Ka Nupepa Kuokoa, Volume X, Number 48, 2 December 1871 — Ka hele ana o na liaumana Elua i EMAUSA. [ARTICLE]

Ka hele ana o na liaumana Elua i EMAUSA.

I ka la i l«u mai ai o lesu mai ka luakupapau mai, elua o lakou e hele ana i Emau* sa, i kekahi kulanakauhal«, ehiku, ewalu pa» ha mile mai lerusalema aku. A i ko laua hele ana, ua kamailio laua i na mea a pau i hanaia, —i ka inake ana o lesu, a i ka waiho ana ia ia iloko o ka hale kupapau, a ī ka lilo koke ana kona kino kupapau ; no ka mea, aole maopopo lea ia laua, ua ala mai o lesu, mai ka make mai. A i ko laua kamailio ana ma ia mau mea, ua launa mai keka* hi, a ht>le pu me laua. Manao laua he malihini; aka, ua kamailio oluolu mai oia ia laua, a ninau mai la, 41 Heaha keia mau mea a o/ua e kamailio nei i ko olua hele ana me ke kaumaha ? Pane mai kekahi o laua penei; 44 O oe wale no anei ka malihini ma lerusalema, aole i ike i na mea i hanaia malaila i keia mau la ? " Ninau mai la oia, 11 oa mea hea ? " Hai aku la laua, Na mea no lesu, no Nazareta ; he kaula nui ia imua 0 ke Akua a me na kanaka. Uahoahewaia oia e na kahuna nui, a me na lii, a ua kau ae la lakou ia ia ma ke kea. Ua manao nae makou, oia ka mea nana e hoola i ka Iseraela; a, eia ke kolu o ka la, mai ka hana ana ia mau mea. Kekahi mau wahine o makou, ua hele i ke kakahiaka nui nei i ka luakupapau, aole ka malaila kona kino ! a hoi mai lakou, e olelo ana, ua ikeia e lakou kekahi inau anela, na mea i oleio mai, ua ola ia. A ua hele koke aku kekahi o makou i ka luakupnpau, aia hoi, pela io no, ua hala ke kino o lesu ! Alaila olelo oia ia laua, nani ka manaoio ole i na mea a pau a na kaula i olelo mai ai. Aole anei olua i heluhelu ma ka palapala hemolele e pono ka Mesia ke hana ia pela, a komo aku i kona nani ? Alaila wehewehe mai la oia i na palapala hemolele ia laua, mai a Mose mai, a pau na kaula, i na mea a pau i kakauia no Karisto. Nui na olelo wanana no Karisto ma na Halelu—a ma Isaia, a me na kaula e ae; oia na mea a keia Malihini i wehewehe a hoomaopopo ia laua 1 ko lakou hele pu ana ma ke alanui. A i kona kamailio mai, manao laua akahi wale no a ike pono i ke ano o ka palapala Hemoiele. A kokoke aku la lakou i ke kauhale, i kahi a laua e hele ai, oia hoi o £mausa; hoohele loa aku la uo o iesu. Hoole no laua, aole, mai heie hou aku i keia la; eia, kokoke po ka la, e komo mai a noho pu kakou

i keia po. Nolaila ua komo pu me laua, a i kona nono ana e ai me laua, lalau iho la ia i ka berena, hoomaikai aka la, a wawahi iho la, a haawi aku ia laua. Ua hana oia e like me kana hana aua mamua'ku o kona make. A ike koke taua, o lesu no ia ; 11 ua weheia'e ia ko laua'mau maka, a hoomaopopo iho la laua ia ia." Pomaikai laua no ko laua īke maka ana ia ia. Aole ona noho loihi me laua. Nana hou ae la—-a ua hala ia—aole nae akaka kona hele ana, a me kona wahi i hele aku ai. la hora no, ku ae laua iluna, a hoi mai la i lerusalema, a ike i kana poe haumana, a me kekahi poe e ae me lakou ; a olelo aku ia lakou, " Ua ala hou ka Haku, a ua ikeia e Simonm." Hai aku ia laua ina mea i hanaia ma ke alunui, kona wehewehe ana i ke ano o ka palapala hemolele, a me kona maopopo ana la laua ī kona wawahi ana i ka bereoa.

A i ko lakou kamailio ana ma ia mau mea, ku koke mai la o lesu iwaenakonu o iakou, a olelo mai la īa lakou, " Aloha Oukou ! " Nui ko lakou makau, a manao hoi lakou, ua ike i kekahi uhane. Ninau o lesu, no keaha la oukou e makau ai ? E nana mai i ko'u mau lima, a me ko'u mau wawae, owau no keia. A hoike aku oia ī kona mau wawae, a me kona mau lima ia lakou ; oia na lima a me na wawae i kakiaia i ka lnau kea. 1 ko lakou hauoli ana me ka pihoihoi ,* ninau aku oia ia lakou penei; uHe wahi ai anei ka oukou ?" Haawi aku la lakou ia ia i kau wahi ia i koaiaia, a i kau wahi waihona mele. Auaai no oia imua o lakou.

Alaila olelo aku la oia ia lakou—ke hoomanao nei oukou i ka mea au i hai aku ia oukou manma o ko'u make ana ; o na mea a pau i wananaia no'u e hookoia. Ua palapalaia he pono i ka Mesia e inake, a e ala hou mai ia i ke kolu o ka la, mai ka make mai. Ake ike nei oukou ua hookoia no pela. Nolaila, e hele, a e hai aku i ka Euanelio ina aina a pau. Oka mea e manaoio mai, a bdpetisoia, e hoolaia oia ; aka, o ka mea manaoio ole mai, e hoohewaia oia."

E hoomaka i keia hona ma lerusalema ; no ka mea, he pono ke hai mua aku i ka Euanelio i ka poe ludaio, a mahope i ka poe Helene. Pomaikai na haumana e ike hou ia fesu, a e lohe hou i kana olelo. Ua makaukau ho» lakou e hoolohe i kana kauoha, e hele a hai aku i kana olelo i ko na lahui kanaka a pau. Ke hoolohe nei na kahunnpule a me na Misionari i keia kauoha, i ko lakou heleana i na aina pegana i keia wa, a kauoha ia lakou e monaoio ia lesu Karisto, i ola lukou. Pono ia kakou ke pule nui i ka Haku no keia poe lawehana, a noi aku ia ia e kokua nui mai ia lakou, i holopono ka lakou hana, a huli nui mai na pegaoa i ka pono o ko kakou Haku o lesu Karisto.