Ka Nupepa Kuokoa, Volume XII, Number 19, 10 May 1873 — I ka Lahui Hawaii. [ARTICLE]

I ka Lahui Hawaii.

Oiai, raa ka Poaha i hala, Maraki 27, ua lele ae la ke aho o ka nnpepa Ke Au Okoa, a ua pau kona kaalo maka ana aku imua o ka lehulehu, nolaila, ke hoike aku nei rnakou, eae ia no ka poe a pau e makemake hou mai ana e lawe i ke Kuokoa no na malama eiwa i koe o keia makahiki, e hoomaka nna mai ka hebedoma mua aku o Aperila 1873, no ka uku, — He Dala Hookahi me hapalua wale no. E hoomau aku ana no hoi makou i ka unohi i ka Mooielo o Feredehika ka Ndi, e paiia maloko o kekahi pepa manuahi, a e haawi wale ia aku i ka poe heluhelu KuoVoa i hookahi pepa nona na aoao elua, i kela a rne keia malama. No ko makou ake nui e hooholo ia Hawaii imua, nolaila, ke manao makou, ina e hiki ana ka nui o ka poe lawe i ke Kuokoa me ka uku pono i kona ola, i ka 5,000 inoa, nlaila, e pai no makou a haawi wale aku i hookahi pepa manuahi i kela a me keia hebedoma. Henere M. Wini.