTICLE]

Petero, Petera.

Ua ike au i ka pilikia o ka Kula Sabati ma Kawela, Molokai. A makemake au e kokua i ka hoopau ana. Aia ma Mat. 16: 18, ka pauku e hoike ana i ka pilikia, oia ka pohihihi o ke ano o " keia pohaku" •' O oe no o Petero, a maluna o heia pohahu e kukulu ana au i ko'u ekalesia, &c." Ua ninau kekahi Papa,i kekahi Papa, penei, owai la ka inoa o ka pohaku a lesu Karisto i kukulu ai i kona ekalesia ? Elua haina ; ka haina o kekahi Papa, o na lunaolelo, oia hoi na haumana he 12. Ka haina o kekahi Papa, o lesu Karisto ua Po» haku !a. A ua hooholo ke Kahu Kula Sab.iti, o keia haina hope, ka haina oiaio, O lesu Koristo no ua Pohaku la. Aka nae, aole i pau ka hoopaapaa ana iwaena o na Papa o ua Kula Sabati la. A ke waiho mai nei lakou i ka ninau imua o ka lehulehu, auhea la ka h.«ina kupono o keia mau haina elua no keia ninau ? Owau no kekahi o ka lehulehu, a ke pane aku nei au, O ka haina kupono o keia mau haina elua, oin ka haina hope, a ke kahu i hoeholo ai. Eia ke kumu i maopopo ai ka oiaio o keia haina— Hookahi no pohaku a lesu i olelo ai, aole elua, ekolu, eha &c.—Maluna o keia pohaku e kukulu ai au i ko'u ekalesia—aole maluna o keia mau pohaku, No keaha ko oukou hoopaapaa hou ana ? Aole anei he pohaku kupono o lesu Karisto no ke kahua o kona ekalesia ? He pohaku omolemole, ku kapekepeke a paa ole anei lesu ? Ua oi anei ka paa ana o na lunaolelo mamua o ko lesu ? E nana oukou ia Mat. 21: 42—Aole anei oukou e heluhelu ilokoo ka Palapala Hemolele. (Hal. 118:22.) O ka pohaku a ka poe hana hale i haalele ai, ua lilo ia i pohaku kumu kihi ? A, ma ka noonoo ana o na PariBaio, ua hoopili lesu ia wanana ia ia iho. lesu no o oa pohaku kihi nei. Ua akaka, a ua pau ia. Aka, ke ninau mai nei paha kekahi, aole anei he ano e ae e pili ana i keia pohaku ? Kainoa, o Petero no o ua pohaku nei ma ke kuhi ana o kekahi ekalesia, oia hoi ka eka* leBi'a o Koma. Ae, pela no ka manao paa o ua ekalesia nei. A, pehea la oukou e pane aku ai ? Penei paha—Okoa Petero, he haumana na lesu, okoa Petera, he kanaka Petero, he haumana na lesu, na lesu mai no ia inoa, pohaku no ke ano, he pohaku oha la 1 he pohaku paa paha, paa ole paha. Ua ike no kakou ma ka heluhelu ana, he paa ole, he kapekepeke i kekahi manawa, he makau, a hohe wale i kekahi manawa. Oia kekahi o ka poe 12 i haalele a hoole ia lesu i kona wa pilikia. Ua mihi no, a hoi hou mai no. A mahope mai hoi, ua kapekepeke hou oia, ua hookamani imua o na ludaio—a ua ao aku no Paulo ia ia, me ka olelo, ua pono ole kau haoa. Ua mihi no hoi oia i keia hewa. Malama, o kona ano paha ia, aa kupaa i kekahi manawa—a paa ole ī kekahi manawa, e like no me kekahi pohaku—paa i kahi wa, a i kahi wa, hanee a kaa aku no. Aka, he haumana, he lunaolelo maikai no la. Ua kupaa loa ma na makahiki hope o kona ola ana. Ua make oia iloko o ka manaoio, a komo iloko o ka lani; a ua wehe oia i ka puka o ke Aupuni o lesu, a paipai i na ladaio, a i

na kanaka e, e komo i ola, a ua nui ka poe i komo a oia a hoopaa loaia ilokoo ka lani ma kona hooikaika ana. O Petero keia, he ano pohaku no, he kanaka no nae, e like me na kamka a pau ; aole maluna ona ko lesu kukulu ana i kona ekalesia. lna pela, ua oi Petero mamua o lesu—Petero ka pohaku paa, lesu ka pohaku paa ole. Aole pela, aole, aole. Oleio lesu, o oe no Petero, aole oia i olelo, a maluna ou o Petero, aka, maluna o ka Petera, keia Petera e kukulu ana au i ko'u ekalesia. Ma ka olelo Helene Petero ka inoa o ka haumana, Simona ke keiki a lona ; Petera ka pohaku, ke kahua oka ekalesia, aole Pctero. Heaha ka ano oka Petera ? ka pohaku no, oia hoi ka Mesia, e like me ka haina o Petero—Ua ninau lesu, owai la wau ma ka oukou olelo ? Pane mai Petere, o oe no ka Mesia, ke Keiki ake Akua ola. Mat. 16: 16. Hoapono mai lesu—ae, pololei no kau haina, oiaio, Owau no ka Mesia, ke Keiki a ke Akuaola, a maluna o keia pohaku, ka Mesia, (aole maluna ou, o Petero, pohaku, ke keiki a lona,) e kukulu ana au i ko'u ekalesia. Ua pau ia. A, eia ka ninau i koe, maluna owai, a, o keaha e kukulu nei ke Kula Sabati o Kawela, Moiokai, me na Kula Sabati e ae me na kanaka, a me na kamalii ? Ina e kukulu ana maluna olesu, maluna o ka manaoio ia ia, me ka malama pono, me ka hahai mau mamuli ona, e kupaa ana oukou, aole e nauweuwe a hiolo ana. E hiki no ia lesu ke lalau a kaikai aku ia oukou iluna a hiki i ke ola mau. Ina e kukulu ana oukou moluna o ka mea e, maluna o ke kanaka, o Petero, o Paulo, o kekahi Misionari, a okekahi hana pono,inoa pono o oukou, maluna o ke akamai o ke kanaka, aole oukou e kupaa ana—e haule ana no a poholo iloko o ke kai o ka make. Hawaii.