Ka Nupepa Kuokoa, Volume X, Number 51, 23 December 1871 — Hebedoma Haipule. [ARTICLE]

Hebedoma Haipule.

I ka malama i hala aenei, ua koho ka Papa Hawaii ia Kev. S. C. Damon, ia Rev. W, i Frear, ia Rev. H. H. Pareka, ia Rev. B. W. Pareka, he wahi komite e kuka pu, a hoomakaukau i na Kumumanao no ka Hebedoma Haipule—Ianuan'—1872. Eia na i hooholoia e ua koniite la. Salati. Ianuari 7. No ka Uhane Hemolele, i iho mai ia maloko o na halawai pule hui a pau i keia hebedoma, i nui ka manaoio 0 na hoahanau i ke Akua, i pule na ekalesia me ka manaoio. Moneāe 8. No na lahuikanaka a pau—no na'lii a me na luna—i maiuhia na lahuikanaka—i pau aku na mea keakea i ka hoolaha ana i ka Baibala, a me ka hai nna i ka Euanelio. Tusede9. No na kula hoonaauao—no na Kula nui, no na kula kamalii—no na Kula Sabati, a me na kula Baibala—no ka poe opiopio i hoohuliia lakou i ke Akua. Weneāe 10. No na kanaka, a me na la* huikanaka, i loohia i na poino a ke Akua i ae e hiki mai maluna o ka honua i keia makahiki i pau iho nei—oia hoi ke kaua—ka mai ahulau, ka wi, ke ahi, ka makani, a me na wai kahe ; i noonoo na ieanaka a hoonaauaoia ; 14 a i ka wa e hooponopono ai ke Akua ma ka honua, e ao no na kanaka o keia ao i ka pono." Isaia 26: 9. Tarede 11. Nona Misiona i na aina pegana, a me na aina inoa Karistiano wale no, 1 nui ka ikaika o na ekalesia, i mahuahua na paahana e hele aku i na kihapai. Feraide 12. No ka Uhane Hemolele i ninini nui ia ma Hawaii nei, a ma na aina e, maluna o na kahu ekalesia, a me na ekalesia, a me na anaina hoomana, i hooala bou ia na hoahanau, a i hoohuliia ka poe hewa i ke Akua. Satude 13. No na kanoka haipule e hooikaika ana ma ka olelo maikai, no na Ahahui Karistiano o na kanaka ui—no ka laha ana o ka Baibala, a me na palapala liilii e hoike ana ka pono o ke Akua—no na Ahahui aloha no ka poe ao aku, a heluhelu ika Baibala iwaena o na kanaka ike ole.