Ka Nupepa Kuokoa, Volume XII, Number 18, 3 May 1873 — Page 4

This text was transcribed by:	Maleah Oku
This work is dedicated to:	Kaulana and Kanani

Ka Nupepa Kuokoa

KE KILOHANA POOKELA NO KA LAHUI HAWAII.

KA NUPEPA KUOKOA, ME KE AU OKOA I HUIIA.

Ku'u Hoku

There is a star in yoander Sky

He hoku e, aia mao

Maluna lilo i ke ao;

Kuu hoku ia, kuu alaki,

A nona mai kuu lama nei

Hoea ia mai loko mai,

O ka olelo maikai ae;

Hoea a pii malie no,

A kau maluna pono oʻo

A pii, a lele lohi nae,

Olino oluolu mai,

Me he hoā la i pili mai,

A lohi le haalele ae.

Lelele no, a iho mai,

ā lilo noʻi i mea kiai,

Alohi, a hoala mai

I na manao, na lia maikai

A I ulu hiamoe au,

Kau kona lama ola iaʻu

Alaʻe la au, a nana no,

A oli ne ia hoku oʻu

I kuu nanaʻna ia hoku,

Pau ae la na waimaka oʻu;

Puai na oli, na manao,

Kaiia na lio i ke ao.

Hai mai la ia he ao mao,

Ma kela aina kamahao;

He home lani, home ao,

He wahi maha maikai noʻu

Hei mai la oia no Iesu

Ko iā la aloha, he ao no,

Ko ia la make he ola mau,

A, oia mau ka Hoku ao.

E hahai au i kuu hoku,

No iā la mai ka lama oʻu

E kau a mau maluna oʻu

Kou mau kukuna olu no.

Hawaii

HAAWINA KULA SABATI.

Ke Hapaha elua,

Helu XIX. Sabati Mei 11.

Kunuhana, Ka Lono Mai Aigupita Mai

Pauku Baibala, - Kinohi 42: 29-38

29 A hiki lakou io lakoba la, i ko lakou makuakane i ka aina o Kanaana, hai aku la lakou ia ia i na mea a pau i loaaʻi ia lakou; i aku la,

30 O ke kanaka, ka haku o ka aina i olelo koikoi mai ai ia makou; ua kuhi mai kela ia makou, he poe kiu no ka aina.

31 A olelo aku la makou ia ia, He poe pono makou; aohe makou he kiu.

32 He poe hanauna makou, he umi a me kumnmalua, na keiki a ko makou makuakane; aole kekahi, a o ka muli loa, aia no ia i keid la me ko makou makuakane, i ka aina o Kamana.

33 A o ke kanaka, ka haku o ka aina, olelo mai la ia makou, I keia mea e ikeiaʻi he poe kanaka pono oukou, E waiho mai oukou i kekahu hoahanau o oukou me au, a e lawe i ai na ka wi o ko oukou mau hale, a e hoi aku:

34 A e lawe mai oukou i ko oukou kaikaina ioʻu nei; alaila, ike au ia oukou, aohe kiu, he poe kanaka maikai no oukou; a e kuu aku au ia oukou i ko oukou hoahanau, a e kuai oukou iloko o keia aina.

35 A i ka ninini ona aku a lakou i ka lakou mau eke, aia hoi, iloko o na eke a lakou, ka lakou mau laulau moni a pau. A ike ae la lakou a me ko lakou makuakane i na laulau moni, makau nui iho la lakou.

36 A olelo mai la o lakoba ko lakou makuakane ia lakou, Ua hoonele mai oukou iaʻu i kaʻu mau keiki. O Iosepa, aole ia, a o Simeona, aole ia, a e lawe aku ana oukou ia Beniamina. Ke pale main ne keia mau mea a nau iaʻu

37 Olelo aku la o Reubena i kona makuakane, i aku la, E pepehi mai oe i kaʻu mau keiki elua, ke hoihoi ole mai au ia ia nei iou la ; e haawi mai oe ia ia nei i kuu lima, naʻu ia e hoihoi hou mai iou la.

38 Olelo mai la ia, Aole e iho aku kaʻu keiki. me oukou ilaila, no ka mea, ua make kona kaikuaana, oia nei wale no koe : ina poina keia, ma ke alanui a oukou e hele ai. alaila, lawe iho oukou i koʻu iho hina i ka lua me ke kaniuhu.

Pauku Alakai -- "Ua hewa io kakou i ko kakou kaikaina --- nolaila, ua hiki mai keia pilikia io kakou nei." Kinohi 42 : 21

Pauku hui Lahui -- "E ike pono oukou, e pili auanei ko oukou hewa ia oukou iho." Nahela 32 : 23

Mele.-- Him. 240, Leo Mercer, C. Sacra p. 41

Pule i loaa ka mihi nui no ka hewa.

Na NINAU

Na Makua -- Ka wi, ka pilikia o lakoba ma. Ka manawa hea i hiki mai ai ka wi ? mok. 41 : 53, 54. Mahea ka wi? mahea kahi ai ? Nohea ka ai ma Aigupita ? Ke ka wauana a wai? Owai kekahi poe i pilikia po ka wi ? mok. 42 : 1. Lohe lakou he ai mahea?

Ne Keikikane. --"Ka hoouna i na kaikuaana -- ka hana aho huho?" Owai ka i hoounaia ʻku i Aigupita ? No ke aha ? Owai ke keiki i koe ? no ke aha? mok. 42 : 2, 4. A hiki aku lakou io Iosepa la, ke kiaaina, ua ike anei Iosepa ia lakou? a ua ike anei lakou o Iospepa no ia, o ko lakou kaikaina ? p. 8. Ehia makahiki ke kaawale ana? Hai mai, ka mea i loaa. I ko lakou hele a kulou iho i mua o Iosepa, heaha ka moe uhane i hookoia? Heaha ka hana ano huhu a Iosepa? p.9, 15, 16, 19.

Na Kaikamahine. -- "Ke aloha o Iosepa, ua loaa ai kakahi i waiho ai ke dala," Aole aneʻi i aloha Iospea? p. 18. 24.

Ua loaa anei ka ai ia lakou ? p. 25. Mahea i waihoiaʻi ke dala ka mea e kuai ai i ka ai ? ua ike anei na kaikuaana, ua hoihoi ia ke dala ? p. 27, 28.

P. 29, 34. Na Makua. --"Ka hoi ana o na kaikuaana a me ko lakou hai ana." I ka hoi ana o lakou heaha ka lakou i hai aku ai i ka makuakane? heluhelu pauka 29-34.

P. 35. Na keikikane. --"Ka mea kupanaha a hoomakua." Heaha ka mea kupanaha a makau lakou i ku ike ana? No ke aha keia makau? Ua hai anei lakou i ko lakou manao kaumaha a mihi ? p. 21--22. No ke aha ka hai ole? I na he mihi io heia, aole anei lakou e hai i ko lakou hewa i ka makuakane? Heaha ke ano o ka mihi io? o ka hai paha i ka hewa i ka mea aʻu i hana hewaʻi. I na ua hana hewa au i koʻu makua, e hai aku au i koʻu hewa ia ia. Aole anei i hai na keiki i ko lakou hewa i ka makuakane ma hope? mok. 50 : 16, 17.

P. 36. Na Kakamahine. -- Ke kuhi hewa o lakoba. Heaha ko lakoba kuhi hewa? Ua make anei Iosepa? I na ua make pehea la e hookoia ai kona mau moe? Ua hoopoina paha ea lakoba i ke ano o ia mau moe? Ehia kuhi hewa o lakoba ma keia pauku?

1 Kona manao e lilo ana ko Iosepa mau moe i mea ole.

2 Kona manao ua make Iosepa

3 Kona manao e make ana Simeona

4 Kona manao e make ana Beniamina ke laweiaʻku i Aigupita

5 Kona manao e kue ana keia mau mea ia ia. A pehea? he mau kuhi pono anei keia? Ua ko anei na mow o Iosepa? Ua lilo oia i aha? Ua make anei Iosepa? E make ana anei Simeona? E poino ana anei Beniamina ma Aigupita ? E poino ana anei lakoba ke hele hou na keiki i Aigupita e kii i wahi ai?

P. 37. Na Makua . -- "Ka hooluoluʻna." Owai ka i hoao e hooluolu ia lakoba? Ma na olelo aha e hooluolu ai? He mea ka ia e oluolu ai lakoba o ka law i na keiki elua a Reubena, oia hoi kana mau moopuna, a pepehi aku i pani no Beniamina ke hoihoi ole ia mai ? Kei ka naaupo ? Heaha ka manao nui o Reubena ? E kii hou paha i ai ma Aigupita i ole lakou e pau i ka make. Ae, maikai no kona manao, ea, owai ka i haawi mai i kana keiki ponoi i pakele kakou i ka make ?

P. 38. Na Keiki a Pau. --"Ka hoole loa o lakoba." Ua ae anei lakoba i ko Reubena manao? Minamina loa anei oia ia Beniamina? A poino oia ma ke alanui e law ana lakou i kona oho hina i hea? me ka aha ? Aole anei oia i ae mahope e lawe ia Beniamina i Aigupita ? Mok. 43 : 11-14. Poino anei oia ma ke alanui? 43 : 29

Hai paanaau mai i ka Pauku Alakai, a me ka Pauku hui Lahui?

Ka ninau nui, Ina e hana hewa oukou, aole aneī e loaa ana ? Hiki anei ke huna i ka hewa a mau?

Mele: -- Jesus paid it all. Him. 97

Pule i mihi aʻole na haumana ia Iesu. Hawaii

Kumumanao a Rev. T. Coana i ka Aha

EUANELIO O HAWAII HIKINA,

ma Hilo, Aperila 16, 1873.

Ka hana a na Misionari Beritania ma ka moana Pakipika nei.

E hauoli lakou i ka nani o lehoca ma ke kai nui. I ka inoa hoi o lehova je Akua o ka Iseraela, e na mea o na mokupuni i kona kanawai. E oʻi aku ia lehova e na mokupuni o ke kai, a me ko lakou poe e noho ana. Isaia 24 : 14, 15. 42 : 10.

Ua kaupho aku o Iesu i kana poe haumana ; "E hele i na aioa a pau a e hoohaumana i na kanaka a pau." Ua ae na Luna Olelo, a me na haumana e ae, a ua hele nui i Asia, Europe, Aferika, a me na mokupuni a lakou i ike ai ; ua nui na haumana a lakou i Bapetizo ai, a ua nui hoi na Ekalesia a lahou i kukulu ai. aole nae lakou i ike i kela aina nui o Amerika a me na mokupuni kinikini ma ka moana Pakipika nei.

Ua make na hanauna hoahanau he nui wale, me ka ike ole i keia mau aina a lehova i waiho ai. A mahope ua emi nui mai ka makemake o na hoahanau o na aina Hikina, e hele a e hoohaumana i na kanaka a pau, a ua noho palaka hoi na Ekalesia, he mau haneri makahiki. Ua hooikaika nae na ʻlii i ka imi ana i na aina hou, i mea e waiwai ai, a e hanohano ai.

Ua holo na moku manuwa o Sepania a me na moku kalepa e imi aina ; a ua ike ia o Amerika Akua, a me Amerika Hema. Ua pepebiia na kamaaina, a ua lawe i ko lakou mau aina me ka waiwai.

Ua holo mai hoi iloko o keia moana Pakipika nei ; a i ka makahiki 1595, ua ike lakou i na mokupuni o Nuuhiva; a me kekahi mau mokupuni e ae. He poe Katolika lakou. Aole nae lakou i kukulu i na kula, aole unuhi i ka Baibala, a me na palapala e ae e naauao ai, Aole hoohaumana i na kanaka naaupo, a alakai ia lakou iloko o ka malamalama oiaio o Iesu Kristo.

Aia mahope, ua lohe na haipule ma Ladana, a me na Ekalesia Hoolepope ma Beritania, i ke ano o na kanaka ma ka moana Pakipika nei ; i ko lakou naaupo, ilihune, ka hakoka, ka haumia, a me ka hewa nui o ko lakou noho ana. Ua hu mai ko lakou aloha, a ua kukulu lakou i Ahahui ma Ladana, a kapaia ; "Ko Ladana Ahahui Misionari."

Ua kapili lakou i moku Misionari o (Duff) Dupa kona inoa, a ua imi lakou i mau misionari 39 lakou a pau, i ka hui ana o na kane, na wahine, a me na kamalii. Eha wale no kahunapule iwaena o lakou ; he mau kanaka lawelawe i na hana a pau, e like me ka mahiai, lawaia, kamana, amala, bumuhumu lole, a hana wati, a ia hana aku ia bana aku.

O Wilisona ke kapena o ua moku la, a ua holo mai Ladana mai i ka la 10 o Augate 1796; kokoke na makahiki he 76 i hala aku neig. Ua hiki keia moku i Tahiti i ka la 5 o Maraki, 1797, o ka la Sabti ia. Nolaila, aole lakou i lele i-uka. Ua ku ka moku ma ke awa, a ua pule lakou maluna, a ua noho na kamaaina he nui wale ma kahakai e nana ia lakou. Ua hoomaka na misionari i ka hana a ke Akua ma Tahiti. Aka, aole huli koke mai na kanaka. Ua hemahema na haole i ke ao ana ma ka olelo a kanaka, aole loaa koke, a hala paha na makahiki elima. Aia hala na nakahiki ekolu, ua kukulu lakou i Luakini, aole i hele nui mai na kamaina i ka pule. Ua lilo nui lakou i ka lealea, i ka hulam hoomanakii, i ka uhauha, a me ka hoomaloka. He umi kumamaono makahiki ka hana ana a na kumu me ka hua ole : aole huli mai kekahi alii, aole hoi kekahi kanaka.

Ua pauaho kekahi poe misionari ; ua healele loa i ka hana, a holo aku i Kikane (Sydney,) a ia wahi aku, ia wahi aku. A ua kuka ka Aha Misionari ma Ladana no ka haalele loa ana i kela mau mokupuni, no ka paakiki o kanaka. (Aole i pau.)

Na Olelo Wehewehe no na Oihana a na Lunaolelo

Mokuna IX

P. 21. O ka poe a pau i lohe i ko Saulo hai ana aku ia Iesu, kahaha iho la lakou, a he kumu no ko lakou e kahaha ai. Ua hooliloia ka iliohae i kekihipa ; o ka mea hoomaau i ka poe Kristiano, ua hooliloia oia i haumana haahaa no Kristo. Kahaha iho la ko lakou naau i kela kanaka, me he mea la aole ia o Saulo, a ninau iho la lakou kekahi i kekahi ; "Aole anei keia ka mea i luku i ka poe i hea aku ma keia inoa ma Ierusalema, a hele mai hoi ia nei e lawe ia lakou me ka paa, i na kahuna nui?" Maanei kakou e ike hou nei ua kapaia ka poe Karistiano, he poe hea aku i keia inoa -- Oia ka inoa o Iesu

P.22. "Mahuahua nui aku la ka ikaika o Saulo." Mahuahua ae la kona manaoio, a ikaika ae la ia ma ke kamailio ana aku i mua o ka poe Iudaio. Pela o Saulo i pule ai no ko Epeso i hooikaika nui ia ke kanaka oloko, i ike lakou i ka laula, ka loa, ka hohonu a me ke kiekie o ke aloha o Kristo. Epeso 3 : 14-19. E like me ka mahuahua o ko Saulo ike i ka nui o keia aloha, pela i nui ae ai kona ikaika.

"Pilipu iaia ka poe Iudaio" -- paa iho la lakou i kana mau olelo. "I kona hoakaka ana, o ka Mesia no keia." Ua hoaka oia i keia ma kona hoomaopopo ana. o na mea i wanana ia no ka Mesia ma ke Kauoha Kahiko, ua hookoia ma o Iesu la no Nazareta.

P. 23. "A hala ia mau lan" Manao kekahi poe he nui loa ia mau la, me he mea la mahope o kona kaahele ana i Arabia. Galatia 1 : 17. Ina pela. Ua komo iloko o ia mau na makahiki ekoulu i oleloia ma Galatia. "Kukakuka ka poe Iudaio e pepehi iaia," mahope ia o kona hoi ana mai Arabia mai. Pela no na kanaka hewa, ina e hoohoka ia lakou ma ka olelo, o ka wa no ia e imi ai e pepehi mai.

P. 24. "Ike ae laa o Saulo i ka lakou kuka ana." I kona ike he manao ko lakou e pepehi iaia, holo aku la ia e like me ke kauoha a Iesu Mat. 10 : 23. "Hoomakakiu aku la lakou ma na puka i ke ao a me ka po." Ke olelo nei o Saulo, "O ke Kiaaina o ke alii o Areta ka i kiai i ke kulanakauhale o ko Damaseko me ka poe koa, e manao ana e hopu mai iaʻu. II Korineto 11 : 32. Me he mea la ua oluolu ke Kiaaina i na Iudaio, a na lakou paha i koi iaia e hopu ia Saulo.

P. 25. "Lawe aku la na haumana iaia i ka po, a ma ka hinai, hookuu iho la iaia ilalo, mawaho o ka pa," "ma ka puka makani." II Korineto 11 : 33. Ma na aina hikino, ua kukulu ia na hale i kahi wa maluna o na pa. Ua manao kekahi poe aia ka puka makani ma ka pa.

P. 26. I ko Saulo hiki ana i Ierusalema, hoao aku la oia e hoohui iaia iho me na haumana, me he mea la ua hookahi pu ia me lakou ; aka, ua makau lakou a pau iaia, aole lakou i manao he haumana ia, elike me ka mea i olelo ia ma Galatia 1 : 18. He ekolu makahiki mahope o kona huli ana i ka pono ka hele ana i Ierusalema. Oiai ua hala paha ka hapa nui o ia mau makahiki ma Arabia, a oiai aole i launa pinepine na lahuikanaka o kekahi aina me ko kekahi ia wa, aole no he mea e hoahao ai kakou i ko lakou lohe ole mamua ua huli o Saulo ma ka pono, me ko lakou ike ole i na hoike o kona lilo ana i haumana oiaio. A manao iho la lakou he hookamani wale no kona huli ana, he hana hoopunipuni e imi ana i mea e poino ai, a make lakou.

P. 27. "Lalau aku la o Barebaba iaia," lawe ae la ia iaia e hele pu me ia, nana e hoikeike aku o Saulo imua o na luneolelo, ia Patero a me Iakona, e like me ko kakou ike

Ma Galatia 1: 18, 19. Malia paha aia na lunaolelo e ae I kahi e, aole ma lerusalema. “A hoakaka aku la.” He mea nui o Barenaba iwaena o na haumana; a he mea kapono loa is i ka hoopau aku I ko lakou kanalua no ko Saulo huli ana i ka pono. Ua hoike aku oia elua kumu e pono ai ia lakou ke hoohui mai ia Saulo me lakou; eia ka mua, “Ua olelo mai ka Haku iaia ma ke alanui;” a eia ka lua. “Ua ao ikaika oia ma Demaseko, ma ka inoa o Iesu.” Ua piha loa ko Saulo naau me ke kaumaha no ka makau o na baumana iaia ma Lerusalema, a no ko lakou hole ana, aole oia I huli io I ka pono. A ua oluolu loa ia I ka wa a Barenaba, ke keiki a ka hooluolu, a hoolauna ia lakou me ka lunaolelo hou.

P. 28. “Me lakou pu iho la no ia.” Me he mea la ua hookah pu ia me lakou, ua ae ia he haumana, a he mea hai i ka olelo.

P. 29. “Ao wiwo ole aku ia ma ka inoa o Iesu,” elike me kana hana ma Damaseko. “Me ka hoopaapaa aku me ka poe helene,” oia hoi me na Iudaio i hanau ma na aina e. No ka hiki ole ia lakou ke pane aku I kana olelo, “Kukakuka iho la lakou e pepehi inia.”

P. 30. “A ike iho la na hoahanau, lawe aku ia lakou iaia i Kaisareia.” Oia no kahi i ike ia ai o Pilipo ma ka hope o ka mokuna ewalu; a oiai ia he awa ku moku, he hiki no iaia ke holo mai ia wahi aku maluna o ka moku a hiki i Taresisa. I ka nana ana ma Galatia 1:21, me he mea la ua holo oia ma ka moku a hiki i Toro, a i Sidona paha, alaila hele aku la mauka mawaena o Suria. Aka, ua hiki no ke hele ia mai Kaisareia a I Taresisa mauka, ma ka aina. He umikumamalima la o kona noho ana I Lerusalema, Glatia 1:18, a o ke kumu o kona haalele ana ia laila, oia no ke kauoha maopopo a ka Haku, mokuna 22:18, 21. Ua kokua koke ia o Saulo e na hoahanau ma lerusalema, a ma Damseko ia lakou i ike ai ua pilikia oia. Pela no hoi e pono ai ka poa Kristiano ke kokua aku I poe I pilikia..

(Aole i puu.)

Ka Moolelo o ka Ahahui Enanelio ku i ka wa, o ka mokupuni Oahu.

Ua halawai keia Ahahui ku i ka wa ma Kawaiahao, Honolulu, i ka la 25 o Aperila, 1873.

Pule ka Lunahoomalu, Rev. H. H. Pareka.

Ua akoakoa main a kahu a me na elele no ka hoolohe I ka hoike a ke Komite I kohoia no ka palapla hoopii a J.F. Pogue ia H. Kauaihilo.

A na aka Lunahoomalu o ke Komite I heluhelu i ka lakou hoike. Oia keia:

Hoike a ke Komite I kohoia e ka Ahahui Euanelio o Oahu e noonoo i ka palapla hoopii no Rev. H. Kauaihilo.

Ua hui ko oukou Komite ma Hauula, Koolauloa, Oahu, no ka noonoo ana i keia palapala hoopii, I ka la 25 o Maraki i hala iho nei. Ma ka luakini kahi a ke Komite I kukulu ai i ka hana, a ua akoakoa mai kekahi hapa o ko laila ekalesia. Elua kumu nui iloko o keia hoopii.—

I. “No kona malama ole ana i na mea ana i hoohiki ai i ka wa i poni ia ai oia he kahunapule.” Elua mea I hoakaukaia malalo o keia kumu.

1. O kona kiai ole ana i ka ekalesia, oia i kona noho kahu ana no ka ekalesia o Hauula.

2. O kona haalele ana i ka ekalesia o Hauula, kahi i hoonohoia ai oia i kahu e ka Ahahui Euanelio o Oahu, me ka hookuu ole ia e ka aha.

II. Eia ka lua o na kumu hoopii. “O kana hana I mau mea e hoohaumia i ka oihana kahunapule.” Eia mea i hookaia malalo o keia kumu.

1. O kona hihia me ka Hui aina o Hauula.

2. O kona hoopunipuni

3. O kana hana ana i mea e haunaele ai kekahi ekelesia.”

Ua noonoo akahele ko oukou Komite i na kumu hooia a pau i loaa ia lakou, e pili ana i keia mau kumu hoopii. Ua nana pono ia na aoao elua, a eia na mea i maopopo lea ia makou.

1. Ua kapaulu ka malama ia’na o ka ekalesia o Hauula. Aole i hooponopono ia ka me ka pololei. Aohe moolelo o na hana o ia ekalesia e waiho nei me ka ekalesia. He hemahema nui ia o ia ekalesia e noho nei.

2. Aole i noho paa o Mr. Kauaihilo me kona ekalesia. I ka malama o Feberuari, 1871, hoomaka kona haalele liilii ana ia Hauula. Iloko o Feberuari, 1872, haalele pinepine oia, a hoi i Ewa, Oahu, e noho ai, me ka malama no nae i na hana o ka la Sabati ma Hauula. Aka, mai ka malama o Sepatemaba mai, 1872, a hiki i keia wa, ua haalele loa o Kauaihilo i ka ekalesia ma Hauula.

3. Ua hihia oia me ka hui aina o Hauula, ma kona lawe ana i ko lakou dala, me kona hai aku ua lawe oia i ke dala a hookaa aku i ko lakou aie no ka uku hoolimalima makahiki no ka aina, aole nae he oiaio ia.

4. Ua kuai oia ma kea no aie i kekahi mau pahu hookani no ke kula Sabati o ka ekelesia ma Hauula, a mahope hai oia I ka ekalesia na kaa ke kumu kuai o na mau pahu la, aole nae pela ka oiaio. (Pono nae ke Komite ke hai aku ua kaa i keia wa.)

5. I ko Kauaihilo noho ana ma Ewa, Oahu, ua kokoua oia mamuli o na manao moku ahana o kekahi poe iloko o ka ekalesia ma ia wahi, me ke kono aku ia lakou e koho ia ia i kahu no lakou.

Oia iho la na mea a ko oukou Komite i hoomaopopo ai; he mau mea kohu ole I ke Kahunapule, a kahu ekalesia ke hana; a he mau mea e hoino i ka pono Euanelio, a e hoeha ia’I ka ekalesia o Kristo. Me ka Mahalo.

Honolulu, Aperila 25, 1873.

Na Komite H. Pareka,

S. Waiwaiole,

E. Kekoa.

Hooholoia.—Ma ke noi a Rev. B. W. Pareka e lawe ka Aha I ka hoike a ke Komite a noonoo.

Na Rev. J. N. Paikuli I hoike mai he mau palupala hoopii e kue ana i ka palapala hoopii J. F. Pogue; mai kekahi hapa mai o ka ekalesia o Hauula; he 40 na inoa.

Hooholoia.—Ma ke noi a Rev. G. W. Pilipo, e hoohui i ka palaplala hoopii a ka ekalesia me ka hoike a ke Komite. A ma ka hoohui ana, ua kuka nui ke Aha. A pau ia, noi mai o Rev. G. W. Pilipo e hoomoe loa ia ka palapala hoopii a ka ekalesia o Hauula, no ka mea, aole lakou i hoike mai i ko lakou manao imua o ke Komite i ka wa, e noho ana lakou e hooponopono i keia hihia ma Hauula, a he palapala hoohihia wale no keia i ka hoike a ko kakou Komite—Hooholoia

Hoomaha ka Aha i ka hora hookah me ka hapa. Pule o Manuela.

Hora 2. Hoomaka hou ka halawai me ka pule a Nuhi.

Hooholia — Ma ke noi a ka Aha e apono aku i ka hoike a ke Komite.

Heluhelu mai o Rev. B. W. Pareka he olelo hooholo e pili ana no ka mea i hoopiiia.

Ma ke noi a Rev. E. Kekoa e hoopanee I ka olelo hoohola no Kauaihilo.

Waiho mai ka Aha he olelo hooholo ia P. Naone no kona hookipa maikai ana I ka Aha ma ka paina awakea.

Ma ke kauoha a ka Aha e paiia ka moolelo ma ke Kuakoa .

Pule ka Lunahoomalu.

S. Waiwaiole,

Kakauolelo

HAAWINA KULA SABATI

NO NA POKII. Helu 19. Sabati, Mei 11.

Pauku Baibala . Kinohi 42:29—38.

Ka wi—Kahi o ka ai—ka haohao ana no ka loaa ana o na dala iloko o na eke ai.

Mele—Ka Iesu Kamaiki Au.—Hae Hoonani

Pule. E ka makua nui, ka Makua aloha e lehova, he poe pokii makou, he poe palupalu, e kokua mai oe; ina pilikia makou, e hoopau oe i ka pilikia; ina pololi makou, e hanai mai oe ia makou—ina make wai malie oe ia makou ma na wahi uliuli, ma na kahawai e kahe mau ana; a make makou, e hookipa oe ia makou iloko o kalani, ka home maikai loa, ma o Iesu la, Amene.

Na Kekikane . Ehia makahiki ai? Nawai I hoihili I ja ai a nui wale iloko o ia mau makahiki ai ehiku? Aia mahea o losepa? A pau na makahiki ai ehiku, hoomaka na makahiki aha? Pehea ka loihi o ka wa wi? Ehiku ka makahiki, e nui ino ana pahaka pilikia, ea? He ai no nae mahea? La wai ka malama ana ia ai.

Na Kaikamahine. Aia Mahea kekahi wi? Ma Kanaana, Owai ka I lohe he ai ma Aigupita” Lakoba, ka makuakane oia owai? Ua lohe anei oia, o Iosepa kana keiki, oia ka luna nui o Aigupita? Aole, ua kuhi oia ua make kahiko o Iosepa. Pilikia lokoba ma no ka wi, hoouna oia ia wai I Aigupita e kuai I ai na lakou? Mokuna 42:1—4. Ehia keki I hele? Owai ke keiki I noho? No ke aha. Aloha ka makua ia ia, a makau o poino mahea? Hoomanao oia, ua poino o Iosepa (ma kona kuhi ana) ma ke alanui; a pela paha Beniamina ke hele oia.

Na keikikane. A puka lakou i Aigupita, hele lakou a kulou iho imua owai? P.6-10. Owai ia kiaaina? Maopopo anei i na kaikaina, o Iosepa keia, ko lakou kaikaina a lakou i kuai ino ai mamua? Aole. Ehia makahiki i hala mai ka wa i kuai ai lakou ia ia a hiki i keia wa i hui hou ai? 30+7+2=39-17=22. Akamai ka oe, e Davida. 22 makahiki ke kaawale ana. Hoohewahewa io paha na kaikuaana i ko lakou kaikaina. Pehea la i loaa ai ia oe keia mau makahiki 22? Pohihihi, ea. E kokua paha ke kumu.

Na kaikamahine. Hoohewahewa anei Iosepa i knoa mau kaikuaana? I ko lakou kulou ana imua ona, heaha kana i hoomanao ai? kona mau moe uhane ma ka mokuna 37:7-10. Koi o, ea, kona mau moe. Olelo oluolu anei Iosepa i kona mau kaikuaana? Aole, kappa oia ia lakou he poe kia i hele mai e nana i ka hemahema o ka aina. Heaha hoi kana i hana’i ia lakou no na la ekolu? P 17.

Na keikikane. He lokoino maoli anei Iosepa i na kailuaana ona? Aole paha. Makau oia i ke Akua, nolaila, heaha kana hana i ka pau ana o na la ekolu? p. 18,19. Ua pau loa anei lakou i ka hookuuia? Owai ka i hoopaaia? P. 19,24. Aloha Iosepa, a uwe hoi, no ke aha kana olelo koikoi, me kana hana oolea i na kaikuaana? I kaumaha ko lakou naau, a I Akaka hoi, ua mihi paha lakou I ka lakou hana hewa ana ia ia mamua, ua mihi ole paha?

Na Kaikamahine. A pehea ua mihi anei lakouiI ko lakou hewa? P.21,22. Ua mihi ka ea, ua ae ua hewa lakou. A hewa oukou heaha ka pono? E mihi paha. Mihi no lakou ia lakou iho imua o Iosepa, Me ke kuhi nae aole Iosepa i lohe, no keaha ko lakou kuhi ana, aole Iosepa i lohe? P.23. Okoa ka na olelo, Kamailio Iosepa ma ka olelo Aigupita, a n aka mahele olelo i mahele i na kaikuaana. Kamailio lakou ma ka olelo kanaana, a na ua mahele olelo nei i mahee aku ia Iosepa, nolaila, kuhi lakou, aole Iosepa i lohe i ka lakou mau hua olelo.

Na Keikikane. Hoi no na kaikuaana i ka hale o ka makuakane me na eke ai no. heaha ka lakou i hai aku ai ia ia?

Akahi.-Na huaolelo koikoi, a me ka hana oolea a ke kiaaina o Aigupita.

Elua.-Ka waiho paa ana ia Simeona ilaila.

Ekolu.-ka wehe ana i na eke ai ma ke alanui, a, aia ka iloko na dala a lakou i lawe ai i mea kuai ai.

Eha.-Make kena ana a ke kiaaina e kii a lawe i ke kaikaina i laila, a i ole e lawe ia oia, aole loa lakou e ike hou kona maha.

p. 29-35. Akamai io oukou

Na Kaikamahine . Kela mau dala iloko o na eke ai, nohea mai?p.25

I ka ike pu ana o lakou me ka makuakane ia mau dala iloko o na eke, pehea iho la lakou?

No ke aha ko lakou makau? Kuhi paha lakou he mea hoohihia ia ia lakou mahope.

Kaumaha loa ka makuakane, heaha kana mau olelo? P.36,

Oukou a pau . Hoole loa anei lakoba, aole e lawe ia Beniamina i aigupita? Ae, p. 38. No ke aha? Ina poino oia ma ke alanui, e laweia ana kona ohohina i hea? Me ke aha hoi?

Ehia kuhihewa o lakoba ma na p.36, 38?

Loaa ia wai? Ia’u paha, La Meri, ea-Ae paha_e hai mai. Eha.

1.Ua make Iosepa, 2. E make ana Simeona, 3. E poino ana Beniamina, 4. E kue ana keia mau mea a pau ia ia.

Pehea ke kuhihewa ana? E kokua ke kumu. Hoao Reubena e hooluolu ia lakoba, me na olelo aha? P. 37. Naaupo ea!

Ina poina Beniamina, a aole I hoihoi ia mai, oluolu anei Iakoba ke pepehiia na moopuna elua ona, oia hoi na keiki elua a Reubena, i pani hakahaka no Benimina?

Mamao nui Reubena i ka mea e ola'i lakou, ka makuakane, na keiki, na moopuna, Nolaila, minamina ole oia i kana mau keiki elua; ae oia e pepehiia laua, ina oia ka mea e loaa ai ka ai, ke ola no a lehulehu o lakou. Ae ka makua nui e make kana kiekie hiwahiwa i mea aha?

Mele-Jesus paid it all. Him. 97.

Pule i mihi na haumana i ka hewa, a paulele ia Iesu i ola. Hawaii.

E MAKAALA.-Ke kokoke mai ne ka halawai o ka Aha Euanelio Hawaii ma Honolulu, ma ka Poalua mua o Iune 1873, o na halawai nei, nolaila, e hoihoi koke ia main a “Dala Kula Kahunapule” a pau, a me na “Dala Pule Malama Hou” a pau, I ka puuku o ka Papa Hawaii, I hookomoia ai ka nui o na dala I luluia e na ekalesia I ka makahiki I hala ae, I ka hoike Makahiki a ka puuku, mamua mai o ka la 15 o Mei. Mai kali! Mai hoopanee! Mai noho wale a palaka, e na Kahu a me na Puuku malama waiwai o na Ekalesia.

Eia kekahi; e hoopiha ia na “Papa Hoike Helu” e na Kahu Ekalesia. Ina I nele kekahi Kahu Ekalesia, aole I loaa iaia ka “Papa Hoike Helu,” pai hakahaka, e kii koke mai, a I ole, e palapala koke mai I ke Kakauolelo o ka Papa Hawaii, alaila, e loaa no. Mai molowa, mai hoopanee a hiki I ka wa halawai o ka Aha, o hemahema ka Hoike Kihapai. J.F. POKUE.

K.P.H.

NA BUKE

HOOLAHAIA E KA PAPA HAWAII.

BAIBALA HEMOLELE NUI ILI GULA NANI

me na kuhikuhi ma na aoao- $12 00

Baibala Hemolele Nui ili eleele kaekae wai gula. 5 00

Baibala Hemolele uuku iki iho kae wai gula 8 00

Baibala Hemolele pananaiki iho ili eleele 4 00

Baibala Hemolele ili eleele 2 00

Kauoha Hou ili gula nani me na kuhikuhi 3 00

Kauoha Hou ili eleele kaekae wai gula 1 00

Kauoha Hou ili eleele .75

Kauoha Hou Hapa Haole .75

Lira Hawaii 1848 me ke kanawai .25

Lira Hawaii 1855 -.25

Moolelo Ekalesia .50

Liaiao ili lahilahi .10

Hele Malihini ana .25

No ko ke Akua ano .25

Lira Kamalii .25

Hoike Palapala Hemolele .25

Moolelo o Heneri Opukahaia .25

Hoike Akua .20

Wehewehehala .20

Ninau Hoike ili manoanoa .25

Ninau Hoike ili lahilahi .15

kumumua Kula Sabati .15

Buke Lawe Lima .15

He Buke no ka Pope .10

Ui Kula Sabati Helu 3 - .20

Ui Kula Sabati Helu 4 - .03

Ui Kula Sabati Helu 5 - .20

Buke Euanelio a Ioane - .15

Himeni Hawaii 1 00

Himeni Hawaii ili nani 1 70

Kumu Leo Mele .15

Kumu Leo Mele ili nani .50

NA KAUOHA HOU PAKEKE.

Ili gula nani 1 30

Ili eleele kaekae nanu .30

Ili eleele .35

KAUOHA HOU PAKEKE ME NA HALELU

Ili gula nani 1 75

Ili eleele kaekae wai gula .60

Ili eleele .50

Buke Wehewehe Huaolelo Baibala, elua ano

Buke Whewehe Ano Mataio

NA HALELU PAKEKE.

Ili Gala nani .50

Ili eleele kaekae wai gula .30

Ili eleele .20

Ka have Hoonani (Buke Mele) .25

EIA NA BUKE HAAWI WALE.

PALAPALA LIILII-

Helu 4 - Makemake anei oe i ke o'a?

Helu 6 - E hele i o Kristo ia.

Helu 7 - Ka hoi ana mai o ke Keiki Uhauha.

Helu 11- No ka hoohiki wahahoe i ke Akua.

Helu 16- Ka ehia ana o ka Ahaaina a ka Haku a Me ka Bapetizo ana.

Helu 17- Mai hana ino i na holoholona.

Helu 18 - No ka mahi ana, kuai ana a me ka inu ana i ka Awe.

Ka Davida Malo Kamamanao.

Ka Moolelo O Batimea Puaaiki.

Aia ke keena kuai buke o ka Papa Hawaii me ka kuina o Alanui Betela me Alanui Kalepa, e kokoke ana i ka Hale Leta.

J. F. POKUE.

Kakauleta o ka Papa Hooko o ka Ahahui Easnelio o ko Hawaii Pae Aina.