Ka Nupepa Kuokoa, Volume XV, Number 16, 15 April 1876 — Page 3
KA NUPEPA KUOKOA, ME KE AU OKOA I HUIIA.
NO EUROPA.
Ladana, Aper 2 — Ke hoike mai nei ke kahi lono kuikawa, e hoi mai ana ke Keiki Alii o Wale, ma ka hopena o Aperila. Ke hoomakaukau nei na makaainana no ka la hookehakeha nui ke hiki mai oia.
Ma Ladana iho nei ka Emepera wahine o Auseturia, a e hoi ana i keia la.
E heihei waapa hou ana na keiki kula o Oxford a me Cambridge ma keia mua iho. He maikai wale nae no na ola kino o ka poe hoehoe a pau.
Ua makaikai ae o Don Carlos, ke Keiki Alii hoopaakiki o Sepania i ke kaua i ka hale hana lako kaua ma Woolwich, Enelani. A ua paikau no hoi i na puali kaua.
I ka la 3 o Aperila, ua hoi mai o Lutanela Cameron, he haole imi aina ia loko lilo aku o Aferika. Ua nui ka poe i hele aku ma ka uwapo, e ike aku iaia. Ua huro nui ia i kona wa i lohe mai ai. He maikai kona ola kino.
NO FARANI..
Vaseile, Mar 20 — Ua haawiia na kope o na Bila Haawina o Farani, no ka makahi1877, i na Luna Ahaolelo Senate a me na Lunamakaainana. Ua kohoia ka loaa makahiki ma kahi o ka $534,000,000, a o na hoolilo no ia wa, he $533.400,000. Aohe mau hoopii hou i na auhau i noiia mai. Eia na olelo hoakaka ma ka mua o ka Bila Haawina, " O ko kakou mau loaa, aole no ia i nui loa aku mamua o ka kakou i makemake ai. Aohe mau dala o ka waihona dala Aupuni e hoolilo wale aku ai. Aole e 1awe ana ke aupuni maluna ona iho i ka mana e aie aku i ka Banako o Farani, i $8,000,000. Ma ka aoao kue mai, ua hiki no ke uku ia ia $5,000,000 ke ake nuiia. E uku piha aku no ke aupuni i ka puu dala i aie ia i ka 1879. He mea keia nana e hoonoho kuokoa ae ia kakou ma kahi o ke $30,000,000 i kela a me keia makahiki. Ia wa, e hiki ai ke noonoo ae, he mea pono e hoemiia na auhau."
Vaseile. Mar 30 — He hoopaapaa ikaika maloko o ka Hale Ahaolelo i keia la e pili ana i ka pono ole o ke kohoia ana o Penjade (he lunamakaainana Ripubalika) mai ka apana mai o Vanclause.
Noi mai o Mr. Boyer he lunamakaainana pili alii e hoole i ke kohoia ana o Benjade Hoomakulukulu mai la ka poe Ripubalika ma ke ano hoonaukiuki me ke ku-e pu mai.
No keia mea, haalele iho la o Mr. Boyer i ka Hale a puka aku la i waho.
Nolaila, i ka wa keia i koho ai ka hale, o ko na lunamakaainana Bonepati a pili alii ku ae la no ia i luna a puka i waho o ka hale mamuli o ka hoikeia ana mai o ke kahi hoailona e kekahi Duke, he pili alii.
Ku-e mai la ka Peresidena o ka Hale i keia puka puuluulu ana i ka wa hookahi, a o ka poo e nalowale aku ana, e hoopaiia.
Ua hoopaaia ke kohoia ana o M. Penjade.
NO GEREMANIA.
Iadana, Apr. 3 — Ke kokoke nei o Generala Molete e waiho i kana oihana i kaulana ai, a me he mea la, e lilo ana kona wahi ia Couna Wartersleben.
Nu Ioka. Apr. 2 — Ke hoike mai nei kekahi lono kuikawa, ua malama ae o Bisimaka i ke kanaono kumamalua o kona mau la hanau. Ua haawi aku ka Emepera a me ka Hooilina alii i ko laua mau hoomaikai i ke Keiki Alii Bisimaka ma keia la maikai. Ua haawi pu aku no hoi na luna aupuni o na aina e, i ko lakou mau hoomaikai, a pela no hoi na alii o ka hale ahaolelo alii a me na lunamakaainana, i keia kilo aupuni kaulana, a ua heleia aku oia e hoolealea e ka poe Puhi ohe o ka Puali koa Imeperiala. Ua hoouna mai ka Moi o Bavaria i kona hoomaikai ma ka waea olelo.
E kauohaia ana o Couna Von Arnim e hoi mai e hookolokolo ia ia. Aia oia i Italia e hoololohe ana me ka manao e huikala e ia aku. Ua moraki kaumaha ia kona waiwai.
Ua kipakuia kekahi kahunapule Bihopa Geremania mai Holani aku mamuli o ke koi a Perusia. Ua holo aku la kela i Enelani me ka hookaulua ole.
Ua lonoia ae, ua holo malu aku ke alakai kipi Herezevonia, oia ke kahunapule Musich iloko o Auseturia, a ua hopuia oia e Nonetkovich.
NO ITALIA.
Roma, Mar. 19.— Ua haalele mai na Kuhina o ka Moi i ko lakou mau palapala hookohu, a ua lawe mai ka Moi. Ua haawi aku nei ka Moi i ka mana o ke kukulu hou ana i ka aha kuhina, ia Deprites o ka aoao kuokoa.
NO RUSIA.
San Peteroboro, Apr 3 — Ua hoike akea ia ae ka papa kuhikuhi o ka huakai-hele a ka Emepera o Rusia. E hele ana oia i Ems, Geremania, i ka palena hope o Aperila, me ka noho ma Berelina i eha la. Iaia e haalele ai ia Ems, e holo ana oia i Jugenbeim alaila hoi mai i Rusia. Iloko o ke kau, e hele ana oia i Helsingfero a malaila aku i Warsaw. Mahope o kona paikau ana i na puali koa ma na wahi lehulehu, e ukali pu aku ana oia i ka Emepera wahine ma kana huakai i Lividia, a malaila mai e hoi loa mai ai i Sana Peteroboro iloko o ka hooilo. E holo ana ka Emepera o Berazila a me ka moi o Denemaka, e launa me ia iloko aenei o ke kau.
NA PALAPALA I KE KUOKOA.
Mr. LUNAHOOPONOPONO ; Aloha oe :—
E ae mai ia'u e pane pokole aku ia Makamaka, no ka mea ua pane oia ia'u me ka ike ole i ke ano o ka mea i hana ia. Ma ka L. H. o ka pule i hala'e, ma ka limakuhi 16 o na Anoai, ua oleloia penei : I hoopuka makou i na nane, i mea hoonanea ; aole e like me ka Confederation e hoohalahala nei ; he mahalo makou i na nane a Oahu a me kahi poe e ae no ke ku i ka maemae, &c " A no ia mea i puka ae ai ka No 10, C, e pakui aku ana i kau like ai ; aka, ua eha e nae oe a lele makehewa mai.
E noonoo oe ma ke ano o ka mea i hoopukaia ma ua L. H. la ; a e ike oe, ua pololei ole ka mea i olelo ia, no ka mea, aole a'u leta i ka Luna H. a i kona Hope paha, e i aku ana he hoohalahala au i ka hoopuka ia o na nane ; a i ole ia, e i aku ana paha he pelapela, haumia, a kupono ole hoi. A e i mai paha oe, ua kuhihewa au i ke ano oia manao ; ke hoole aku nei au, no ka mea o ke ano ke hoopololeiia ma ia manao ua like loa me ka'u e olelo nei maluna.
Eia kekahi, ua olelo oe i ka wa i uluhia ia'i kuu poniu me na uhane o ke kiaha oia ka wa a'u i ae aku ai i ka'u maka kila e hoahewa kumu ole aku i ka L H. &c ; e pono e akahele ma ke kamailio, no ka mea, ma ia olelo ana au ua ike ia kou kulana e kekahi poe e ae ; e pono oe e waele mua ia oe iho a maemae, alaila hana pela.
Aole paha oe i manao, he mea mau ka hoohalahala ana e like me keia ma na nupepa o ma na wahi e ae ; a he nui hoi na hoohalahala e puka nei ma ka L H. a ma ke Kuokoa ; a ma ke kumu hea la hoi i hanai ia'i e like me keia. He nui ka'u mau hoohalahala mamua i hoopukaia ma ka L. H. iloko o ko'u wa e ku konukonu ana i ka hoopaapaa me o'u mau hoa paio, he oi aku nae ia o ka hihina mamua o keia ; aole nae he wahi mea a hoahewa ia mai ; a i keia wahi mea uuku hoi, ua lilo ka i mea nui.
No kea'ia la ? Owau iho no me ka welina aloha i ke Kilohana Pookela o ka L. H.
No 10 CONFEDERATION.
Alanui Papu. Mar 2 1876
Pololei wale " Kanawai."
E MR. LUNAHOOPONOPONO ; Aloha oe :—
Mamua iho nei, ua hoopahenehene ka luna hooponopono o kou hoa paonioni e Kuokoa no ka hoohalikeia o na hana haipule me na laulima, a pela aku. Akamai no ke ao ia hai, aka eia ka mea kupanaha, eia ka luakini o Kamoiliili ke naku wale ia nei e ka poe inu awa poe haku mele hooipoipo a me ka poe haihai kanawai i kela a me keia po o ka pule. Ua poina paha o Lahui i kona hana ponoi iho, a nuku hewa ka waha ia hai. He pono anei ka ae ia ana o ka halepule o ke Akua, i wahi e malamaia ai na akoakoa haihai kanawai, ma ka ohumu ana e kinai i kekahi hana hoonaauao i ka lahui ? Ina e hoomauia keia halepule pela, alaila, ua ahona no e hamau kou waha i ke ao ana aku ia hai, no ka mea, aole i pololei kau hana ma kou kihapai iho. O oe ke ao nei ia hai, e hoopololei aole nae oe i hoopololei mua ia oe. Ke hoohaahaa nei ka lunahooponopono o ka Lahui i kana oihana laa i mea ole wale no. " E unuhi mua oe i kou kaola, pela e hiki ai ke unuhi i ko iala pula." He mau keia wahi nioi. KAUMAKAPILI. Honolulu Apr. 10, 1876.
Kokua nui.
E KA NUPEPA KUOKOA E ; Aloha oe :—
E oluolu paha oe a me kou kapena e hookomo iho ma kou wahi kaawale i keia mau wahi kokua a ko Kaumakapili poe no ke ola o ko lakou kahu Rev. Kuaea, ma keia Sabati ahaaina i lulu iho nei, Aperila 9, 1876, oiai na apana mai. E like me ka hoakaka ana malalo iho nei. Penei :— Apana o Iwilei ..............$ 6 00
" Kapalama-kai ............. 8 00
" Kapalama uka............. 6 50
" Kauluwela................... 8 15
" Kapuukolo ................. 3 25
" Kikihale....................... 8 10
" Honolulu-waena .......... 8 00
" Kulanihakoi.... ............. 2 45
" Waikahalulu ............... 12 25
" Kaakopua & Kehehuna....6 25
" Pauoa ......................... 6 25
" Maemae .................... 12 70
" Malihini ....................... 2 00
Na Keaka (w) no Kauluwela......20 00
$110 00
O keia wahine o Keaka (w) no ka apana o Kauluwela oia ka mea kokua nui loa mamua o na apana a pau, he $20.00 me kona olelo mai, " Ua ai au i ka'u, a ua inu i na manawa loihi loa, a eia mai ka ke Akua." Nolaila, o ka hana ana o keia wahine pela, he mea no ia e paipai mai ana ia kakou na hoahanau o keia Ekalesia o Kaumakapili e kokua nui loa no na hana a pau loa e pili ana no ko ke Akua Aupuni.
J ALAPAI, Kakauolelo o ka Ekalesia
Aperila 10, 1876 o Kaumakapili.
Na Kumuhana i hooholoia e na
Halawai Makaainana o Hilo,
Hawaii.
E KA NUPEPA KUOKOA E ; Aloha oe :—
Ma ka lokomaikai o kou kapena, ua loaa ia'u kekahi wahi kowa kaawale o kou mau kolamu e hooili aku ai i na Kumuhana i hooholoia e na halawai makaainana o Hilo, Hawaii, ka aina hoi a ke ala, a me ke onaona i haiamu malie iho ai.
Eono no wahi i malama ia'i na halawai makaainana. O ka moi. Ma ke kaona ponoi o Hilo Bay, ma ka la 8 o Maraki iho nei. O ka lua, ma Pahoehoe, ma ka la 9.
O ke kolu, ma Onomea, ma ka la 10. O ka ha, ma Kaupakuea, ma ka la 11. O ka lima, ma Hakalau, ma ka la 13, a ma Laupahoehoe ke ono, ma ka la 14. A ua malamaia no hoi ma keia halawai na rola i maa i na halawai o keia ano.
A mamuli o ka make ana o G. W. Moo, ke Kakauolelo mau o keia mau halawai, nolaila, ua lawe mai au a hana, a oia keia e waiho ia'ku nei imua o ka lehulehu. Ua waihoia na kumuhana no ka Ahaolelo mai na aoao elua mai oia hoi, mai ka aoao mai o na haku makaainana, a mai o'u aku hoi. A mamuli o na kuka maikai ana, ua kapae ia na mea io ole, a ua hooholo like ia na mea io, e like me ia i hoikeia malalo nei 1 E hoopaa loa ia ke kanawai e hoomana ana i ka Moi e aie i miliona dala ma ka inoa maikai o ke Aupuni Hawaii. 2 E hoopau loa ia ke kanawai e kokua ai i ka oihana mahiai, me ka hanalima ma na kula aupuni o ka Pae Aina. 3 E hoopauia ke Kahukula Nui. 4 E hoopauia ka metala ma ka a-i o ka ilio. 5 E auhauia na bipi nui, a me na bipi keiki i hapalua dala pakahi. 6 E hoopau loaia ke " Kula hanalima me ka hopololei ma Keoneula," Kapalama, Oahu. 7 E hookaawaleia ka apana o Hilo Akau i Apana Hookolokolo okoa. 8 E hoohanaia na paahao i hoopaiia ma ka hana ma na hihia hewa, ma na alanui o ko lakou mau apana ponoi iho no. 9 E hoemi ia ka uku makahiki o ka Moi, na Kuhina, a me na Luna Aupuni e ae i mahuahua loa ka uku. 10 E hoololi i na pauku 20, 45, 65, o ke Kumukanawai. 11 E ae ia na kahuna lapaau Hawaii, e lapaau akea i ka poe mai, a e hoopau loa hoi i ke Kanawai e pili ana i ka Papa Ola. 12 E ae ia na koena aina aupuni e kuai, a e hoolimalima i na kanaka Hawaii ponoi e noho ana ma ua mau aina la. 13 E hana na kauwa i hoopaaia malalo o na Palapala Hoopaa malalo o ko lakou mau haku i elima la hana i ka pule. 14 E hoololi hou i ka pauka 1420, o ke Kanawai Kivila i hoololi mua ia i ka M. H. 1860, e pili ana no ka haalele hana. 15 E aeia kela kanaka keia kanaka e malama i lio kea nona ponoi iho. 16 E hoopau loa ia ke kanawai e hoemi ana i na ino i loaa ma ka hookamakama ana. 17 E hookaawaleia i $2,000 no ka palekai o Hilo, Hawaii. 18 Ina i hookaawaleia na mea i mareia, no ka loaa ana o kekahi o laua i ka mai pake, alaila, e hiki no i ka mea i loaa ole o laua i ka mai, ke hoopii e hooki i ko laua mare ana, aole nae e hiki iaia ke mare hou, aia a hala ka makahiki hookahi mai ko laua hookaawaleia ana, malia paha, o puka mai ka mai pake mailoko mai ona. 19 E ae aku i ke Kuikahi Panailike ke loaa kahi e pani ai i kela mau dala o ka dute o na waiwai komo mai, a ke ole hoi e kau hou mai na auhau maluna o na makaainana, a ina aole e hiki me keia mau mea, alaila, e hoole mau loa aku no, a e kiola aku ia Kuikahi Panailike iloko o ka pahu opala. O keia iho la kekahi mau Kumuhana i hooholoia ma ia mau halawai ana, a oiai hoi, no ko'u ano nawaliwali, nolaila, ua hapa na kumuhana i hooholoia mamua o ko'u haalele ana ia Hilo no Honolulu nei, aka, o ka mua ke ia o ka hoomakaia ana o keia hana ma ia apana. A ke manao nei au, aole no e like ole ana ka manao o na makaainana o Hilo, me ko na makaainana o kekahi mau apana ma na mea e pili ana i ka pono io maoli, a me ka pomaikai o keia lahui kanaka. Nolaila, e o'u mau haku makaainana mai ka lae aloha o Leleiwi, a hiki i Humuula, ke haawi aku nei au i ko'u aloha ia oukou, a ke noi haahaa aku nei au i ko oukou lokomaikai, e hui hou oukou, a e noonoo i ke koena o na hana, a mai paupauaho hoi. E hoomanao nae oukou, me ka pule nui aku i ke Akua, a malaila oukou e kupaa ai, " a haule mai na Lani." I loaa'i na kanawai maikai no ko kakou aina aloha, ke oioina hoi o na kamahele iwaena o keia moana Pakipika. O Hawaii kuu Home. Ano hoi, eia ke oki, e o'u mau hoa Lunamakaainana mai ka hikina a ka la i Kumukahi, a hiki i ka welo haaheo ana a ka la i ka ilikai o Kaieiewaho, he mea pono ia kakou e alu like e hooki e hoopau, a e kapae loa aku i na mei a pau e poino ai o Hawaii aloha. A eia ka manawa pono no kakou e hoihoi mai ai i ko kakou mau noonoo maikai ana, i nape malie iho no ia i ka houpo, nolaila, e ala ! A e hookele ia Hawaii iloko o ka lanakila. Owau iho no me ka oioio.
SAM. K. MAHOE.
Ka lua o na Lunamakaainana o Hilo. Kapalama, Honolulu, Aperila 4, 1876
MAKE.
Aper 1, 1876 Ma Kalawao, Molokai, make o Kawaha k no Kohala, Hawaii oia.
Aper 1 — Malaila no make o Molakia k, no Lahaina.
Aper 11 — Ma Kaumakapili, Honolulu, make o Gaberiela Nahukaua, he eha ma ka umauma a wahi ma ke kua kona mai i make ai.
EIA iloko o ka Pa Aupuni o Koholaloa Apana o Honolulu, l Lio k eleele kiko uuku keokeo ma ka lae, uha mua ak FB hem N/N uha mua hem N A B KAAUKUU Luna Pa Aupuni o Koholaloa, Aperila 14, 1876. 730 lt°
O KA AINA O POUHALA, ke Kula a me ke Kuauna o ka loko o POUHALA, ua kapu loa i na holoholona o na ano a pau, aole e hele maluna o na wahi a pau i hoikeia maluna. O ka mea kue i keia, na ko'u Hope no e hoopii ma ke Kanawai. Owau o WILLIAM HUNT a me Honuakaha ko'u Hope.
Aperila 4, 1876. 749 4t° 752
Hoolaha a ka Luna Hooponopono
Waiwai.
UA HOONOHOIA ma ka mea nona ka inoa malalo iho nei, e ka Mea Hanohano Abr. Fornander Lunakanawai Kaapuni Apana Elua H P A., i Lunahooponopono Waiwai no P. T AKAWA Pake (Amara) o Lahaina i make. Nolaila, o ka poe a pau i aie mai i ka mea i make, e hookaa koke mai ia'u, a me ka poe ana i aie aku ai, e hoike koke mai ia'u me na Bila kupono, iloko o na malama eono mai keia la aku, o hoole loa ia.
THOS. W EVERETT.
Lunahooponopono Waiwai o P T Akawa.
Lahaina. Mar 21, 1876. 748 4ts 751
OLELO HOOLAHA.
Papa ! Papa !
— NO —
ALLEN A ME ROBINSON.
Ua wehe ae nei maua i PA KUAI PAPA ! MA KA UWAPO O PAKAKA. Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale. Na Pepa Molina. Na Pena a me na Aila Pena ! NA KUI O NA ANO A PAU ! Na Pani Puka a me Na Pani Puka Aniani. Na Pani Puka a me Na Olepelepe. Na lako kukulu Hale. O NA ANO A PAU E kuaiia ma ke Kumukuai Haahaa Loa ! o keia Makeke. ALLEN & ROBINSON.
Honolulu, Aper 13, 1876. 750 ly
$5.00 MAKANA !
I KA MEA NANA e hoihoi mai i kuu Lio kane hulupala, i hemo mai Waipio, Ewa aku. I ka pule i hala aku. Hao kuni ma ka uha hope hema Ya he wahi kiko keokeo iki ma ka lae. E hoihoi ae ia'u ma Waipio, Ewa. JOHN T. BROWN. Waipio, Ewa, Aper 10, 1876. 750 2t° 731
E IKE auanei na kanaka a pau o kela a me keia ano, a me ka poe mea waiwai a poe mea dala hoaie, a palapala moraki. Owau o ka mea nona ka inoa i kakauia malalo, ke hoike nei ou ma ke akea, mai hoaie mai oukou i kuu kane mare ia Kaiakoili, me ko'u ae ole, a me ko'u kakau inoa ole ma ia mau palapala, a me ko'u hooiaio ole. O ka mea a mau mea hoi e kue ana i keia olelo, aohe ia e lilo ana he mana mai a'u aku, nolalia, e makaala, a e nana, o paho auanei oukou.
MARY KEAKA. Kepohoni, Honolulu, Aper 10, 1876. 750 4t° 753
No ka hihia o ka moku Alabama !
KE HOIKEIA aku nei ka lohe i na kanaka a pau, ina he mau koina ka lakou i ke Aupuni o Amerika Huipuia, no ka hihia a ka " Alabama" e laweia no na olelo ike no ia mea imua o ke Komisina ma Honolulu, ma na la e kohoia ai, a e ikeia no ma ka ninau ana i ke keena o ALFRED S. HARTWELL.
Loio a he Kokua.
Hale Oihana, maluna ae o ka Hale Kauka o Hapemana. Alanui Kalepa, Honolulu. 750 4ts 753
E IKE auanei na kanaka a pau o kela a me keia ano, o maua o na mea nona na inoa malalo iho nei, ke hookapu aku nei maua i na holoholona helehewa a pau loa, e hele ana maluna o ko maua aina kuai ma ALIKA, Kona Hema, Hawaii, oia hoi na Lio, Bipi, Hoki, Kekake, Hipa, Kao a pela aku. Nolaila, o ka poe kue a hookuli i keia olelo papa, e hookuu wale ana i ko lakou mau holoholona ma ko maua aina kuai i oleloia maluna, e uku ia no Hookahi Dala ($1.00) no ke poo hookahi, ke loaa i ko maua Luna oia o KAUWAHI ; a e lilo keia Hoolaha i Kanawai paa, mai ka la e puka aku ai ma ka Nupepa Kuokoa ; a ina o ka mea a mau mea paha e kue i kela Olelo Hoolaha, e hoopii no maua e like me ke Kanawai. MAKIA OLULO,
S. KEAWEIKALIKO, Alika. S. Kona, Hawaii. Aper 10, 1876 750 4ts 753
E IKE AUANEI NA MEA a pau ma keia, owau o ka mea nona ka inoa malalo iho, ke hookohu aku nei au ia KANEWAHINE, i Luna a i lawaia ma ke kai o KEEHI, Moanalua, Oahu, mai kela la 13 aku o Aperila, M H 1876 ; a ke hookohu pu ia aku nei ia NAEA ame KAPI, ma kahi o He'u a me Nika ma AHUA, Moanalua, malalo aku o Kanewahine. O ka poe helehewa e loaa ana i kuu mau Luna hou maluna ae a me Kahawaii kuu Luna mua o Keehi, e hooukuia no e like me kuu hoolaha mua, he $5.00. O ka poe e kue ana i keia, e hoopiiia no e like me ke Kanawai.
DAVID MANAKU. Moanalua, Aper 13, 1876. 750 2ts 751
HOOLAHA HOOKOLOKOLO.
AHA Kiekie o ko Hawaii Pae Aina. Ma ka hooponopono waiwai. Mokupuni o Oahu, ko Hawaii Pae Aina, SS. Ma ka waiwai o KENAO (k), o Honolulu i make. Olelo kauoha, e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 7 o Aperila, M H 1876, ua waihoia mai imua o ka Aha, kekahi palapala i oleloia, oia no ke kauoha hope loa a Kenao, o Honolulu i make aku la, a me ka palapala hoopii e noi ana, e hooiaioia kela palapaala kauoha, a e hoopuka hoi ka palapala Luna Hooko no Paahana, ua waihoia mai e Paahana.
Nolalia, ua kauohaia, o ka Poalua, oia ka la 2 o Mei, M. H. 1876, ma ka hora 10, ma ka rumi Hookolokolo oia Aha, ma Aliiolani Hale, ma Honolulu, oia ka la me ka hora e hooiaioia'i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ke Kuokoa, he nupepa i paiia a i hoolahaia ma Honolulu. A ua kauoha hou ia, e hoopuka ia na palapala kena i na hoike no ia palapala kauoha.
Kakauia ma Honolulu, ko Hawaii P A Aper 7, M H 1876. A. FRANCIS JUDD.
Ikea ; Lunakanawai o ka Aha Kiekie. Jno E Barnhard, Hope Kakauolelo. 750 3t 752
MA KE KEENA o ka Lunakanawai Kaapuni Apana Elua ko Hawaii Pae Aina. Ma ka waiwai o KAUHI (w,) no Lahaina, Maui i make.
Ua heluheluia a ua waihoia ka palapala noi a Kalua w, e noi ana, e hooiaioia ka palapala kauoha hope loa a Kauhi (w), no Lahaina, Maui, HPA i make aku nei. Nolaila ke kauohaia aku nei na kanaka a pau ke pili, o ka Poakolu, oia ka la 10 o Mei 1876, ma ka hora 10 o kakahiaka, ma ka Hale Hookolokolo ma Lahaina, oia ka la a me ka hora i kohoia no ka hoolohe ana mai i ua nonoi la a me na mea kue ke hoikeia. ABR. FORNANDER,
Lunakanawai Kaapuni Apana Elua. H P A Lahaina, Aper 10, 1876. 730 3ts 752
AHA HOOKOLOKOLO KIEKIE ma ke Keena — Ma ka hihia Banakarupe o F. R. PADEKEN, oia o E. ASEGUT mamua. Ke hoikeia aku nei ka lono i ka poe a pau ana i aie aku ai, a i aeia ka lakou mau koina, a he mana koho ko kakou, e kohoia ana ma ka balota i Lunahooponopono aie no kela waiwai Banakarupe, iloko o ke Keena Kakauolelo o ka Aha Kiekie, mawaena o ka hora 10 A. M. a hiki i ke awakea o ka Poaono, la 15 o Aperila, A D 1874, ma Aliiolani Hale. WALTER R. SEAL.
743 3ts 750 Kakauolelo Aha Kiekie.
MA ke Keena o ka Lunakanawai Kaapuni Apana ELUA KO HAWAII Pae Aina. Ma ka waiwai o KAHILI (w) a me LU (K), No Waialua, Molokai i make.
Ua heluheluia a ua waihoia ka palapala noi a Maluhia w, e noi ana, e hoonohoia o D W Kaiue Esq., i Lunahooponopono no ka waiwai o Kahili w, a me Lu (k) no Waialua Molokai i make. Nolaila ke kauoha ia aku nei na kanaka a pau ke pili, o ka Poaha, oia ka la 20 o Aperila 1876, i ka hora 9 o kakahika, ma ka Hale Hookolokolo ma Pukoo, Molokai, oia ka la a me kahi i koho ia no ka hoolohe ana i ua noi la a me na mea kue ke hoikeia.
ABR. FORNANDER.
Lunakanawai Kaapuni Apana Elua.
Lahaina, Maraki 17, 1876. 748 3ts 730
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o PAHOEHOE k, a me NAONEA 2 (k) no Waialua, Molokai i make.
Ua heluheluia a ua waihoia ka palapala noi a Kamai k, e noi ana e hooponoponoia a e hooholoia ka waiwai o Pahoehoe k. a me Naonea 2 k, no Waialua, Molokai i make i na hooilina o na mea i make. Nolalia, ke kauohaia aku nei na kanaka a pau ke pili, o ka Poaha, oia ka la 20 o Aperila, 1876, ma ka hora 10 o kakahiaka, ma ka Hale Hookolokolo ma Pukoo, Molokai, oia ka la a me kahi i kohoia no ka hoolohe ana mai i na noi la a me na mea kue ke hoikeia.
ABR. FORNANDER.
Lunakanawai Kaapuni Apana Elua.
Lahaina, Mar. 17, 1876. 748 3ts 730
OLELO HOOLAHA.
UA HOONOHOIA mai ka mea nona ka inoa malalo iho nei, e ka Mea Hanohano F S Lyman, Lunakanawai Kaapuni Apana Ekolu ma Hilo H P A., i Lunahooponopono Waiwai o JOHN M POHANO (k), o Piihonua, Hilo i make aku nei. Nolaila, o ka poe a pau i aie mai i ka mea i make, e hookaa koke mai ia'u, a o ka poe a pau a ka mea make i aie aku ai, e hoike koke mai ia'u me na Bila kupono, maloko o na mahina eono mai kela la aku e hoolahaia aku nei, a i ole, e hoole loa ia aku no. A ina he mau waiwai ko ka mea i make e paa ia ana e kekahi mea, e pono e hoihoi koke ia mai ia'u.
G. W. AKAO HAPAI,
Lunahooponopono Waiwai o John M Pohano,
Hilo. Mar 22, 1876. 748 4ts 751
OIAI, ua hookohuia mai ka mea nona ka inoa malalo, i Lunahooponopono Waiwai me ka Palapala Hooilina e pili ana no ka waiwai o MATHILDA ECKART, i make mai nei ma Kapalakiko, Kaliponia, Amerika Huipuia, a he kamaaina hoi no Honolulu, ko Hawaii Pae Aina mamua, a i kohoia hoi i Lunahooponopono Waiwai no CHRISTIAN ECKART i make mua, ma ke koho ana o ka Aha Kiekie ma ke Keena : nolaila, ke kauoha aku nei au i ka poe a pau a Mathilda Eckart aie aku ai, e hoike mai i ka lakou mau koina, me na hooiaio kupono ina he aie kekahi, a e hui pu hoi i na koina, ina paha ua hoopaaia he mau aina ma na moraki ia'u ma ke Keena hana ma ka Hale o C BREWER ma, i Honolulu, iloko o eono malama.
P. C. JONES, Jr
Lunahooponopono Waiwai.
Honolulu, Mar 28, 1876. 748 4ts 751
MA KA WAIWAI o G S KAPUA i make, ke hoolahaia aku nei, o na poe a pau he mau koina ko lakou i ka waiwai o G S Kapua, ke kauohaia nei, e hoike mai i ko lakou mau bila aie kupono, maloko o na malama ekolu, mai ka la aku e puka ai kela olelo hoolaha, o hoonele loa Ia lakou, o na poe a pau i aie mai i ka mea i make e hookaa koke mai i na mea nona na inoa malalo iho. J B PILIWALE k, ame KAILIANU w. NA Lunahooko Kauoha o ka palapala hooilina o Kapua.
Kawainui, Hilo, Mar 13, 1876. 748 4ts 751
MA KA WAIWAI O KEEKAPU (w), o Honolulu i make, ke hoikeia aku nei ka lohe i na kanaka a pau loa, ina paha ua hoopaaia ma ka moraki a ano e ae paha, he mau koina ka lakou i ka waiwai o Kaekapu, a i ole ina he noi mai paha i kekahi waiwai o Keekapu, e hoike mai lakou me na hooiaio kupono, i ka mea nona ka inoa malalo iho, Helu 8, Alanui Kaahumanu, Honolulu, iloko o na malama eono mai keia la aku o ka puka ana o keia hoolaha, a i ole ia, e hoole loa ia ; a o ka poe i aie mai iaia, ke kauohaia aku nei e hookaa koke mal i ka mea nona ka inoa malalo iho. D W PAUAHI, Lunahooko Kauoha a me ka hooilina o Keekapu i make.
Honolulu. Mar 28, 1876. 748 4ts 751
E KIPA MAI E KE ALOHA.
I NA MAKAMAKA A PAU O KA UA Kukalahale, ke waiho aku nei au iluna o oukou, he olelo poloai, e pili ana i na Lole Nu Hou e waiho nei ma ko'u Hale KUAI, ma ka aoao ma Ewa o ka Hale Borabora, ma ke Alanui Nuuanu. A penei na ano : Na Kalakoa hou loa o kela a me keia ano. Alapia o kela a me keia ano. Kihei huluhulu papamu alokahi o na wai hooluu like ole he lehulehu. Kihei huluhulu pukapuka, me ka huhui mahope o na ano he nui wale. Kihei huluhulu nanahe a me na kihei huluhulu he huihui ke kae a puni, e hoohiolo na wainaoa i ke kehau. Papale wahine pinana o ka aoao, a luhe hoi kekahi ilalo o kela a me keia ano. Na hulu a me na pae papale he nui wale. Leta 4 Silika loloa o na Lede o na ano like ole. Mamalu Silika liilii a me ke nui. Kamaa wahine nihoniho o ka aoao. Iliwai huluhulu manoanoa o na ano he nui wale. Holoku Lilina keokeo, kakau a papamu he nui wale. Na Lole Kane. Kuka Kainahai manoanoa a lahilahi. Na Koheo huluhulu paina manoanoa a lahilahi, a me na koheo Lilina. Lole wawae huluhulu paikini hou a me na ano e ae he lehulehu. Na apa huluhulu paina a kakimea hoi. Na palule o kela a me keia ano. Na Papale o na ano a pau. Na Kamaa buki a me haahaa o na ano he nui wale. Na Pahulole koa a ili hoi. NA paiki ili. Na mea kamano, e lawa ai ka makemake o na kamana. Aole o keia mau mea wale no na mea hou, aka, e hiki hou mai ana no. A o ke kumukuai o keia mau mea i haiia ae la maluna, he haahaa loa no. A i mea e ike io ai, e hele mai no. Me ka mahalo. GOO KIMA.
Honolulu, Mar 13, 1876 746 6m 799
E IKE na ano kanaka a pau loa. Ke hookapu loa ia'ku nei na mea holoholona, lio, bipi, miula, hoki, kao, puaa, moa, pelehu, kaka &c., aole e hele wale, aole hoi e ikeia maluna o keia mau " Kuleana Aina" o makou malalo iho. Waihi, Lokoeli, Kieilole, Kamolokala, Amakeahi, Kalaekea. Na kuleana ma Hoaeae, Ewa, Oahu, o Mahuna, Kinawamakawalu, Kaluamoo, Kalokoloa, ma Honouliuli, Ewa, Oahu. Ma Halawa, a me ke kahuahale ma Kapapapuhi, o Kekee, Kamalua, Kamoku, Kamaikeaho, Loloulu a me ke kahuahale ma Kapapapuhi o Hulumua, ma Honouliuli, o ka uku hoopai no ka holoholona hookahi, he $1.00. A ina e kue lakou i keia mau olelo i hoikeia ae la, na ka makou luna o Hoopii, nana e hopu a hoopaa ma kahi paa, ke ole e ukuia mai iaia. E lilo keia mau mea i hoikeia ae la maluna i olelo paa, e like me ke Kanawai, mai kela la aku e puka ai. O makou iho, KUKAHIKO (k)., KAHALEPAAKAI (w) 747 4t° 750 MALIA (w).
E IKE no na kanaka a pau ma ka maua i loaa ia'u ma kekahi palapala moraki, i haawi ia e J KAUHI no Honolulu Oahu ia Henry Damon, a lilo ia S. Allen ma ka la l o Novemaba, M. H. 1875, no na dala he haneri a oi, a me ka uku hoopanee. E kuai kudala ia ana ua aina la ke pau na pule ekolu o keia hoolaha ana e like me ke kanawai o ka makahiki 1874. J. PORTER GREEN. Loio no S. Allen.
Honolulu, Maraki 30, 1876. 3ts
E IKE auanei na kanaka o kela a me keia ano, haole, pake, pukiki, kanaka maoli, o ka Apana Aina kula o Kamaka k, e waiho nei ma Moanalua, ua lilo ia'u ma ka hoolimalima ana, mai ka la 1 o Aperila nei ka hoomaka ana. Nolaila, ke papa ia aku nei na holoholona a pau loa, aole e komo maluna o ua apana aina la, lio, bipi, hoki, puaa me na ano like, kapu loa, ina komo hewa. Hookahi Dala no ke poo, ina pau ka mea kanu, elima dala, nolaila, e malama pono oukou i ko oukou mau holoholona a pau, oiai owau wale no ka mea mana a me ko'u hope, nolaila e hoolohe oukou, o ka olelo hoolaha mua a Kamaka, ua pau kona mana, nolaila, e lilo keia i kanawai paa loa mai keia la aku. APO (Pake). Honolulu, Aper 1, 1876. 749 4t° 752
Eia ka inoa o na Buke Himeni Hou ma ka
Hale kuai Buke o Wini.
Songs of Salvation
The River of Life
Sun Shine
Cheerful Voices
Pure Gold
Sparkling Rubies
Golden Robin
Nine O'clock in the Morning
Bright Jewels
New Golden Center
The Morning Star
Sabbath Carols
The Bank of the Rhine
Royal Diadem
Hallowed Songs
Song Monarch
Gospel Song.
Golden Wreath.
Happy Voices.
New Songs.
Tempel Choir.
Fresh Laurels.
Charm,
Merry Voices.
Song of Life.
H. M. WINI.
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi Aper 24..............................................Kaapuni ia Hawaii
Poakahi, Mei 1...............................................................No Hilo
Poakahi Mei 8..................................................Kaapuni ia Hawaii
Poaha, Mei 18..................................................Kaapuni ia Kauai
Poakahi, Mei 22...............................................Kaapuni ia Hawaii
Poakahi, Mei 29...............................................................No Hilo
Poakahi, Iune 5.................................................Kaapuni ia Hawaii
Poakahi, Iune 12...............................................................No Hilo
Poakahi, Iune 19...............................................Kaapuni ia Hawaii
Poakolu, Iune 28...............................................Kaapuni ia Kauai
I ka huakai hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono.
Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Makena a hiki i ka hora 6 a. m. a mahope iho paha ; aole hoi ia Maalaea a hiki i ka hora 6 a.m., a mahope iho paha.
Uku Eemoku mai Honolulu aku,
A hiki i Kaunakakai, a pela maluna mai...........$ 5.00
" Lahaina, " " ................................................... 6.00
" Maalaea, " " .................................................. 7.00
" Makena, " " .................................................. 8.00
" Mahukona, " " ............................................. 10.00
" Kawaihae, " " .............................................. 10.00
" Kailua, " " .................................................... 10.00
" Kaawaloa, " " .............................................. 10.00
" Hilo, " " ....................................................... 12.50
" Kau, " " ....................................................... 13.50
Uku kaapuni ia Hawaii, ................................... 22.00
A hiki i na awa o Kauai ..................................... 8.00
Uku kaapuni ia Kauai ...................................... 12.00
Uku ohua Hawaii oneki ..................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
E hoaoia ana ka Mokuahi e hiki i Honolulu, ma ke ahiahi no o ka la e haalele ai ia Maui.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 693 3m
OLELO HOOLAHA.
HALE * KUAI
WAIHUIHUI
— MA —
WAIALUA.
AIA MALALO IHO O NA EHEU oluolu o ka HALE KUAI WAIHUIHUI, o ke keiki puuwai wai-pahe, Mr. Ahuna, o ka Aina PUA, na wehi a pau a ka manao e moeuhane mau ai, oia hoi Na Kalakoa nani, Na Ulalii. Na Alapia, Na Keokeo, Na Iliwai Na Paina, Na Bolu, Na Makue, Na Ahinahina Pelekane, Na Ahinahina-hapa, Na lepo-nalo, NA Lainakini anee hale a hele kahakai. Na lole kane paa o kela a me keia ano, Na Papale kane a me na Papale wahine, Na Wai Lukini o kela a me keia ano, Na Kamaa kane, Kamaa wahine, Na Ipukukui mahu, NA Ipukukui hele po, Na Ipukukui Piula, Na Ipuhao nui, Ipuhao liilii, Na Bora a me na Pa, Na Pahi me na O. Na Hainaka Silika, Na Hainaka Kalakoa, Na Hainaka Keokeo, Na Hainaka Ulaula, Na Hainaka Lenalena, Na Kihei Huluhulu, Na Kihei moe, Na malo lawaia, Na Aniani, Na Kahi Lauoho. NA Kaula Lio, Na Lipine o kela a me keia ano, Na mea ai haole, Na i-a Makale Eia iho ka Ono, O ke Kamano io ula o Keomolewa, aohe poo, aohe hiu, o waena konu kuhinia wale no e ko'u ai ka puu. Me ka Mahalo. AHUNA.
Ehukai Maikai. Mar 1, 1876. 745 3m 756
Lole Makepono ke Kuike !
E LOAA NO IA MA KAHI O KAKELA ME KUKE, E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua. Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi. A he Agena no hoi no na Mokupuni o Hawaii nei no na LAINAKINI-NAO, LAINAKINI-MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku.
707 ly 759