Ka Nupepa Kuokoa, Volume XIV, Number 46, 13 November 1875 — Page 1
| This text was transcribed by: | Kathleen R. Hayasaka |
| This work is dedicated to: | Hayasaka |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XIV. HELU 46. HONOLULU, POAONO, NOVEMABA 13, 1875. NA HELU A PAU 728.
OLELO HOOLAHA.
E Pau na Pupupu Kahiko!
E pani me na Hale Laau!
PAPA, PAPA, PAPA
O KELA ME KEIA ANO,
-A ME-
NA LAKO KUKULU’HALE
O KELA ME KEIA ANO, MA KA
PA-PAPA O S. G WAILA MA!
-Kihi o-
ALANUI PAPA me ALANUI MOIWA
HINE, no ke Kumukuai HAAHAA
LUA! ae like ka nui me
ka makemake
LAAU NOUAIKI!
NA LAAU KAOLA,
NA PAPA MANOANOA,
NA PAPA HELE,
NA KUA,
AAHO,
AAHO, LIILII, &c
LAAU ULAULA!
NA LAAU KAOLA,
NA PAPA MANOANOA,
NA PAPA HELE,
NA KUA,
AAHO, POU
AAHO, LIILII,
MOLINA, &c
Pili Cida keokeo, Pili Laau ulaula,
Na Puka Hale, o na ano a pau,
Na Puka Aniani, o na ano a pau,
Na Olepelepe Puka, o na ano a pau.
Pepa Hale me na lihilihi,
NA LAKA PUKA
NA AMI-PUKA,
NA AMI-PUKA LIILII.
NA KUI NAO
PENA, AILA-PENA, VANIKI,
WAI HOOMALOO.
PAAKAI Helu 1,
O PUULOA.
E lawe wale ia no na mea i kuai ia keia Pa Papa aku a i kahi o ka mea i kuai mai, ina me ke keona nei, a me na Awa o keia Paeaina e like me ka selika.
Aia maanei ke Keena o ka
MOKUMAHU “KILAUEA,”
L. MARCHANT, Kapena.
S.G. Waila ma.
709 3 m 721.
OLELO HOOLAHA.
Ke kauohaia aku nei na kanaka a pau, e lawe i ua @. Kekake a pau loa, maluna aku o ka aina o
PUUANAHULU.
@ma Kona, Hawaii, mamua ae o ka ia hope o Dekemaba a hiki mai ana. O na holoholona a pau e loaa aku ana maluna o na@ aina la mahope, iho o ia la, e hookomoha@ no ia Kuu @oko o ka Pa Aupuni e like me ke kuhikuhi o ke Kanawai@. F. SPENCER
Puako@, Hawaii 723 3 m 733@
Ola I na hoohaamamaka@ ka i puka Oki Mare@, e na Lunakanawai o ke Aha Kiekie. Ua makaukau ke “Keiki o ka Uakiukiu@,” e kokua i ka poe a pau @ manao ana e hookaawale i ka hoa hana pono ole o ka noho ana. Emi loa no ka aku@, holo ka hana. E hale nui mai na makamaka, oluolu ka rumi o ke keiki o Haleakala@. Nana pololei mai! Imua me maka a hiki i ke awa laila@ oluolu o ke kanawai. Pau pilikia, ma ke Keena ha@
@ (719 3 m) J. PORTER GREEN.
$50.00 MAKANA!
Ke haawi nei au he Kanalima Dala i ka mea nana a@ “hoihoi mai kuu Buke Hoomanao no ka Makahiki 1474. O kela Buke, ua laweia aku mai kuu Rumi @ ma Kapalama, @una o ka papa palapala kahi i waiho ai. He @ eleele ka uhi o waho, a maloko iho o ke opi manoanoa, ua kaula kuu inoa ma ka olelo haole a olelo Hawaii-Ka inoa haole o n@a Buke nei, “Pacific Coast Diary of 1474.” Ke nui, ekolu iniha@ laula, elima @ loa.
KIMO PELEKANE
Honolulu, Oct. @@
He Aina Waiwai Nui
-MA KE-
KUAI KUDALA.
Mamuli o ke Kauoha a ka Papa Hoonaa@ Hanohano, e kuai aku uo@ au ma ke Kudala,
MA KA POAONO, NOV. 13, 1875
Ma ke Alo Iho o Aliiolani Hale,
Honolulu, Oahu,
NO KE KOIIO KIEKIE MALUNA AE O $8000
I na pono, kuleana a me na pomaikai a pau o ka Papa Hoomanao loko o kela alua@ nui nona ka inoa
KE AHUPUA O WAIKAPU,
E WAIHO LA MA KA APANA O WAILUKU,
Mokupuni o Maui,
O keia aina palahalaha a waiwai nui, ke waiho nei ia mawaena o Maui Hikina a me Maui Komohana, nona na eka mai ku
Umikumamaono a Iwaakalua Tausani@
He mau tausani@ eka o keia aina he aina maikai: kupono no ke kanu ko a me na mea ulu e ae ina e loaa ana ka wai e lawa ai no ka hoopulu ana, a o ka hapa umi@ kupono no ka hanai holoholona.
E kuai la aku no keia aina maluna ae, eia nae he elima makahiki i koe o ka hoolimalima. KULEANA ALONIO@
No ka mea i koe, e ninau i ke Kakauolelo o ka Papa Hoonaunea@ a i ole, la
C. S. BATO, Luna Kudala@
Honolulou, Augate 10, 1875@ 715 3 m
NA MEA NANI E HIEHIE AI.
NAUWE MAI NAUWE MAI
MAHEA LA E LOAA AI NA PAPALE WAHINE AULII kolomanu ano hoa loa, a me pua nani e kenikohu@ ai e kau ai ka iwa, he la makani e hao ai na polena o Haupu, kapakahi manuia o Keokoi ka moku, ma kuhio
L. ASEU,
Ala pu no mailaila na HAINAKA SILIKA liilii, LEI AI kae weluwelu, a me na LIPINE SILIKA puapua weluwelu, a kuwelu ai ka makani.
NA KALAKOA ANO HOI LOA i ike oleia mamua Na
KAEI@ SILIKA Nani,
NA MAKALENA KALAKOA me ka PUAKEA, na ALAPIA@ HULUHULU o na ano a pau, ma KIHEI UHI@ hou@ e kohu ai ka lino ara@, na mea u’a walanuhea, e ku ai ka hoomau, a me ua alia@ lukini e pula ai ka@ lauoho i ke ala. Na lilina ume@ naau o kela ano keia ano@ kela ano, ua hama@ wahine o na ano a pau. Na lole kane o kela a me kela ano, na palule kalakoa a me ke keokeo. I humuia me ka mikioi loa@. He make pono loa no hoi ke kuai i na mea i hoikela ae nei maluna ke kuike. I mea a pau ke kuhihewa, e naue mai no e na makamaka ma kuu Halekuai HIKIKII KAUOENA L. ASEU,
Kihi ma Ewa o Alanui Nuuanu mauka o Alanui Moi.
Honolulu, Aug. 27, 1875 717 @
MAU HALE KUAI LOLE
E IKE AUANEI NA KANAKA A PAU O MAkuu o ka @ hona na inoa malalo iho, na ona nona na Hale Kuai Lole e ku ia ma KAALAEA a me KANEOHE, Koolaupoko, ke kukala aku nei ma ke akea, a hoomau ia aku ana no ke ku ana o keia mau Hale Kuai Lole, e like me ia i keia wa. O ka hale kuai ma Kaalewa@, ia Akana ke malama, a lole@ o hookaa ai ka poe ale@. O ka poe ale ma@ ka hale kuai o Kaalaea ma e hookaa ka ale mua a komo hou e ale, alaila kuai manuahi no. Ina makemake e ike maka, hele malaila. O ka hale kuai hou ma Kaneohe la Akonagi ka malama. Ke haila@ aku nei ka lohe, e kuai manuahi a makepono loa la aku no na lole a me na waiwai a pau o keia mau hale kuai ma ke kuike.
AHONA, AKANA & Co.
Koolaupoko, Iulai @
Naue Mai! Naue Mai!!
EIA KA NANI LA!
E! LE-I KOHALA I KA NUKU NA KANAKA!
Ke popohe aku nei ma ka Halekuai o
GOO KIM Ma!
ma Kapaau, Kohala, Hawaii. E like no hoi me na kihapai i mulikaa@ mau ia a kipuloia@, ka mohaha maikai o na pua, peha no hoi ka mohaha maikai o na pua o na kalakoa hou loa@, i ike ole la mamua ma na kalaulu@ o Hawaii nei, a me na lole kupono e ae no hoi he nei e ku ai ka hoohehelo ana o na hapa palupalu. Na papale wahine nani loa i hawele me na lipine o na ano hooluu a pau e pulelo ai i ka makani A paapaa o Kohala. Na kamaa wahine kula kiekie a kilipohe, e kohakoha ai kela i kula apaapaa. Na Loulu o kela a me keia ano, e pale aku ai i na loaa o ka la a me ka @. Na uhi pukapuka huluhulu nani@ o kau iho ai, kohu ahuule kela. Na Mahaka @ nani o keia a me kela ano. Na mea kula pepeiao@, na puuwai lei a-i a mana@ lei nani o kela ano keia ano. Na aila hame@ lauoho a @ ai na poo. Na wai ala onaona o kela a me keia ano.
Na Lole Kane o kela a me keia ano, eia no la: Na Palule aia@ lilina keokeo a kalakoa. Na Palule heluhelu o e na ano a pau. Na Lole wawae o kela a me keia ano. Na koheoheo o na ano a pau. Na pahu ili@ maikai loa e maluhia ai no @ nani makamae, e kua@ ole ai i ka waiho wale. Na papale ipu holoa@ a haahaa o kela ano keia ano e kohu @ hookapakahi ae, a hale keia a kilakila. Na kamaa ano hou ihu pani ole, e pakele ai ka wawae i ka eha@ ke kula.
Eia no hoi kahi mea hai aku, e hiki mau mai ana no na Lole o na ano@ a pau ia makou, iloko@ o kela a me keia @ malama@ I hoike no keia, e oluolu oukou e na makamaka a ku “Aina @” , e hele mai @ Kuai, me kahi i @ maluaa, oia hoi o a Lilinoe.
GOO KIM ma.
Honolulu, Sept. 12, 1875@
CECIL BROWN,
Lele a he Kokua ma ke Kanawai!
A HE AGENA NO KA HOOLAIO ANA I NA Palapala n@o ka mokupuni o Oahu.
Helu 8 Alanui Kaahumanu, Honolulu, H.P.A.
688 1 yr 740@
HE MOOLELO KAAO
-NO-
KAHIKINAAKALA
KA MEA NONA KA OLELOIA ANA,
KA HIWAHIWA O KA LA HIKI MAI!
(Ka manao o ka mea kakau Moolelo.)
E na makamaka a me na hoa’loha e noho ana mai ka la hiki ma Kumukahi, a ka pa, lemo@ ana a ka la i Lehue, Aloha oukou. Eia mai ka Moolelo o KAHIKINAAKALA, kekahi kaikamahine ui opiopio a nani hoi kona kulana, a he hiwahiwa hoi ia na kona mau makua.
O keia kaikamahine alii a nani hoi, i a wili pu ia me ka hiehie. Aolo no ia no loko nei o na palena o keia pae aina, aka, no Hawaii aku nei nae ka makuakane. Ua hele no keia kanaka mai keia mau pae mo ku aku, a hiki ana i ka aina malolo pono iho o ka la, oia hoi o Kahikinaakala, a noleila mai no ka inoa o keia kaikamahine i kapaia’i. Aole no hoi he nani i oi ae ma ia aina a poni, e like me kona ano kulana, ka nani maoli no a me ka iwaiwa; a me he mea la e i mai ana imua o na poe ai o ia kulana, me ka mele penei:
Nani hihiu ka luna o Kawaikini,
Kilakila oi kela ka ui e Kalalea,
Ka maawe kikohu ula o ka pua i ka laau
Ke lei haaheo ia mai la e na lehua o Ku
Ili honi maeele iloko ka manao, [pakuili
Ke aiwaiwa o ka makemake, eia-la,
Eia mai ua mea nani la he aloha-e
Nolaila, e hoomanao ka poe heluhelu i ke ia moolelo, oiai he mea ia e hoonanea ai ia kakou; a maanei kakou e hoomaka ai e olelo nona, a e lilo ia i lei aloha na ko kakou mau puuwai a pau e ilai ai, a e ike ai no hoi i kana mau hana.
O KAUILA ka makuakane, o Neahilapalapa ka makuahine, ua hanau mai na laua he kaikamahine, a ua kapaia kona inoa o KAHIKINAAKALA, a nona hoi keia moolelo. A i kona hanau ana, nee mai la ka ua noe, loku iho la ka na koko, pio ae la ke anuenue, e like la no hoi me ke ano mau o ko na ‘Lii nui hanauia ana mai ka po mai.
O kona kulana, he kulana nani a ui no hoi, i oi ae mamua o na mea a pau o kona aina hanau. He wahine alii oi aku ia imua o na maka o ka poe e ike aku ana iaia. Ua hanaiia oia me ke kapu loa, a ua hoohiki iho kona mau makua, aohe e pono ia laua ke nana pono aku i ka laua kaikamahine alii.
Ia laua nae e lawe aku i kana mea ai, oia hoi ka pala he-i, imua no na maka, a kuemi hope ka hele ana, me ka pea’e o na lima ma ke kua, e paa ana i na pala he-i. A pela no ia na wa a pau loa, a hiki wale i ka nui ana o ka laua alii, e like no me ke ano o ko Hawaii nei poe alii, pela no kona hanaiia ana.
O ke ano nae o ia ai ia lakou, oia no ka papaia ia kakou, a oia no ka ai mau o ia aina. Ina e pala ka papaia, wauia a hookomoia iloko o na umeke pohaku. Oia no ka ai mau o ia wahi i na kau a pau, oiai nohe o lakou ike i ka ai ana o ke kalo, uwala, maia, ko a pela aku, no ka mea, ua manao lakou ia mau mea ai, he mau mea ai make wale no, a he make loa ke ai, wahi a na kanaka.
O ke kalo o ua aina nei, ua hele ia la a makaole, o ka uwala hoi, e hua ana i ka niukakae@, o ke ko, moe a ala mai, ua noke ia i ka ai ia e ka iole, o ka maia hoi, ua hele a palaku, noke ia iho hoi e ka manu a ku iho ilalo; aole, nae lakou e kii ana i kakahi o ia mau mea e ai, no ka mea, he mau mea ai make, a make loa, aohe e ola. He lahui kupanaha maoli no keia, me ka ike aku no hoi aohe make ana o ka manu a me ka iole, eia ka he mea make iho la na mea ono ia lakou, a o ka papaia lepo i-i, o ka lakou mea makemake loa iho la ka ia. Oia ko lakou i ae ole.
Aia nae he wa loihi ma ia hope mai, ua hoao liilii lakou ma ka ai ana, a hoao nui, a mahope, ua ike lakou a pau i ka ono o ia mau mea ai a me ka maona no hoi; me ka olelo iho, “He ai maona, he kukuhi, he liliha, a he mea ono, a he ono loa no.” O ko lakou wa nae i ike ai he mau mea ai keia, oia no ka wa i hiki aku ai o ko Hawaii nei alii mai ia nei’ku.
I kona hanaiia ana nae, aohe mea o ua aina la i ike i kona hanaiia ana i kona wa opiopio; aia nae a hiki i ka umikumahiku makahiki, ia wa na pii mai kona ui a me ka nani hiwahiwa oi kela, oiai oia ka oi o ia mau la, a nona ka nani i kikohuia e na helehelena o ka eehia a me ka haehae i na manao a me na puuwai o ka aoao oolea. Aka nae, ua lai maikai ao kona kulana, a he hiehie no hoi ma ka nana ana i kona mau ouli a pau, a me he mea la e hea mai ana ma ke mele panei:
“He aloha no pua rose,
Pua oi kela o ka nani,
Ua hele a ula weo,
Ua piha i ke onaona,
Ke ala ka’u i honi,
Komo e ke kuko iloko,
Loku hana i ka puuwai,
Oia ia e hone nei.”
I kono noho ana, aole nae oia e hui aku me kekahi poe e ae, aka, me kona mau makua wale a me kona wahine lawelawe a hooponopono hale hoi. Pela mau wale no kona noho malu ana a hiki i kona ike ana i ke kane. Aole nae i loaa ke kane alii o Hawaii nei iaia no kona maikai, aka, me ke ano no o keia aina i ka wa kahiko. Oiai i kekahi la malie, i wehe mai ai ka lani i kona mau ao panopano, a ikeia aku la na hoailona alii ma ka lewa, he anuenue a me ka ua koko, ka ua noe, e hikiipaa mai ana maluna o ka aina o ua Aliiwahine nei.
Ia manawa iho la nohoi, pau mai la na makaainana i ka hoi mai uka mai, me ka auamo paluhei ma ko lakou mau kua. Ua hele a kaumaha, no ka mea hoi, o ko lakou ai mau noia i na wa a pau. No ka mea, ua pono ole lakou ke ai i ke kalo, ka uala, ka maia, no ka mea, ua kapa lakou ia mau ai he ai make he keu o ka naaupo, a me ke kuhihewa maoli oia poe.
Aia nohoi na makua alii o na kaikamahine la iloko oia poe i hoi mai ai mai uka lilo mai, me ke kaumaha, pela lakou i hana ai i na la a pau.
Pela no ko lakou noho ana a hiki wale i ka hele ana aku o kekahi keiki kaulana o Hawaii nei ma ia aina, o Kaohaimana kona inoa he hanai na Limaloa, he ‘Lii no Kauai i mahuka malu nae ka hele ana o keia Alii mai anei aku.
A ma keia wahi hoi e ka poe heluhelu ke poloai ia aku nei ko oukou lokomaikai piha, e aui ae kakou e nana i ke keiki Alii o Hawaii nei i haalele i kona aina hanau, a me kona ohana oia hoi o Kalanipuu. A ua haalele aku la hoi kakou i ka olelo ana no kie kaikamahine alii o Kahikinaakala. Eia hoi kakou, maanei e olelo ai no ko Hawaii nei Alii i holo mahuka aku a hiki i na aina la.
Oiai, e like no me ke kapu kaulana o ko Hawaii nei papa Alii hanau mai ka po mai. I ka la Mahealani, a po iho, i ka wa o ka mahina e kau ana ma uka. He mahina hiki aumoe ia ia kakou, o ka wa noia o ua keiki Alii nei i ahai ai o pupuhi o ka hea ana kela, o keia keiki Alii, o Kalanikapu, no Kona i Kahaluu, kona aina hanau, aole nae i hoike ia mai ka inoa o kona mau makua.
Elua wahi noho ai o keia keiki Alii o Kona, a o Mana i Kauai, a e lua nohoi inoa i kapa ia ai oia no ka mea, ua ula weo kona ili e like me ka pua rose opuu hou. Pela iho la ka ula puni@ o kona ili, a ua kapa ia kekahi inoa ona, o Kaohaimana, no ka mea, he hanai oia na ke akua ke hoi i Kauai, o kona wahi mau nae ia, he hapa ka hoi ana i Hilo Laupahoehoe, a he poe kahu alii nohoi kekehi i hanai iaia.
Ma hope iho o ka hala ana o na la e walu, hiki mai la i ka po kapu o Mahealani, i olelo ia maluna, iho aku la ia, a hiki i ka ae one o kahi i kapaia o Lohi, ma Waimea i Kauai. Aia hoi e kau ana he wahi waa wiliwili uuku no ka poe lawaia oia wahi. He wahi waa keia hookahi no noho ana, hookahi no hoe, a me kahi ka iloko o ka waha o ka waa, a o ko ia nei panee aku la noia a lana ana i ke kai, a kau iho la keia, a o ka holo aku la noia me ka ike ole ia mai e na mea a pau.
Iaia nei e holo ana, aohe i opu@ iho, hiki mai la keia mawaho ae o Kamaile i Waimea i ka hiki ana i ka hora 9 paha o kakahiaka ia kakou nei, halawai mai laua keiki Alii nei na waa elua, he mau waa lawaia hi-ahi, a hookani ana keia me ka i aku, “Me e ka hoi na ia a olua!” He oiaio, ua ike aku la keia, ua hele a kuku ka hiu o ka ia iluna. Aka, o na mau lawaia nei nae, aia no na poo ilalo kahi i kulolou ai, me ke ea ole ae iluna a nana mai ia ianei.
Oiai no keia e nanea ana i ka laua la lawaia mai, apo ae la kekahi ahi nui launa@ ole i kekahi lawaia, o ka huki mai la no ia a hiki i ka niao o ka waa, o ka moku aku la no ia o ua ia nei, a hoi aku la no i ko ia la wahi oloko o ke kai. Aia nae iloko o ia wa, huli mai la na kanaka nei a nuku mai la ia ianei, “I moku hoi paha kau ia ia oe, no kou pakole mai.” O kona hoomaka mai la no ia i ka uuku me ke kuleana ole, a hoopuka mai la i na olelo ino ma kona waha, aka, pane mai kona kokoolua, “Mai olelo ino aku oe i ke keiki, anoai he hana ka ke keiki maluna o kahi o kaua, o oe ia e nuku aku nei, aole nae o ia la wahi mea a pane mai, nolaila, mai pane hou aku oi i ke keiki, oiai aole i ike ia aku oloko o kona manao.” Pane koke mai la no nae na kanaka nei, “Ka-ha-ha, o keia wahi keiki nuku la, o ka mea iho ia e makau aku ai, o kela kamalii iwi liilii pepe wale, hookahi no paha uwi ana a kuu lima, o ka paki liilii no ia.”
Me keia mau olelo moakaka a na kanaka nei, pane aku la keia, “He manao hakaka ka paha kou e na kanaka elemakule hilahila ole i ka nuku wale mai no ia makou, aka, aole no au e hopo ana no kou nui, nolaila, e hoao no nae ka pono e hakaka me kamalii iwi pepe, wahi au e pane mai nei.”
O ka okalakala koke ae la no iaa o na kanaka nei, a haalele iho la i kana mau ukana lawaia a me kona hoa, a au aku la iloko o ke kai, e hooko i kana mau olelo maluna o ke keiki. Aka, o na keiki alii nei, ua makaukau oia e hakaka lima me na kanaka nei; a i ka hakaka io ana, make iho la na kanaka nei, a iho aku la kona kino kupapau iloko o ka opu o ka moana.
Haawi aku la keia i ke aloha i kekahi kanaka, a o ko ianei holo mai la no ia a pae ana i ka auina la ma Makolea i Kahaluu, kona aina hanau, a komo no i ka heiau, a kani no ka pahu a na kahuna, a ole-ole-hala ka waha ulaula o ke akua, i hamoia@ me ka hili, na mea hooluu hoi o Hawaii nei i ka wa kahiko.
A hala na la kapu heiau, noho iho la oia malaila no na anahulu elima, e like no me ke ano mau o na’lii; a o ka umi kumamalima no hoi o kona mau makahiki mai ka hanauia ana mai. Aole nae oia i launa nui aku me na kanaka iloko o ia manawa ana i noho ai malaila, a hiki wale i kona mahuka hou ana mailaila aku, a holo aku la iloko o ka moana i na po ewalu a me na ao ewalu, a pae aku la i ka wanaao, ma ka aina malalo pono iho o ka la. Kano aku la oia i kahi waa ona iuka, a waiho iho la malalo o kekahi ulu maia nui e pili ana i ka aekai o na aina la, a hele lalau wale aku la no keia ma o a maanei, a hoea ana i kekahi hale e ku ana ma kuapa o ka loko, a kiei ana keia ma ka puka, aia hoi, he elemakule ke noho mai ana ma kuono, aloha aku la keia, a alohe mai la no hoi ke kamaaina. Ninau aku la no keia, “O oe wale no ka ko kou hale?” Pane mai la kela, “Ae la la.” Ninau hou aku no keia, “Aia ka hoi paha i hea ko oukou poe o ka hele ana?” Pane mai la no ua elemakule nei, “Aia iuku la, i ka pala he-i, i ai na makou la.” Huli ae la nue na keiki nei, a ike i ka ulu mai o ke kalo, ka uwala, ka maia a me ke ko, i aku la keia, “He nui loa hoi ka ai e ulu mai nei, a kupono loa hoi ke ai ia.” Pane mai ka elemakule, “Aohe pono ia makou ke ai i keia mau mea ai a pau, no ka mea, he ai make, a he make loa. Aohe e ola ke kanaka ke ai i keia mau ai ino a pau.”
Nana ae la ua keiki nei a o ka palaku o ka maia, lalau aku la keia a ai ae la, a haawi aku la i kekahi na ka elemakule, a ai no hoi kela, a pela no hoi i ke ko; ai no kela a ike i ka ono, aole nae ha make. A no ko ianei manao no hoi e hanai i na ano ai a pau i ka elemakule, nolaila, kaka iho la oia i ka wahie; a no ka nele o ia aina i ke ahi ole, lalau aku la keia i kekahi pauku laau, a hia iho la, a a ae la ke ahi, ho-a keia i ka imu, a hele aku la e eli uwala, a loaa he mau kamua, a pela no hoi i ke kalo, a hoi aku la a kalua. A i ka moa ana ae o ka imu, hoomaalili ae la keia i ka uala a maalili, a hanai aku la no i na elemakule nei; a o ke kalo, ihi keia a pau ka ili, kui no hoi a wali, a hookomoia iloko o ka umeke pohaku, hoowali no hoi a wali, a hanai aku la i ua elemakule nei.
Ai nae a ike ua elemakule nei i ka ono o na mea ai a pau, aole no hoi he make, pane ae la oia, “A make ka’u ono la, a he ono loa la, a he kuhikuhi loa la, a he liliha la.” Pane aku la ke kekii, “Kupanaha maoli no paha ko oukou naaupo nui, o na mea ai kupono i haawiia mai i mea ai na ke kanaka, he mea make iho la ka ia ia okou, o a ka ai hoi a ka holoholona, o ka oukou ai iho la ka ia o ka manao ana.”
Ma ka po, moe iho na keiki nei me ka elemakule, a i ke ao ana ae, paina iho la laua a maona, pane aku ke keiki, “Ua ike iho la no oe i na mea ai a me ke ano o ka hapa ana, a e hele ana au i ka makaikai.” Aka, ana mai la no nae na elemakule nei, aole nae keia i noho, puka aku la no keia a hele aku la, a ike aku la keia i kekahi hale nani, a hookokoke aku la oia i na hale nei, eia ka o ka hale ia o ke kaikamahine alii. Hele aku la nae keia a kupono loa i ka puka, aia hoi, ike mai la na kaikamahine nei i keia keiki ai, pee ae la oia maloko o ke pani; a o na keiki nei nae, hele aku la no oia a wehe aku la i ka puka, a komo aku la no iloko o ka hale. A ike na kaikamahine nei i ko ia nei komo loa ano iloko, huli ae la oia a aloha mai la i ka malihini, a alakai loa aku la i ka rumi hookipa. Oiai laua e nanea ana, pane mai la na kaikamahine nei ma ka olelo o ko lakou aina, me ka ninau ana mai, “E ka malihini i hoomaikahi@ ano, ke ninau aku nei au ia oe, oiai aole@ he kanaka ma ko makou aupuni nei e like me oe, a ke haohao nei au, mahea mai la oe?” Pane aku la na keiki mai@ me ka leo akahele, “Ma ke kai mai nei no hoi au.” “Ae,” wahi a ke kaikamahine. Ninau aku hoi ke keiki malihini, “Mehameha maoli kou wahi, a o oe wale no ka ko kou hale nani nei?” Ua ao koke mai la na kaikamahine nei, me ka i ana mai, “Owau wale no, a o ko makou poe, ua pau i ka pii iuka i ai na makou, oia hoi ka pala he-i, aia la i ka uka lilo loa.” Pane aku hoi ka malihini, “He mea kupaianaha ia a’u e lohe nei i ka olelo mai a oe mai, no ka ai, no ka mea, ke ike lea nei ko’u mau maka, he nui loa ka ai e ulu mai nei, aia ke kalo, eia no hoi ka uwala@, aia no hoi ka maia a me ke ko, ua lakou loa oukou i na mea ai, eia ka aohe oukou ai. O ka ai hoi a oukou e manao nui la, he mea nui loa ia ma ko makou aina, he mea ai ua ka ilio, aohe ai nui o kanaka.” Pane mai ua kaikamahine nei, “Aole makou e pono ke ai i keia mau ai, no ka mea, mai ko makou mau kupuna mai a hiki ia makou, aole no i ai ia keia mau mea ai au e olelo mai nei, no ka mea, ua oleloia, ina e ai ana kekahi i keia mau ai, he oiaio, e make ana ia, a he make loa no, no ka mea, ua akaka ia i ko makou ike, he ai make, a he make loa no.”
(Aole i pau.)
No Waialua, Oahu!
E KA NUPEPA KUAKOA E; Aloha oe:
Ma ua la mua o Okatoba iho nei, haalele aku la au ia Kamoiliili kou home makuahine, a kau ae la maluna o ka lio, o Waialua ka ihu@. A ma ka hora 9 kakahiaka o kou la hele, hiki mai la au ma Kapukaki, oia hoi ka elima mile mai Honolulu mai, a huli ae la au a nana aku la i hope, a waiho kahelahela mai ana me ka nani nui ke kulanakauhale Alii, e puaiki mai ana na hale iloko o ka uliuli o na laau hoohanohano, a e haualana@ mai ana ke kia o na moku iloko o ke awa o Kou; a ia wa no i apoepo ae ai ka naau i ke aloha i na huikau lua o ke laone@. O Laeahi hoi keia, me he liona opiopio ia o moe malie ana ma ka ae-ai@, a o na kualono o Palolo a me Manoa, ua nalo ae la ia i ke Aliiwahine Puoina, a o kuu aina hanau hoi, lel mai la ia me he @ ia maluna mai o keia poai hanohano. “E aloha auanei.”
I kuu huli ana ae hoi a nana mai imua nei, ma ke ala a’u e hele nei me kuu makamaka oiaio, e waiho maikai mai ana imua o’u o Ewa, ka aina hoi nona ka “ia hamau leo;” a ma kou lima hema hoi ke awalau o Puuloa, a o ke kuahiwi mai o Kaala a me ke kula kaulana o Puunahawele, me kou alo mai, a o na kualono ma kou lima akau. A me keia mau ano, i manao ai au he aina maikai o Ewa. A ma ka hora 1 r @ o ia la, hiki aku la maua me ke kula o Kemoo, nona keia mau wahi lalani mele kanaenae aloha,
“Hoi pu ae kaua,
I ke kula o Kemoo,
Moe aku i Waialua,
I ke ehukai o lalo.”
He lohe olelo wale no hoi ke ehukai o Puuena, akahi no a kumaka ke ike ana, no ka mea, ua uhi paa loa ia na kapa kehakai o Waialua, e ke ehukai, mai ka Lae o Kaena a hiki i ke Ahu a Hapuu, me he mau ao opua ia; a o na hele hoi keia, e paaiki mai ana iloko o na @ iaia; o na hale wilike hoi keia, e hana ana no i ka laua hana hoopomaikai ia Waialua. I kuu hoomaopopo ana, aole paha he aina i hoopomaikaiia na kanaka ma ka mokupuni o Oahu nei, e like me Waialua.
NU HOU MAIKAI – E! he mea e ka piha o ka naau i ka olioli i ka lohe ana mai i kekahi nu hou maikai, oia keia: Ua wihia@ ma ka hale wiliko o Henry Gordon & co., oia hoi ka hale wiliko o Liwai Kamalani ma, mamua iho nei, na eka ko o kekahi keiki lalawai o ua aina ehukai nei, oia hoi o Mahelona Kuemanu, he elua eka a me ka hapa; a o ka nui o na loaa i loaa no keia mau wahi eka ko uuku@ wale iho no, ua like me 22 000 a oi aku, ke huipaia me ke kopaa Helu 1 a me ka Helu e, a kiola@ loa ia aku ka malakeke. O na dala nae ma ko Mahelona Kuemanu aoao, he elima haneri dala ($500.00) a pela ao hoi ma ka aoao o ke mea wiliko. A ma ka noonoo ana’ku ie ke kumu i nui ai o keia pou@ dala, ao ke akamai maoli o ka haole nana a puhi, no ka mea, o ka helu o ka momona o ka wai o ke ko o keia mau eke@, he eono a hiki i ka ewalu (?)
Me keia pale@ ae, e hoonea@ aku ana au i ka papa inoa o na kanaka i kane i ke ko malalo o ka Hui e T. Hughes ma, i ka nui o na eka a me ka nui o na dala i loaa i kela a me keia. Me ka mahalo.
SOLOMON KALUA
Waialua, Oahu, Nov 1, 1875.