Ka Nupepa Kuokoa, Volume XIV, Number 47, 20 November 1875 — Page 4
| This text was transcribed by: | Sandy White |
| This work is dedicated to: | My kumu, Lorie Almogela, who inspires me to c |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
HE HIMENI
LEO. PRAISE YE THE LORD
Royal Diadem p. 15
1.
Ala'e na leo e,
Mele koo, koonei
Mele, mele, mele a mau.
E mele ia Iesu,
Na leo, na naau,
Na kamalii a pao,
Mele a mau.
2.
Iesu, Inoa mau!
Inoa kamahao!
Mele, mele, mele a mau.
Paa me na maunahao,
A peni no ke ao.
Ka olelo a Iesu,
Mele a mau.
3.
Kauohoa no Iesu,
A hookaia no;
Mele, mele, mele a mau.
Kii a hoala no
I na uhane po,
A lama no lakou,
Mele a mau.
4.
Ala'e mele ae,
Na anela maikai,
Mele, mele, mele a mau.
Ala'e na hoahanau
Maluna ma ke ao,
A kupinai oukou,
Mele a mau.
Hawaii
HAAWINA KULA SABATI.
HELU 10. SABATI, NOV. 5.
KUMUHANA.-Iesu me Maria.
PAUKUBAIBALA-IOANE 20:11-18
11 Aka, ku aela o Maria ma ka halekupapau mawaho e uwe ana. A i kona uwe ana kulou iho la i ka halekupapau,
12 A ike iho la i na anela elua i kahikoia i ke kapa keokeo e noho ana, ma ke poo kekahi, a ma ka wawae kekahi, ma kahi i waihoia'i ke kino o Iesu.
13 I mai la laua ia ia, E ka wahine, no ke aha la oe e uwe ai? I aku la oia ia laua, No ka mea, ua lawe aku lakou i kuu Haku aole au i ike i kahi i waiho ai lakou ia ia.
14 Pau kona olelo ana ia mau mea, huli ae la ia ihope, a ike aku la ia Iesu e ku ana, aole nae oia i ike, o Iesu ia.
15 I mai la o Iesu ia ia, E ka wahine, no ke aha la oe e uwe ai? ia wai la oe e imi nei? Manao iho la ia, o ka mea ia naua i malama ka mala, i aku la ia io, E ka haku, ina ua lawe aku oe ia ia, e hai mai oe ia'u i kahi waiho ai oe ia ia, a na'u no ia e lawe aku.
16 I mai la o Iesu ia ia, E Maria. Haliu ae la ia, i aku la ia ia, E Raboni; oia keia olelo, E ke Kumu.
17 I mai la o Iesu ia ia, Mai hoopa mai ae ia'u; no ka mea, aole au i pii aku i ko'u Makua: aka, e hele oe i ko'u poe hoahanau, e i aku ia lakou, E pii ana au i ko'u Makua, a i ko oukou Makua; a i ko'u Akua, a i ko oukou Akua.
18 Hele aku la o Maria Magedalene, a olelo aku la i na haumana, ua ike ia i ka Haku, a ua olelo mai oia i keia mau mea ia ia.
Pauku Gula. "I ke ala ana o Iesu i kakahiaka nui o ka la moa o ka hebedoma ike mua ia oia o Maria no Magedala."
Mar. 16:9.
Mele-Him. 113. 6-8 Leo.
1
Ua ala no Iesu,
Ua hoka ko ka po!
E ala pu na hoahanau,
A me ia e alii mau.
2
Ua ala no Iesu,
Aole e make hou,
Ke ola oia e uwao
I ola ko ke ae.
Pule hoomaikai no ke ala hou ana o Iesu, e noi aku o uwao, e hoola ia kakou.
NA NINAU A NA KUMU.
Ua waiho kakou ia Iesu mahea ma kela Sabati? Pehea ka loihi o ke kau ana o Iesu
ma ke kea? No ke aha ka makamake ole o waiho ia ia malaila a hiki i ka la apopo? Mok. 19;31. Kan 21;23. Nolaila, ua kuu ia ko kino o Iesu ilalo ma ke ahiahi o ia la hookahi ao, oia hoi ka Poalima. Ua kanuia hoi ia ma ia ahiahi no, mamua o ka napoo ana o ka la, no ka mea, aia a napoo ka la, ka hoomaka no ia o ko na Iudaio Sabati; a o ko lakou Sabati, oia ko kakou Poaono. Hoomaha lakou i ka Poaono, oia hoi ko lakou Sabati mai ka napoo ana o ka la ma Poalima a i ka napoo ana o ka la ma ka Poaono. Pau ko lakou Sabati. Nalo
Iesu ma ke ahiahi o ka Poalima, aole i napoo ka la. Kapaia keia la ka la akahi o ko Iesu moe ana iloko o ka lua. Poaono oia ka la elua. Mahope o ka napoe ana o ka la ma ka Poaono, oia ka wa i ala hou mai ai Iesu mai ka make mai, a kapaia ka la ekolu ko Iesu ala hou ana mai, e like me kana olelo.
Ma ka wa hea i hele ai Maria ma ka lua kupapau e ike ia Iesu? Mok. 20:1. I ka la mua o ka hebedoma. Ko lakou Poakahi ia. A mahope lilo ia i Sabati no kakou, no ke aha? Ua ikeia anei ke kino o Iesu ma ka loa? No ke aha ka ike ole? Heaha ka i ikeia? e wai? p. 3-7. Aia mahea Iesu?
P. 11, 13. Maria hea keia? p.1. E ku ana mahea? E aha ana? no ke aha? A i kona nana ana iloko o ka loa, heaha kana i ike ai? Heaha ka na anela ninau ia ia? A pane aku oia pehea?
P. 14, 15. A i ko Maria huli ana i hope owai kana i ike ai. Ua akaka anei ia Maria o Iesu ia? Heaha ke Iesu ninau ana ia ia? A pane Maria pehea? Kuhi oia, he kahu keia o ka mala. Ma ke aha i maopopo ai ko Maria aloha nui ia Iesu? Iua loaa ke kino o Iesu, hiki anei ia Maria ke waiho i kahi e? Pela kona manao, aole oia makau i ke kaumaha.
P. 16. Ma ke aha i ike ai Maria o Iesu keia? Ma ke ano o kana olelo.
P. 17. Mai hoopa mai ia'u, Heaha ke ano o keia papa ana? Nui wale na haina, aka, eia paha ka haina oiaio. Mai kali oe maanei me au e apo mai, e honi mai, e aloha mai elia ea; e holo wikiwiki oe, a hai aku i na hoahanau olu, ia Petero ma, ua ala hou au, aole nae au i pii aku iluna e pii aku ana nae; i lohe lakou, a hele mai a ike, a launa po, &c. E hia la la e koe ana alaila pii aku?
P. 18. Ua hana anei Maria e like me ka Iesu kauoha?
Mele-Him. 112 7-Leo.
2
E nana, ua ala hou,
Mai ka lua kupapau,
Iesu Kristo e ola'i,
Ua ala me ka nani e.
3
E na Serepima e,
E hooho, hoomaikai,
Me ko lalo nei a pau,
Mililani pu oukou.
NA NINAU A KE KAHU.
Na makua. Ke kumu hana, a me ka pauku gula, heaha? Heaha ke ano mua o Maria no Magadalene? Luk. 8:2 Mareko. 16:9. He wahine hewa paha. Ma ka manao ana o kekahi poe, oia kela wahine lawehala ma ke hale o Simona, Luka 7:36, 37-50. Heluhelu.
Na keiki. Aloha nui Maria no Magadalene ia Iesu. Mahea oia i ka wa e kau
ana Iesu ma ke kea? Malalo ae no o ke kea e nana ana ia ia, e hoolohe ana i kana mau hoaolelo hope. Mahea oia i ka wa i kapu ia'i Iesu? Ma ka lua no e nana ana i kona nalo ana, e ike ana i ka pohaku nui i pani ia'i ka loa. Owai kai hele mua i ko Iesu lua ma ka noa ana o ka Sabati, e ike, a e wahi i kona kino i na mea ala? O keia Maria no me kekahi Maria e ae. Owai kai hai mua i ko Iesu ala hou ana? Maria Magadalene no. Nui kona aloha. Pehea ko oukou aloha ia Iesu? Pehea e maopopo ai?
Ke Kula a pau. Iesu me Maria, owai keia Maria? Ehia daimonio iloko ona mamua?
Nawai i mahiki? Pehea oia mahope? Nui anei na Maria Magadalene i keia wa? Nui paha ma kona ano mua uoku nae paha ma ke ano hope.
Ma ke aha e hoomaopopo ai oukou i ko oukou aloha ua Iesu? Ma ka launa ana ma
ko Iesu mau wahi, ma na halawai, ma na kula Sabati, ma ka uwe ana, a makaukau e lawe i na mea kaumaha nona, ma ka hoopili mau ia ia, ma ka wikiwiki e puka e i na wahi e ike ai ia Iesu. Heaha kekahi hewa o Maria? Kona manao, aole i ala Iesu aia no ia iloko o ka lua. Pela anei ka manao o kekahi poe i keia wa? Heaha ke kuhihewa alua? Aia loaa Iesu ia kakou, heaha ka pono? E hele a hai aku ia hai, i na hoa.
Ko Iesu ano mahope o kona ala hou ana. Pehea kona manao, a me kana olelo no na
haumana i pau i ka haalele ia ia? Aloha no, kapa no o kona poe hoahanau lakou. Pehea hoi kakou i ka poe i haalele ia kakou i ka wa pilikia? Aloha no.
Ko Iesu makua, ko kakou makua ua like anei? Ehia la i noho ai Iesu ma ka honua mahope o kona ala hou ana, a pii aku i ka lani? Heaha kana hana ma ia mau la he 40? owai ke pii aku ana e noho pu me Iesu ma ka lani?
Mele.-Him. 98, 9. Leo.
1
Eia mai ke mele hou,
O Iesu ka mohai mau,
Nona ke aloha mai,
Ke aloha e ola'i.
4
Ke aloha mau nei,
Malu hou na enemi,
Lanakila nani e
Ke aloha e ola'i.
Pule i hoohalike kakou me Iesu laua me Maria Magadalena, aloha aku, aloha mai,
pili pu kekahi i kekahi &c.
HAAWINA KULA SABATI, DEC 12. Ioane 20:24 31. PAUKU GULA. Oih L@. 20:20.
Hawaii.
NA ANOAI O KA LA.
Heaha la ka mea i hoohalikeia'i o ke sopa me ke Kahunapule? No ka mea, o ke sopa ka mea nana e hoomaemae i na mea a pau i paumaele i ka lepo, a o ke Kahunapule hoi ka mea nana e hoomaemae ia oe no kau mau hewa i hana'i, ke hele oe a
mihi aku imua ona.
I ka wa e kokoke ana kekahi haole kuai
bipi e make, olelo aku la ia i kana wahine penei, "Ina au e make, he pono no ia oe ke mare ae ko kana luna kuai bipi, no ka mea, he kanaka ui no oia a maikai hoi, a aole e hiki ke hooholoia kela hana imua, ke ole ke kanaka." Pane iho ka wahine, "He oiaio kau e kua aloha, ua noonoo e
iho nei no au no ia mea."
Iloko o ke au i hala, ua hoounaia kekahi puali koa e hele i ke kaua, aia nae ke kahua kaua oia la ma kahi kokoke i kekahi hua pali; a i ke kaua ana, ua hee ua puali koa nei a kuku ana i ka wele lau o ka pali, ua, hiki ole ia lakou ke emi mai i hope, aole hoi ke holo aku imua, a pau iho la lakou i ka lukuia me ka maka o na ihe, ku no i ka ihe lele ana i ka pali, a pio iho la. Ua hookuuia aku hookahi wahi koa, a nana i hoi a hai aku i ke alii a me na'lii, i ka i ana aku, "Ua pau loa makou i ka luku ia, ku no i ka pali, lele ana i ka ihe." Ma keia huaolelo hope lo'u iho la ka aka a ke alii a me na'lii. O ke kumu o kona hoopuka pololei ole ana i na huaolelo, no ka opili i ka ua, a no ka wikiwiki hoi kekahi o kana
kamailio ana, nolaila, hoopuka hewa ai oia, "ku no i ka pali lele ana i ka ihe." Aole
nae pela ka pololei; "ku no i ka ihe lele ana i ka pali."
E hele ana kekahi puali koa ma na kuahiwi o Hawaii, aka, no ka nui o na la hele, ua pau e ka ai, a na pilikia lakou i ka pololi, a hele wikiwiki aku la lakou a iho ana ilalo o Waipio, ua moa ae ka imu ai a ko laila alii, a ua hoao ua poe koa nei ma ke noi ana aku, ua hooleia mai, me ka i ana aku, "He ai keia na ke alii." O ka hele loa no ia o kekahi a nonoi i ke alii, e haawi mai ana no hoi ke alii i ua imu ai nei a pau na ua poa koa nei. O ka ai iho la no ia o ua poe koa nei me ka hele ino, a maona ae la. Hele mai la ke alii a ninau mai la, "Ua maona oukou?" Ae mai le kekahi me ka i mai, "Ua maona makou, eha ka hoi waha a ke onihinihi." (No ka liilii o ka ai ke kumu o kona olelo ana pela). Hu ae la ka aka a ke alii, a i mai, "Aole paha eha waha a ke onihinihi, eha onihinihi a ka waha."
I kekahi aumoe o kekahi mau pule aku nei i hala, halawai aku la o Keaka me kekahi
kaa elua lio, e hoi ae ana ma ke alanui B. o ke kulanakauhale H. Aia ma na aoao o na lio, he elua mau kanaka kauwa kuapaa e holo ana e like me ka holo ana a na lio kauo kaa. A ma ko laua mau lima, he mau newa ua weheia me ka manao e pepehi mai paha. Nawai la i kauoha i kela mau kanaka e hoomakaukau e i ka mea make. I ninauia aku ka hana, "owai kela?" Aohe pane ia mai. Naaupo ka hoaa mau ana i ke ahi.
O ke kanaka inu rama, lana maikai kona manao o ke kiaha mua, a i ka lua hoi o ke
kiaha, hi-o ae la oia, me ka oloke ana hoi o kona waha me he manu ai mea pilau la; a i ke kolu o ke kiaha, hae oia e like me ka liona, aohe ona mea e na ai; a i ka eha o ke kiaha, eku oia iloko o ke kiolepo me he puaa la; a i ka elima o ke kiaha, o ka make loa ka palena.
Ua hoopuiwaia o ehako e ka alae, "e malu hoi ke kula!" I alawa ae ka hana, loha ana na eheu o ka aeto. I ka aeto i kikaha iho ai, kipapa mai ana ke kaupu. Puiwa hoi ke kahu manu, ua oki i kana lele i kana lele, pau i ka puehu.
"Ua ka ua i Puuolaloa i hea oe?" Oia ka ninau a kekahi i kona hoa. Aka, e wehewehe
iki au i ke kumu o ia ninau ana: I kekahi kau wi nui o Kona i ka wa kahiko, ua makau na kanaka i ka wi, a hele nui aku kekahi poe i Kohala a me na moku e ae o Hawaii, i kahi e loaa ai ka ai, aka, o ka poe hoomanawanui, noho no lakou, e alo ana i na pilikia a me ka pololi a ka ai, me ka imi ana i na ai ino o ka nahelehele, aole nae no ka manao he mau ai ia e maona io ai ke ai, aka, he mea hoohala la wale no, i kamau ai ke ea, a polapola maikai no na maka. Aka, me ka ike ole ia o kahi o ka ua, e like me ka olelo, "Iluna no ka ua, wehe o ke pulu olelo;" pela no lakou i waele e ai i na kihapai, e hoomakaulii ana no ka ua mai; aia nae i kekahi kakahiaka, ikeia aku la kekahi ao opua melemele ma ka moana, a e kau mai ana hoi kekahi wahi opua iluna o Hainoa, i iho la ko Kona keiki, "Ola, ua hoi ka ua." Aole no hoi i kiekie lea ae ka la, o ka hoomaka mai la no ia o ka ua, aole i kanamai, o ka ua no ia a po, mai ka po a ao, malie ae la. Ia wa, huliamahi na mea a pau iuka, kanu ka lao, umoki ka anoano ipu pu, ipu haole. I keia kuana no, hihi ka uwala a me ka ipu, a haole hou na kuana, o ke oo no ia. Lohe aku la hoi ka poe i hele i na moku e ae o Hawaii, ua ea ka ai o Kona, pau mai la lakou i ka hoi, a noho kela a me keia ma kona wahi mua. Moa ae la nae ka imu uwala a ka poe i hoomanawanui ai i ka pilikia, aia hoi, neenee mai la ua poe hoho wale nei i ka wi, a noho ana ma ke kae o ka imu, a hooho ae la, "nani ka hoi ke nui o ka uwala," a lalau aku la ma ka uwala nui, paleaia ae la nae ka lima e ka mea nana ke imu uwala, me ka i mai, "Ua ka ua i Puukaloa i hea oe?" A ina
oia o pane mai, "I Kohala wau," alaila loaa ka uwala; a ina oia e i mai, "I Kona nei no," alaila, aole iho la e loaa iaia ka uwala, a o ka paue ku ia aku ia no ia me na huaolelo hoohilahila.
No keaha e palaualelo nui loa nei na kanaka ui Hawaii o kakou? No ka makau ka o manoanoa na lima, aohe e palupalu ke lulu lima ia mai.
He wahi lolo ua make aku nei, oiai e hoopaapaa ana no ua mea lehulehu, a hiki i keia ninau la, "owai ke Akua maoli?" Hai na mea a pau, o Iehova, a i ua hiki ana i kona manwa, eia ka i ala, o "Kaili ka'u akua maoli. Na ka haole mai nei keia Akua i lawe mai nei, aole na kanaka." He ae la kaaka a kolohe.
Heaha ka waiwai o kekahi poe noho akoakoa ana e noonoo no ka pono o ke aupuni me kahi leo kamailio ole no ka pomaikai o ka lehulehu, hookahi wale no hana he kahili no ka lele mai o ka nalo? Aohe waiwai, a e pakuikui i na poo o ia ano.
Haukawewe lua ka hoi na keiki o ka Puali Haku Ponoi iloko o ke kuana penopeoo
o ka auina la Sabati aku nei i hala, ka hele la a luhe ka hele ana. No ke puanuanu paha no keaha la hoi?
E hele ana kekahi mau loio e lawelawe i kekahi honu imua o kekahi Lunakanawai kuaaina; aka, ia laua ma ke alanui, ninau aku la kekahi loio i kekahi, "o oe a owai ma ko olua aoao?" Pane mai la no kela, "Owau a me ka Aeto." Eia no hoi ka hua lea a ka loio ma keia aoao aku, "Ae, o oe no hoi me ka Aeto, a owau hoi auanei me
ke Kaupu." Pono no, o na manu nui iho la no la hoi ia.
Ninau aku la kekahi kumukula Sabati i ka haumana mua o kana papa, "owai ke
kanaka makamua?" Pane mai la ka haumana, "o Wasinetona, oia ka mua i ke kaua, i ka maluhia a me ke kuikahi." "Aole! aole," wahi a ke kumu, "o Adamo." "O! ina oe i ninau mai nei no ka malihini mua, ina ua hai aku nei au o ia."
Ekolu, ke kolu, a me Pa-kolu.
Ua oleloia o na heluna oi he mau ulia a he mau ano nui ko lakou ma ka nanaina, ma ka maa a ma na ano pili hoomanamana iwaena o na aupuni kahiko o ke ao nei Aka, o na huahelu nona ke poo maluna, o lakou paha ka lehua mamua o na huahelu
oi e ae a pau. E hoomaka kakou e nana penei: 1 ka numera ana ua kau pa-koluia na huahelu; ekolu ano mua o na mana aupuni, ke Kahi-Kolu. I ke kolu o na la i hanaia ai ka la, ka mahina, a me na hoku a hoikeia mai ma ka lani. Ua maheleia namanamana iloko o na hapa ekolu. Ua ala ka poe kahiko ma ke kolu o ka hora. O na Borahamina, ekolu o lakou mau akua nui, Birema, Visenu a me Siva; o na poe Peresia hoi, o Oromanesa, Mitara, a me Mitarasa; na Arabia, Alahe, Ala Uza, a ma Manaha; na Aigupita, ko lakou Osirisa, Isisa, a me Oresa; na Ponikia a me na Turo o Belosa, Urania, a me Adorisa; ua Halene, o Iupita, Nepetune, a me Puluto; ko Hawaii nei a me kahi mau mokupuni e ae
o ka moana Pakipika Hema, o Kane, o Ku, a me Lono.
O na keiki i hookomoia i ka umu ahi enaena, o Saderaka, Mesaka, a me Abedenego
eloku mana o ke o hekili a Iopita; ekolu hoi kui o ke a Nepetuni, ekolu poo o Kereberusa
E noho no na kahuna wahine o ko Pitiana maluna o ka noho ekolu wawae, ekolu inoa i kapaia no ka La-o Sala, Apolo a me Tibera; ekolu hoi no ka mahina-o Hecate, Diana, a me Luna. Ma Enelani, ka Moi, na Haku, a me na makaainana Pakolu ka holoi ana o ka poe kahiko i ko lakou maka, a e inu no lakou mailoko mai o na kiaha ekolu. I ka hula ana o na Saliena, e hahau no lakou i ka honua no na manawa ekolu. Pakolu ka loaa ana o ke kanaka i ka mai alaala. O na hapa ekolu wale
no o ka Poepoe kahiko kai ikeia. Ekolu mau oihana nui, ka loio, ke kahunapule a
me ke kahuna lapaau.
E kuhikuhi na poe pope ia lakou iho no na manawa ekolu. Ua manaoia, i ke kolu o ka loaa ana o ke kanaka i ka mai kuhewa ma ke poo, o ka oi ia o ka pilikia. Ma ke kolu o na manamana lima o ka lima hema, e komoia ai ke komo mare.
Ma ka ekalesia o Enelani, ua lawelawe pu ia ka hoomana ana e ke kahuna, na
hoahanau a me ka mea haiolelo. Ma na Aha Hookolokolo Kiekie o ka Lunakanawai, na Jure a me ka mea hewa. Ma ka lapaau ana, pakolu no ke kukakuka ana o ke kauka. Ekolu no luna o na Aha Hooponopono. Ua akena na Iudaio no Aberahama, Isaaka a me Iakobo. Ekolu aupuni huiia a Euelani, (komo pu o Wale) Irelana, Euelani a me Sekotia. I ke kolu o na makahiki o ke alii ana o Kuro, i kapaia mai ai o Daniela, o Beletesaza, oia hoi ka "Haku o Bela;" ua wanana ae oia, ekolu Moi e ala mai ana no Peresia mai, a ekolu hebedoma ka loihi o kona kanikau ana no ke ano o ka hihio ana i ike ai; o ka holoholona
ana i ike ai, ekolu mau iwi aoao iloko o kona waha. Ekolu no pule ana a Daniela i ka la hookahi. Ma Hoekeana, o ke kolu o na holoholona iloko o ke kai, he ola kona ua make nae.
O ka manaoio, ka manaolana a me ke aloha, he mau mea maikai lakou ekolu. Ma Ezekiela, ia hoikeia mai, ekolu keena no ke Kahuna e noho ai. Ua olelo mai la ka wanana, "O ka akahi hapakolu o ka lauoho ke pau ana i ke ahi, o kekahi hapakolo i ka pahikana, a o kekahi hapakolu e pahi ia ana e ka makani." Ua oleloia, o na ihoiho kukui ekolu iloko o kekahi keena, he hailona ia e hoike mai ana, no ka make ana o kekahi o ka ohana.
KA BURT LAAU OLA!
NO NA
Mai e loaa mai ana no ka holopono ole o ka ai iloko o ka Opu,
A me ka mea hooikaika i ke Akepaa!
O KEIA LAAU E LOAA MAI AI KE OLA A E PAKELE AI HOI
He mea io no ia e pau ai na mai i loaa mai mamuli o ku
Holopono ole o ka ai iloko o ka Opu,
Ka Paapu, na Io ulu wale,
Na waikahe wale mai, na mai Nalulu,
Na mai o ke Akepaa, a me
KA PONO OLE O NA PAAHANA O KA WAIHONA AI
E LOAA KOKE NO KA OLUOLU KE INU I KEIA LAAU MAI KA AKAHI a i ka eono omole, (e like me ka nui o ka mai, pela e nui ai ka laau).
He mea nui loa ka malama ana i ke kino iloko o ke kulana o ke ola maikai me ke okua ana i ka mana o ka hooholopono ana o ka ai iloko oka opu, a me ka hooikaika ana e puliki a e hoomau ma na hana e kokua ai i ke ola oluolu maikai, a mamuli o na mau mea e akala ai na mea ino mai ke kino ae, me ka ai ole ana i na laau awaawa. I mea e maopopo ai, e lawe i ka Laau Ola a Burt, e loaa ai ka ikaikai a me ka mea hooikaika i ke akepaa, he LAAU noloko mai o na MEA KUPU. Ma ka ikaika o keia laau a me ka holo o ka hana maluna o na PAAHANA o ka WAIHONA AI, me ka hooikaika ana i ka opu a me ke kokua i na mea o ke kino, a ma ia wa no e kaawale aku ai na mai o ke akepaa, a ma ka hoonaha kupono ana, e loaa mai ai ke oluolu ma ka pau ana aku o na wai ino. Aole laau maikai e ae i ike ia, e like me ka Burt Laau Ola no na mai e loaa mai ana no ka holopono ole o ka ai iloko o ka opu, a me ka mea hooikaika i ke akepaa a o lanakila nui no keia laau maluna o na mai i loaa mai no ka holopono ole o ka ai iloko e ka opu, ka paapu, na io ulu wale, ka wai kahe wale mai, a me na ino e pili ana.
He lehulehu ka poe i ike ole i ke kumu i hiki mai ai na mai no ka holopono ole o ka ai iloko o ka opu; a nolaila, ua manao ia he mea pono ke hoike aku, i kahi wa, ua loaa ka eha ma ka waha o ka opu ai ai, o ke kumu o ia, o ka holopono ole o ka ai iloko o ka opu, a lilo ia i mea pohapoha, loaa mai ka nalulu, ka wela o ka umauma, wela o loko o ka opu, ka umii ma ka aoao a iloko o ka umauma, ka mulea o ka waha, palani o ke alelo, awahia o loko o ka opu, ka hiamoe ole a me ka ono ole i ka ai, ka molohai, paupauaho, ka niua, ka moku honua, ka lia o ka ili, a o ka moku ana o na ea lolo. Nolaila, o na paahana a pau o ke kino i loaa i ka nawaliwali, ua loaa mai ia mai ka holopono ole o ka ai iloko o ka opu.
O KA LAAU OLA A BURT, he laau ia o kipaku aku ana i na mea make; a o ka mea i loaa'i nei mau ano mai a hoomanawanui i ka ai ana no kahi manawa, o ke ola kona hope. Ina he paa ka mai o kahi a inu i keia laau, e loaa koke no ka oluolu maikai, a loaa no ke ola hou. O na ino a pau o ka io ulu wale, he ola wale no ia i keia laau.
He nui na hoike e ola nei no ke ola ana i keia laau, mahope iho o ko lakou mai ana no kekahi mau makahiki, a i ka ai ana i keia laau ua ola koke. He hiki no hoi ke hoomaemae ia ke koko me keia laau ola a Burt, a pela no hoi na mai mawaho o ka ili he lilo loa ia i ka ole ke ai i keia mea maikai. A he laau maikai no ma ka inu ana.
O kela laau, ua loaa mai ia mailoko mai o ke kuhikuhi a kekahi kauka lapaau kaulana, nona ka lapaau ana i kona ohana iho, a ua loaa no ke ola maikai. Ke waihoia aku nei keia laau imua o ka lehulehu, me ka lana o ka manao e hahai ia ana no e na pomaikai na poe e ai ana, ina paha he hoi ka mai, e ola ana no.
O KEIA LAAU A BURT, KA LAAU MAIKAI MA KE AO NEI, nolaila he pono i na poe mai ke hoao i loaa ke ola. E loaa no keia laau ma ko makou Halekuai
Na kuhikuhi no ka inu ana:
E inu i hookahi puna nui i ke kakakahiaka a me ke ahiahi, hoonui aky paha a hooemi mai paha, i mea e hemo maikai ai oloko, elua a hookahi manawa paha o ka la. Mai
inu i ka wai iloko o umikumamalima minute, mamua e mahope o ka inu ana.
KUMUKUAI, $125 no ka omole.
KO KALEPONI LAAU OLA!
A ME KA MAI HANO.
DILLINGHAM & CO.,
720 3M Na Agena no ka Pae Aina Hawaii
Lole Makepono ke Kuike!
E LOAA NO IA MA KAHI O
KAKELA ME KUKE,
E LAA NA
AHINAHINA,
KALAKOA,
KEOKEO,
LEPONALO,
Pena, Aila, Aniani,
Na Mea Piula,
Kopa, Aila Honua,
Aila Hoomaloo'
Kui Kakia, Pakeke,
Tabu, Kaula, Noho lio,
Hulu-namalaki, na Pulumi.
A he Agena no hoi no na Makupuni o
Hawaii nei no na
LAINAKINI-NAO,
LAINAKINI-MAOLI,
PALULE KALAKOA,
ALAPIA, KELEPA, KILISA,
Na Lole kupono i ka wawae,
Palule Huluhulu,
Na Lole Huluhulu,
Na Lole no ka hoohehelo ana
Lipine, lihilihi, a me ia mea'ku
A HE
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, &c
A HE
LAAU LAPAAU KAULANA LOA
A Dr. JAYNES.
Laau Kunu,
Laau Hoomaemae Koko,
Laau hoopau naio,
Penikila, Huaale,
A me na Laau Hamo,@a pela'@u.
707' 1yi759
J PORTER GREEN,
"KEIKI O KAUAUKIUKIU."
LOIO!
E HELE MAI NA MAKAMAKA A PAU IO'U nei a na'u no e kokua ia oukou imua o ka Aha Hoomalu a me ka Aha Kiekie, me ka uku haalina makepono loa. Ala kuu Keena hana ma kuhi o ka @ Hoomalu o Honolulu nei, ola ka "Aiko," ma Alanui Kalapa.
6@ 1y 740
WING SING & Co.
Puhi Palaoa,
E waiho mau ana na pa'aoa a me na herena palupalu. Kihi o na huina alanui Nuuanu a me Beritania. 7@ 1y 745
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE. KUU O NA HUINA o na Alanui Papu a me Hotele. Ala niaialia na Wa A la a me na Wai Rukini maikai lua e @.
E hamama mau ana i na ahiahi Poaoao a pau.
6@ 1y 741
Mea HOU Maikai.
NA PEPA kakau Farani me na wahi leta o kela ano keia ano. I hanaia maloko o kekahi pahu @ kumukuai o kela pepa ano hou. He hapalua a hookahi dala. Ala ma ka hale kuai buke o
1m-705 H.M. WINI.
HALE KUAI LOLE.
O MA KOU o ka poe nona na inoa malalo iho, ke we he nei i Hale Kuai Lole ma Kahaluu. Kona Akau, Hawaii. I ka la 22 o Mel, a na Akuna Pake e malama. Malaila na waiwai o kela a me kela ano nani a maikai loa. Eia maanei na papale wahine a me na papale kane o kela ano kela ano. Nolaila, ke konoha aku nei oukou e naue ae e ike kumaaka i ke kuai makepono loa. E hele mai e @ ike pono.
Kahaluu Kona, A, Hawaii 7@4 6m
EIA KA MANU HOU
HE BUKE MELE HOU NONA KA INOA
"Robina Gula,"
na 110 ka nui o na mele haipule a hoonanea o keia Buke Hou.
He 15 keneta no ke kope, a i ole la, he ("10 no ka 10")
kope E kuai la e @m @ H. M. WINI.
KA NUPEPA KUOKOA
E HOOPUKA MAU IA MA HONOLULU,
1 KELA POAONO KEIA POAONO
$2.00 no na mahina Umikumamalua
$1.00 " " " Eono.
ME KA HOOKAA MUA MAI.
NA OLELO HOOLAHU-aole e oi mamua o 10 laina no ka hoopuka hookahi ana $1.00; aina puka ana he $1.00 hookahi malama $2.00. E UKU MUA la mai ke dala o na Olelo Hoolaha e hoounaia mai ana e pai.
O NA UKU A PAU E HOOKAA MUA MAI NO-aole e kau ia ka inoa o kekahi haole a kanaka maoli paha, ma ka looa o ka poe la we pepa ke ole e hookua e mai mamua. E pono e alipolia kela mau rula, no ka mea, he emi no ka auhau no kela nupepa.
AIA KE KEENA O "KE KUOKOA" MA KA
HALE LETA HOU.
H. M. WINI
Luna Hoopuka.