Ka Nupepa Kuokoa, Volume XII, Number 18, 3 May 1873 — I ka Lahui Hawaii. [ARTICLE]

I ka Lahui Hawaii.

Oiai, ma ka Poaha i hala, Maraki 27, ua lele ae la ke aho o ka nupepa Ke Au Okoa, a ua pau kona kaalo maka ana aku imua o ka lehulehu, nolaila, ke hoike aku nei makou, e ae ia no ka poe a pau e makemake hou mai ana e lawe i ke Kuokoa no na malama eiwa i koe o keia makahiki, e hoomaka nna mai ka hebedoma mua aku o Aperila 1873, no ka uku, — He Dala Hookahi me hapalua wale no. E hoomau aku ana no hoi makou i ka unuhi i ka Mooielo o Ferederika ka Nui, e paiia maloko o kekahi pepa manuahi, a e haawi wale ia aku i ka poe heluhelu Kuokoa i hookahi pepa nona nu aoao elua, i kela a me keia"malama. No ko makou ake nui e hooholo ia Hawaii nolaila, ke manao makou, ina e hiki ana kā nui o ka poe lawe i ke Kuokoa me ka uku pono i kona ola, i ka 5,000 inoa, alaila, e pai no makou a haawi wale aku i hookahi pepa manuahi i kela a me keia hebedoma. Henere M. Wini. I