Ka Nupepa Kuokoa, Volume XIV, Number 31, 31 July 1875 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XIV.   HELU 31.     HONOLULU, POAONO, IULAI 31, 1875.     NA HELU A PAU 713.

 

E Pau na Pupupu Kaihiko!

 

E pani me na Hale Laau!

 

PAPA, PAPA, PAPA

O KELA ME KEIA ANO,

--A ME--

NA LAKO KUKULU HALE

O KELA ME KEIA ANO, MA KA

PA-PAPAO S. G. WAILA MA!

--KIHI O--

ALANUI PAPU me ALANUI MOIWAHINE, no ke Kumukuai HAAHAA LOA! ae like ka nui me ka makemake.

 

LAAU NOUAIKI!

NA LAAU KAOLA, NA PAPA MANOANOA, NA PAPA HELE, NA KUA, AAHO, AAHO LIILII, & c

 

LAAU ULAULA!

NA LAAU KAOLA, NA PAPA MANOANOA, NA PAPA HELE, NA KUA, AAHO, POU, AAHO LIILII, MOLINA, & c                      

 

Pili Cida keokeo, Pili Laau, ulaula, Na Puka Hale, o na ano a pau, Na Puka Aninui, o na ano a pau, Na Olepelepe Puka, o na ano a pau.

 

Pepa Hale me na lihilihi.

 

NA LAKA PUKA

NA AMI-PUKA, NA AMI-PUKA LIILII.   NA KUI NAO

 

PENA, AILA-PENA, VANIKI, WAI HOOMALOO.

 

PAAKAI Helu 1, O PUULOA.

 

            E lawe wale ia no na mea i kuai ia keia Pa Papa aku a i kahi o ka mea @ kuai mai, ina ma ke kaona nei, a me na Awa o keia Paeaina e like me ka aelike.

 

Aia maanei ke Koena o ka

MOKUMAHU "KILAUEA",

L. MARCHANT, Kapena.

 

S. G. Waila ma.

709 3m 721

 

HE KAAO GEREMANIA

--NO--

HANISA KA IKAIKA

 

AOHE i liuliu mahope iho, hoomaka iho la ka makuakane a me ka makuahine e kukulu i hale hou, a e kuai i pu-a pipi a me ona aina a hele i ka makeke.   Palau iho la o Hanisa i ka aina a iaia e hele ae ai mahope o ka palau e hooponopono ai a onou aku mahope, aia hoi, hoholo wale aku la no ka palau me ka eku ana o ka pah@ ilalo o ka lepo, a o na pipi kaulua keia i hoomakaukau ia ai no ka palau, aohe iho la a lakou mea e hana ai.   I ke kupu lau mahope iho, olelo aku la o Hanisa i ka makuakane, e haawi i ona mau dala iaia, a nana e hana aku i ona kookoo kaumaha maikai, i hiki ai iaia ke hele pu i ka aina malihini.   I ka manawa i makaukau'i a paa ua kookoo nei, haalele iho la o Hanisa i ka hale o kona makuakane, hele aku la, a hiki i ka manawa ona i hiki aku ai i kekahi ululaau naele.   Malaila lohe ai i kekahi @@ina, a iaia i aloalo ae ai na maka ma o a maanei,   he kumu laau kana i ike aku ai e k@ ana me he kaula la ua hili maaweia mailalo a hiki iluna o ka welau.   A iaia i huli pono ae ai na maka e nana ia luna o ka wekiu, ike aku la ia he kanaka nui e wili ana i ka laau me he la e like me ka owili ana i ka ohe.   "Halo," wahi a ka hooho a Hanisa, "e aha ana oe iluna?"   "Ua ako ae nei au, elua mau lala laau," wahi a ka pane a ke kanaka, "a ke makaukau nei au e hili kaula mailoko mai o ia mea, no ko'u pono iho."   I iho la o Hanisa iloko ona, "he wahi ikaka ka paha kekahi iloko ona, malia o lilo ia i mea kokua no'u."   O ko Hanisa kahea aku la no ia, "waihoia aku ia mau mea, a e hele mai oe me a'u.   Ia lohe ana o ke kanaka, iho mai la ia mai ke kumu laau mai, a hele pu aku la me Hanisa, o ko ua kanaka la nae loihi, he puka poo ae, a o Hanisa, he uuku wale no.   "E kapaia oe o Hili Kaula," wahi a Hanisa i kona hoalauna hou.   Ia laua nei e hoomau ana i ka laua hele ana, lohe aku la laua i ka halulu o kekahi mea e pakuikui ana a e hamare ana.   A i kela wa keia wa, e pakuikui ai, e haalulu ana ka honua; a ai laua e hoomau ana i ka hele, hiki mai la laua i kahi o kekahi puhaku nui, a mamua ona, e ku ana he pilikua, e lele liilii ana na apana pohaku i kona mau puupuu lima ke kui aku.   I ko Hanisa ninau ana aku e aha ana oe, ua pane mai oia, "Ina makemake au e hoi e moe i ka po, e hele mai auanei na bea, na ilio hae a me na holoholona o na ano a pau, e uwo mai ai, a oia ka mea e keakea mai ai i ko'u moe ana, nolaila au e hoomakaukau nei e kapili i wahi hale no'u e hoomaha iho ai."

            "A! ua hiki ka ia'u ke lawe ia oe," wahi a ko Hanisa manao iloko iho ona; me ka olelo aku i ka pilikua, "E hele mai oe me a'u.   haalele ia ko kapili hale, a e kapaia oe o Wawahi Pohaku."

            Ae ma la ka pilikua, a nolaila, kokolo pu aku la lakou nei ekolu mawaena aku o ka ulunahele, a ia lakou e hoea aku ai imua o na holoholona hihiu holo aku la na holoholona hihiu   me ka makau.   I ke ano ahiahi, hiki aku la lakou ma kahi o kekahi hale kakela kahiko, ke hale a lakou i komo aku ai a haule nui iho la e moe.   I ke kakahiaka ana ae, hele aku la o Hanisa iloko o ka mala pua, eia nae me he ulunahele la a ua hele a uluia e na kakalaioa a me na nahelehele.   Iaia e nanea ana i ka hele, aia hoi lele mai la kekahi bea e nanahu iaia, aka huli ae la keia a hahau aku la me kona kookoo, a haule iho la ka holoholona hihiu make loa.   No ia mea, lalau iho la keia i ka bea aumo ae la maluna o kona hokua a hoihoi aku la i kauhale, waiho iho la e koala i mea ai na lakou.   Mahope iho, kuka like iho la lakou, i kela a me keia la, i elua o lakou e hele i ka imi mea ai, a i hookahi e noho e kuke i mea ai na lakou ma ka eiwa paona io holoholona no ka mea hookahi.   Nolaila, i ka la mua, noho o Hili Kaula e kuke, a hele aku la o Wawahi Pohaku me Hanisa i ka huli holoholona. Ia Hili Kaula e noho hookahi ana e kuke, aia hoi, hoea mai ka la kekahi wahi kanaka ano kupanaha, a noi mai la i io holoholona.

            "Aohe no hoi e ai iho ia oe, e kena ino!"   wahi a ka pane a ke kuke; "aole no ka io holoholona kou heie ana mai!"   Aole i pau lea ae keia mau leo i ka puana, aia hoi, lele mai la ua wahi kanaka ano kupauaha nei e wiliwili i ka puupuu imua o ko ai nei mau maka; a no ka hiki ole i ke kuke ke alo ae mai na puupuu mai a ka enemi, hoohina iho la ia ilalo me ka manao e loaa iaia he wa e hanu ai no ka naenae.   Aka, aole nae kela kanaka i hoopau i kana paluku ana a hiki i ka wa ana i ike ai ua lanakila oia maluna o kona enemi; ua koe no nae ke ola o Hili Kaula.   I ka wa i hoi mai ai o Wawahi Pohaku laua o Hanisa mai ke alualu holoholona mai, aole i ha@ aku o Hili Kaula i ka mea i hiki mai maluna ona, no kona manao, malia o hiki mai ua wahi kanaka powa la i ka wa o laua e noho hookahi ai, a malia o hoao laua i ko laua ikaika me ua wahi powa nei.

            I ka la mahope iho, e like me ka hooholo ana, noho iho la o Wawahi Pohaku i ka hale, a ua hiki mai no ua wahi kanaka nei e like me ka ike ana o Hili Kaula.   Ua noke ino loa ia oia nei i ka pepehi no ka haawi ole aku i io holoholona.   I ka hoi ana mai o laua la i ke ahiahi, aia hoi, ike iho la o Hili Kaula, ua hiki mai no ua wahi kanaka powa nei; aka, ua hamau loa ko laua nei mau alelo aole hai iki ia Hanisa, me ka manao e ai pu ana o Hanisa i ka aina ahiahi.

            Ia la ae, o ko Hanisa wa ia e noho ai i ka hale, e kuke na lakou.   Iaia i kuke ai a moa na mea ai, a e hoomaka ana ia e hoomaemae i ka ipu hao, hoea ana ua wahi kanaka powa nei, a kikoi ana ke noi i io holoholona, me ka hoohaahaa ole mai.   "He kanaka ilihune io keia," wahi a ko Hanisa manao iloko ona, "e haawi ana au i kekahi io o ko'u mahele i ole ai e uuku ka laua," a haawi aku la ia.   Aohe i emo ka ai ana ae a ua wahi kanaka nei, o ka pau no ia, noi hou mai ana i io hou.   Haawi hou aku la o Hanisa i ka io me ka olelo aku, he pauku io maikai, a he pono oe e lawa no ia mea.   Aka aohe lawa iho o ua wahi kanaka powa nei, hoonune aku la no i ke noi, o ke kolu ia o ka manawa.   "Hilahila ole maoli oe," wahi a Hanisa i ua wahi kanaka nei, a haawi aku la ia nei i ka nele.   Ia hoonele ia ana mai no, e lele aku ana ua wahi kanaka nei maluna o Hanisa, e like me kana hana ana ia Hili Kaula ma laua o Wawahi Pohaku; aka ua lele mai ia i kona wa pakalaki, no ka mea, ua haawi aku o Hanisa iaia elua puupuu a kakaa aku la ua wahi powa makilo nei i ke alapii.   Ua hiki no ia Hanisa ke alualu aku, aka no kona paioa loa, nolaila, ua hina aku ia maluna o ua wahi powa poupou nei, a iaia i ala ae ai, ua hala aku la kela.   Alualu pupuahulu aku la o Hanisa mahope ona iloko o ka ulunahele , a ike aku la i kona palemo aua aku iloko o kekahi lua pohaku; mahope o ka nalowale ana aku la, hoailona iho la keia i kahi i komo aku ai, a hoi aku la i ka hale.   Aka ua haohao kona mau kokoolua i ka hoi ana mai, e olioli aku ana o Hanisa; a iaia i hahai aku ai i ka moolelo o kela mea i ikeia mawaena o laua, hoike pu mai la no hoi laua i ko laua loaa ana ia pilikia hookahi.   Akaaka haaloulou aku la o Hanisa ia laua me ka olelo aku, "Ua pono no olua, aole olua i aumeume i kekahi o ka olua mea ai, aka he mea hilahila no olua mau kanaka nui okoa no la, ka lanakila ana mai o kela wahi kanaka powa poupou."

            Mahope iho o ko lakou aina awakea, lawe ae la lakou i kekahi hinai a me kekahi mau kaula, a hele aku la lakou nei ekolu iloko o ka lua pohaku, kahi a ke kanaka powa i kolo aku ai, me ka hookuukuu iho ia Hanisa iloko o ka hinai a me kana kookoo e paa ana i kona lima.   Iaia i hiki ai ilalo o ka lua, loaa aku la no iaia he puka komo, a i kona owaka ana ae e hemo, ike aku la ia i kekahi wahine ui loa, a ma kahi kokoke mai i ua wahine ui nei, e noho mai ana ua powa nei me ke kuhi mai ia Hanisa he popoki aukai.   Aka, o ua wahine ui nei ua hoopaa ia me ke kaulahao, a o ka helehelena o ua powa nei, ua hele a inoino ia Hanisa, ka mea i komohia e ke aloha no ua wahine nei, a olelo iho la ia iloko ona, "he pono e hookunia oe mai ka mana mai o keia powa ino," a ia wa. o ka hahau aku la no ia o Hanisa me ke kookoo, a make iho la ia i kela wa.   Ia wa koke no o ka hemohemo wale ae la no ia o ke kaulahao mai ka wahine ui mai, a ua hauoliia o Hanisa no kona nani.   Hai aku la ua wahine ui nei ia Hanisa, he kama aliiwahine oia, a ua kaili malu ia e kekahi Couna o ka aoao kipi, a hunaia iho la maloko o keia ana, no ka heole ia ana o ke noi a ua Couna la e mare.   Ua hoonohoia ka powa malaila e kiai na ke Couna, a i kela a me keia la, e hookupilikii mau ia ana ko ka wahine ui ola ana.   No ia mea, hookomo iho la o Hanisa i ka wahine ui iloko o ka hinai, a noi aku la e hukiia iluna.   Hukiia ae la ua wahine ui nei, a i ka hookuukuu ia ana mai o ka hinai no ia nei e komo iho ai, aole o Hanisa i paulele e kau koke, no ka mea, manao ia na komo iho la iloko o kona mau hoaloha ka manao lili o hoi aku auanei ia nele laua.   Nolaila, hoao iho la keia e kau i ke kookoo ona, me ka manao no e okiia mai ana ke kaula, oiai ua huna mua laua i ka hakaka ana ai me ka powa, aole mea i ike i ko laua ake ia wa.   Nolaila, hookomo iho la keia i ke kookoo ona, a ua laki loa io no oia i ka hana ana pela, no ka mea, i ka hukiia ana a hapalua o ka pali, e okiia iho ana ke kaula, haule ana ka hinai ilalo, a nolaila ina i kau pu o Hanisa, ina la ua make liilii loa oia.   Ia wa iho la, aohe mea a Hanisa e huli ae ai e hiki oia, a akaka ole no hoi kana mea e koho ae ai.   Aka iaia e hooholo ana i o a ia nei, komo hou aku la oia i ke Keena o ua wahine nei i hoopaa ia ai a ike aku la i ke komo lima e anapa ana i ka manamanalima o ke kanaka powa i make.   Kii aku la keia a unuhi ae la, a iaia i onou aku ai e komo i kona manamanalima, lohe ae la i ka halulu o kekahi man mea maluna o kona poo.   Leha ae la keia iluna, a ike aku la elua mau kino uhane, me ka olelo mai, e ko maua haku, heaha ka maua   i kahea ia ae nei.   Ano haohao a puiwa loa o Hanisa i kinohi, aka mahope o ka noonoo ana, pane aku la ia e kaikaiia oia iluna o ka honua.   Iloko o ka manawa pokole loa, hiki ana keia iluna o ka honua, aka, aohe ana mea i ike aku ai, a iaia i komo aku ai iloko o ka Hale Kakela, aohe kanaka o loko.   O Hili Kaula a me Wawahi Pohaku, ua ahai aku ka pupuhi ia laua, me ka lawe pu aku i ka wahine ui.   Ia wa no, e anai ae ana keia i ke komo, ku hou ana na mau kino uhane la me ka @aolelo, "heaha ka maua i kahea ia ae nei?"   Olelo aku la o Hanisa, o kuu mau hoaloha hookamani ua hala aku nei   iloko o ke kai.   Awiwi aku la o Hanisa i kapa kai, a malaila oia i ike aku ai i ka moku o kona mau hoaloha e ahai ana i ka wahine ui.   Iloko o kona wa huhu, lele aku la oia iloko o ke kai me kona kookoo; no ke kaumaha loa o ka laau, hoomaka iho la ia e pihopiho.   Iaia e aneane ana e piho, hoomanao ae la keia i ke komo, anai ae la, a aohe i emo ku aua na kino ohane, a lawe aku la iaia iluna o ka moku e like ka mama me ka anapu ana o ka uila.   Iaia i noho iho ai huli ae la o Hanisa, a hahau aku la me kona kookoo i ua mau hoaloha hookamani nei, oia ka uku kupono o ka laua hana aloha ole, a mahope o ko laua make ana, kiolaia aku la ua mau kanaka la elua iloko o ke kai!   Hoohuli ae la keia i ka ihu o ka moku i ka homo o ka makuakane a me ka makuahine o ke kama aliiwahine, na makua e noho ana iloko o ka mokumokuahua aloha keiki, ka mea i hoap@aia e na lima o ka enemi weliweli o na lima aloha ole elua.

            Aohe i liuliu mahope mare iho la o Hanisa me ke Kama Aliiwahine, a o ko laua mare ana ke keu o ka hanohano lua ole ma ke ao nei.   PIPIHOLOKAAO.

 

HOIKE KULA MA KOHALA HEMA.

HAWAII.

            Eono kula i akoakoa ma ka luakini ma ia la ua piha ka hale i na haumana me na makua a me ka poe i hele mai e makaikai.

            Ka loihi o ka hoike ana, mai ka hora 9 a ka hora 3 1-2 ahiahi.

            Na hana.   I.   Ka hoike ana.

            1 Ma ke Kumumua me Helukamalii.

            2 Ma ka heluhelu ana ma ka buke Ao Heluhelu.

            3 Ma ka Helunaau.

            4 Ma ka Arimatika.

            5 Ma ka Buke Honua a Palapala Ania He kakaulima no, ua haule nae.

            II.   Na Haiolelo.

            III.   Na Olelo Kike.

            IV.   Ka heluhelu Kumumanao.

            V.   Ka Himeni ana.

            He nui wale aku no na mele i meleia ua 30 paha leo.   He mau leo hou a maikai ka nui e pili pono ana i na hana o ia la.

            VI.   Ka olelo hooholo a ke Komite makua no ke kula i oi.   Oia hoi ke Kula o Waikoloa, Waimea.

            VII.   Na manao paipai o ka Papa Kula.   Ua pule no ma ka hoomaka ana a ma ka pau ana.

            Ua kokua na pahu me na ohe puhi i na hana.

            Ua piha no ka poe makaikai i ka hauoli me ka mahalo.

            Ua oi no keia ooike mamua o ka hoike makahiki ma Iune 1874, aka nui no ka hemahema i koe.

            Ua hapa na haumana, ua hapa ka ike ke emi nei na kala, aole paha e loihi loa a oki na kula no ka haumana ole.

Laiana, Luna Kula.

 

"NO KA LUA PA-U NUI!"

 

E KA LUNAHOOPONOPONO; Aloha oe:

            Eia kekahi olelo pane, no ka olelo nona kela poo maluna ae, i hoolaha ia iloko o ka "L@hui Hawaii" o ka la--o Iune nei.

            Eia na manao p@@ no kela olelo.

            I He hoopunipuni ka nui o na olelo ma. loko oia palapala.

            Ua maopopo ka hoopunipuni, no ka mea, ua ninau ka poe Kiekie o ke aupuni, a ua hoole ia mai e ka poe oiaio, aole i like me kela olelo; aole kane, aole wahine i hele ma ke alanui me ka ona.   Ua ai uo paha @ ka uala awaawa, aole nae ma ka@ o na makai e kuleana ai e hopu.   I na ua on@ kekahi o lakou, ma ka hale ka ona ana, aole ma ke akea.   Aole mea e i ike i ka oke le o na waha, oia (Hoohulikanaka) hooka hi wale no ka i ike.

            Eia kekahi me e maopopo ai he honopunipuni.   Aole i @ke kekahi kanaka, na on@ kekahi makai no ka ai ana i ka uala awaawa, a no ka i@ ana i ka okolehao pah@.   I na ua ike o Hoohulikanaka, e hana ana kekahi makai pela, heaha ke kumu i @@i ole mai ona i ka hope makai nui?   I hiki ke hoomaopopoia ia makai hewa, a maopopo hoi, he o@aio kana olelo.

            Eia ho@ kekahi.   Ua hoopunipuni oia i kona inoa, a o kona wahi i noho ai.   Aole kanaka ma Kohala Hema i lohe ia, o Hoohulikanaka kona inoa, aole no he kanaka o G W K kona mau hoa kumu, A ina he kanaka oiaio keia, a he oiaio kana olelo, no ke aha i hona ai oia i kona inoa?   I hiki ai i ka hope makai nui e hele io na la, e ninau i keia poe ona, okele o ka waha.

            2   Ua maopopo, he imihala, me ka manao ino ke kakau ana i kela palapala, me ka hoolaha ana.

            Aole i hele o Hoohulikanaka imea o ka makai nui, a o ka Luna kanawai, a i kekahi makai paha o keia apana, me ka hai mai i kekahi ona ana i ike ai, a i ole, o kekahi makai i@ uala, a o kekahi aka haunaele paha, a i ole ia mau mea, o kekahi mea puhi okolehao paha.   Aole oia i ho@o i kekahi o keia mau mea imua o kekahi kanaka o ke aupuni, a ike i ka nele, maopopo ka oiaio o kana olelo.

            Aole no ona lohe, ua hoopikele ia kekahi hewa hookahi i lohe ia, me ka hopu eleia, a lawe imua o ka Luna kanawai.   Eia no kaua mea i ike, a me kekahi poe e.   Ua ike no lakou, i na e iho ka makai ma Kewaihae, holo koke ke kiu, a i ole ia, ku ae le kekahi kanaka me ka olelo;   "Eia ka makai?"   O ka holo no ia o na kanaka a pau, a i ole ia, huna ia na mea i@, a molowa ka makai, hoi, alaila i@u ae lakou.   A ua ike no o Hoohulikanaka, aole ia i hai i kekahi o keia mau mea i na makai; aka, ua huna ia a hiki i kona la i hoolaha ai iloko o ka "Lahui Hawaii."

            A ua ike no hoi i ka hoopiia ana o na haawi wai ona, a ua hoopakele ia e ka Luna kanawai.   No ka makai a nei ia hewa?

            Eia ka nin@u nui no na mea a Hoohulikanaka i kekau ai.   I na ua ike oia i kela mau mea, a ua huna oia, aole i hoike imua o na mana o ke aupuni, a ike oia i ka hoole ia mai, aka, hoolaha malu me ka maopopo ole, mamuli o ka manao hea ka hoolaha ana?   Manao maikai oiaio paha?   Manao mo hoopunipuni paha?

            Maanei wau e hai i ka oiaio o na mea i hana ia ma keia apana.   Ua hoomaka na kanaka o Kawaihae kai, iloko keia mau pule i hele, i ka hina ana i ka uala awaawa; a ua hele aku, hele mai na kanaka e inu; aole nae i hele na kanaka mawaho o ko lakou mau hale, a mau pahale paha, me ka ona.   I na ua ona lakou, iloko no o ka hale ia ona ana, aole ma ke akea, a ma kahi kanaka paha, i hiki ai ka makai e hopu, ke ole e hoopii mai, a haawi mai paha, ka mea nona ka hale e komo ka makai iloko.

            O ka hale, a o ka pahale paha, ko ke kanaka pukaoa ia.   Aole hiki ke komo wale, ke hoopii ole ia mai, a loaa ke kuleana kupono, alaila komo,   Eia aole i hoopii mai kekahi kanaka o Kawaihae, no ke poe hana, a haawi mea ona, a no ka   aha hoohaunaele paha, a no kekahi ona paha; aka, ua noi maoli ka Hope makai nui i kekahi poe, e kokua iaia, ma ke kinai ana ia mau hewa, aole nae i ae mai, ua heole maoli mai.   A i ka nana aku, o ka poe nana i kamaiho nui no keia mau hewa, o lakou ka poe komo hohonu iloko.   Nui ko lakou olelo, a po ka la a poeleele iho, holo aku la i ka hale inu uala, a okolehao paha, lawe ia mai ka umeke uala imua ona, me ka io puaa--he ai ka olelo.

            A no ka poe pohi, a kuai a haawi paha, i ka okolehao ma Kawaihae uka, i ko'u ike aku, aole mea akamai e noho nei ma keia apana, e im@ a loaa keia mau hewa; no ka mea, ua mea na kanaka puhi rama i ko onei mau kanaka a lakou i makau ole ai; a o ke kanaka malihini e hele ai ilaila e kuai, aole e loaa iki ana.   Ua hoao pinepine ia mea, a ua mau no ka oele.

            A o kekahi kanaka o kahi e mai, i manao e loaa ana iaia, e hele mai e hoao, a ina e loaa, loaa no ka uku nui iaia, a pomaikai keia wahi.

            E hele mai ka mea makemake e hoao, i ka makai nui, a nana no e kokua ia ia i kana mea makemake e pono ai kana hana.   Aka, o ka poe e hana ana e like me Hoohulikanaka, ua like lakou me ka ilio liilii, meau, aoaoa ma ka ipuka o ka hale, a holo kiki iloko e poe malalo o ka hik ee.

            A ua aneane like me ia, ka nui o na hoahanau o na Ekalesia.   Ua hoole o Rev. Laiana, aole e loaa kekahi o kona Ekaleaia, e hiki ke paulele i kona kokua mai.   He hiki wawe ke olelo, a o   ka hana, he ole.

Waimea.

Waimea,   Iulai 23 1875

 

            Ka mau nei ma ke aupuni o Monaco ka pili waiwai ana ma na kumu pili nui.   Ma ka Hale Pili Waiwai o M. Le Blanc, ua oleloia, ua lilo aku kekahi haole Amerika, he hookahi haneri me kanalima tausani dala, a ua lilo pu aku kekahi keikamahine alii Rusia, he hookahi miliona, elima haneri tausani dala, a no ia mea, na holo olalau ae oia a pupule.   Ua eo mai i kekahi Duke Sekotia ma ka pili ana iloko o ka hapalua hora, he kanaono tausani dala, aka i ke kapoo ana a ka la, ua pan loa kela puu dala, e ua lilo hou aku, he puu dala nui.   He ekolu poe kaawe iloko o ka pule, no keia mau pili waiwai.   Ke loaa nei i ke Keiki Alii o Monaco he haneri kanalima tausani dala aku hoolimalima makahiki no ka hale, eia nae, aole ona makemake e hoaioai ae.

            @a Paolo Boyton i haaleie ai i ae kepakai o Farani, a au aku la i Enelani maluna o koua a@hu au moana, ua hela iaia he 23 hora a me 40 minute mamua o kona keehi ana i ka aina.